يُواْشُوَ 24
24
أَنْ سَابُنْتَا يَرْجٜىٰجٜىٰنِيَرْ يَهْوٜىٰهْ أَ شٜىٰكٜىٰمْ
1سَيْ يُواْشُوَ يَتَتَّارَ دُكَنْ ظُرِيُواْيِنْ إِسْرَٰٓءِيلَ أَ شٜىٰكٜىٰمْ؞ يَكِرَا دَتَّاوَا دَ شُوغَبَنِّ دَ مَاسُ شَرِيعَ دَ شُوغَبَنِّنْ سُواْجُواْجِنْ إِسْرَٰٓءِيلَ، سُو كُوَ سُكَ كَسَنْثٜىٰ أَغَبَنْ اللَّهْ؞ 2سَيْ يُواْشُوَ يَثٜىٰ وَدُكَنْ مُتَنٜىٰنْ،
«غَا أَبِنْدَ يَهْوٜىٰهْ اللَّهْ نَ إِسْرَٰٓءِيلَ يَڢَطَا، ‹أَ زَامَانِنْ دَا كَاكَنِّنْكُ، وَتُواْ تَيْرَا، بَابَنْ إِبْرَٰهِيمْ دَ نَهُوارْ، سُكَ ذَوْنَ عَڧٜىٰتَرٜىٰنْ كُواْغِنْ يُڢِرٜىٰتِسْ؞ سُكَ بَوْتَاوَ وَطَنْسُ أَلُّواْلِ؞#ڢَارْ 11.27 3سَيْ نَطَوْكِ كَكَنْكُ إِبْرَٰهِيمْ دَغَ وَثَّنْ ڧَسَا تَڧٜىٰتَرٜىٰنْ كُواْغِنْ يُڢِرٜىٰتِسْ، نَبِدَشِ ثِكِنْ دُكَنْ ڧَسَرْ كَنْعَنَ؞ نَكُمَسَا ذُرِيَرْسَ تَيِيَوَ؞ نَبَاشِ إِسْحَٰڧَ؞#ڢَارْ 12.1-9؛ 21.1-3 4نَكُمَ بَا إِسْحَٰڧَ یَیَ مَظَا، وَتُواْ يَعْڧُوبَ دَ إِسُوَ؞ نَبَا إِسُوَ يَنْكِنْ تُدَّيْ نَ عٜىٰدُوامْ#24.4 عٜىٰدُوامْ: أَنْ كُمَ سَنْ عٜىٰدُوامْ دَ سُونَنْ سٜىٰيِرْ؞ يَذَمَ مَلَّكَرْسَ؞ عَمَّا كَكَنْكُ يَعْڧُوبَ دَ یَیَنْسَ سُكَ غَنْغَرُواْ ذُوَا مَصَرْ؞#ڢَارْ 25.24-26؛ 36.8؛ 46.1-7؛ مَيْ شَـ 2.5 5دَغَ بَايَ نَعَيْكِ مُوسَٰى دَ هَٰرُونَ سُتَيْمَكِ كَاكَنِّنْكُ؞ نَكُمَ عَيْكَ وَ مَصَرْ وَهَلَ تَوُرِنْ أَبِنْدَ نَيِ عَثِكِنْتَ؞ دَغَ بَايَ كُمَ نَڢِتَرْ دَكُو؞#ڢِتْ 3.1—12.42 6نَا كُوَ ڢِتَرْدَ كَاكَنِّنْكُ دَغَ مَصَرْ؞ سَيْ مَصَرَاوَا سُكَبِے كَاكَنِّنْكُ دَ كٜىٰكُنَنْ دُواْكِنْ يَاڧِ دَ مَاسُ هَوَنْ دَوَكِ حَرْ سُكَ كَيْ تٜىٰكُنْ ثِيَوَرْ إِوَ؞#ڢِتْ 14.1-31 7سَعَدَّ سُكَيِ مِنِ كُوكَنْ نٜىٰمَنْ تَيْمَكُواْ، نَا كُوَ سَا دُهُ ڟَكَانِنْسُ دَ مَصَرَاوَا، نَا كُمَسَا تٜىٰكُ تَشَرٜىٰ مَصَرَاوَنْ؞ دَ عِدُوانْكُ كُكَغَ أَبِنْدَ نَيِ وَ مَصَرَاوَا؞
