زَكَرِيَّا 10
10
يَهْوٜىٰهْ ذَيْ سَابُنْتَا يَهُودَ دَ إِسْرَٰٓءِيلَ
1كُضُواْڧِ ضُوً سَمَ دَغَ يَهْوٜىٰهْ
أَ لُواْكَثِنْ دَامِنَ،
دَغَ يَهْوٜىٰهْ وَنْدَ يَكٜىٰيِنْ غِرْغِجٜىٰنْ ضُوَ،
وَنْدَ يَكٜىٰ بَادَ ضُوً سَمَ غَ مُتَنٜىٰ،
دَ كُمَ ڟِرٜىٰ ڟِرٜىٰ غَ كُواْوَنٜىٰ مُتُمْ؞
2مُتَنٜىٰ سُنَ بِنْ غُمَكَ
مَاسُ مَغَنْغَنُنْ بَنْظَ،
سُنَ تَمْبَيَرْ بُواْكَيٜىٰ
مَاسُ غَنِنْ رُعُيُواْيِنْ ڧَضْيَا،
سُنَ بِنْ مَاسُ دُوبَا
مَاسُ مَڢَرْكَنْ ڧَضْيَا؞
دُواْمِنْ حَكَ مُتَنٜىٰ سُنَ يَٰوُاْ بَرْكَتَيْ
كَمَرْ أَوَكِ،
سُنَ شَنْ وَهَلَ
سَبُواْدَ بَ مَكِيَايِنْسُ؞
3ڢُشِنَ يَنَ ڧُونَ عَكَنْ مَكِيَايَنْ،
ذَنْ كُوَ حُكُنْتَ شُوغَبَنِّنْ؞
أَيْ، نِے يَهْوٜىٰهْ مَيْ ضُنْدُنَا
نَظِيَرْثِ جَمَعَتَ،
نَظِيَرْثِ غِدَنْ يَهُودَ؞
ذَنْ مَيْدَ غَرْكٜىٰنْ تُمَكِينَ
دَوَكِنْ يَاڧِنَ مَاسُ ڧَرْڢِے؞
4دَغَ ثِكِنْ مُتَنٜىٰنْ يَهُودَ،
ذَاعَ سَامِ دُوڟٜىٰنَّنْ مَڢِے أَمْڢَانِ أَغِنِ،
ذَاعَ سَامِ ڧُوسَرْ كَڢَ تٜىٰنْتِ؞
دَغَ ثِكِنْسُ
ذَاعَ سَامِ بَكَنْ يَاڧِ،
ذَاعَ سَامِ كُواْوَنٜىٰ شُوغَبَنْ يَاڧِ؞
5مُتَنٜىٰنْ يَهُودَ
ذَاسُ ذَمَ كَمَرْ مَاسُ عِيَ يَاڧِ
ذَاسُ تَتَّاكَ أَبُواْكَنْ غَابَنْسُ عَتَٻُوانْ تِيتُنَ؞
ذَاسُ كُوَيِ يَاڧِ
غَمَا نِے يَهْوٜىٰهْ إِنَ تَرٜىٰدَسُو؞
ذَاسُ كُنْيَتَرْدَ سُواْجُواْجِ مَاسُ هَوَنْ دَوَكِ؞
6ذَنْ ڧَرْڢَڢَ غِدَنْ يَهُودَ،
إِنْكُمَ ثٜىٰثِ غِدَنْ يُوسُڢَ؞
ذَنْ دَاوُاْ دَسُو
سَبُواْدَ إِنَ جِنْ تَوْسَيِنْسُ؞
ذَاسُ كَسَنْثٜىٰ كَمَرْ بَنْ تَٻَ كَوَرْ دَسُوبَ؞
غَمَا نِنٜىٰ يَهْوٜىٰهْ اللَّهْ نْسُ،
ذَنْ كُمَجِ أَدُّعَرْسُ؞
7مُتَنٜىٰنْ إِسْرَٰٓءِيلَ عَ أَرٜىٰوَ
ذَاسُ ذَمَ كَمَرْ مَاسُ عِيَ يَاڧِ،
ظُكَاتَنْسُ ذَاسُيِ ڢَضٍ ثِكِ
كَمَرْ سُنْ شَا ضُوً إِنَبِے؞
عِ، یَیَنْسُ ذَاسُ غَنِ سُيِ مُرْنَ،
ظُكَاتَنْسُ ذَاسُيِ ڢَضٍ ثِكِ ثِكِنْ يَهْوٜىٰهْ؞
8ذَنْ بَادَ عَلَمَ إِنْتَتَّرَاسُ،
غَمَا ذَنْ ڢَنْشٜىٰسُ؞
ذَنْ سَاسُ سُيِيَوَ
كَمَرْ يَدَّ سُكٜىٰ أَدَا؞
9كُواْدَيَكٜىٰ نَوَاڟَرْ دَسُو ثِكِنْ ڧَبِيلُ،
ذَاسُ تُنَ دَنِے دَغَ ڧَسَاشٜىٰ مَاسُ نِيسَ؞
سُو دَ یَیَنْسُ ذَاسُ كُٻُتَ تَرٜىٰ،
ذَاسُ كُوَ كُواْمُواْ غِدَا؞
10ذَنْ دَاوُاْ دَسُو دَغَ ڧَسَرْ مَصَرْ،
ذَنْ تَتَّرَاسُ دَغَ أَسُّرِيَ؞
ذَنْ كَٰوُاْسُ ڧَسَرْ غِلٜىٰيَدْ دَ تَ لٜىٰبَنُوانْ،
حَرْ سَيْ وُرِے يَكَاسَ مُسُ؞
11ذَاسُ ڧٜىٰتَرٜىٰ تَكُواْغِنْ وَهَلَ،
رَاڧُمَنْ ضُوَ كُمَ ذَاسُ ݣُونْتَ مُسُ؞
ضُوً كُواْغِنْ نِلُ كُوَ ذَيْ بُوشٜىٰ؞
ذَاعَكَرْيَ طَغَ كَيْ نَ أَسُّرِيَ،
مُلْكٍ مَصَرْ كُمَ ذَيْ ڧَارٜىٰ؞
12ذَنْ ڧَرْڢَڢَاسُ دَ إِيكُواْنَ،
ذَاسُيِ تَڢِيَ دَ سُونَنَ؞
نِے يَهْوٜىٰهْ نَا ڢَطَا؞
Currently Selected:
زَكَرِيَّا 10: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
