يُواْشُوَ 4
4
أَنْ كَڢَ دُووَڟُنْ تُنَاوَا
1سَعَدَّ دُكَنْ جَمَعَ سُكَ ڧٜىٰتَرٜىٰ يُواْدَنْ، سَيْ يَهْوٜىٰهْ يَيِ مَغَنَ دَ يُواْشُوَ يَثٜىٰ، 2«كَذَاٻِ مَظَا غُواْمَشَا بِيُ دَغَ ثِكِنْ جَمَعَ، وَتُواْ طَيَ دَغَ ثِكِنْ كُواْوَثٜىٰ ذُرِيَ؞ 3كَاعُمَرْثٜىٰسُ سُطَوْكِ دُوَڟُو غُواْمَشَا بِيُ دَغَ ڟَكِيَرْ يُواْدَنْ دَيْدَيْ وُرِنْ دَ ڢِرِسْتُواْثِے سُكَ ڟَيَ، سُڧٜىٰتَرٜىٰ دَ دُووَڟُنْ، سُأَجِيٜىٰسُ أَ عِنْدَ ذَاكُ سَوْكَ دَ دَرٜىٰنَّنْ؞»
4سَيْ يُواْشُوَ يَكِرَا مُتَنٜىٰ غُواْمَشَا بِيُ وَطَنْدَ يَذَاٻَا دَغَ ثِكِنْ كُواْوَثٜىٰ ذُرِيَرْ إِسْرَٰٓءِيلَ، 5يَثٜىٰ مُسُ «كُوُثٜىٰ غَبَنْ عَݣُوتِنْ يَرْجٜىٰجٜىٰنِيَرْ يَهْوٜىٰهْ اللَّهْ نْكُ ذُوَا ثِكِنْ ڟَكِيَرْ يُواْدَنْ؞ كُواْوَنّٜىٰنْكُ يَطَوْكِ دُوڟٜىٰ طَيَ عَكَڢَطَرْسَ، طَيَ دُواْمِنْ كُواْوَثٜىٰ ذُرِيَرْ إِسْرَٰٓءِيلَ؞ 6وَطَنَّنْ دُوَڟُو ذَاسُ ذَمَ مُكُ عَلَمَرْ تُنَاوَا غَمٜىٰدَ أَبِنْدَ يَهْوٜىٰهْ يَيِ؞ نَنْ غَبَ یَیَنْكُ ذَاسُ تَمْبَيٜىٰكُ سُثٜىٰ، ‹إِنَ مَنُڢَرْ وَطَنَّنْ دُوَڟُو أَغَرٜىٰكُ؟› 7سَيْ كُ أَمْسَ كُغَيَ مُسُ ثٜىٰوَ ضُوً يُواْدَنْ يَيَنْكٜىٰ سَعَدَّ عَݣُوتِنْ يَرْجٜىٰجٜىٰنِيَرْ يَهْوٜىٰهْ يَڧٜىٰتَرٜىٰ يُواْدَنْ؞ وَطَنَّنْ دُوَڟُو كُواْيَوْشٜىٰ ذَاسُ ذَمَ أَبِنْ تُنَاوَا غَ مُتَنٜىٰنْ إِسْرَٰٓءِيلَ؞»
8سَيْ إِسْرَٰٓءِيلَاوَا سُكَبِے عُمَرْنِنْ يُواْشُوَ؞ سُكَ طَوْكِ دُوَڟُو غُواْمَشَا بِيُ دَغَ ڟَكِيَرْ يُواْدَنْ، دُوڟٜىٰ طَيَ دُواْمِنْ كُواْوَثٜىٰ ذُرِيَرْ إِسْرَٰٓءِيلَ، كَمَرْ يَدَّ يَهْوٜىٰهْ يَعُمَرْثِ يُواْشُوَ؞ سُكَ كُوَ ڧٜىٰتَرٜىٰ دَسُو ذُوَا عِنْدَ سُكَيِ ذَنْغُواْ، عَثَنْ سُكَ أَجِيٜىٰسُ؞ 9يُواْشُوَ يَكُمَسَا عَكَ كَڢَ وَطَنْسُ دُوَڟُو غُواْمَشَا بِيُ أَڟَكِيَرْ يُواْدَنْ، أَ عِنْدَ ڢِرِسْتُواْثِے مَاسُ طَوْكٜىٰ دَ عَݣُوتِنْ يَرْجٜىٰجٜىٰنِيَ سُكَ ڟَيَ؞ وَطَنَّنْ دُوَڟُو سُنَانَنْ هَرْوَيَوْ؞#4.9 هَرْوَيَوْ: أَنَ نُڢِ حَرْ ذُوَا لُواْكَثِنْ دَ عَكَ رُبُوتَ لِتَّڢِنْ يُواْشُوَ؞ 10ڢِرِسْتُواْثِنْ دَسُكٜىٰ طَوْكٜىٰ دَ عَݣُوتِنْ كُوَ، سُكَ ڟَيَ أَڟَكِيَرْ يُواْدَنْ حَرْ عَكَ غَمَ أَبِنْدَ يَهْوٜىٰهْ يَعُمَرْثِ يُواْشُوَ يَڢَطَا وَمُتَنٜىٰ سُيِ، بِسَغَ يَدَّ مُوسَٰى كُمَ يَعُمَرْثٜىٰشِ؞
