يُواْشُوَ 13
13
ڧَسَرْ دَ بَعَثِبَ تُكُنَ
1أَنَانً سَعَدَّ يُواْشُوَ يَڟُوڢَ سُواْسَيْ، سَيْ يَهْوٜىٰهْ يَثٜىٰ مَسَ «كَا ڟُوڢَ سُواْسَيْ، غَاشِ، حَرْ يَنْذُ أَݣَويْ يَنْكُنَنْ ڧَسَرْدَ يَوَ وَطَنْدَ ذَاكُ مَلَّكَ عَمَّا بَكُثِ تُكُنَبَ؞ 2غَا يَنْكُنَنْ دَ سُكَ ضَغٜىٰ، دُكَنْ يَنْكُنَنْ ڢِلِسْتِيَاوَا دَ نَ غٜىٰشُرَاوَا 3دَغَ رَاڢِنْ شِهُوارْ وَنْدَ يَكٜىٰ عَ إِيَاكَرْ مَصَرْ تَغَبَسْ ذُوَا يَنْكِنْ عٜىٰكْرُوانْ أَوَجٜىٰنْ أَرٜىٰوَ؞ دُكَنْ يَنْكُنَنَّنْ أَنْلِسَّڢْتَاسُ نَ كَنْعَنِيَاوَا نٜىٰ، وَتُواْ يَنْكُنَ نَسَرَاكُنَ بِيَرْ نَ ڢِلِسْتِيَاوَا وَطَنْدَ سُكٜىٰ مُلْكِ أَ غَاظَ دَ أَشْدُوادْ دَ أَشْكٜىٰلُوانْ دَ غَتْ دَ كُمَ عٜىٰكْرُوانْ نَيَنْكِنْ أَوِّيَاوَا؞ 4بَعَكُمَثِ يَنْكُنَنْ كَنْعَنِيَاوَا بَ دَغَ غَرِنْ مٜىٰيَرَ عَيَنْكِنْ سِدُواْنِيَاوَا، حَرْ ذُوَا غَرِنْ أَڢٜىٰكْ عَ إِيَاكَرْ أَمُواْرِيَاوَا؞ 5أَݣَويْ كُمَ يَنْكِنْ غٜىٰبَلِيَاوَا دَ دُكَنْ ڧَسَرْ لٜىٰبَنُوانْ ذُوَا غَبَسْ دَغَ بَعَلْغَدْ أَغِنْدِنْ بَبَّنْ تُدُنْ هَرْمُوانْ حَرْ ذُوَا مَشِغِنْ يَنْكِنْ هَمَتْ؞ 6غَمٜىٰ دَ دُكَنْ مَذَوْنَنْ يَنْكِنْ سِدُوانْ، وَطَنْدَ سُكٜىٰ ظَوْنٜىٰ عَثِكِنْ يَنْكِنْ تُدَّيْ ڟَكَانِنْ مَنْيَنْ تُدَّنْ لٜىٰبَنُوانْ دَ مِسْرٜىٰڢُواتْ مَيِمْ، نِے دَكَيْنَ ذَنْ كُواْرٜىٰسُ دُكَ دَغَ غَبَنْ إِسْرَٰٓءِيلَاوَا؞ كَتَبَّتَا كَرَبَوَ إِسْرَٰٓءِيلَاوَا يَنْكِنَّنْ يَذَمَ غَادُوانْسُ كَمَرْ يَدَّ نَعُمَرْثٜىٰكَ؞#لِـ ڧِدْ 33.54 7يَنْذُ ڢَا سَيْ كَرَبَ وَنَّنْ ڧَسَا وَظُرِيَرْ نَنْ تَرَ دَ كُمَ رَبِنْ ذُرِيَرْ مَنَسّٜىٰ تَذَمَ مَلَّكَرْسُ تَغَادُواْ؞»
يَنْكُنَنْ ڧَسَرْ غَبَسْ دَ كُواْغِنْ يُواْدَنْ