« ‹كُكَيِ ݣُونَكِے دَيَوَ كُنَ ظَوْنٜىٰ عَثِكِنْ دَاجِ؞ 8سَعَنً نَكَٰوُاْكُ عَڧَسَرْ أَمُواْرِيَاوَا، وَطَنْدَ سُكَ ذَوْنَ أَغَبَشِنْ يُواْدَنْ؞ سُكَ يَاڧٜىٰكُ، عَمَّا نَبَاكُ نَصَرَا عَكَنْسُ؞ نَكُمَ هَلَكَاسُ دَغَ غَبَنْكُ، كُكَ مَلَّكِ ڧَسَرْسُ؞#لِـ ڧِدْ 21.21-35 9حَكَكُمَ بَلَكْ طَنْ ظِڢُّوارْ، سَرْكِنْ مُواْوَبْ، يَتَاشِ يَيِ يَاڧِ دَكُو إِسْرَٰٓءِيلَاوَا؞ سَيْ يَعَيْكَ عَكِرَا بَلَعَمْ طَنْ بٜىٰيُوارْ يَذُواْ يَلَعَنْتَكُ؞#لِـ ڧِدْ 22.1—24.25 10عَمَّا بَنْ سَوْرَرِ بَلَعَمْ بَ، سَبُواْدَ حَكَ يَيِ تَسَا مُكُ أَلْبَرْكَ عَكَيْ عَكَيْ؞ تَهَكَ نَثٜىٰثٜىٰكُ دَغَ حَنُّنْسَ؞ 11دَ كُكَ ڧٜىٰتَرٜىٰ يُواْدَنْ، كُكَذُواْ يٜىٰرِكُواْ، مُتَنٜىٰنْ يٜىٰرِكُواْ سُكَ يَاڧٜىٰكُ، كَمَرْ يَدَّ أَمُواْرِيَاوَا دَ ڢٜىٰرِظِّيَاوَا دَ كَنْعَنِيَاوَا دَ هِتِّيَاوَا دَ غِرْغَشِيَاوَا دَ هِوِيَاوَا دَ يٜىٰبُسِيَاوَا سُكَيِ؞ عَمَّا نَبَاشٜىٰسُ دُكَ أَ حَنُّنْكُ؞#يُواشْ 3.14-17؛ 6.1-21 12كَاڢِنْ كُإِسُواْ نَكُمَ عَيْكُواْ مُسُ دَ وَنِ أَبُ مَيْ كَٰوُاْ رَظَنَ وَنْدَ يَكُواْرِ سَرَاكُنَنَّنْ بِيُ نَ أَمُواْرِيَاوَا دَغَ غَبَنْكُ؞ بَتَوُرِنْ تَكُواْبِنْكُ كُواْ بَكَنْكُ كُكَثِ نَصَرَبَ؞#ڢِتْ 23.28؛ مَيْ شَـ 7.20 13نَبَاكُ ڧَسَرْدَ بَكُشَا وَهَلَ عَكَنْتَبَ دَ غَرُضُوً دَ بَكُ غِنَابَ؞ يَنْذُ كُنَ ظَوْنٜىٰ عَثِكِ، كُنَ كُمَ ثِنْ یَیَنْ إِنَبِے دَ ظَيْتُنْ دَغَ عِتَتُوَنْ دَ بَكُ شُوكَبَ؞› »#مَيْ شَـ 6.10-11
14يُواْشُوَ يَثِيغَبَدَ ثٜىٰوَ «يَنْذُ ڢَا سَيْ كُجِڟُواْرُوانْ يَهْوٜىٰهْ، كُكُمَ بَوْتَا مَسَ دَ غَسْكِيَ دَ أَمِنْثِ؞ كُرَبُ دَ أَلُّواْلِنْ دَ كَاكَنِّنْكُ سُكَ بَوْتَاوَ عَڧٜىٰتَرٜىٰنْ كُواْغِنْ يُڢِرٜىٰتِسْ دَ ثِكِنْ مَصَرْ؞ يَهْوٜىٰهْ نٜىٰ كَطَيْ ذَاكُ بَوْتَا مَسَ؞ 15عَمَّا عِدَنْ بَاكُ دَ نِيَّ كُبَوْتَا وَ يَهْوٜىٰهْ، تُواْ يَوْ سَيْ كُذَاٻِ وَنْدَ ذَاكُ بَوْتَا مَسَ، كُواْ أَلُّواْلِنْ دَ كَاكَنِّنْكُ سُكَ بَوْتَاوَ عَڧٜىٰتَرٜىٰنْ كُواْغِنْ يُڢِرٜىٰتِسْ، كُواْ كُوَ أَلُّواْلِنْ أَمُواْرِيَاوَنْ دَ كُكٜىٰ ظَوْنٜىٰ عَڧَسَرْسُ؞ عَمَّا دَنِے دَ غِدَانَ، يَهْوٜىٰهْ نٜىٰ ذَامُ بَوْتَا مَسَ؞»
