يُواْشُوَ 10
10
أَنْثِ أَمُواْرِيَاوَا دَ يَاڧِ
1أَنَانً سَيْ أَدُواْنِصَدِڧْ، سَرْكِنْ عُرُوشَلِيمَ،#10.1 عُرُوشَلِيمَ: أَ لُواْكَثِنَّنْ عُرُوشَلِيمَ بِرْنِنْ يٜىٰبُسِيَاوَا نٜىٰ؞ يَجِ لَابَرِ ثٜىٰوَ يُواْشُوَ يَثِ أَيْ دَ يَاڧِ، يَكُمَ هَلَكَاتَ غَبَاطَيَ، كَمَرْ يَدَّ يَيِ دَ يٜىٰرِكُواْ دَ سَرْكِنْتَ؞ يَكُمَ جِ يَدَّ مَذَوْنَنْ غِبٜىٰيُوانْ سُكَيِ يَرْجٜىٰجٜىٰنِيَرْ ذَمَنْ سَلَمَ دَ إِسْرَٰٓءِيلَاوَا سُنَ كُمَ ظَوْنٜىٰ عَثِكِنْسُ؞ 2سَرْكِنْ عُرُوشَلِيمَ دَ مُتَنٜىٰنْسَ سُكَ ڢِرْغِتَ سَبُواْدَ ڟُواْرُواْ، غَمَا غِبٜىٰيُوانْ بَبَّنْ بِرْنِ نٜىٰ، كَمَرْ طَيَ دَغَ ثِكِنْ بِرَنٜىٰ مَاسُ سَرَاكُنَ، حَرْ مَا يَڢِ أَيْ غِرْمَ، كُمَ دُكَنْ مَذَنْ كُوَ ڠُونَيٜىٰنْ يَاڧِ نٜىٰ؞ 3سَيْ سَرْكِے أَدُواْنِصَدِڧْ نَ عُرُوشَلِيمَ يَعَيْكَ دَ سَڧُواْ وَ سَرْكِے هُواْهَمْ نَ هٜىٰبْرُوانْ دَ سَرْكِے ڢِرَمْ نَ يَرْمُتْ دَ سَرْكِے يَڢِيَ نَ لَكِشْ دَ سَرْكِے دٜىٰبِرْ نَ عٜىٰغْلُوانْ؞ يَثٜىٰ، 4«كُذُواْ كُتَيْمَكٜىٰنِ، مُيَاڧِ غِبٜىٰيُوانْ، غَمَا مُتَنٜىٰنْتَ سُنْيِ يَرْجٜىٰجٜىٰنِيَ دَ يُواْشُوَ دَ إِسْرَٰٓءِيلَاوَا؞» 5وَطَنَّنْ سَرَاكُنَ بِيَرْ نَ أَمُواْرِيَاوَا، وَتُواْ سَرْكِنْ عُرُوشَلِيمَ دَ سَرْكِنْ هٜىٰبْرُوانْ دَ سَرْكِنْ يَرْمُتْ دَ سَرْكِنْ لَكِشْ دَ سَرْكِنْ عٜىٰغْلُوانْ، سُكَ حَطَ كَنْسُ؞ سُكَ تَڢِے تَرٜىٰدَ دُكَنْ ڧُنْغِيَرْ سُواْجُواْجِنْسُ، سُكَ كَڢَ سَنْسَنِنْسُ، سُكَ كُمَ ڢَاطَوَ غِبٜىٰيُوانْ دَ يَاڧِ؞
6غِبٜىٰيُواْنَاوَا سُكَ عَيْكَ وَ يُواْشُوَ أَوَجٜىٰنْ سَنْسَنِ أَ غِلْغَلْ سُكَثٜىٰ «كَدَ كَبَرْمُ، كَهَوْرُواْ وُرِنْمُ دَ سَوْرِ، كَثٜىٰثٜىٰمُ! كَتَيْمَكٜىٰمُ سَبُواْدَ دُكَنْ سَرَاكُنَنْ أَمُواْرِيَاوَنْ دَسُكٜىٰ ظَوْنٜىٰ عَيَنْكِنْ تُدَّيْ سُنْ تَتَّارَ كَنْسُ دُواْمِنْ سُذُواْ سُيَاڧٜىٰمُ؞»
