رُوتْ 1
1
عٜىٰلِمٜىٰلٜىٰكْ دَ عِيَلِنْسَ سُنْ تَڢِے مُواْوَبْ
1أَ زَامَانِنْ دَ شُوغَبَنِّ سُكٜىٰيِنْ عَيْكِ كَمَرْ سَرَاكُنَ عَڧَسَرْ إِسْرَٰٓءِيلَ، عَكَيِ يُنْوَ مَيْ ڟَنَنِ عَڧَسَرْ؞ سَيْ وَنِ مُتُمِنْ بَيْتَلَحْمِ تَيَنْكِنْ يَهُودَ يَتَاشِ، يَطَوْكِ مَاتَرْسَ دَ یَیَنْسَ مَظَا بِيُ يَبَرْ ڧَسَرْ، يَتَڢِے يَيِ ذَمَنْسَ ثِكِنْ ڧَسَرْ مُواْوَبْ نَطَنْ لُواْكَثِ؞ 2سُونَنْ مُتُمِنَّنْ عٜىٰلِمٜىٰلٜىٰكْ نٜىٰ، سُونَنْ مَاتَرْسَ كُوَ نَعُواْمِ نٜىٰ، كُمَ سُونَيٜىٰنْ یَیَنْسَ نَنْ مَظَا بِيُ، مَلُوانْ دَ كِلِيُوانْ نٜىٰ؞ سُو عٜىٰڢْرَتَاوَ نٜىٰ دَغَ بَيْتَلَحْمِ تَيَنْكِنْ يَهُودَ؞ سُكَ تَڢِے ڧَسَرْ مُواْوَبْ سُكَيِ ذَمَنْسُ عَثَنْ؞ 3أَنَانً سَيْ عٜىٰلِمٜىٰلٜىٰكْ مِجِنْ نَعُواْمِ يَمُتُ، عَكَبَرْتَ دَ یَیَنْتَ مَظَا بِيُ؞ 4سَيْ یَیَنَّنْ سُكَ عَوْرِ یَنْ مَاتَانْ ڧَسَرْ مُواْوَبْ، سُونَيٜىٰنْسُ كُوَ عُوارْڢَ دَ رُوتْ؞ بَايَنْدَ نَعُواْمِ دَ یَیَنْتَ مَظَا بِيُ سُكَيِ وَجٜىٰنْ شٜىٰكَرَا غُواْمَ عَثَنْ مُواْوَبْ، 5سَيْ مَلُوانْ دَ كِلِيُوانْ سُكَ مُتُ؞ سَيْ عَكَبَرْ نَعُواْمِ عِتَ كَطَيْ بَابُ مِجِنْتَ كُمَ بَابُ يَارَنْتَ؞
نَعُواْمِ دَ رُوتْ سُنْ كُواْمَ بَيْتَلَحْمِ
6دَ نَعُواْمِ تَكٜىٰ ثَنْ عَڧَسَرْ مُواْوَبْ، سَيْتَجِ ثٜىٰوَ يَهْوٜىٰهْ يَا ظِيَرْثِ مُتَنٜىٰنْسَ يَبَاسُ عَبِنْثِ مَيْ يَوَ؞ سَيْ تَشِرْيَ تَتَاشِ تَرٜىٰدَ مَاتَنْ یَیَنْتَ سُكَ بَرْ مُواْوَبْ سُكُواْمَ ڧَسَرْتَ؞ 7سَيْ نَعُواْمِ تَتَاشِ دَغَ عِنْدَ تَكٜىٰدَ ذَمَ تَرٜىٰدَ مَتَنْ یَیَنْتَ نَنْ بِيُ، سُكَ كَامَ حَنْيَ سُكُواْمَ ڧَسَرْ يَهُودَ؞ 8عَمَّا أَ حَنْيَ، سَيْ نَعُواْمِ تَثٜىٰ وَمَاتَنْ یَیَنْتَ «كُكُواْمَ، كُتَڢِے، كُواْوَثّٜىٰنْكُ غِدَنْ مَامَرْتَ، كَدَ كُبِينِ؞ بَرِ يَهْوٜىٰهْ يَيِ مُكُ أَلْحٜىٰرِ كَمَرْ يَدَّ كُكَيِ مِنِ دَ یَیَنَ، وَتُواْ مَذَنْكُ وَطَنْدَ سُكَ مُتُ؞ 9بَرِ كُمَ يَهْوٜىٰهْ يَسَا كُواْوَثّٜىٰنْكُ تَسَاكٜىٰيِنْ عَوْرٜىٰ، تَكُمَ سَامِ هُوتُ أَغِدَنْ مِجِنْتَ؞»
سَعَنً تَا سُمْبَثٜىٰسُ تَيِ مُسُ بَنْ ݣُونَ، سَيْ سُكَ ڢَشٜىٰ دَ كُوكَا، 10سُكَثٜىٰ مَتَ «أَعَ، ذَامُتَڢِے تَرٜىٰدَكٜىٰ ذُوَا وُرِنْ مُتَنٜىٰنْكِ؞»