16سَيْ جَمَعَ سُكَ أَمْسَ سُكَثٜىٰ،
«اللَّهْ يَسَوَّڧَ، بَذَامُ تَٻَ رَبُوَ دَ يَهْوٜىٰهْ دُواْمِنْ مُبَوْتَاوَ وَطَنْسُ أَلُّواْلِبَ! 17غَمَا شِے يَهْوٜىٰهْ اللَّهْ نْمُ نٜىٰ يَڢِتَرْ دَمُو دَ كَاكَنِّنْمُ دَغَ مَصَرْ دَغَ غِدَنْ بَوْتَا؞ شِينٜىٰ يَعَيْكَتَ مَنْيَنْ عَلَمُ أَعِدُوانْمُ؞ يَكِيَايٜىٰمُ عَثِكِنْ دُكَنْ حَنْيَرْ دَ مُكَبِے دَ كُمَ ثِكِنْ دُكَنْ أَلْعُمَّنْ دَ مُكَبِے تَڧَسَرْسُ؞ 18يَهْوٜىٰهْ كُوَ يَكُواْرِ دُكَنْ أَمُواْرِيَاوَا وَطَنْدَ سُكٜىٰ ظَوْنٜىٰ عَڧَسَرْ؞ دُواْمِنْ وَنَّنْ ڢَا، يَهْوٜىٰهْ ذَامُ بَوْتَا مَسَ، غَمَا شِينٜىٰ اللَّهْ نْمُ؞»
19سَيْ يُواْشُوَ يَثٜىٰ وَمُتَنٜىٰنْ،
«عَمَّا بَذَاكُ عِيَ بَوْتَاوَ يَهْوٜىٰهْ بَ، غَمَا شِے اللَّهْ مَيْ ڟَرْكِے نٜىٰ، شِ اللَّهْ نٜىٰ مَيْ بُڧَاتَرْ ثِكَكِّيَرْ ڧَوْنَ؞ بَذَيْ غَاڢَرْتَ تَيَرْوَرْكُ دَ ذُنُبَنْكُبَ؞ 20عِدَنْ ڢَا كُكَ رَبُ دَ يَهْوٜىٰهْ دُواْمِنْ كُبَوْتَا وَغُمَكَنْ أَلُّواْلِنْ ڧَبِيلُ، ذَيْ جُويُواْ يَكَٰوُاْ مُكُ مَسِيڢَ؞ ذَيْ هَلَكَاكُ، كُواْدَيَكٜىٰ يَا رِغَا يَا يِمُكُ أَلْحٜىٰرِ؞»
21جَمَعَرْ كُوَ سُكَثٜىٰ وَ يُواْشُوَ «بَهَكَبَ! مُو، يَهْوٜىٰهْ نٜىٰ ذَامُ بَوْتَا مَسَ؞»
22يُواْشُوَ كُمَ يَثٜىٰمُسُ «كُونٜىٰ شَيْدُنْ كَنْكُ دَ كَنْكُ ثٜىٰوَ كُنْ ذَاٻِ يَهْوٜىٰهْ دُواْمِنْ كُبَوْتَا مَسَ؞»
سَيْ سُكَثٜىٰ «عِ، مُونٜىٰ شَيْدُنْ كَنْمُ؞»
23يُواْشُوَ يَثٜىٰ «تُواْ، يَنْذُ ڢَا سَيْ كُكَوَرْدَ غُمَكَنْ أَلُّواْلِنْ ڧَبِيلُنْ دَ كُكٜىٰدَسُو عَثِكِنْكُ؞ كُسَا ذُوثِيَارْكُ غَ يَهْوٜىٰهْ اللَّهْ نَ إِسْرَٰٓءِيلَ؞»
24جَمَعَ سُكَثٜىٰ وَ يُواْشُوَ «مُو يَهْوٜىٰهْ اللَّهْ نْمُ نٜىٰ ذَامُ بَوْتَا مَسَ؞ ذَامُيِ بِيَيَّ دَ عُمَرْنَنْسَ؞»
