يُواْشُوَ 21
21
غَرُرُوَنْدَ عَكَبَا لَوِيَاوَا
1شُوغَبَنِّنْ غِدَاجٜىٰنْ كَاكَنِّنْ لَوِيَاوَا سُكَ تَڢِے وُرِنْ عٜىٰلٜىٰيَظَرْ ڢِرِسْتِ دَ يُواْشُوَ طَنْ نُنْ دَ كُمَ سَوْرَنْ شُوغَبَنِّنْ غِدَاجٜىٰنْ كَاكَنِّنْ ذُرِيَرْ إِسْرَٰٓءِيلَ؞ 2سُكَيِ مُسُ مَغَنَ أَ شِلُواْ عَڧَسَرْ كَنْعَنَ ثٜىٰوَ «يَهْوٜىٰهْ يَا بَادَ عُمَرْنِ تَبَاكِنْ مُوسَٰى ثٜىٰوَ عَبَامُ غَرُضُوً دَ ذَامُ ذَوْنَ عَثِكِ تَرٜىٰدَ ڢِيلَيٜىٰ دُواْمِنْ كِيوُانْ دَبُّواْبِنْمُ؞»#لِـ ڧِدْ 35.1-8 3سَبُواْدَ حَكَ، بِسَغَ عُمَرْنِنْ يَهْوٜىٰهْ، إِسْرَٰٓءِيلَاوَا سُكَ بَا لَوِيَاوَا وَطَنَّنْ غَرُرُوَ دَ ڢِيلَيٜىٰنْ كِيوُاْ دَغَ ثِكِنْ رَبُوانْ ڧَسَرْسُ تَغَادُواْ؞
4ڧُرِعَ تَڢَرْكُواْ تَڢَاطَ عَكَنْ عِيَلَنْ دَنْغِنْ كُواْهَتْ؞ لَوِيَاوَنْ دَسُكٜىٰ دَغَ ذُرِيَرْ هَٰرُونَ ڢِرِسْتِ سُكَ سَامِ غَرُرُوَ غُواْمَشَا عُكُ دَغَ يَنْكُنَنْ ذُرِيَرْ يَهُودَ دَ ذُرِيَرْ سِمٜىٰيُوانْ دَ ذُرِيَرْ بِلِيَامِنُ؞ 5سَوْرَنْ دَنْغِنْ كُواْهَتْ سُكَ سَامِ غَرُرُوَ غُواْمَ دَغَ دَنْغُواْغِنْ ذُرِيَرْ إِڢْرَيِمْ دَ ذُرِيَرْ دَنْ دَ رَبِنْ ذُرِيَرْ مَنَسّٜىٰ؞
6دَنْغِنْ غٜىٰرْشُوانْ كُوَ سُكَ سَامِ غَرُرُوَ غُواْمَشَا عُكُ دَغَ دَنْغُواْغِنْ ذُرِيَرْ إِسَّكَرْ دَ ذُرِيَرْ أَشٜىٰرْ دَ ذُرِيَرْ نَڢْتَلِ دَ رَبِنْ ذُرِيَرْ مَنَسّٜىٰ عَبَشَنْ؞
7عِيَلَنْ دَنْغِنْ مٜىٰرَرِ كُوَ عَكَبَاسُ غَرُرُوَ غُواْمَشَا بِيُ دَغَ ذُرِيَرْ رَعُبَيْنُ دَ ذُرِيَرْ غَدْ دَ ذُرِيَرْ ظٜىٰبُلُنْ؞
8تَهَنْيَرْ جٜىٰڢَ ڧُرِعَ نٜىٰ، مُتَنٜىٰنْ إِسْرَٰٓءِيلَ سُكَ بَا لَوِيَاوَا وَطَنَّنْ غَرُرُوَ تَرٜىٰدَ ڢِيلَيٜىٰ دُواْمِنْ كِيوُانْ دَبُّواْبِنْسُ، كَمَرْ يَدَّ يَهْوٜىٰهْ يَعُمَرْتَ تَبَاكِنْ مُوسَٰى؞
9دَغَ يَنْكِنْ ذُرِيَرْ يَهُودَ دَ ذُرِيَرْ سِمٜىٰيُوانْ عَكَ بَادَ وَطَنَّنْ غَرُضُوً دَ عَكَ عَمْبَثِ سُونَيٜىٰنْسُ أَنَنْ؞ 10وَطَنَّنْ غَرُرُوَ أَنْبَا مُتَنٜىٰنْ ذُرِيَرْ هَٰرُونَ وَطَنْدَ سُكٜىٰ نَدَنْغِنْ كُواْهَتْ دَغَ ذُرِيَرْ لَوِيَاوَا، غَمَا ڧُرِعَ تَڢَرْكُواْ تَڢَاطَ عَكَنْسُ؞
11سَيْ عَكَبَاسُ كِرِيَتْ أَرْبَ، وَتُواْ هٜىٰبْرُوانْ، عَيَنْكِنْ تُدَّيْ نَ يَهُودَ، تَرٜىٰدَ ڢِيلَيٜىٰنْ كِيوُانْ دَسُكٜىٰ كٜىٰوَيٜىٰ دَ عِتَ؞ أَرْبَ كُوَ شِينٜىٰ بَابَنْ أَنَكْ؞ 12عَمَّا سَوْرَنْ ڢِيلَيٜىٰنْ بَايَنْ غَرِنْ دَ ڧَوْيُكَنْتَ أَنْبَا كَلٜىٰبْ طَنْ يٜىٰڢُنّٜىٰ سُذَمَ مَلَّكَرْسَ تَغَادُواْ؞
