يُواْشُوَ 14
14
أَنْ رَبَ ڧَسَرْ دَ تَكٜىٰ يَمَّثِنْ يُواْدَنْ
1وَطَنَّنْ سُونٜىٰ يَنْكُنَ نَغَادُوانْ دَ إِسْرَٰٓءِيلَاوَا سُكَ كَرْٻَ عَڧَسَرْ كَنْعَنَ، وَطَنْدَ عٜىٰلٜىٰيَظَرْ ڢِرِسْتِ دَ يُواْشُوَ طَنْ نُنْ دَ كُمَ شُوغَبَنِّنْ عِيَلَنْ ظُرِيُواْيِنْ إِسْرَٰٓءِيلَ سُكَ رَرَّبَ مُسُ؞ 2كَمَرْ يَدَّ يَهْوٜىٰهْ يَعُمَرْثِ مُوسَٰى، ذُرِيَرْ نَنْ تَرَ دَ رَبِے سُنْ كَرْٻِ نَاسُ رَبُوانْ غَادُواْ عَيَمَّثِنْ يُواْدَنْ تَهَنْيَرْ جٜىٰڢَ ڧُرِعَنٜىٰ؞#لِـ ڧِدْ 26.52-56؛ 34.13 3غَمَا مُوسَٰى يَا رِغَا يَا بَا ذُرِيَ بِيُ دَ رَبِے نَاسُ رَبُوانْ غَادُواْ عَثَنْ غَبَشِنْ كُواْغِنْ يُواْدَنْ، عَمَّا بَيْبَا لَوِيَاوَا رَبُوانْ غَادُواْ عَثِكِنْسُبَ؞ 4غَمَا یَیَنْ يُوسُڢَ كُوَ سُنْ ذَمَ ذُرِيَ بِيُنٜىٰ، وَتُواْ مَنَسّٜىٰ دَ إِڢْرَيِمْ؞ بَعَكُمَبَا لَوِيَاوَا رَبُوانْ غَادُواْ عَثِكِنْ ڧَسَرْ بَ؞ مَيْمَكُوانْ وَنَّنْ أَنْبَاسُ غَرُرُوَ كَطَيْ عِنْدَ ذَاسُ ذَوْنَ، تَرٜىٰدَ ڢِيلَيٜىٰنْسُ دُواْمِنْ كِيوُانْ دَبُّواْبِنْسُ دَ غَرْكٜىٰنْسُ؞#لِـ ڧِدْ 32.33؛ 34.14-15؛ مَيْ شَـ 3.12-17 5إِسْرَٰٓءِيلَاوَا سُكَ رَرَّبَ ڧَسَرْ بِسَغَ يَدَّ يَهْوٜىٰهْ يَعُمَرْثِ مُوسَٰى؞
أَنْ بَا كَلٜىٰبْ هٜىٰبْرُوانْ
6وَتَرَانَ كٜىٰنَنْ مُتَنٜىٰ دَغَ ذُرِيَرْ يَهُودَ سُكَذُواْ وُرِنْ يُواْشُوَ أَ غِلْغَلْ، سَعَنً كَلٜىٰبْ طَنْ يٜىٰڢُنّٜىٰ مُتُمِنْ كٜىٰنِظْ يَثٜىٰ وَ يُواْشُوَ «كَا سَنْ مَغَنَرْ دَ يَهْوٜىٰهْ يَڢَطَا وَ مُوسَٰى مُتُمِنْ اللَّهْ أَ كَدٜىٰشْ بَرْنٜىٰيَ غَمٜىٰدَ كَيْ دَنِے؞#لِـ ڧِدْ 14.30 7إِنَدَ شٜىٰكَرَا أَرْبَعِنْ سَعَدَّ مُوسَٰى بَاوَنْ يَهْوٜىٰهْ يَعَيْكٜىٰنِ دَغَ كَدٜىٰشْ بَرْنٜىٰيَ دُواْمِنْ إِنْجٜىٰ إِنْ لٜىٰڧِ أَسِيرِنْ ڧَسَرْ؞ نِے كُوَ نَكَٰوُاْ مَسَ رَهُواْتُوانْ غَسْكِيَ بِسَ تَبَّثِنْ يَدَّ يَكٜىٰ أَ ذُوثِيَاتَ؞#لِـ ڧِدْ 13.1-30 8عَمَّا یَنْعُوَنَ وَطَنْدَ مُكَ تَڢِے تَرٜىٰ، سُكَسَا