نَهُمْ 3
3
نِنٜىٰبَ ذَاتَ ذَمَ كُڢَيْ
1كَيْتُوانْكِ! يَا بِرْنِ مَيْ ظُبْدَ جِنِ،
وَنْدَ يَثِكَ دَ ڧَضْيَا دَيَوَ،
دَ كَايَنْدَ عَكَ ڨُوثٜىٰ؞
2جِ! غَا ڧَارَرْ بُلَلَ دَ ڧَارَرْ ڧَڢَاڢُنْ كٜىٰكٜىٰ،
دَ ڧَارَرْ غُدُنْ دُواْكِ دَ غِرْغِظَرْ كٜىٰكُنَنْ دُواْكِ!
3دُوبَ! مَاسُ هَوَنْ دُواْكِ سُنَ كَنْ يَاڧِ،
تَكُبَ سُنَ وَلْڧِيَ كُمَ مَاسُ سُنَ ڨَلِّ،
غَا طُمْبُنْ مُتَنٜىٰنْ دَ عَكَ كَكَّشٜىٰ؞
غَا تُلِنْ غَوَوَّكِ،
غَوَوَّكِ سُنْ وُثٜىٰ ڧِرْغٜىٰ،
مُتَنٜىٰ سُنَ تَتُنْتُٻٜىٰ عَكَنْ غَوَوَّكِنْ؞
4دُكَنْ وَنَّنْ يَڢَرُنٜىٰ
سَبُواْدَ يَوَنْ لَلَثِ نَكَارُوَرْ نَنْ نِنٜىٰبَ،
ݣَكْݣَوَرْ كَارُوَرْ نَنْ مَيْ ذَاڧِنْ بَاكِ،
عُوَرْ سِحِرِثٜىٰ عِتَ،
وَدَّ تَرُوطِ أَلْعُمَّيْ تَوُرِنْ لَلَثِنْتَ،
ڧَبِيلُ كُمَ تَوُرِنْ سِحِرِنْتَ؞
5 يَهْوٜىٰهْ مَيْ ضُنْدُنَا يَثٜىٰ،
«غَاشِ، إِنَغَابَادَكٜىٰ، يَا نِنٜىٰبَ،
ذَنْ طَغَ سِكٜىٰتْ نَرُڢٜىٰ أَسِيرِنْكِ
إِنْ رُڢٜىٰ عِدُوانْكِ دَشِ؞
ذَنْ نُونَاوَ أَلْعُمَّيْ ڟِرَيْثِنْكِ،
ذَاكِ ذَمَ أَبِنْ كُنْيَا غَ مُلْكُواْكِنْ دُونِيَا؞
6ذَنْ وَاڟَا مِكِ أَبِنْ ڧَظَنْتَا،
إِنْيِ مِكِ وُلَڧَنْثِ،
إِنْ مَيْشٜىٰكِ أَبِنْ رٜىٰنِ؞
7دُكْ وَطَنْدَ سُكَ دُوبٜىٰكِ
ذَاسُجَا بَايَ سُثٜىٰ،
‹أَبِنْ مَامَاكِ! نِنٜىٰبَ تَذَمَ كُڢَيْ،
وَ ذَيْ يِكُوكَا دُواْمِنْتَ؟
عَ إِنَا نٜىٰ ذَنْ نٜىٰمُواْ مِكِ مَاسُ تَعَظِيَّ؟›
8«نِنٜىٰبَ، كٜىٰ كِنْڢِے بِرْنِنْ تٜىٰبٜىٰسْ،
وَدَّ تَكٜىٰ عَبَاكِنْ كُواْغِنْ نِلُ نٜىٰ؟
عِتَمَا ضُوَنٜىٰ يَكٜىٰوَيٜىٰتَ،
تٜىٰكُنٜىٰ وُرِنْ ٻُيَنْتَ،
ضُوَنٜىٰ كَتَنْغَرْتَ؞
9إِتِيُواْڢِيَ دَ مَصَرْ نٜىٰ ڧَرْڢِنْتَ،
ڧَرْڢِنْتَ كُوَ بَابُ إِيَاكَ؞
ڢُتْ دَ لِبِيَ سُونٜىٰ مَاسُ تَيْمَكُوانْتَ؞
10دُكْ دَ ڧَرْڢِنْتَ أَنْ كَيْتَ بَوْتَا
أَنْتَڢِے دَ عِتَ ذُوَا بَڧُوَرْ ڧَسَا؞
أَنْ ڢَرْڢَشٜىٰ كَوُنَنْ یَنْ يَارَنْتَ،
عَكَنْ كُواْوَنٜىٰ ݣُونَ تَتِيتِ؞
أَنْ رَرَّبَ دَتَّاوَنْتَ تَوُرِنْ جٜىٰڢَ ڧُرِعَ،
أَنْطَوْرَ دُكَنْ مَنْيَنْ مُتَنٜىٰنْتَ دَ سَرْڧَ؞
11كٜىٰ نِنٜىٰبَ ذَاكِ بُغُ تِلِسْ
كِشَا وَهَلَ سُواْسَيْ؞
ذَاكِ نٜىٰمِ وُرِنْ ٻُيَ كِكُٻُتَ
دَغَ أَبُواْكَنْ غَابَنْكِ؞
12وُرَرٜىٰنْ كَتَنْغَرْكِ بَاسُ دَ ڧَرْڢِے،
ذَاعَ ثِنْيٜىٰسُ كَمَرْ یَیَنْ إِتَاثٜىٰنْ ٻَوْرٜىٰ
وَطَنْدَ سُكَ نُونَ؞
سَعَدَّ عَكَ غِرْغِظَ إِتَاثٜىٰنْ،
سَيْ یَیَنْ سُڢَاطُواْ عَبَاكِنْ مَيْثِ؞
13دُوبِے سُواْجُواْجِنْكِ،
كَمَرْ مَاتَا نٜىٰ عَثِكِنْ ڟَكِيَرْكِ؞
ڧُواْڢُواْڢِنْ ڧَسَرْكِے عَبُوطٜىٰ سُكٜىٰ
غَ أَبُواْكَنْ غَابَنْكِ؞
وُتَا تَثِنْيٜىٰ سَنْدُنَنْ ڧُلّٜىٰ ڧُواْڢَرْكِ؞
14طٜىٰبُواْ ضُوَ غَمَا ذَاعَ كٜىٰوَيٜىٰكِ،
سَامِ إِسَشّٜىٰنْ ضُوَ كَاڢِنْ يَاڧِنْ يَڢَارَ؞
كِڧَارَ ڧَرْڢِنْ كَتَنْغَرْكِ!
كِتَڢِے ݣُورِ كِݣُوٻَ لَاكَ،
كِطَوْكِ أَبِنْ يَنْكَ بُلُواكْ!
15دُكْ دَ شِرْيٜىٰ شِرْيٜىٰنَّنْ،
وُتَا ذَاتَ ثِنْيٜىٰكِ!
تَكُواْبِے كُمَ ذَيْ كَوَرْ دَكٜىٰ،
ذَيْثِنْيٜىٰكِ كَمَرْ ڢَارَ؞
«كِنْ ڧَارَ يَوَنْكِ كَمَرْ ڢَارِ،
كِنْيِيَوَ كَمَرْ ڧُدَنْ ظُمَ!
16كِنْ ڧَارَ يَوَنْ یَنْ كَاسُوَنْثِنْكِ
ڢِيٜىٰدَ يَوَنْ تَوْرَرُوانْ سَمَ؞
سُو كَمَرْ ڢَارِنٜىٰ
وَطَنْدَ سُكَنْ بُوطٜىٰ ڢِكَڢِكَيْ سُتَاشِ؞
17مَاسُ غَادِنْكِ
كَمَرْ ڧُدَنْ ظُمَ مَاسُ وُثٜىٰوَ سُكٜىٰ،
دَتَّاوَنْكِ كَمَرْ ڢَارِنٜىٰ،
سُنَ ظَوْنٜىٰ عَكَنْ ثِيَوَ
أَ لُواْكَثِنْ سَنْيِ؞
دَ ذَاڢِنْ رَانَ يَڢِتَ، سَيْ سُتَاشِ،
بَاوَنْدَ يَسَنْ عِنْدَ سُكَ تَڢِے؞
18«يَا سَرْكِنْ أَسُّرِيَ،
مَكِيَايِنْ مُتَنٜىٰنْكَ سُنَ بَرْثِ،
دَتَّاوَنْكَ سُنَ بَرْثِ؞
سَوْرَنْ مُتَنٜىٰنْكَ سُنَ أَوَرْوَڟٜىٰ
كَمَرْ تُمَكِ عَكَنْ تُدَّيْ،
بَاسُ دَ مَكِيَايِنْ دَ ذَيْ تَتَّرَاسُ؞
19بَا أَبِنْدَ ذَيْ وَرْكَرْدَ رَوْنِنْكَ،
غَمَا رَوْنِنْكَ مَيْ جَٰوُاْ مُتُوَانٜىٰ؞
دُكْ وَنْدَ يَجِ لَابَرِنْكَ
ذَيْ تَڢَ حَنُّ يَثٜىٰ، ‹يَوَّ!›
غَمَا أَݣَويْ وَنْدَ بَيْ شَا عَذَابَ
دَغَ حَنُّنْكَبَ؟»
Currently Selected:
نَهُمْ 3: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
