زَكَرِيَّا 1
1
يَهْوٜىٰهْ يَكِرَا مُتَنٜىٰنْسَ سُجُويُواْ غَرٜىٰشِ
﴿شٜىٰكَرَا 520 كَاڢِنْ حَيْڢُوَرْ عِيسَىٰ﴾
1أَوَتَ نَتَݣُوسْ عَثِكِنْ شٜىٰكَرَا تَبِيُ تَمُلْكٍ سَرْكِے دَرِيُسْ، أَنَّبِے زَكَرِيَّا طَنْ بٜىٰرٜىٰكِيَ، جِيكَنْ إِدُّواْ، يَڢَطِ مَغَنَرْ دَ يَهْوٜىٰهْ يَغَيَ مَسَ؞ غَا مَغَنَرْ،#عُزَيْرُ 4.24—5.1؛ 6.14 2«نِے يَهْوٜىٰهْ نَيِ ڢُشِے سُواْسَيْ دَ كَاكَنِّنْكُ؞ 3سَبُواْدَ حَكَ، كَثٜىٰ وَمُتَنٜىٰنْكَ ثٜىٰوَ إِنْجِ يَهْوٜىٰهْ مَيْ ضُنْدُنَا، ‹كُجُويُواْ غَرٜىٰنِ، نِے كُمَ ذَنْ جُويَا غَرٜىٰكُ؞ نِے يَهْوٜىٰهْ مَيْ ضُنْدُنَا نَا ڢَطَا؞› 4كَدَ كُذَمَ كَمَرْ كَاكَنِّنْكُ وَطَنْدَ أَنَّبَاوَا نَدَا سُكَيِ مُسُ وَعَظِ سُنَ ثٜىٰوَ ‹إِنْجِ يَهْوٜىٰهْ مَيْ ضُنْدُنَا، كُجُويُواْ كُبَرْ بِنْ مُوغَيٜىٰنْ هَنْيُواْيِنْكُ دَ مُوغَيٜىٰنْ أَيُّكَنْكُ؞› عَمَّا بَسُجِبَ، بَلّٜىٰ سُأَيْكَتَ؞
5«تُواْ، يَنْذُ إِنَا كَاكَنِّنْكُ سُكٜىٰ؟ أَنَّبَاوَنْ ڢَا، إِنَا سُكٜىٰ؟ سُنْ رَايُ حَرْ أَبَدَا نٜىٰ؟ 6عَمَّا مَغَنَاتَ دَ ڧَٰعِدُواْدِنَ وَطَنْدَ نَعُمَرْثِ بَايِنَ أَنَّبَاوَا، أَيْ، سُنْثِكَ عَكَنْ كَاكَنِّنْكُ؞ سَبُواْدَ حَكَ سُكَ جُويُواْ ثِكِنْ تُوبَ سُكَثٜىٰ، ‹دَيْدَيْ كَمَرْ يَدَّ يَهْوٜىٰهْ مَيْ ضُنْدُنَا يَيِ نِيَّ يَيِ دَمُو بِسَغَ هَنْيُواْيِنْ تَڢِيَرْمُ دَ أَيُّكَنْمُ، حَكَ كُوَ يَثِكَ أَبِنْدَ يَثٜىٰ ذَيْ يِدَمُو؞› »
رُعُيَ تَڢَرْكُواْ: دَوَكِ
7أَ رَانَ تَعَشِرِنْ دَ حُطُ غَ وَتَنْ غُواْمَشَا طَيَ، وَتُواْ وَتَنْ شٜىٰبَتْ، أَ شٜىٰكَرَا تَبِيُ تَمُلْكٍ سَرْكِے دَرِيُسْ نَڧَسَرْ ڢَٰشِيَ، يَهْوٜىٰهْ يَايِ مَغَنَ دَ أَنَّبِے زَكَرِيَّا طَنْ بٜىٰرٜىٰكِيَ جِيكَنْ إِدُّواْ؞ غَا مَغَنَرْ دَ زَكَرِيَّا يَڢَطَا؞ 