يُواْشُوَ 20
20
غَرُضُوً مَڢَكَا
﴿لِـ ڧِدْ 35.9-34﴾
1سَيْ يَهْوٜىٰهْ يَڢَطَا وَ يُواْشُوَ،#لِـ ڧِدْ 35.9-34؛ مَيْ شَـ 4.41-43؛ 19.1-13 2يَثٜىٰ وَمُتَنٜىٰنْ إِسْرَٰٓءِيلَ،
«كُذَاٻِ غَرُضُوً مَڢَكَا وَطَنْدَ نَعُمَرْثِ مُوسَٰى يَڢَطَا مُكُ؞ 3ذَاكُ كٜىٰٻٜىٰ غَرُرُوَنَّنْ دُواْمِنْ عِدَنْ وَنِ مُتُمْ يَكَشٜىٰ وَنِ بَ دَ نِيَّرْسَ يَيِ كِسَنْ كَيْبَ، كُمَ بَ دَ غَنْغَنْبَ، سَيْ يَغُدُ ذُوَا ثَنْ؞ غَرُضُوً ذَاسُ ذَمَ مُكُ مَڢَكَا دَغَ حَنُّنْ مَيْبِنْ حَكِّنْ جِنِ؞
4«سَعَدَّ مَيْ كِسَنْ كَيْ طِنْ يَغُدُ ذُوَا طَيَ دَغَ ثِكِنْ غَرُرُوَنَّنْ، ذَيْ ڟَيَ عَبَاكِنْ ڧُواْڢَرْ غَرِنْ، يَبَيَّنَ وَدَتَّاوَنْ أَبِنْدَ يَڢَرُ؞ سُو كُوَ إِنْ سُنْجِ، سَيْ سُكَرْٻٜىٰشِ، سُبَرْشِ يَشِغَ ثِكِنْ غَرِنْ، عَكُمَ بَاشِ وُرِنْ ذَمَ يَذَوْنَ تَرٜىٰدَسُو؞ 5عِدَنْ مُتُمْ مَيْبِنْ حَكِّنْ جِنِ يَبِيشِ حَرْ ثَنْ، مُتَنٜىٰنْ غَرِنْ بَذَاسُ بَادَ مَيْ كِسَنْ كَنَّنْ أَ حَنُّنْ مُتُمْ مَيْبِنْ حَكِّنْ جِنِنْبَ؞ دُواْلٜىٰ سُكَارٜىٰشِ، غَمَا يَا كَشٜىٰ مُتُمِنْ بَ دَ غَنْغَنْبَ، كُمَ بَوَيْ تُنْدَا يَنَ ڧِيَيَّرْسَ بَنٜىٰ؞ 6مُتَنٜىٰنْ غَرِنْ مَڢَكَرْ ذَاسُ تَارُ سُيِ مَسَ شَرِيعَ؞ عِدَنْ سُكَ يَنْكٜىٰ حُكُنْثِ ثٜىٰوَ بَ دَ غَنْغَنْثِ يَكَشٜىٰ مُتُمِنْبَ، سَيْ يَذَوْنَ أَغَرِنْ حَرْ سَيْ لُواْكَثِنْ دَ بَبَّنْ ڢِرِسْتِ نَلُواْكَثِنْ يَمُتُ؞ سَعَنً مَيْ كِسَنْ كَيْ طِنْ ذَيْ عِيَ كُواْمَ وَغِدَنْسَ عَثِكِنْ غَرِنْسَ دَغَ عِنْدَ يَغُدُ؞»
7سَبُواْدَ حَكَ، سُكَ كٜىٰٻٜىٰ كٜىٰدٜىٰشْ وَنْدَ يَكٜىٰ ثِكِنْ غَلِيلِ عَيَنْكِنْ تُدَّيْ نَظُرِيَرْ نَڢْتَلِ دَ شٜىٰكٜىٰمْ وَنْدَ يَكٜىٰ عَيَنْكِنْ تُدَّيْ نَظُرِيَرْ إِڢْرَيِمْ دَ كِرِيَتْ أَرْبَ، وَتُواْ هٜىٰبْرُوانْ، وَنْدَ يَكٜىٰ عَيَنْكِنْ تُدَّيْ نَظُرِيَرْ يَهُودَ؞ 8عَڧٜىٰتَرٜىٰنْ كُواْغِنْ يُواْدَنْ، غَبَسْ دَ يٜىٰرِكُواْ، سُكَ كٜىٰٻٜىٰ بٜىٰظٜىٰرْ وَنْدَ يَكٜىٰ ثِكِنْ دَاجِ عَيَنْكِنْ تُدَّيْ نَيَنْكِنْ ذُرِيَرْ رَعُبَيْنُ دَ رَمُواتْ وَنْدَ يَكٜىٰ أَ غِلٜىٰيَدْ نَيَنْكِنْ ذُرِيَرْ غَدْ دَ غُواْلَنْ وَنْدَ يَكٜىٰ ثِكِنْ بَشَنْ نَيَنْكِنْ ذُرِيَرْ مَنَسّٜىٰ؞ 9وَطَنَّنْ سُونٜىٰ غَرُضُوً مَڢَكَا وَطَنْدَ عَكَ كٜىٰٻٜىٰ دُواْمِنْ دُكَنْ مُتَنٜىٰنْ إِسْرَٰٓءِيلَ دَ كُمَ بَڧِنْ دَسُكٜىٰ ذَمَ أَڟَكَانِنْسُ؞ دُكْ وَنْدَ يَكَشٜىٰ مُتُمْ بَ دَ غَنْغَنْبَ، يَ عِيَ غُدُ ذُوَا ثَنْ، دُواْمِنْ كَدَ مَيْبِنْ حَكِّنْ جِنِ يَكَشٜىٰشِ؞ ذَيْ ذَوْنَ عَثَنْ حَرْ سَيْ يَڟَيَ أَغَبَنْ تَارُوانْ جَمَعَ دُواْمِنْ شَرِيعَ؞
Currently Selected:
يُواْشُوَ 20: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
