يُواْشُوَ 23
23
مَغَنَرْ يُواْشُوَ تَڧَرْشٜىٰ غَ إِسْرَٰٓءِيلَاوَا
1 يَهْوٜىٰهْ كُوَ يَبَا إِسْرَٰٓءِيلَاوَا هُوتُ دَغَ دُكَنْ أَبُواْكَنْ غَابَنْسُ وَطَنْدَ سُكٜىٰ كٜىٰوَيٜىٰ دَسُو؞ سُنْ كُوَ دَطٜىٰ ثِكِنْ وَنَّنْ هُوتُ، يُواْشُوَ كُمَ يَڟُوڢَ يَنَدَ شٜىٰكَرُ دَيَوَ؞ 2سَيْ يُواْشُوَ يَكِرَا دُكَنْ إِسْرَٰٓءِيلَاوَا دَ دَتَّاوَنْسُ دَ شُوغَبَنِّنْسُ دَ مَاسُ شَرِيعَرْسُ دَ شُوغَبَنِّنْ سُواْجُواْجِنْسُ يَثٜىٰ مُسُ،
«يَنْذُ نَا ڟُوڢَ، شٜىٰكَرُنَ سُنْيِيَوَ؞ 3كُو دَكَنْكُ كُنْ غَ دُكَنْ أَبِنْدَ يَهْوٜىٰهْ اللَّهْ نْكُ يَيِ غَ دُكَنْ وَطَنَّنْ أَلْعُمَّيْ سَبُواْدَكُو، غَمَا يَهْوٜىٰهْ اللَّهْ نْكُ شِينٜىٰ يَيِ يَاڧِ دُواْمِنْكُ؞ 4غَاشِ، نَرَرَّبَ وَكُواْوَثٜىٰ ذُرِيَرْكُ غَادُوانْ يَنْكِنْ ڧَسَرْ أَلْعُمَّنْ دَ سُكَ رَغُ دَ كُمَ ڧَسَرْ دُكَنْ أَلْعُمَّنْ دَ نَثِسُ دَ يَاڧِ، وَتُواْ دُكَنْسُ دَغَ كُواْغِنْ يُواْدَنْ أَوَجٜىٰنْ غَبَسْ حَرْ ذُوَا تٜىٰكُنْ مٜىٰدِتٜىٰرٜىٰنِيَ نَوَجٜىٰنْ يَمَّ؞ 5يَهْوٜىٰهْ اللَّهْ نْكُ دَ كَنْسَ نٜىٰ ذَيْسَا دُكَنْ مُتَنٜىٰنْ ڧَسَرْ سُغُدُ دَغَ غَبَنْكُ، يَكُواْرٜىٰسُ دَغَ ڧَسَرْ؞ ذَاكُثِسُ دَ يَاڧِ كُمَلَّكِ ڧَسَرْسُ، كَمَرْ يَدَّ يَهْوٜىٰهْ اللَّهْ نْكُ يَيِ مُكُ أَلْڧَوَرِ؞
6«سَبُواْدَ حَكَ سَيْ كُيِ ڧَرْڢِنْ حَلِ سُواْسَيْ، كُكُلَ كُكِيَايٜىٰ دُكَنْ أَبِنْدَ عَكَ رُبُوتَ عَثِكِنْ لِتَّڢِنْ كُواْيَرْوَرْ مُوسَٰى؞ كَدَ كُكَوْثٜىٰ دَامَ كُواْ هَغُ؞ 7كَدَ كُهَطَكَيْ دَ سَوْرَنْ أَلْعُمَّنْ دَ سُكَ رَغُ عَثِكِنْ ڧَسَرْ؞ كَدَ مَا كُعَمْبَثِ سُونَيٜىٰنْ أَلُّواْلِنْسُ كُواْ كُوَ كُرَنْڟٜىٰ دَسُو؞ كَدَ كُبَوْتَا مُسُ، كُواْ كُسُنْكُيَ مُسُ؞ 8مَيْمَكُوانْ حَكَ، سَيْ كُمَنّٜىٰوَ يَهْوٜىٰهْ اللَّهْ نْكُ كَمَرْ يَدَّ كُكَيِ هَرْوَيَوْ؞ 9غَمَا يَهْوٜىٰهْ يَاكُواْرِ مَنْيَنْ أَلْعُمَّيْ مَاسُ ڧَرْڢِے دَغَ غَبَنْكُ، هَرْوَيَوْ بَا وَنِ مُتُمِنْدَ يَ إِسَ يَڟَيَ أَغَبَنْكُ؞ 10مُتُمْ طَيَ عَثِكِنْكُ يَ إِسَ يَسَا مُتَنٜىٰ دُبُو نَاسُ سُغُدُ؞ غَمَا يَهْوٜىٰهْ اللَّهْ نْكُ نٜىٰ يَكٜىٰ يَاڧِ دُواْمِنْكُ، كَمَرْ يَدَّ يَيِ مُكُ أَلْڧَوَرِ؞#مَيْ شَـ 3.22؛ 32.30 11سَيْ كُكُلَ دَ كَنْكُ سُواْسَيْ، كُڧَوْنَثِ يَهْوٜىٰهْ اللَّهْ نْكُ؞ 12غَمَا عِدَنْ كُنْ كَوْثٜىٰ كُنْ كُواْمَ دَ بَايَ، كُنْ حَطَكَيْ دَ سَوْرَنْ وَطَنَّنْ أَلْعُمَّنْ دَ سُكَ ضَغٜىٰ سُنَ تَرٜىٰدَكُو، حَرْ كُكَ عَوْرِ جُونَ، 13سَيْ كُتَبَّتَا يَهْوٜىٰهْ اللَّهْ نْكُ بَذَيْ دِنْغَ كُواْرَرْ أَلْعُمَّنَّنْ دَغَ غَبَنْكُبَ؞ مَيْمَكُوانْ حَكَ، ذَاسُ ذَمَ مُكُ دُوڟٜىٰنْ تُنْتُٻٜىٰ دَ كُمَ تَرْكُواْ أَغَرٜىٰكُ دَ بُلَلَ مَيْ ذَاڢِ عَبَايَنْكُ دَ ڧَيُواْيِ أَعِدَنُونْكُ؞ ذَاعَثِيغَبَ حَكَ حَرْ سَيْ كُنْ ڧَارٜىٰ دَغَ وَنَّنْ ڧَسَا مَيْݣَوْ، وَدَّ يَهْوٜىٰهْ اللَّهْ نْكُ يَبَاكُ؞
14«يَنْذُ إِنَ دَبْ دَ بِنْ حَنْيَرْ دَ كُواْوَ عَدُونِيَا يَكَنْبِے؞ كُواْوَنّٜىٰنْكُ يَسَنِ أَ ذُوثِيَارْسَ دَ رَنْسَ ثٜىٰوَ يَهْوٜىٰهْ اللَّهْ نْكُ يَبَاكُ دُكَنْ أَبُبُوَ مَاسُ ݣَوْ وَطَنْدَ يَيِ مُكُ أَلْڧَوَرِ؞ كُواْوَنٜىٰ أَلْڧَوَرِنْ دَ يَيِ مُكُ يَثِكَ، بَ كُواْ طَيَنْدَ يَكَاسَ ثِكَاوَا؞ 15عَمَّا كَمَرْ يَدَّ يَهْوٜىٰهْ يَثِكَ كُواْوَنٜىٰ أَلْڧَوَرِنْ أَبُ مَيْݣَوْ وَنْدَ يَيِ مُكُ، حَكَنٜىٰ ذَيْ كَٰوُاْ مُكُ كُواْوَثٜىٰ مَسِيڢَرْ دَ يَيِ أَلْڧَوَرِ، حَرْ سَيْ يَهَلَّكَرْ دَكُو دَغَ وَنَّنْ ڧَسَا مَيْݣَوْ وَدَّ يَبَاكُ؞ 16عِدَنْ ڢَا كُكَ كَرْيَ وَنَّنْ يَرْجٜىٰجٜىٰنِيَرْ دَ يَهْوٜىٰهْ اللَّهْ نْكُ يَعُمَرْثٜىٰكُ، كُكَ تَڢِے كُكَ بَوْتَاوَ أَلُّواْلِ، كُكَ كُمَ رُسُنَ مُسُ، يَهْوٜىٰهْ ذَيْ يِڢُشِے دَكُو؞ ذَاكُ كُوَ هَلَّكَ دَ سَوْرِ دَغَ ڧَسَرْ نَنْ مَيْݣَوْ وَدَّ يَبَاكُ؞»
Currently Selected:
يُواْشُوَ 23: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