مُتَنٜىٰنْ كُوَ سُكَيِ سَوْرِ سُكَ ڧٜىٰتَرٜىٰ كُواْغِنْ؞ 11سَعَدَّ دُكَنْ مُتَنٜىٰ سُكَ غَمَ ڧٜىٰتَرٜىٰوَ ذُوَا طَيَ غٜىٰڢٜىٰنْ كُواْغِنْ، سَيْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ دَ ڢِرِسْتُواْثِے سُكَ وُثٜىٰ غَبَنْ مُتَنٜىٰنْ؞ 12مُتَنٜىٰنْ ذُرِيَرْ رَعُبَيْنُ دَ نَ غَدْ دَ رَبِنْ ذُرِيَرْ مَنَسّٜىٰ أَشِرْيٜىٰ دُواْمِنْ يَاڧِ سُكَ ڧٜىٰتَرٜىٰ أَغَبَنْ سَوْرَنْ مُتَنٜىٰنْ، كَمَرْ يَدَّ مُوسَٰى يَعُمَرْثٜىٰسُ؞ 13أَغَبَنْ يَهْوٜىٰهْ، مُتَنٜىٰ وَجٜىٰنْ دُبُو أَرْبَعِنْ، أَشِرْيٜىٰ دُواْمِنْ يَاڧِ سُكَ ڧٜىٰتَرٜىٰ ذُوَا ڢِيلَيٜىٰنْ يٜىٰرِكُواْ؞ 14أَبِنْدَ يَهْوٜىٰهْ يَيِ رَانَرْ نَنْ، يَا طَوْكَكَ يُواْشُوَ أَعِدُوانْ دُكَنْ مُتَنٜىٰنْ إِسْرَٰٓءِيلَ، حَرْ سُكَيِ تَغِرْمَمَ شِ دُكَنْ ݣُونَكِنْ رَنْسَ، كَمَرْ يَدَّ سُكَ غِرْمَمَ مُوسَٰى؞
15سَيْ يَهْوٜىٰهْ يَثٜىٰ وَ يُواْشُوَ 16يَعُمَرْثِ ڢِرِسْتُواْثِنْدَ سُكٜىٰ طَوْكٜىٰ دَ عَݣُوتِنْ شَيْدَرْ يَرْجٜىٰجٜىٰنِيَ سُڢِتُواْ دَغَ ثِكِنْ يُواْدَنْ؞ 17سَيْ يُواْشُوَ يَعُمَرْثِ ڢِرِسْتُواْثِنْ سُڢِتُواْ دَغَ ثِكِنْ يُواْدَنْ؞ 18دَظَرَرْ ڢِرِسْتُواْثِے مَاسُ طَوْكٜىٰ دَ عَݣُوتِنْ يَرْجٜىٰجٜىٰنِيَ نَ يَهْوٜىٰهْ سُكَ ڢِتُواْ دَغَ ڟَكِيَرْ كُواْغِنْ، سَيْ ضُوً يَنَرْكٜىٰ يَڢَارَ غُدُ يَثِكَ حَرْ يَڢِتَ تَبَاكِنْ كُواْغِنْ كَمَرْ دَا؞
19رَانَرْ دَ مُتَنٜىٰنْ سُكَ ڧٜىٰتَرٜىٰ يُواْدَنْ كُوَ، رَانَ تَغُواْمَ غَ وَتَنْ طَيَ نٜىٰ؞ سَيْ سُكَيِ ذَنْغُوانْسُ أَ غِلْغَلْ، إِيَاكَ تَغَبَسْ تَ يٜىٰرِكُواْ؞ 20أَ غِلْغَلْ نٜىٰ يُواْشُوَ يَكَڢَ دُووَڟُنَّنْ غُواْمَشَا بِيُ وَطَنْدَ سُكَ طَوْكُواْ دَغَ ثِكِنْ يُواْدَنْ؞ 21يُواْشُوَ كُوَ يَثٜىٰ وَمُتَنٜىٰنْ إِسْرَٰٓءِيلَ «نَنْ غَبَ سَعَدَّ یَیَنْكُ سُكَ تَمْبَيِ إِيَايٜىٰنْسُ غَمٜىٰدَ مَنُڢَرْ وَطَنَّنْ دُوَڟُو، 22سَيْ كُڢَطَا مُسُ ثٜىٰوَ مُتَنٜىٰنْ إِسْرَٰٓءِيلَ سُنْ ڧٜىٰتَرٜىٰ كُواْغِنْ يُواْدَنْ عَكَنْ بُوسَشِّيَرْ ڧَسَا؞ 23غَمَا يَهْوٜىٰهْ اللَّهْ نْكُ يَسَا ضُوً يُواْدَنْ يَبُوشٜىٰ دُواْمِنْكُ، حَرْ سَيْ دَ كُكَ ڧٜىٰتَرٜىٰ، كَمَرْ يَدَّ يَسَا ضُوً تٜىٰكُنْ ثِيَوَرْ إِوَ يَبُوشٜىٰ دُواْمِنْ كَاكَنِّنْمُ سُڧٜىٰتَرٜىٰ؞ 24يَيِ وَنَّنْ نٜىٰ دُواْمِنْ دُكَنْ مُتَنٜىٰنْ دُونِيَا سُسَنْ ثٜىٰوَ يَهْوٜىٰهْ يَنَدَ إِيكُواْ، دُواْمِنْ كُمَ كُكَسَنْثٜىٰ دَ ڟُواْرُوانْ يَهْوٜىٰهْ اللَّهْ نْكُ حَرْ أَبَدَا؞»
Currently Selected:
يُواْشُوَ 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