7سَيْ يُواْشُوَ يَتَاشِ دَ دُكَنْ سُواْجُواْجِنْسَ دَغَ غِلْغَلْ، تَرٜىٰدَ دُكَنْ سُواْجُواْجِنْسَ مَڢِيَ عِيَ يَاڧِ؞ 8يَهْوٜىٰهْ يَا ڢَطَا وَ يُواْشُوَ يَثٜىٰ «كَدَ كَجِڟُواْرُوانْسُ، غَمَا نَارِغَا نَا بَادَسُو أَ حَنُّنْكَ؞ بَا وَنِنْسُ دَ ذَيْ عِيَ ڟَيَاوَا أَغَبَنْكَ؞» 9سَيْ يُواْشُوَ دَ سُواْجُواْجِنْسَ سُكَ ݣُونَ تَڢِيَ دَغَ غِلْغَلْ ذُوَا غِبٜىٰيُوانْ، سُكَ أَوْكُواْ وَ أَمُواْرِيَاوَا دَ هَرِ بَا لَابَرِ؞ 10يَهْوٜىٰهْ يَا سَا أَمُواْرِيَاوَا سُكَ ضِكِثِے أَغَبَنْ سُواْجُواْجِنْ إِسْرَٰٓءِيلَ؞ إِسْرَٰٓءِيلَاوَا كُوَ سُكَ كَكَّشٜىٰسُ أَ غِبٜىٰيُوانْ، سُكَ كُمَ كُواْرٜىٰسُ عَتَهَنْيَرْ دَتَكٜىٰ هَوْرَاوَا ذُوَا بٜىٰتْ حُواْرُوانْ، سُكَيِ تَكَكَّشٜىٰسُ أَ حَنْيَ حَرْ ذُوَا أَظٜىٰكَ دَ مَكّٜىٰدَ؞ 11سَعَدَّ أَمُواْرِيَاوَا سُكٜىٰ غُدُ ذُوَا أَظٜىٰكَ سُكُٻُتَ دَغَ سُواْجُواْجِنْ إِسْرَٰٓءِيلَ، سَيْ يَهْوٜىٰهْ يَجٜىٰڢٜىٰسُ دَ مَنْيَنْ دُووَڟُنْ ڧَنْڧَرَ دَغَ سَمَ؞ وَطَنْدَ سُكَ مُتُ تَوُرِنْ دُووَڟُنْ ڧَنْڧَرَ سُنْڢِے وَطَنْدَ إِسْرَٰٓءِيلَاوَا سُكَ كَكَّشٜىٰ دَ تَكُواْبِے؞
12أَوَنَّنْ رَانَرْدَ يَهْوٜىٰهْ يَبَا إِسْرَٰٓءِيلَاوَا نَصَرَا عَكَنْ أَمُواْرِيَاوَا، يُواْشُوَ يَيِ مَغَنَ دَ يَهْوٜىٰهْ أَغَبَنْ إِسْرَٰٓءِيلَاوَا يَثٜىٰ،
«كٜىٰ رَانَ، كِڟَيَ ثِكْ عَكَنْ غِبٜىٰيُوانْ،
كَيْ وَتَ، كَڟَيَ عَكَنْ ݣُورِنْ أَيَلُوانْ؞»
13سَيْ رَانَ تَڟَيَ ثِكْ،
وَتَ كُمَ يَڟَيَ،
حَرْ سَيْ دَ جَمَعَ سُكَيِ رَامُوَا عَكَنْ
أَبُواْكَنْ غَابَنْسُ؞
وَنَّنْ أَرُبُوثٜىٰ يَكٜىٰ عَثِكِ لِتَّڢِنْ يَشَرْ؞
رَانَ تَڟَيَ ثِكْ أَڟَكِيَرْ سَمَ، بَتَكُمَ ڢَاطِبَ حَرْ وَجٜىٰنْ يِنِ غُدَا؞#2 سَمْ 1.18 14بَعَتَٻَ يِنْ يِنِ كَمَرْ وَنَّنْبَ، كُواْ كَاڢِنْ وَنَّنْ يِنِ، كُواْ كُوَ بَايَنْسَ، غَمَا رَانَثٜىٰ وَدَّ يَهْوٜىٰهْ يَسَوْرَرِ مُرْيَرْ مُتُمْ؞ حَڧِيڧَ يَهْوٜىٰهْ يَايِ يَاڧِ دُواْمِنْ إِسْرَٰٓءِيلَاوَا!