25أَوَنَّنْ رَانَ يُواْشُوَ يَيِ يَرْجٜىٰجٜىٰنِيَ دَ جَمَعَ أَ شٜىٰكٜىٰمْ، يَكَڢَ مُسُ ڧَٰعِدُواْدِ دَ عُمَرْنَيْ؞ 26يَكُمَ رُبُوتَ وَطَنَّنْ عَثِكِنْ لِتَّڢِنْ كُواْيَرْوَرْ اللَّهْ؞ يَكُمَ طَوْكِ وَنِ بَبَّنْ دُوڟٜىٰ يَكَڢَشِ عَڧَرْڧَشِنْ إِتَاثٜىٰنْ ڟَاڢِ كُسَدَ وُرِے مَيْ ڟَرْكِے نَ يَهْوٜىٰهْ؞ 27سَيْيَثٜىٰ وَدُكَنْ جَمَعَ «وَنَّنْ دُوڟٜىٰ ذَيْ ذَمَ شَيْدَ عَكَنْمُ، غَمَا يَا جِدُكَنْ كَلْمُواْمِنْ دَ يَهْوٜىٰهْ يَڢَطَا مَنَ؞ دُواْمِنْ حَكَ ذَيْ ذَمَ شَيْدَ عَكَنْكُ، دُواْمِنْ كَدَ كُيِ وَ اللَّهْ نْكُ ڧَضْيَا؞» 28سَعَنً يُواْشُوَ يَسَلَّمِ مُتَنٜىٰنْ، كُواْوَنٜىٰ مُتُمْ يَكُواْمَ ڢِيلِنْ غَادُوانْسَ؞
مُتُوَرْ يُواْشُوَ دَ عٜىٰلٜىٰيَظَرْ
29أَنَانً بَايَنْ وَنَّنْ، سَيْ يُواْشُوَ طَنْ نُنْ بَاوَنْ يَهْوٜىٰهْ يَمُتُ، يَنَدَ شٜىٰكَرَا طَرِے دَ غُواْمَ؞ 30عَكَ بِنّٜىٰشِ أَ ڢِيلِنْسَ تَغَادُواْ أَ تِمْنَتْ سٜىٰرَ عَيَنْكِنْ تُدَّيْ نَ إِڢْرَيِمْ، أَرٜىٰوَ دَ بَبَّنْ تُدُنْ غَعَشْ؞#يُواشْ 19.49-50
31إِسْرَٰٓءِيلَاوَا كُوَ سُكَ بَوْتَاوَ يَهْوٜىٰهْ ثِكِنْ دُكَنْ ݣُونَكِنْ دَ يُواْشُوَ يَكٜىٰدَ رَيْ، حَكَ كُوَ سُكَ ثِيغَبَدَ بَوْتَاوَ يَهْوٜىٰهْ بَايَنْ مُتُوَرْسَ دُكَنْ ݣُونَكِنْ دَتَّاوَنْ دَ سُكَ رَغُ، وَطَنْدَ سُكَ سَنْ دُكَنْ أَيُّكَنْ دَ يَهْوٜىٰهْ يَيِ دُواْمِنْ إِسْرَٰٓءِيلَاوَا؞
32ڧَسُسُوَنْ يُوسُڢَ وَطَنْدَ جَمَعَرْ إِسْرَٰٓءِيلَ سُكَ كَٰوُاْ دَغَ مَصَرْ، عَكَ بِنّٜىٰسُ أَ شٜىٰكٜىٰمْ، عَثِكِنْ يَنْكِنْ ڧَسَرْدَ يَعْڧُوبَ يَسَيَ دَ أَظُرْڢَا طَرِے دَغَ وُرِنْ یَیَنْ هَمُوارْ بَابَنْ شٜىٰكٜىٰمْ؞ وَنَّنْ وُرِے يَذَمَ غَادُوانْ ذُرِيَرْ يُوسُڢَ؞#ڢَارْ 33.19؛ 50.24-25؛ ڢِتْ 13.19؛ يَحـ 4.5؛ أَيُّكَنْ 7.16
33عٜىٰلٜىٰيَظَرْ طَنْ هَٰرُونَ كُمَ يَمُتُ، عَكَ بِنّٜىٰشِ أَ غِبٜىٰيَ وَنْدَ عَكَبَا طَنْسَ ڢِنٜىٰهَسْ عَثِكِنْ يَنْكِنْ تُدَّيْ نَ إِڢْرَيِمْ؞
Currently Selected:
يُواْشُوَ 24: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