8سَوْرَنْ رَبِنْ ذُرِيَرْ مَنَسّٜىٰ تَرٜىٰدَ ذُرِيَرْ رَعُبَيْنُ دَ ذُرِيَرْ غَدْ سُنْ كَرْٻِ نَاسُ رَبُوانْ غَادُواْ وَنْدَ مُوسَٰى يَا رِغَا يَابَاسُ عَڧٜىٰتَرٜىٰنْ كُواْغِنْ يُواْدَنْ وَجٜىٰنْ غَبَسْ؞ أَبِنْ دَ مُوسَٰى، بَاوَنْ يَهْوٜىٰهْ يَبَاسُ كٜىٰنَنْ؞#لِـ ڧِدْ 32.33؛ مَيْ شَـ 3.12
9يَنْكِنْسُ نَڧَسَرْ يَمِيڧٜىٰ دَغَ غَرِنْ أَرُواْوٜىٰرْ وَنْدَ يَكٜىٰ عَبَاكِنْ ݣُورِنْ كُواْغِنْ أَرْنُوانْ دَغَ غَرِنْ دَيَكٜىٰ أَڟَكِيَرْ ݣُورِنْ، حَرْ ذُوَا يَنْكِنْ تُدَّيْ نَ مٜىٰدٜىٰبَ ذُوَا دِبُوانْ؞ 10يَكُمَ ڧُنْشِ دُكَنْ بِرَنٜىٰنْ سَرْكِے سِهُوانْ نَ أَمُواْرِيَاوَا، وَنْدَ يَيِ مُلْكِ أَ هٜىٰشْبُوانْ، حَرْ ذُوَا إِيَاكَرْ أَمُّواْنَاوَا، 11دَ غِلٜىٰيَدْ دَ يَنْكِنْ غٜىٰشُرْ دَ نَ مَعَكَ دَ دُكَنْ بَبَّنْ تُدُنْ هَرْمُوانْ دَ كُمَ دُكَنْ بَشَنْ حَرْ ذُوَا سَلٜىٰكَ، 12وَتُواْ، دُكَنْ مُلْكٍ سَرْكِے عُواغْ نَ بَشَنْ، وَنْدَ يَيِ مُلْكِ أَ عَشْتَرُواتْ دَ عٜىٰدِرَيْ؞ عُواغْ كُوَ شِ كَطَيْ نٜىٰ يَرَغُ عَثِكِنْ رٜىٰڢَيَاوَا؞ مُوسَٰى كُوَ يَثِسُ دَ يَاڧِ، يَكُواْرٜىٰسُ؞ 13عَمَّا إِسْرَٰٓءِيلَاوَا بَسُ كُواْرِ مُتَنٜىٰنْ غٜىٰشُرْ دَ نَ مَعَكَ بَ، سَبُواْدَ حَكَ سُكَ ثِيغَبَدَ ذَمَ أَڟَكِيَرْ إِسْرَٰٓءِيلَاوَا هَرْوَيَوْ؞
14عَمَّا ذُرِيَرْ لَوِيَاوَا نٜىٰ كَطَيْ مُوسَٰى بَيْ بَاتَ غَادُواْبَ، تُنْدَ هَدَايُنْ ڧُواْنَاوَا غَ يَهْوٜىٰهْ اللَّهْ نَ إِسْرَٰٓءِيلَ غَادُوانْسُ نٜىٰ، كَمَرْ يَدَّ يَهْوٜىٰهْ يَيِ مُسُ أَلْڧَوَرِ؞#مَيْ شَـ 18.1
يَنْكِنْ ڧَسَرْ دَ عَكَبَا ذُرِيَرْ رَعُبَيْنُ
15مُوسَٰى يَبَا ذُرِيَرْ رَعُبَيْنُ مَلَّكَرْسُ تَغَادُواْ دَنْغِ دَنْغِ؞
