زَكَرِيَّا 2
2
رُعُيَ تَ عُكُ: مُتُمِنْ دَ يَكٜىٰدَ إِغِيَرْ أَوُاْ
1سَعَدَّ نَطَغَ عِدَنُونَ، نَدُوبَ سَيْ نَغَ وَنِ مُتُمْ يَنَ رِڧٜىٰ دَ إِغِيَرْ أَوُاْ؞ 2سَيْ نَثٜىٰمَسَ «إِنَا نٜىٰ ذَاكَ؟»
سَيْ يَأَمْسَ مِنِ يَثٜىٰ «ذَنْ جٜىٰ إِنْ عَوْنَ عُرُوشَلِيمَ، دُواْمِنْ إِنْغَا كُواْ مٜىٰنٜىٰنٜىٰ ڢَاطِنْتَ دَ ڟَوُانْتَ؞»
3سَيْغَاشِ مَلاَىِٕكَنْ دَ يَيِ مَغَنَ دَنِے يَڢِتَ؞ وَنِ مَلاَىِٕكَنْ كُمَ يَنَ ذُوَا دُواْمِنْ يَسَدُ دَشِ؞ 4سَيْ مَلاَىِٕكَنْ يَثٜىٰ وَمَلاَىِٕكَنْ دَ نَكٜىٰ تَرٜىٰ دَشِ «يِغُدُ كَيِ مَغَنَ دَ سَوْرَيِنْ ثَنْ، كَثٜىٰ مَسَ، ‹ذَاعَ ثِكَ عُرُوشَلِيمَ مَڧِلْ! حَرْ ذَاعَ كَاسَ غِنَا كَتَنْغَرْ بِرْنِ سَبُواْدَ يَوَنْ مُتَنٜىٰ دَ يَوَنْ دَبُّواْبِنْ غِدَا وَطَنْدَ سُكٜىٰ عَثِكِ؞ 5غَمَا إِنْجِ يَهْوٜىٰهْ، ذَنْ ذَمَ كَتَنْغَرْ وُتَا كٜىٰوَيٜىٰ دَ عِتَ، كُمَ ذَنْيِ ذَمَنَ أَڟَكِيَرْ بِرْنِنْ دَ دُكَنْ طَوْكَكَتَ؞› »
أَنْكِرَا مَاسُ ذَمَنْ بَوْتَا سُكُواْمُواْ غِدَا
6 يَهْوٜىٰهْ يَا يِشٜىٰلَ ثٜىٰوَ
«كُڢِتُواْ! كُڢِتُواْ!
كُغُدُ دَغَ ڧَسَاشٜىٰنْ أَرٜىٰوَ!
غَمَا نَا وَرْوَڟَكُ كُواْعِنَ
عَ إِسْكُواْكِ حُطُ نَڢُسْكُواْكِ حُطُ نَسَمَ؞
7ڢِتُواْ، يَا كُو مُتَنٜىٰنْ سِهِيُواْنَ!
كُغُدُ، كُو دَ كُكٜىٰ عَبِرْنِنْ بَابِيلَ!»
8«غَمَا،» إِنْجِ يَهْوٜىٰهْ مَيْ ضُنْدُنَا،
شِ مَيْ طَوْكَكَ نٜىٰ وَنْدَ يَعَيْكٜىٰنِ،
«غَا سَڧُواْنَ ذُوَاغَ أَلْعُمَّيْ،
وَطَنْدَ سُكَ ڨُوثٜىٰ كَايَنْكُ؞
‹دُكْ وَنْدَ يَتَٻَ مُتَنٜىٰنَ
يَتَٻَ ڨُويَرْ عِدُواْنَنٜىٰ؞
9بَاشَكَّ ذَنْ تَادَ هَنُّونَ إِنْ رُشٜىٰكُ!
بَايِنْكُ ذَاسُ ڨُوثٜىٰ كَايَنْكُ؞›
تَهَكَنٜىٰ ذَاكُ سَنِ ثٜىٰوَ
يَهْوٜىٰهْ مَيْ ضُنْدُنَا نٜىٰ يَعَيْكٜىٰنِ؞»
10 يَهْوٜىٰهْ يَا يِشٜىٰلَ ثٜىٰوَ
«كِيِ وَاڧَا دَ ڢَضٍ ثِكِ،
يَا كٜىٰ ذُوثِيَاتَ عُرُوشَلِيمَ!
غَمَا إِنَانَنْ ذُوَا إِنْ ذَوْنَ أَڟَكِيَرْكِ،»
إِنْجِ يَهْوٜىٰهْ؞
11«أَ رَانَرْ نَنْ أَلْعُمَّيْ دَيَوَ
ذَاسُذُواْ وُرِينَ،
ذَاسُ كُوَ ذَمَ مُتَنٜىٰنَ؞
نِے يَهْوٜىٰهْ ذَنْ ذَوْنَ أَڟَكِيَرْكُ؞
تَهَكَنٜىٰ ذَاكُ سَنِ ثٜىٰوَ
يَهْوٜىٰهْ مَيْ ضُنْدُنَا نٜىٰ يَعَيْكٜىٰنِ غَرٜىٰكُ؞
12 يَهْوٜىٰهْ ذَيْ مَلَّكِ يَهُودَ،
مُتَنٜىٰنْ غَادُوانْسَ عَڧَسَا مَيْ ڟَرْكِے،
ذَيْسَاكٜىٰ ذَاٻٜىٰنْ بِرْنِنْ عُرُوشَلِيمَ
تَذَمَ وُرِنْ ذَمَنْسَ؞
13كُيِ شِضُ أَغَبَنْ يَهْوٜىٰهْ،
يَا كُو دُكَنْ حَلِتُّو!
غَمَا يَنَ تَاسُواْوَ
دَغَ وُرِنْ ذَمَنْسَ مَيْ ڟَرْكِے!»
Currently Selected:
زَكَرِيَّا 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
