مَلَكَيْ 2
2
1«يَنْذُ ڢَا، يَا كُو ڢِرِسْتُواْثِے وَنَّنْ عُمَرْنِ دُواْمِنْكُ نٜىٰ؞ 2عِدَنْ بَذَاكُ كَسَ كُنّٜىٰ كُجِ بَ، عِدَنْ كُمَ بَذَاكُسَا أَ ذُوثِيَارْكُ كُطَوْكَكَ سُونَنَ بَ، تُواْ، ذَنْ عَيْكُواْ دَ لَعَنَ عَكَنْكُ، ذَنْ لَعَنْتَرْدَ أَلْبَرْكُنْكُ؞ عِ، حَرْ مَا نَارِغَا نَا لَعَنْتَرْ دَسُو، سَبُواْدَ بَكُ سَا عُمَرْنِنَ أَ ذُوثِيَارْكُبَ؞ 3غَاشِ، ذَنْ ڟَاوَتَا وَ یَیَنْكُ، إِنْكُمَ شَاڢَ كَاشِنْ دَبُّواْبِنْ هَدَايُنْكُ أَ ڢُسْكُواْكِنْكُ، سَعَنً ذَنْ ڢِتَرْ دَكُو تَرٜىٰدَ كَاشِنْ دَبُّواْبِنْ؞ 4سَعَنً ذَاكُسَنِ ثٜىٰوَ نِنٜىٰ نَا عَيْكَ وَنَّنْ عُمَرْنِ غَرٜىٰكُ، دُواْمِنْ يَرْجٜىٰجٜىٰنِيَتَ دَ ذُرِيَرْ لَوِ، وَتُواْ ڢِرِسْتُواْثِے، تَتَبَّتَا،» إِنْجِ يَهْوٜىٰهْ مَيْ ضُنْدُنَا؞#لِـ ڧِدْ 3.11-13 5«يَرْجٜىٰجٜىٰنِيَتَ دَشِ يَرْجٜىٰجٜىٰنِيَ تَرَيْ ثٜىٰ دَ تَذَمَنْ لَاڢِيَ، وَدَّ نَبَا شِ؞ وَنَّنْ كُوَ دُواْمِنْ يَجِڟُواْرُواْنَ نٜىٰ؞ يَكُوَ جِڟُواْرُواْنَ، يَكُمَ غِرْمَمَ سُونَنَ؞#لِـ ڧِدْ 25.12 6كُواْيَرْوَرْ غَسْكِيَ تَنَ بَاكِنْسَ، بَعَتَرَرْ دَ ڧَضْيَا عَبَاكِنْسَبَ؞ يَيِ تَڢِيَ تَرٜىٰدَنِ عَثِكِنْ سَلَمَ دَ غَسْكِيَ، يَكُمَسَا مُتَنٜىٰ دَيَوَ سُكَ جُويُواْ دَغَ مُغُنْتَا؞ 7غَمَا يَا كَمَاتَ بَاكِنْ ڢِرِسْتِ يَكِيَايٜىٰ سَنِ دَ كُواْيَرْوَا، مُتَنٜىٰ كُمَ سُنٜىٰمٜىٰسُ دَغَ بَاكِنْسَ، غَمَا شِے طَنْ عَيْكَ نَ يَهْوٜىٰهْ مَيْ ضُنْدُنَا نٜىٰ؞ 8عَمَّا كُو ڢِرِسْتُواْثِے كُنْكَوْثٜىٰ دَغَ حَنْيَ، كُنْسَا دَيَوَ سُكَيِ تُنْتُٻٜىٰ تَوُرِنْ كُواْيَرْوَرْكُ، كُنْ ڧَظَنْتَرْدَ يَرْجٜىٰجٜىٰنِيَرْ دَنَيِ دَ لَوِ،» إِنْجِ يَهْوٜىٰهْ مَيْ ضُنْدُنَا؞ 9«دُواْمِنْ حَكَ، نِے ذَنْسَا جَمَعَرْ إِسْرَٰٓءِيلَ سُمَيْدَكُو أَبِنْ رٜىٰنِ، إِنْكُمَسَا عَڧَسْڧَنْتَرْ دَكُو أَغَبَنْ دُكَنْ جَمَعَ، تُنْدَيَكٜىٰ بَكُ كِيَايٜىٰ هَنْيُواْيِنَ بَ، غَاشِ، عَثِكِنْ كُواْيَرْوَرْكُ، كُكَ نُونَ بَمْبَنْثِ؞»
رَشِنْ أَمِنْثِنْ جَمَعَ غَ اللَّهْ