ظُكَاتَنْ مُتَنٜىٰ سُنْ نَرْكٜىٰ دُواْمِنْ ڟُواْرُواْ؞ دُكْدَهَكَ نَبِے يَهْوٜىٰهْ اللَّهْ نَا دَ دُكَنْ ذُوثِيَاتَ؞ 9سَبُواْدَ حَكَ أَوَنَّنْ رَانَ مُوسَٰى يَرَنْڟٜىٰ مِنِ يَثٜىٰ، ‹دُكْ عِنْدَ ڧَڢَاڢُنْكَ سُكَتَاكَ ذَيْ ذَمَ غَادُوانْكَ، كَيْ دَ یَیَنْكَ حَرْ أَبَدَا، غَمَا كَا بِے يَهْوٜىٰهْ اللَّهْ نَا دَ دُكَنْ ذُوثِيَارْكَ؞›#لِـ ڧِدْ 14.24 10غَاشِ كُوَ، يَهْوٜىٰهْ يَا كِيَايٜىٰنِ هَرْوَيَوْ كَمَرْ يَدَّ يَڢَطَا؞ شٜىٰكَرَا أَرْبَعِنْ دَ بِيَرْ سُنْ وُثٜىٰ تُنْ لُواْكَثِنْدَ يَڢَطَا وَ مُوسَٰى وَنَّنْ مَغَنَ، سَعَدَّ إِسْرَٰٓءِيلَاوَا سُكٜىٰ يَٰوُاْ عَثِكِنْ دَاجِ؞ غَا نِے يَوْ، نَثِكَ شٜىٰكَرَا تَمَٰنِنْ دَ بِيَرْ! 11غَاشِ كُوَ، هَرْوَيَوْ إِنَدَ ڧَرْڢِنْ جِكِينَ كَمَرْ أَ لُواْكَثِنْ دَ مُوسَٰى يَعَيْكٜىٰنِ؞ حَكَ كُوَ إِنَانَنْ دَ ڧَرْڢِينَ حَرْ يَنْذُ دُواْمِنْ إِنْ ڢِتَ يَاڧِ دَ كُمَ كَيْ دَ كَٰوُاْوَ؞ 12يَنْذُ سَيْ كَبَا نِے وَنَّنْ يَنْكِنْ تُدَّيْ وَنْدَ يَهْوٜىٰهْ يَيِ مِنِ أَلْڧَوَرِ أَ رَانَرْ دَ یَنْعُوَنَ دَنِے مُكَ بَادَ رَهُواْتُواْ؞ كَيْمَا دَكَنْكَ كَاجِ يَدَّ إِرِنْ ڧَتِّ وَطَنْدَ عَكٜىٰ كِرَنْسُ أَنَكَاوَا سُنَ ثَنْ أَ مَنْيَنْ بِرَنٜىٰ مَاسُ كَتَنْغَ؞ وَتَڧِيلَ يَهْوٜىٰهْ ذَيْتَيْمَكٜىٰنِ إِنْكُواْرٜىٰسُ كَمَرْ يَدَّ يَڢَطَا؞»
13سَيْ يُواْشُوَ يَ أَلْبَرْكَثِ كَلٜىٰبْ طَنْ يٜىٰڢُنّٜىٰ يَكُمَ بَاشِ هٜىٰبْرُوانْ تَذَمَ مَلَّكَرْسَ تَغَادُواْ؞ 14هٜىٰبْرُوانْ ڢَا هَرْوَيَوْ تَذَمَ رَبُوانْ غَادُوانْ ذُرِيَرْ كَلٜىٰبْ طَنْ يٜىٰڢُنّٜىٰ، غَمَا يَا بِے يَهْوٜىٰهْ اللَّهْ نَ إِسْرَٰٓءِيلَ دَ دُكَنْ ذُوثِيَارْسَ؞ 15أَ دَا أَنَ كِرَنْ هٜىٰبْرُوانْ دَ سُونَ كِرِيَتْ أَرْبَ؞ وَنَّنْ أَرْبَ كُوَ وَنِ ڧَتُوانْ مُتُمْ نٜىٰ عَثِكِنْ أَنَكَاوَا؞
ڧَسَرْ كُوَ تَسَامِ هُوتُ دَغَ يَاڧِ؞
Currently Selected:
يُواْشُوَ 14: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
