نَهُمْ 2
2
رُشٜىٰوَرْ بِرْنِنْ نِنٜىٰبَ
1مَيْ رُشٜىٰوَ يَتَاسُواْ مِكِ، يَا نِنٜىٰبَ،
يَكَكَّڢَ سُواْجُواْجِ عَكَنْ كَتَنْغَرْ بِرْنِ؞
عَيِ غَادِنْ وُرَارٜىٰنْ ٻُيَ مَاسُ كَتَنْغَ،
يِ طَمَرَ سُواْسَيْ،
كِتَتَّارَ سُواْجُواْجِنْكِ دُكَ؞
2غَمَا يَهْوٜىٰهْ يَنَ مَيْدَ
دَرَجَرْ يَهُودَ دَ تَ إِسْرَٰٓءِيلَ دُكَ،
كُواْ دَ مَاسُ ݣُوشٜىٰ أَرْزِڧِ
سُنْ ݣُوشٜىٰ أَرْزِڧِنْ ڧَسَرْسُ،
كُواْ دَ سُنْ لَلَتَرْدَ رَسَّنْ إِنَبِنْسُ؞
3غَرْكُوُاْيِنْ مَاسُ عِيَ يَاڧِ نَ نِنٜىٰبَ
سُنْيِ جَاوُرْ،
سُواْجُواْجِنْسَ سُنَ سَنْيٜىٰ دَ
جَجَّيٜىٰنْ رِيغُنَ؞
كٜىٰكُنَنْ دُواْكِ سُنَ تَوَلْڧِيَ
كَمَرْ هَرْشٜىٰنْ وُتَا،
أَنَ تَكَطَ مَاسُ دَ بَنْ ڟُواْرُواْ؞
4دَوَكِ مَاسُ كٜىٰكُنَنْ يَاڧِ
سُنَ غُدُنْ هَوْكَ عَكَنْ تِيتُنَ؞
سُنَ ذَاڢِنْ غُدُنْ كَيْ دَ كَٰوُاْوَ
عَثِكِنْ ڢِيلَيٜىٰ نَثِكِنْ غَرِ؞
ٻُلُّواْوَرْسُ كَمَرْ حَصْكٜىٰنْ ڢِتِلَ نٜىٰ،
سُنَ وُثٜىٰوَ كَمَرْ وَلْڧِيَ؞
5سَرْكِنْ نِنٜىٰبَ يَكِرَا مَنْيَنْ سُواْجُواْجِنْسَ،
سُنَ تَتُنْتُٻٜىٰ ثِكِنْ ذُوَانْسُ؞
سُنَيِنْ سَوْرِ ذُوَا وَجٜىٰنْ كَتَنْغَرْ بِرْنِنْ،
سُنْ كَكَّڢَ أَبُبُوَنْ دَ ذَاسُ ڟَرٜىٰ كَنْسُ؞
6أَنْبُوطٜىٰ هَنْيُواْيِنْ ضُوً ڟَرُوانْ بِرْنِ،#2.6 ضُوً ڟَرُوانْ بِرْنِ: عَبِرَنٜىٰنْ دَا عَكَنْ غِنَا حَنْيَرْ ضُوَ كٜىٰوَيٜىٰ دَ بِرْنِ دُواْمِنْ أَڟَرٜىٰ بِرْنِنْ دَغَ أَبُواْكَنْ غَابَا؞ عِدَنْ أَنْٻَلّٜىٰ حَنْيَرْ ضُوَ، ضُوَ ذَيْ عِيَ شِغَ بِرْنِ؞
غِدَنْ سَرْكِے يَضِكِثِے؞
7أَنْ تُوٻٜىٰ سَرَوْنِيَ، أَنْتَڢِے دَ عِتَ؞
یَنْ مَاتَنْتَ بَايِ سُنَ كُوكَا،
كُوكَنْ مَكُواْكِنْسُ كَمَرْ مُرْيَرْ كُرْثِيَنٜىٰ،
سُنَ سَا حَنُّ عَكَيْ؞
8كَمَرْ ضُوَنْدَ يَٻَرْكٜىٰ دَغَ دَمْ،
مُتَنٜىٰنْ نِنٜىٰبَ سُنَ غُدُ دَغَ ثِكِنْتَ؞
أَنَ تَثٜىٰوَ «ڟَيَ! ڟَيَ!»
عَمَّا بَاوَنْدَ يَجُويَ بَايَ؞
9كُݣُوشٜىٰ أَظُرْڢَا!
كُݣُوشٜىٰ ظِينَارِيَ!
بِرْنِنْ ثِكٜىٰ تَكٜىٰدَ أَجِيَرْ أَرْزِڧِ إِرِ إِرِ،
أَرْزِڧِنْتَ بَابُ إِيَاكَ؞
10نِنٜىٰبَ تَلَلَثٜىٰ، تَهَلَّكَ، تَذَمَ كُڢَيْ!
ظُكَاتَنْ مُتَنٜىٰنْتَ سُنْ نَرْكٜىٰ،
ڠُوِوُاْيِنْسُ سُنَ كَطَوَ،
ݣُونْݣُوسُوانْسُ كُمَ سُنَ ثِيوُاْ
ڢُسْكُواْكِنْسُ دُكَ سُنْ بُوشٜىٰ؞
11مٜىٰيَڢَرُ دَ بِرْنِنَّنْ نِنٜىٰبَ
وَدَّ دَا كَمَرْ كُواْغُوانْ ذَاكِ تَكٜىٰ؟
كُواْغُواْنَّنْ دَ عَكٜىٰ ثِيَرْدَ یَیَنْ ذَاكِ،
عِنْدَ ذَاكِ دَ ظَكَنْيَ سُكَنْيِ يَٰوُاْ،
تَرٜىٰدَ یَیَنْ ذَاكِ بَابُ ڟُواْرُواْ؟
12ذَاكِ يَيَيَّاغٜىٰ أَبِنْ
دَ يَ إِشٜىٰشِ دَ یَیَنْسَ،
يَكُمَ كَشٜىٰ وَ ظَكَنْيَرْسَ دَبَّ؞
يَثِكَ كُواْغُوانْسَ دَ غَنِمَ،
كُواْڠُونِّنْسَ كُمَ دَ نَمُواْمِنْ دَاجِ؞
13إِنْجِ يَهْوٜىٰهْ مَيْ ضُنْدُنَا،
«غَاشِ، إِنَغَابَادَكٜىٰ نِنٜىٰبَ!
ذَنْ ڧُواْنٜىٰ كٜىٰكُنَنْ دُواْكِنْكِ نَيَاڧِ؞
تَكُواْبِنْ يَاڧِ ذَيْثِ سُواْجُواْجِنْكِ،
وَطَنْدَ سُكٜىٰ كَمَرْ ذَاكُواْكِ مَاسُ ڧَرْڢِے؞
ذَنْ هَنَكِ كِهَلَّكَ أَلْعُمَّنْ دُونِيَا،
إِنْكُمَ حَنَ وَكِلَنْكِ سُكَيْ سَڧُوانْ بَنْ ڟُواْرُواْ؞»
Currently Selected:
نَهُمْ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