13غَرُضُوً دَ ڢِيلَيٜىٰنْ كِيوُانْ دَ عَكَبَا ذُرِيَرْ هَٰرُونَ ڢِرِسْتِ كٜىٰنَنْ؞ هٜىٰبْرُوانْ غَرِنْ مَڢَكَا دُواْمِنْ وَنْدَ يَيِ كِسَنْ كَيْ بَ دَ غَنْغَنْبَ؞ دَ لِبْنَ، 14دَ يَتِّرْ دَ عٜىٰشْتٜىٰمُواْوَ، 15دَ هُواْلُوانْ دَ دٜىٰبِرْ، 16دَ أَيِنْ دَ يُتَّ دَ بٜىٰتْ شٜىٰمٜىٰشْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞ غَرُرُوَ تَرَ كٜىٰنَنْ دَغَ ثِكِنْ يَنْكِنْ ذُرِيَرْ يَهُودَ دَ سِمٜىٰيُوانْ؞
17دَغَ ثِكِنْ يَنْكِنْ ذُرِيَرْ بِلِيَامِنُ عَكَبَاسُ غَرُرُوَ حُطُ، وَتُواْ غِبٜىٰيُوانْ دَ غٜىٰبَ، 18دَ أَنَتُواتْ دَ أَلْمُوانْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
19دُكَنْ غَرُضُوً دَ عَكَبَا ڢِرِسْتُواْثِے، وَتُواْ ذُرِيَرْ هَٰرُونَ، غَرُرُوَ غُواْمَشَا عُكُنٜىٰ، تَرٜىٰدَ ڢِيلَيٜىٰنْ كِيوُانْسُ؞
20سَوْرَنْ عِيَلَنْ لَوِيَاوَا نَدَنْغِنْ كُواْهَتْ كُوَ عَكَبَاسُ غَرُرُوَ دَغَ يَنْكِنْ ذُرِيَرْ إِڢْرَيِمْ؞
21دَغَ يَنْكِنْ تُدَّيْ نَظُرِيَرْ إِڢْرَيِمْ، عَكَبَاسُ غَرُرُوَ حُطُ، وَتُواْ شٜىٰكٜىٰمْ غَرِنْ مَڢَكَا دُواْمِنْ وَنْدَ يَيِ كِسَنْ كَيْ بَ دَ غَنْغَنْبَ، دَ غٜىٰظٜىٰرْ، 22دَ كِبْظَيِمْ دَ بٜىٰتْ حُواْرُوانْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
23دَغَ يَنْكِنْ ذُرِيَرْ دَنْ، عَكَبَاسُ غَرُرُوَ حُطُ، وَتُواْ عٜىٰلْتٜىٰكٜىٰ دَ غِبّٜىٰتُوانْ، 24دَ أَيَلُوانْ دَ غَتْرِمُّوانْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
25دَغَ ثِكِنْ يَنْكِنْ رَبِنْ ذُرِيَرْ مَنَسّٜىٰ عَكَبَاسُ غَرُرُوَ بِيُ، وَتُواْ تَعَنَكْ دَ غَتْرِمُّوانْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
26دُكَنْ غَرُضُوً دَ عَكَبَا سَوْرَنْ عِيَلَنْ لَوِيَاوَا نَدَنْغِنْ كُواْهَتْ، غَرُرُوَ غُواْمَ نٜىٰ، تَرٜىٰدَ ڢِيلَيٜىٰنْ كِيوُانْسُ؞
27عَكَ بَا لَوِيَاوَا نَدَنْغِنْ غٜىٰرْشُوانْ غَرُرُوَ؞
دَغَ ثِكِنْ يَنْكِنْ رَبِنْ ذُرِيَرْ مَنَسّٜىٰ عَكَبَاسُ غُواْلَنْ نَثِكِنْ بَشَنْ غَرِنْ مَڢَكَا دُواْمِنْ وَنْدَ يَيِ كِسَنْ كَيْ بَ دَ غَنْغَنْبَ، دَ بٜىٰيٜىٰشْتٜىٰرَ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞ غَرُرُوَ بِيُ كٜىٰنَنْ؞
28دَغَ يَنْكِنْ ذُرِيَرْ إِسَّكَرْ، عَكَبَاسُ غَرُرُوَ حُطُ، وَتُواْ كِشِيُوانْ دَ دَبٜىٰرَتْ، 29دَ يَرْمُتْ دَ عٜىٰنْغَنِّمْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