16يَنْكِنْسُ نَڧَسَرْ يَمِيڧٜىٰ دَغَ أَرُواْوٜىٰرْ وَنْدَ يَكٜىٰ عَبَاكِنْ ݣُورِنْ كُواْغِنْ أَرْنُوانْ دَ غَرِنْ دَيَكٜىٰ ثِكِنْ ڟَكِيَرْ ݣُورِ دَ كُمَ دُكَنْ يَنْكِنْ تُدَّيْ وَنْدَ يَوُثٜىٰ مَدٜىٰبَ؞ 17يَنْكِنْسُ يَكُمَ ڧُنْشِ هٜىٰشْبُوانْ دَ كُمَ دُكَنْ غَرُضُوً دَسُكٜىٰ عَيَنْكِنْ تُدَّيْ، وَتُواْ دِبُوانْ دَ بَمُواتْ بَعَلْ دَ بٜىٰتْ بَعَلْمٜىٰيُوانْ، 18دَ يَهَظَ دَ كٜىٰدٜىٰمُواتْ دَ مٜىٰڢَعَتْ، 19دَ كِرِيَتَيِمْ دَ سِبْمَ دَ ظٜىٰرٜىٰتْ شَهَرْ عَكَنْ تُدُنْ دَيَكٜىٰ ثِكِنْ ݣُورِنْ، 20دَ بٜىٰتْ ڢٜىٰيُوارْ دَ غَنْغَرٜىٰنْ بَبَّنْ تُدُنْ ڢِسْغَ دَ كُمَ بٜىٰتْ يٜىٰشِمُواتْ؞
21يَنْكِنْسُ يَكُمَ ڧُنْشِ دُكَنْ غَرُضُوً يَنْكِنْ تُدَّيْ دَ كُمَ دُكَنْ مُلْكٍ سِهُوانْ سَرْكِنْ أَمُواْرِيَاوَا، وَنْدَ يَيِ مُلْكِ أَ هٜىٰشْبُوانْ؞ مُوسَٰى كُوَ يَثِ شِ دَ يَاڧِ حَرْ دَ شُوغَبَنِّنْ مِدِيَنَاوَا، وَتُواْ عٜىٰوِ دَ رٜىٰكٜىٰمْ دَ ظُرْ دَ هُرْ دَ كُمَ رٜىٰبَ؞ دُكَنْسُ سُنْيِ مُلْكٍ ڧَسَرْ عَڧَرْڧَشِنْ بَبَّنْ سَرْكِے سِهُوانْ؞ 22بَنْ دَ وَطَنْدَ عَكَ كَشٜىٰسُ عَيَاڧِ، إِسْرَٰٓءِيلَاوَا سُكَ كَشٜىٰ مَيْ دُوبَانَّنْ بَلَعَمْ طَنْ بٜىٰيُوارْ؞ 23كُواْغِنْ يُواْدَنْ نٜىٰ يَذَمَ إِيَاكَرْ يَنْكِنْ ذُرِيَرْ رَعُبَيْنُ؞ وَطَنَّنْ غَرُرُوَ دَ ڧَوْيُكَنْسُ نٜىٰ عَكَبَا ذُرِيَرْ رَعُبَيْنُ مَلَّكَرْسُ تَغَادُواْ دَنْغِ دَنْغِ؞
يَنْكِنْ ڧَسَرْ دَ عَكَبَا ذُرِيَرْ غَدْ
24مُوسَٰى كُمَ يَبَا ذُرِيَرْ غَدْ مَلَّكَرْسُ تَغَادُواْ دَنْغِ دَنْغِ؞
25يَنْكِنْسُ نَڧَسَرْ يَڧُنْشِ يَظٜىٰرْ دَ دُكَنْ غَرُضُوً غِلٜىٰيَدْ دَ رَبِنْ يَنْكِنْ أَمُّواْنَاوَا حَرْ ذُوَا أَرُواْوٜىٰرْ، وَنْدَ يَكٜىٰ وَجٜىٰنْ غَبَسْ دَ رَبَّهْ؞ 26يَنْكِنْسُ نَڧَسَرْ يَمِيڧٜىٰ دَغَ هٜىٰشْبُوانْ ذُوَا رَمَتْ مِظْڢَ دَ بٜىٰتُواْنِمْ دَغَ مَهَنَيِمْ كُمَ ذُوَا يَنْكِنْ دٜىٰبِرْ؞ 27عَثِكِنْ ݣُورِنْ يُواْدَنْ يَڧُنْشِ بٜىٰتْ هَرَمْ دَ بٜىٰتْ نِمْرَ دَ سُكُّواتْ دَ ظَڢُوانْ دَ كُمَ سَوْرَنْ مُلْكٍ سَرْكِے سِهُوانْ نَ هٜىٰشْبُوانْ؞ كُواْغِنْ يُواْدَنْ يَكَسَنْثٜىٰ إِيَاكَرْ يَنْكِنْسُ نَڧَسَرْ، يَمِيڧٜىٰ أَرٜىٰوَ حَرْ بَاكِنْ تٜىٰكُنْ غَلِيلِ؞#13.27 غَلِيلِ: أَنْ كُمَ سَنْ شِ دَ سُونَنْ كِنّٜىٰرٜىٰتْ؞ 28وَطَنَّنْ غَرُرُوَ دَ ڧَوْيُكَنْسُ نٜىٰ عَكَبَا ذُرِيَرْ غَدْ مَلَّكَرْسُ تَغَادُواْ دَنْغِ دَنْغِ؞
يَنْكِنْ ڧَسَرْ دَ عَكَبَا ذُرِيَرْ مَنَسّٜىٰ
29مُوسَٰى كُمَ يَبَا رَبِنْ ذُرِيَرْ مَنَسّٜىٰ مَلَّكَرْسُ تَغَادُواْ دَنْغِ دَنْغِ؞
30يَنْكِنْسُ نَڧَسَرْ يَمِيڧٜىٰ دَغَ مَهَنَيِمْ يَهَطَ دَ دُكَنْ بَشَنْ، دُكَنْ مُلْكٍ عُواغْ سَرْكِنْ بَشَنْ دَ دُكَنْ غَرُرُوَ نَ يَايِرْ غُدَا سِتِّنْ وَطَنْدَ سُكٜىٰ عَبَشَنْ؞ 31يَكُمَ ڧُنْشِ رَبِنْ غِلٜىٰيَدْ دَ عَشْتَرُواتْ دَ عٜىٰدِرَيْ، وَتُواْ مَنْيَنْ بِرَنٜىٰنْ مُلْكٍ سَرْكِے عُواغْ نَ بَشَنْ؞ دُكَنْ وَطَنَّنْ عَكَبَا رَبِنْ ذُرِيَرْ مَكِرْ طَنْ مَنَسّٜىٰ مَلَّكَرْسُ تَغَادُواْ دَنْغِ دَنْغِ؞
32وَطَنَّنْ سُونٜىٰ رَبُوانْ غَادُوانْ ڧَسَرْ وَنْدَ مُوسَٰى يَرَبَ سَعَدَّ يَكٜىٰ أَ ڢِيلَيٜىٰنْ مُواْوَبْ أَغَبَشِنْ كُواْغِنْ يُواْدَنْ سُنَ كَلُّوانْ يٜىٰرِكُواْ؞ 33عَمَّا مُوسَٰى بَيْ بَ ذُرِيَرْ لَوِ غَادُوانْ ڧَسَابَ؞ يَڢَطَا مُسُ ثٜىٰوَ يَهْوٜىٰهْ اللَّهْ نَ إِسْرَٰٓءِيلَ، شِينٜىٰ رَبُوانْ غَادُوانْسُ، كَمَرْ يَدَّ يَيِ مُسُ أَلْڧَوَرِ؞#لِـ ڧِدْ 18.20؛ مَيْ شَـ 18.2
Currently Selected:
يُواْشُوَ 13: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