8دَ دَرٜىٰ نَغَ وَنِ مُتُمْ يَنَ كَنْ جَنْ دُواْكِ، يَنَ ڟَيٜىٰ عَثِكِنْ عِتَتُوَنْ مُرْتِلْ عَڧَرَمِنْ ݣُورِ؞ عَبَايَنْسَ كُوَ أَݣَويْ دَوَكِ مَاسُ كَلَرْ جَا دَ تَضُوً ڧَسَا دَ ڢَرِ، كُواْوَنّٜىٰ دُواْكِ دَ مَيْ هَوَنْسَ؞#رُعُيَ 6.2-8 9سَيْ نَثٜىٰ «رَنْكَيَدَطٜىٰ! مٜىٰنٜىٰنٜىٰ مَعَنَرْ وَطَنَّنْ؟»
مَلاَىِٕكَنْ دَ يَيِ مَغَنَ دَنِے يَثٜىٰمِنِ «ذَنْ نُونَ مَكَ مَعَنَرْسُ؞»
10سَيْ مُتُمِنْ دَيَكٜىٰ ڟَيٜىٰ عَثِكِنْ عِتَتُوَنْ مُرْتِلْ يَأَمْسَ يَثٜىٰ «وَطَنَّنْ سُونٜىٰ يَهْوٜىٰهْ يَعَيْكَ سُيِ تَكَيْوَ دَ كَٰوُاْوَ سُنَيِنْ سِنْتِرِ عَكُواْعِنَ ثِكِنْ دُونِيَا؞»
11سَيْ سُكَ أَمْسَ وَمَلاَىِٕكَنْ يَهْوٜىٰهْ وَنْدَ يَكٜىٰ ڟَيٜىٰ ڟَكَانِنْ عِتَتُوَنْ مُرْتِلْ، سُكَثٜىٰ «مُنْيِ تَكَيْوَ دَ كَٰوُاْوَ مُنَ يِنْ سِنْتِرِ كُواْعِنَ عَثِكِنْ دُونِيَا، مُنْ كُوَ تَرَرْ دَ دُونِيَا تَنَ ݣُونْثِيَ شِضُ؞»#1.11 ݣُونْثِيَ شِضُ: وَطَنْسُ جُويِ سُنَدَ «دُونِيَا تَنَ ذَمَنْ لَاڢِيَ» نٜىٰ أَنَنْ؞ وَنَّنْ ذَمَنْ شِضُ يَكَسَنْثٜىٰ سَبُواْدَ دَنِّيَرْ دَ دُونِيَا تَكٜىٰ ثِكِ عَڧَرْڧَشِنْ بَبَّنْ سَرْكِے نَلُواْكَثِنْ؞
12سَعَنً مَلاَىِٕكَنْ يَهْوٜىٰهْ يَثٜىٰ «يَا يَهْوٜىٰهْ مَيْ ضُنْدُنَا، حَرْ يَوْشٜىٰ ذَاكَ دَيْنَ نُونَ جِنْڧَيْ غَ عُرُوشَلِيمَ دَ غَرُضُوً يَهُودَ؟ كَيِ تَجِنْ ڢُشِے دَسُو حَرْ شٜىٰكَرَا سَبَعِنْ! يَوْشٜىٰ ذَاكَ دَيْنَ؟»
يَهْوٜىٰهْ ذَيْ تَعَظَنْتَرْ دَ سِهِيُواْنَ
13 يَهْوٜىٰهْ كُوَ يَيِ وَمَلاَىِٕكَنْ دَيَكٜىٰ مَغَنَ دَنِے كَلْمُواْمِنْ أَلْحٜىٰرِ دَ نَتَعَظِيَّ؞