30دَغَ يَنْكِنْ ذُرِيَرْ أَشٜىٰرْ، عَكَبَاسُ غَرُرُوَ حُطُ، وَتُواْ مِشَلْ دَ أَبْدُوانْ، 31دَ هٜىٰلْكَتْ دَ رٜىٰهُوابْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
32دَغَ ذُرِيَرْ نَڢْتَلِ عَكَبَاسُ غَرُرُوَ عُكُ، وَتُواْ كٜىٰدٜىٰشْ نَثِكِنْ غَلِيلِ غَرِنْ مَڢَكَا دُواْمِنْ وَنْدَ يَيِ كِسَنْ كَيْ بَ دَ غَنْغَنْبَ، دَ هَمُّواتْ دُوارْ دَ كَرْتَنْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
33دُكَنْ غَرُضُوً دَ عَكَ بَادَنْغِنْ غٜىٰرْشُوانْ تَرٜىٰدَ ڢِيلَيٜىٰنْ كِيوُانْسُ غُواْمَشَا عُكُنٜىٰ؞
34عَكَ بَا سَوْرَنْ لَوِيَاوَا، وَتُواْ نَدَنْغِنْ مٜىٰرَرِ، غَرُرُوَ؞
دَغَ يَنْكِنْ ذُرِيَرْ ظٜىٰبُلُنْ عَكَبَاسُ غَرُرُوَ حُطُ، وَتُواْ يُواكْنٜىٰيَمْ دَ كَرْتَ، 35دَ دِمْنَ دَ نَهَلَلْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
36دَغَ يَنْكِنْ ذُرِيَرْ رَعُبَيْنُ عَكَبَاسُ غَرُرُوَ حُطُ، وَتُواْ بٜىٰظٜىٰرْ دَ يَهَظَ، 37دَ كٜىٰدٜىٰمُواتْ دَ مٜىٰڢَعَتْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
38دَغَ يَنْكِنْ ذُرِيَرْ غَدْ عَكَبَاسُ غَرُرُوَ حُطُ، وَتُواْ رَمُواتْ نَثِكِنْ غِلٜىٰيَدْ غَرِنْ مَڢَكَا دُواْمِنْ وَنْدَ يَيِ كِسَنْ كَيْ بَ دَ غَنْغَنْبَ، دَ مَهَنَيِمْ، 39دَ هٜىٰشْبُوانْ دَ يَظٜىٰرْ، كُواْوَنّٜىٰنْسُ تَرٜىٰدَ ڢِيلَيٜىٰنْ كِيوُانْتَ؞
40دُكَنْ غَرُضُوً دَ عَكَبَا سَوْرَنْ لَوِيَاوَا، وَتُواْ دَنْغِنْ مَرَرِ، غُواْمَشَا بِيُ نٜىٰ؞
41غَرُضُوً لَوِيَاوَا دُكَ عَثِكِنْ ڧَسَرْدَ تَذَمَ مَلَّكَرْ مُتَنٜىٰنْ إِسْرَٰٓءِيلَ سُنْ كَيْ غَرُرُوَ أَرْبَعِنْ دَ تَݣُوسْ، تَرٜىٰدَ ڢِيلَيٜىٰنْ كِيوُانْسُ؞ 42كُواْوَنٜىٰ غَرِ يَنَدَ ڢِيلَيٜىٰنْ كِيوُاْ كٜىٰوَيٜىٰ دَشِ؞
إِسْرَٰٓءِيلَاوَا سُنْ مَلَّكِ ڧَسَرْ
43حَكَ كُوَ يَهْوٜىٰهْ يَبَا إِسْرَٰٓءِيلَ دُكَنْ ڧَسَرْدَ يَرَنْڟٜىٰ ذَيْبَا كَاكَنِّنْسُ؞ سَعَدَّ سُكَثِ ڧَسَرْ، سُكَ مَلَّكٜىٰتَ، سُكَ كُوَ ذَوْنَ عَثِكِ؞ 44يَهْوٜىٰهْ يَبَاسُ هُوتُ عَكُواْوَنٜىٰ غٜىٰڢٜىٰ كَمَرْ يَدَّ يَرَنْڟٜىٰوَ كَاكَنِّنْسُ؞ بَابُ طَيَ عَثِكِنْ دُكَنْ أَبُواْكَنْ غَابَنْسُ وَنْدَ يَ عِيَ ڟَيَاوَا أَغَبَنْسُ، غَمَا يَهْوٜىٰهْ يَابَادَ دُكَنْ أَبُواْكَنْ غَابَنْسُ عَثِكِنْ حَنُّنْسُ؞ 45يَهْوٜىٰهْ كُوَ يَثِكَ كُواْوَنٜىٰ أَلْڧَوَرِنْ أَلْحٜىٰرِنْ دَ يَيِ وَ غِدَنْ إِسْرَٰٓءِيلَ؞ بَابُوَنِ أَبِنْدَ بَيْ ثِكَبَ؞
Currently Selected:
يُواْشُوَ 21: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
