يُواْشُوَ 6
6
ڢَاطُوَرْ يٜىٰرِكُواْ
1عَكَ كُلّٜىٰ ڧُواْڢُواْڢِنْ يٜىٰرِكُواْ دَغَ ثِكِ دَ كُمَ وَجٜىٰ سَبُواْدَ ڟُواْرُوانْ مُتَنٜىٰنْ إِسْرَٰٓءِيلَ؞ بَا مَيْ ڢِتَ، بَا مَيْشِغَ ثِكِنْ بِرْنِنْ؞ 2يَهْوٜىٰهْ يَڢَطَوَ يُواْشُوَ ثٜىٰوَ «دُوبَ، نَا بَادَ يٜىٰرِكُواْ دَ سَرْكِنْتَ دَ سُواْجُواْجِنْتَ أَ حَنُّنْكَ؞ 3كَيْ دَ سُواْجُواْجِنْكَ ذَاكُ ذَاغَيَ بِرْنِنْ سَوْ طَيَ عَكُواْوَثٜىٰ رَانَ حَرْ ݣُونَ شِدَ؞ 4سَيْ كَسَا ڢِرِسْتُواْثِے غُدَا بَݣَويْ، كُواْوَنّٜىٰنْسُ رِڧٜىٰ دَ ڧَهُواْ، سُيِ تَڢِيَ أَغَبَنْ عَݣُوتِنْ يَرْجٜىٰجٜىٰنِيَ سَعَدَّ كُكٜىٰ ذَاغَيَ؞ عَكَنْ رَانَ تَبَݣَويْ، كَيْ دَ سُواْجُواْجِنْكَ ذَاكُ ذَاغَيَ بِرْنِنْ سَوْ بَݣَويْ، ڢِرِسْتُواْثِے سُنَ بُوسَرْ ڧَهُواْنِنْ؞ 5سَعَدَّ كُكَجِ وَتَ بُوسَ مَيْ دُواْغُوَرْ ڧَارَ دَغَ ڧَهُواْنِ، سَيْ كَسَا دُكَنْ مُتَنٜىٰنْ سُيِ إِيهُ دَ بَبَّرْ مُرْيَ؞ كَتَنْغَرْ بِرْنِنْ ذَاتَ رُشٜىٰ، سَيْ دُكَنْ سُواْجُواْجِ سُشِغَ ثِكِنْ بِرْنِنْ، كُواْوَنٜىٰ مُتُمْ يَشِغَ دَغَ عِنْدَ يَكٜىٰ ڟَيَاوَا؞»
6سَيْ يُواْشُوَ طَنْ نُنْ يَكِرَا ڢِرِسْتُواْثِے يَڢَطَا مُسُ يَثٜىٰ «كُطَوْكِ عَݣُوتِنْ يَرْجٜىٰجٜىٰنِيَ، وَطَنْسُ ڢِرِسْتُواْثِے غُدَا بَݣَويْ كُمَ سُوُثٜىٰ أَغَبَنْ عَݣُوتِنْ سُنَ رِڧٜىٰ دَ ڧَهُواْنِ نَرَغُنَ؞» 7سَيْ يُواْشُوَ يَعُمَرْثِ جَمَعَ يَثٜىٰ «كُتَاشِ! كُڢَارَ ذَاغَيَ كُكٜىٰوَيٜىٰ بِرْنِنْ، مَاسُ كَايَنْ يَاڧِ كُمَ سُوُثٜىٰ أَغَبَنْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ؞»
8كَمَرْ يَدَّ يُواْشُوَ يَعُمَرْتَ، مَاسُ كَايَنْ يَاڧِ دَ كُمَ ڢِرِسْتُواْثِنَّنْ غُدَا بَݣَويْ رِڧٜىٰ دَ ڧَهُواْنِ سُكَ وُثٜىٰ غَبَ، سُنَ بُوسَ ڧَهُواْنِنْسُ، عَݣُوتِنْ يَرْجٜىٰجٜىٰنِيَ نَ يَهْوٜىٰهْ كُمَ يَنَ بِنْ بَايَنْسُ؞ 9مَاسُ كَايَنْ يَاڧِ كُوَ سُكَ وُثٜىٰ غَبَنْ ڢِرِسْتُواْثِے مَاسُ بُوسَ ڧَهُواْنِ، سَوْرَنْ مَاسُ كَايَنْ يَاڧِ كُمَ سُنَ بِنْ بَايَنْ عَݣُوتِنْ يَرْجٜىٰجٜىٰنِيَ؞ عَثِكِنْ دُكَنْ وَنَّنْ لُواْكَثِ أَنَ تَبُوسَ ڧَهُواْنِ؞ 10عَمَّا يُواْشُوَ يَعُمَرْثِ مُتَنٜىٰ ثٜىٰوَ «كَدَ كُيِ إِيهُ، بَ كُوَ ذَاكُ بَرِ أَجِ مُرْيَرْكُبَ؞ كَدَ كُڢَطَا وَتَ كَلْمَ حَرْ سَيْ رَانَرْدَ نَعُمَرْثٜىٰكُ كُيِ إِيهُ؞ سَعَنً كُيِ إِيهُ!» 11يَكُوَ سَا عَكَ طَوْكِ عَݣُوتِنْ يَرْجٜىٰجٜىٰنِيَ عَكَ ذَاغَيَ بِرْنِنْ سَوْ طَيَ تَكْ؞ بَايَنْ وَنَّنْ سُكَ كُواْمَ ذَنْغُواْ سُكَ ݣُونَ؞