11عَمَّا نَعُواْمِ تَثٜىٰ «یَیَنَ، كُكُواْمَ؞ دُوانْمٜىٰ كُكٜىٰسُواْ كُتَڢِے تَرٜىٰدَنِ؟ ذَنْ عِيَ حَيْڢَرْ یَیَ مَذَنْ دَ ذَاسُ عِيَ عَوْرٜىٰكُ نٜىٰ؟ 12كُكُواْمَ، یَیَنَ، غَمَا ڟُوڢَتَ تَوُثٜىٰ عِنْدَ ذَنْعِيَيِ وَنِ عَوْرٜىٰ؞ كُواْ دَا عَثٜىٰ إِنَ ڢَاتَا إِنْيِ عَوْرٜىٰ، عَثٜىٰ مَا ذَنْسَامِ مِجِ إِنْيِ عَوْرٜىٰ دَرٜىٰنَّنْ، إِنْ حَيْڢِ یَیَ مَظَا، 13ذَاكُ عِيَ جِرَا حَرْ سُيِ غِرْمَ؟ ذَاكُڧِ يِنْعَوْرٜىٰ؟ أَعَ، یَیَنَ، بَڧِنْ ثِكِنَ يَڢِ نَاكُ، غَمَا يَهْوٜىٰهْ نٜىٰ يَجَٰوُاْ مِنِ وَهَلَرْ نَنْ؞»
14سَيْ سُكَسَاكٜىٰ ڢَشٜىٰ دَ كُوكَا؞ سَعَنً عُوارْڢَ تَا سُمْبَثِ مَامَرْ مِجِنْتَ تَيِ مَتَ بَنْ ݣُونَ، عَمَّا رُوتْ تَا مَنّٜىٰ مَتَ؞ 15سَعَنً نَعُواْمِ تَاثٜىٰ وَ رُوتْ «غَاشِ، یَرْعُوَرْكِ تَا كُواْمَ وُرِنْ مُتَنٜىٰنْتَ دَ كُمَ اللَّهْنْتَ؞ سَيْ كِكُواْمَ كِبِتَ؞»
16عَمَّا رُوتْ تَا أَمْسَ مَتَ تَثٜىٰ «كَدَ كِيِ تَضُواْڧُواْنَ إِنْ كُواْمَ كُواْ إِنْ بَرْ بِنْكِ؞ غَمَا دُكْ عِنْدَ كِكَ تَڢِے، نَنْ ذَنْ تَڢِے؛ عِنْدَ كِكَ سَوْكَ، نَنْ ذَنْ سَوْكَ؞ مُتَنٜىٰنْكِ ذَاسُ ذَمَ مُتَنٜىٰنَ؛ كُمَ اللَّهْ نْكِ ذَيْ ذَمَ اللَّهْ نَا؞ 17عِنْدَ كِكَ مُتُ، نَنْ نِے مَا ذَنْ مُتُ، كُمَ نَنْ ذَاعَ بِنّٜىٰنِ؞ يَهْوٜىٰهْ يَيِ مِنِ حُكُنْثِ مَيْ ڟَنَنِ عِدَنْ نَا بَرْ وَنِ أَبُ يَرَبَنِ دَكٜىٰ، إِنْ دَيْ بَمُتُوَبَ؞»
18دَ نَعُواْمِ تَغَانٜىٰ رُوتْ تَنَدَ نِيَّ تَبِتَ، سَيْتَدَيْنَ ثٜىٰ وَ رُوتْ تَكُواْمَ؞
19سَيْ سُو بِيُ سُكَ ثِيغَبَدَ تَڢِيَ حَرْ سُكَ كَيْ بَيْتَلَحْمِ؞ دَ شِغَرْسُ، سَيْ مُتَنٜىٰنْ غَرِنْ غَبَاطَيَ سُكَ تَاشِ دَ مُرْنَ سَبُواْدَسُو؞ مَاتَانْ غَرِنْ سُكَثٜىٰ «نَعُواْمِ ثٜىٰ وَنَّنْ؟»
20تَا أَمْسَ مُسُ تَثٜىٰ «كَدَ كُثٜىٰ دَنِے نَعُواْمِ، وَتُواْ مَيْ جِنْ دَاطِے؞ كُثٜىٰ دَنِے مَرَ، وَتُواْ مَيْ طَاثِ، دُواْمِنْ مَيْ إِيكُواْ دُكَ يَسَا رَايُوَتَا تَذَمَ دَ طَاثِ؞ 21نَبَرْ نَنْ ثِكٜىٰ دَكُواْمٜىٰ، عَمَّا غَاشِ يَهْوٜىٰهْ يَادَاوُاْ دَنِے حَنُّ وُاْڢِ؞ دُوانْمٜىٰ كُكٜىٰثٜىٰ دَنِے مَيْ جِنْ دَاطِے بَايَنْدَ يَهْوٜىٰهْ يَا سَا نَشَا وَهَلَ، كُمَ مَيْ إِيكُواْ دُكَ نٜىٰ يَيِ مِنِ وَنَّنْ مَسِيڢَ؟»
22حَكَ نَعُواْمِ تَدَاوُاْ دَغَ مُواْوَبْ تَرٜىٰدَ مَاتَرْ طَنْتَ، وَتُواْ رُوتْ یَرْ ڧَسَرْ مُواْوَبْ؞ سُنْ كُوَ إِسُواْ بَيْتَلَحْمِ دَيْدَيْ لُواْكَثِنْ دَ عَكَڢَارَ غِرْبِنْ حَڟِنْ بَلٜىٰ؞#1.22 حَڟِنْ بَلٜىٰ: وَنِ إِرِنْ حَڟِ نٜىٰ مَيْ كَمَ دَ أَلْكَمَ كُواْ شِنْكَڢَ؞
Currently Selected:
رُوتْ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020