14سَيْ مَلاَىِٕكَنْ دَ يَيِ مَغَنَ دَنِے يَثٜىٰ مِنِ «كَيِ شٜىٰلَ ثٜىٰوَ ‹إِنْجِ يَهْوٜىٰهْ مَيْ ضُنْدُنَا، إِنَدَ ثِكَكِّيَرْ ڧَوْنَ عَكَنْ عُرُوشَلِيمَ دَ سِهِيُواْنَ؞ 15إِنَ كُمَ ڢُشِے سُواْسَيْ دَ سَوْرَنْ أَلْعُمَّنْ دَسُكٜىٰ ذَمَنْ لَاڢِيَ؞ غَمَا سَعَدَّ نَيِ طَنْ ڢُشِے دَ جَمَعَتَ، سَيْ أَلْعُمَّنْدَ نَيِ أَمْڢَانِ دَسُو سُكَڧَارَ وَمُتَنٜىٰنَ وَهَلَ ڢِيٜىٰدَ يَدَّ نَسُواْ؞
16« ‹سَبُواْدَ حَكَ، إِنْجِ يَهْوٜىٰهْ، نَكُواْمَوَ عُرُوشَلِيمَ إِنْ نُونَ مَتَ جِنْڧَيْ؞ ذَاعَ سَاكٜىٰ غِنَا غِدَانَ عَثِكِنْتَ؞ مَاسُ غِنِ كُوَ ذَاسُيِ عَوْنٜىٰ عَوْنٜىٰ نَسَاكٜىٰ غِنَا عُرُوشَلِيمَ؞› 17كَكُمَيِ شٜىٰلَ كَثٜىٰ، ‹إِنْجِ يَهْوٜىٰهْ مَيْ ضُنْدُنَا، بِرَنٜىٰنَ ذَاسُ سَاكٜىٰ يَطُوَ ثِكِنْ أَرْزِڧِ؞ نِے يَهْوٜىٰهْ كُوَ ذَنْ سَاكٜىٰ تَعَظَنْتَرْدَ سِهِيُواْنَ، إِنْكُمَ سَاكٜىٰ ذَاٻٜىٰنْ عُرُوشَلِيمَ تَذَمَ بِرْنِنَ؞› »
رُعُيَ تَبِيُ: ڧَهُواْنِ دَ مَڧٜىٰرَ حُطُ
18دَ نَطَغَ عِدَنُونَ نَدُوبَ، سَيْنَاغَ ڧَهُواْنِ حُطُ؞ 19سَيْ نَثٜىٰ وَمَلاَىِٕكَنْ دَ يَيِ مَغَنَ دَنِے «مٜىٰنٜىٰنٜىٰ مَعَنَرْ وَطَنَّنْ؟»
سَيْيَأَمْسَ يَثٜىٰ «وَطَنَّنْ ڧَهُواْنِ سُونٜىٰ عَلَمَرْ إِيكُواْكِنْ أَلْعُمَّنْ دَ سُكَ وَرْوَاڟَرْدَ يَهُودَ دَ إِسْرَٰٓءِيلَ دَ عُرُوشَلِيمَ؞»
20سَعَنً يَهْوٜىٰهْ يَنُونَ مِنِ مَڧٜىٰرَ حُطُ؞ 21سَيْ نَثٜىٰ «مٜىٰنٜىٰنٜىٰ مُتَنٜىٰ حُطُنَّنْ سُكٜىٰ ذُوَايِ؟»
سَيْ يَهْوٜىٰهْ يَثٜىٰ «وَطَنَّنْ ڧَهُواْنِ سُونٜىٰ أَلْعُمَّنْ دَ سُكَ وَرْوَاڟَرْدَ يَهُودَ حَرْ مُتُمْ بَايَ عِيَ طَغَ كَنْسَ؞ عَمَّا وَطَنَّنْ مَڧٜىٰرَ حُطُ سُنْ ذُواْ دُواْمِنْ سُڟُواْرَتَرْ دَ أَلْعُمَّنْ، سُكَرْيَ ڧَهُواْنِنْ أَلْعُمَّنْ دُونِيَا وَطَنْدَ سُكَ طَغَ ڧَهُواْنِنْسُ سُنَ غَابَادَ ڧَسَرْ يَهُودَ؞»
Currently Selected:
زَكَرِيَّا 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