12وَشٜىٰغَرِ سَيْ يُواْشُوَ يَتَاشِ دَ سَسَّڢٜىٰ، ڢِرِسْتُواْثِے كُمَ سُكَ طَوْكِ عَݣُوتِنْ يَرْجٜىٰجٜىٰنِيَ نَ يَهْوٜىٰهْ؞ 13ڢِرِسْتُواْثِے بَݣَويْ طِنْ وَطَنْدَ سُكٜىٰ رِڧٜىٰ دَ ڧَهُواْنِ بَݣَويْ نَرَغُنَ سُكَ وُثٜىٰ غَبَنْ عَݣُوتِنْ يَرْجٜىٰجٜىٰنِيَ، سُكَيِ تَبُوسَ ڧَهُواْنِ؞ مُتَنٜىٰ مَاسُ كَايَنْ يَاڧِ كُمَ سُنَ تَڢِيَ أَغَبَنْسُ، كُمَ سَوْرَنْ مَاسُ كَايَنْ يَاڧِ سُنَ بِنْ بَايَنْ عَݣُوتِنْ؞ ثِكِنْ دُكَنْ لُواْكَثِنَّنْ أَنَ تَبُوسَ ڧَهُواْنِ؞ 14أَ رَانَ تَبِيُ سُكَ سَاكٜىٰ ذَاغَيَ بِرْنِنْ سَوْ طَيَ، سُكَ كُمَ كُواْمَ ذَنْغُوانْسُ؞ حَكَ سُكَيِتَيِ حَرْ ݣُونَ شِدَ؞
15أَ رَانَ تَبَݣَويْ سُكَتَاشِ دَ سَسَّڢٜىٰ، سُكَسَاكٜىٰ ذَاغَيَ بِرْنِنْ يَدَّ سُكَ سَابَايِ؞ وَنَّنْ عِتَثٜىٰ رَانَ غُدَا طَيَ تَكْ وَدَّ سُكَ ذَاغَ بِرْنِنْ سَوْ بَݣَويْ؞ 16أَ ذَاغَاوَ تَبَݣَويْ، سَعَدَّ ڢِرِسْتُواْثِے سُنَ شِرْيٜىٰ سُبُوسَ ڧَهُواْنِ، سَيْ يُواْشُوَ يَعُمَرْثِ مُتَنٜىٰنْسَ يَثٜىٰ «كُيِ إِيهُ! غَمَا يَهْوٜىٰهْ يَا رِغَا يَا بَاكُ بِرْنِنْ! 17بِرْنِنْ دَ دُكَنْ أَبِنْدَ يَكٜىٰ ثِكِنْسَ أَنْكٜىٰٻٜىٰسُ دُكَ غَ يَهْوٜىٰهْ دُواْمِنْ هَلَّكَرْوَ؞ سَيْ دَيْ رَهَبْ كَارُوَرْ نَنْ كَطَيْ دَ وَطَنْدَ سُكٜىٰ تَرٜىٰدَ عِتَ عَثِكِنْ غِدَنْتَ ذَاعَ بَرْسُ دَرَيْ، غَمَا تَا ٻُواْيٜىٰ یَنْ لٜىٰڧٜىٰنْ أَسِيرِنْ ڧَسَا دَ مُكَ عَيْكٜىٰسُ؞ 18عَمَّا بَذَاكُ طَوْكِ وَنِ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ بَ، دُواْمِنْ كَدَ كُجَٰوُاْ وَكَنْكُ دَ دُكَنْ مُتَنٜىٰنْ إِسْرَٰٓءِيلَ مَسِيڢَ دَ هَلَّكَرْوَ؞ 19دُكَنْ أَبِنْدَ عَكَيِ دَ أَظُرْڢَا دَ ظِينَارِيَ دَ تَغُلَّ دَ بَڧِنْ ڧَرْڢٜىٰ، أَنْكٜىٰٻٜىٰ سُونٜىٰ غَ يَهْوٜىٰهْ؞ ذَاعَسَاسُ عَثِكِنْ طَاكِنْ أَجِيَ نَ يَهْوٜىٰهْ؞»