10أَشٜىٰ، دُكَنْمُ بَ دَغَ بَابَ طَيَ بَنٜىٰ؟ بَ اللَّهْ طَيَنٜىٰ يَحَلِثّٜىٰمُبَ؟ دُوانْمٜىٰ بَامُ دَ أَمِنْثِ غَ جُونَ، حَرْ مَا مُكَ ڧَظَنْتَرْدَ يَرْجٜىٰجٜىٰنِيَرْ كَاكَنِّنْمُ؟ 11جَمَعَرْ يَهُودَ سُنْيِ رَشِنْ أَمِنْثِ، أَنْيِ أَيُّكَنْ بَنْ ڨَمَ عَثِكِنْ إِسْرَٰٓءِيلَ دَ ثِكِنْ عُرُوشَلِيمَ؞ غَمَا يَهُودَ سُنْيِ بَنْظَ دَ وُرِنْ ذَمَ مَيْ ڟَرْكِے نَ يَهْوٜىٰهْ، وَنْدَ يَكٜىٰ ڧَوْنَ، سُنْ عَوْرُواْ مَتَنْ دَسُكٜىٰ بَوْتَاوَ اللَّهْ نَمُتَنٜىٰنْ وَجٜىٰ؞ 12غَمٜىٰ دَ مُتُمِنْ دَ يَيِ وَنَّنْ، كُواْ دَ وَنٜىٰنٜىٰشِ، بَرِ يَهْوٜىٰهْ يَكَوَرْ دَشِ دَ عِيَلِنْسَ دَغَ جَمَعَرْ إِسْرَٰٓءِيلَ، كُواْ دَمَا يَكَٰوُاْ هَدَايُ غَ يَهْوٜىٰهْ مَيْ ضُنْدُنَا؞
13غَا أَبِنْدَ كُكٜىٰ عَيْكَتَاوَا مَا؞ كُنَ رُڢٜىٰ بَغَدٜىٰنْ يَهْوٜىٰهْ دَ هَوَيٜىٰ دَ كُوكَا دَ نِيشِ دُواْمِنْ بَايَ ڧَارَ كُلَ دَ هَدَايُنْكُ كُواْ يَكَرْٻِ ݣَوْتَنْكُ نَيَرْدَرْ رَيْ دَغَ حَنُّنْكُ؞ 14عَمَّا كُنَيِ تَمْبَيَ ثٜىٰوَ «مٜىٰيَسَا بَيْكَرْٻَبَ؟» أَيْ، سَبُواْدَ يَهْوٜىٰهْ شَيْدَ نٜىٰ ڟَكَانِنْكَ دَ مَاتَرْكَ وَدَّ كَاعَوْرُواْ عَڧُرُثِيَرْكَ، وَدَّ كَثِ أَمَانَرْتَ؞ كُواْدَيَكٜىٰ عِتَثٜىٰ أَبُواْكِيَرْ ذَمَنْكَ دَ مَاتَرْكَ تَيَرْجٜىٰجٜىٰنِيَ؞ 15أَشٜىٰ، بَ اللَّهْ نٜىٰ يَمَيْشٜىٰكُ جِكِے طَيَ دَ رُوحُ طَيَبَ؟ مٜىٰ اللَّهْ يَكٜىٰ نُڢِ دَ وَنَّنْ؟ يَنَسُواْ یَیَنْمُ سُذَمَ مَاسُ حَلِنْسَ؞ دُواْمِنْ حَكَ ڢَا، سَيْ كُلُورَ دَ كَنْكُ، كَدَ وَنِ عَثِكِنْكُ يَثِ أَمَانَرْ مَاتَرْسَ تَڧُرُثِيَ؞ 16«غَمَا نِے، إِنَڧِنْ كِسَنْ عَوْرٜىٰ،» إِنْجِ يَهْوٜىٰهْ اللَّهْ نَ إِسْرَٰٓءِيلَ؞ «إِنَ كُمَڧِنْ وَنَّنْ كَمَرْ يَدَّ نَكٜىٰڧِنْ تَاشِنْ حَنْكَلِ؞ سَبُواْدَ حَكَ سَيْ كُكُلَ دَ كَنْكُ، كَدَ كُذَمَ مَاسُثِنْ أَمَانَ؞ نِے يَهْوٜىٰهْ مَيْ ضُنْدُنَا، نَا ڢَطَا؞»
رَانَرْ يَهْوٜىٰهْ تَيِ كُسَ
17كُنْ غَاجِيَرْ دَ يَهْوٜىٰهْ دَ كَلْمُواْمِنْكُ؞ دُكْدَهَكَ كُكَثٜىٰ «تَيَيَا مُكَ غَاجِيَرْ دَشِ؟» تَوُرِنْ ثٜىٰوَ «دُكْ وَنْدَ يَعَيْكَتَ مُغُنْتَا، شِينٜىٰ مُتُمِنْ كِرْكِ أَعِدُوانْ يَهْوٜىٰهْ، كُمَ يَهْوٜىٰهْ يَنَ كُوَ جِنْ دَاطِنْسُ؞» كُنَ كُمَ تَمْبَيَ ثٜىٰوَ «إِنَا اللَّهْ يَكٜىٰ وَنْدَ شِينٜىٰ مَيْ شَرِيعَرْ غَسْكِيَ؟»
Currently Selected:
مَلَكَيْ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