20سَعَدَّ يُواْشُوَ يَغَمَ بَادَ عُمَرْنِ، سَيْ ڢِرِسْتُواْثِے سُكَ بُوسَ ڧَهُواْنِ، نَنْ دَنَنْ دَ مُتَنٜىٰنْ سُكَجِ سُكَيِ إِيهُ، سَيْ كَتَنْغَرْ بِرْنِنْ تَرُشٜىٰ؞ دُكَنْ سُواْجُواْجِ سُكَ شِغَ ثِكِنْ بِرْنِنْ، كُواْوَنٜىٰ مُتُمْ يَشِغَ دَغَ عِنْدَ يَكٜىٰ ڟَيَاوَا، سُكَ كُوَ ثِ بِرْنِنْ؞#إِبْرَ 11.30 21سَعَنً سُكَ هَلَّكَرْ دَ دُكَنْ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ دَ تَكُواْبِے، دُكَنْ أَبِنْدَ يَكٜىٰ ثِكِنْ بِرْنِنْ دَ مَظَا دَ مَاتَا، ڟُواْڢَڢِّ دَ يَارَا؞ سُكَ كَكَّشٜىٰ دَبُّواْبِے دَ تُمَكِ دَ كُمَ جَاكُنَ؞
22يُواْشُوَ كُوَ يَثٜىٰ وَمُتَنٜىٰ بِيُ وَطَنْدَ سُكَجٜىٰ سُكَلٜىٰڧِ أَسِيرِنْ ڧَسَرْ «كُتَڢِے ثِكِنْ غِدَنْ كَارُوَرْنَنْ كُڢِتَرْدَ عِتَ دَ دُكَنْ وَطَنْدَ سُكٜىٰ نَاتَ، كَمَرْ يَدَّ كُكَيِ مَتَ أَلْڧَوَرِ؞» 23سَيْ سَمَارِنْ دَ سُكَ تَڢِے سُكَ لٜىٰڧِ أَسِيرِنْ ڧَسَرْ سُكَ شِغَ، سُكَ ڢِتَرْدَ رَهَبْ تَرٜىٰدَ بَابَنْتَ دَ مَامَرْتَ دَ یَنْعُوَنْتَ دَ كُمَ دُكَنْ دَنْغِنْتَ؞ سُكَ ݣُوشٜىٰسُ دُكَ، سُكَ سَوْكَرْ دَسُو كُسَدَ بَايَنْ ذَنْغُوانْ مُتَنٜىٰنْ إِسْرَٰٓءِيلَ؞ 24سَعَنً سُواْجُواْجِنْ إِسْرَٰٓءِيلَ سُكَ ڧُواْنٜىٰ بِرْنِنْ دَ وُتَادَ دُكْ أَبِنْدَ سُكٜىٰ عَثِكِنْسَ، سَيْدَيْ أَبُبُوَنْ دَ عَكَيِ دَ أَظُرْڢَا دَ ظِينَارِيَ دَ تَغُلَّ دَ بَڧِنْ ڧَرْڢٜىٰ؞ وَطَنَّنْ سُكَ ݣُوشٜىٰ سُكَسَا أَطَاكِنْ أَجِيَ نَ يَهْوٜىٰهْ؞ 25عَمَّا يُواْشُوَ يَثٜىٰثِ رَنْ رَهَبْ كَارُوَرْ نَنْ دَ عِيَلِنْتَ دَ دُكَنْ وَطَنْدَ سُكٜىٰ نَاتَ، سَبُواْدَ تَٻُواْيٜىٰ یَنْ لٜىٰڧٜىٰنْ أَسِيرِنَّنْ بِيُ وَطَنْدَ يُواْشُوَ يَعَيْكٜىٰسُ يٜىٰرِكُواْ؞ رَهَبْ كُوَ تَايِ ذَمَنْتَ عَثِكِنْ مُتَنٜىٰنْ إِسْرَٰٓءِيلَ، كُمَ ذُرِيَرْتَ سُنَ ثِكِنْسُ هَرْوَيَوْ؞#إِبْرَ 11.31
26أَ لُواْكَثِنَّنْ كُوَ يُواْشُوَ يَيِ مُسُ مَغَنَ دَ ضَنْڟُوَا يَثٜىٰ،
«لَعَنَنّٜىٰ نٜىٰ أَغَبَنْ يَهْوٜىٰهْ
دُكْ مُتُمِنْدَ يَسَاكٜىٰ ڧُواْڧَرِ
يَتَادَ بِرْنِنْ يٜىٰرِكُواْ!
دَ ڢَارَوَرْ غِنِ،
ذَيْ رَسَ طَنْسَ نَڢَرْكُواْ؞
دَ غَمَاوَرْ غِنِ،
ذَيْ رَسَ طَنْ أَوْتَنْسَ؞»#1 سَرْ 16.34
27 يَهْوٜىٰهْ يَنَ تَرٜىٰدَ يُواْشُوَ، يَكُمَيِ سُونَ ثِكِنْ دُكَنْ ڧَسَرْ؞
Currently Selected:
يُواْشُوَ 6: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