15بَايَنْ وَنَّنْ، سَيْ يُواْشُوَ دَ سُواْجُواْجِنْسَ سُكَ كُواْمَ ذُوَا سَنْسَنِنْسُ أَ غِلْغَلْ؞
يُواْشُوَ يَا كَكَّشٜىٰ سَرَاكُنَ بِيَرْ نَ أَمُواْرِيَاوَا
16كُواْدَيَكٜىٰ وَطَنَّنْ سَرَاكُنَ بِيَرْ نَ أَمُواْرِيَاوَا سُنْ غُدُ حَرْ سُنْ ٻُيَ عَثِكِنْ كُواْغُواْ أَ مَكّٜىٰدَ، أَنْسَامٜىٰسُ؞ 17عَكَ ڢَطَا وَ يُواْشُوَ ثٜىٰوَ «أَيْ، أَنْسَامِ سَرَاكُنَ بِيَرْ طِنَّنْ، سُنْ ٻُيَ عَثِكِنْ كُواْغُواْ أَ مَكّٜىٰدَ؞» 18سَيْ يُواْشُوَ يَثٜىٰ «كُتُورَ مَنْيَنْ دُوَڟُو، كُرُڢٜىٰ بَاكِنْ كُواْغُوانْ، سَعَنً كُسَا وَطَنْسُ مُتَنٜىٰ سُيِ غَادِنْسُ؞ 19عَمَّا كَدَ كُڟَيَ عَثَنْ! كُثِيغَبَدَ بِنْ أَبُواْكَنْ غَابَنْكُ، كُبُغِ نَبَايَنْسُ كُمَ كَدَ كُبَرْسُ سُشِغَ بِرَنٜىٰنْسُ؞ غَمَا يَهْوٜىٰهْ اللَّهْ نْكُ يَا رِغَا يَا بَادَسُو أَ حَنُّنْكُ؞» 20يُواْشُوَ دَ إِسْرَٰٓءِيلَاوَا سُكَ كَكَّشٜىٰسُ دَيَوَ ڨُورَيْ، كُواْدَيَكٜىٰ وَطَنْسُنْسُ سُكَ ڟِيرَا سُكَ شِغَ بِرَنٜىٰنْسُ مَاسُ كَتَنْغَ؞ 21سَيْ دُكَنْ سُواْجُواْجِنْ إِسْرَٰٓءِيلَ سُكَ كُواْمَ وُرِنْ يُواْشُوَ لَاڢِيَ أَ سَنْسَنِنْسُ أَ مَكّٜىٰدَ؞
بَ كُمَ مُتُمِنْ دَ يَيِ ڧَرْڢِنْ حَلِ يَيِ مَغَنَرْ ڟُواْكَنَ غَ إِسْرَٰٓءِيلَاوَا؞
22سَعَنً يُواْشُوَ يَثٜىٰ «كُبُوطٜىٰ بَاكِنْ كُواْغُوانْ، كُڢِتَرْدَ وَطَنَّنْ سَرَاكُنَ بِيَرْ نَ أَمُواْرِيَاوَا كُكَٰوُاْسُ وُرِينَ؞» 23سُكَيِ حَكَنَنْ، سُكَ كَٰوُاْ سَرَاكُنَنَّنْ بِيَرْ نَ أَمُواْرِيَاوَا دَغَ ثِكِنْ كُواْغُوانْ، وَتُواْ سَرْكِنْ عُرُوشَلِيمَ دَ سَرْكِنْ هٜىٰبْرُوانْ دَ سَرْكِنْ يَرْمُتْ دَ سَرْكِنْ لَكِشْ دَ كُمَ سَرْكِنْ عٜىٰغْلُوانْ؞ 24سُكَ كَٰوُاْ وَطَنَّنْ سَرَاكُنَ أَوُرِنْ يُواْشُوَ؞ سَيْ يُواْشُوَ يَكِرَا دُكَنْ إِسْرَٰٓءِيلَاوَا يَثٜىٰ وَشُوغَبَنِّنْ سُواْجُواْجِنْ دَ سُكَ تَڢِے تَرٜىٰ دَشِ «كُذُواْ نَنْ، كُتَاكَ وُيَنْ سَرَاكُنَنَّنْ؞» سَيْ سُكَ وُثٜىٰ غَبَ سُكَ تَتَّاكَ وُيَنْسُ؞ 25سَيْ يُواْشُوَ يَڢَطَا وَشُوغَبَنِّنْسَ يَثٜىٰ «كَدَ كُڢِرْغِتَ كُواْ كُوَ كُڢِدَّ ذُوثِيَا؞ كُڧَرْڢَڢَ، كُيِ ڧَرْڢِنْ حَلِ، غَمَا حَكَ يَهْوٜىٰهْ ذَيْ يِدَ دُكَنْ أَبُواْكَنْ غَابَا وَطَنْدَ ذَاكُيِ يَاڧِ دَسُو؞» 26سَعَنً يُواْشُوَ يَكَكَّشٜىٰ وَطَنَّنْ سَرَاكُنَ غُدَا بِيَرْ يَكُمَ رَاتَيٜىٰ كُواْوَنٜىٰ طَيَنْسُ عَكَنْ إِتَاثٜىٰ؞ سُكَ يِنِ أَ عِتَتُوَنْ حَرْ يَمَّ؞ 27عَمَّا سَعَدَّ رَانَ تَكُسَنْ ڢَاطُوَ، يُواْشُوَ يَبَادَ عُمَرْنِ، سُكَ كُوَ سَوْكَرْ دَسُو دَغَ كَنْ عِتَتُوَنْ، عَكَ كُمَ جٜىٰڢَرْ دَسُو ثِكِنْ كُواْغُوانْدَ دَا سُكَ ٻُيَ عَثِكِ؞ سَعَنً سُكَ رُڢٜىٰ بَاكِنْ كُواْغُوانْ دَ مَنْيَنْ دُوَڟُو؞ هَرْوَيَوْ سُنَانَنْ؞
يُواْشُوَ يَا ڧَارَ ثِنْ يَنْكُنَنْ أَمُواْرِيَاوَا دَ يَاڧِ
28أَوَنَّنْ رَانَ كُوَ يُواْشُوَ يَثِ مَكّٜىٰدَ دَ يَاڧِ؞ يَكَشٜىٰ كُواْوَنٜىٰ مُتُمْ وَنْدَ يَكٜىٰ ثِكِنْ بِرْنِنْ، بَسُ ضَغٜىٰ كُواْ طَيَبَ؞ يَكُوَيِ وَسَرْكِنْ مَكّٜىٰدَ كَمَرْ يَدَّ يَيِ وَسَرْكِنْ يٜىٰرِكُواْ؞
29بَايَنْ وَنَّنْ سَيْ يُواْشُوَ دَ سُواْجُواْجِنْسَ سُكَ وُثٜىٰ دَغَ مَكّٜىٰدَ ذُوَا لِبْنَ، سُكَ يَاڧٜىٰتَ؞ 30يَهْوٜىٰهْ يَكُمَ بَادَ وَنَّنْ بِرْنِ دَ سَرْكِنْتَ أَ حَنُّنْ إِسْرَٰٓءِيلَاوَا؞ سُكَ كَشٜىٰ كُواْوَنٜىٰ مُتُمِنْ دَيَكٜىٰ ثِكِنْتَ دَ تَكُواْبِے، بَسُ ضَغٜىٰ كُواْ طَيَبَ؞ يُواْشُوَ كُوَ يَيِ وَسَرْكِنْتَ كَمَرْ يَدَّ يَيِ وَسَرْكِنْ يٜىٰرِكُواْ؞
31بَايَنْ وَنَّنْ كُمَ يُواْشُوَ دَ سُواْجُواْجِنْسَ سُكَ وُثٜىٰ دَغَ لِبْنَ ذُوَا لَكِشْ، سُكَ كٜىٰوَيٜىٰتَ دَ يَاڧِ؞ 32يَهْوٜىٰهْ يَكُمَ بَادَ لَكِشْ أَ حَنُّنْ إِسْرَٰٓءِيلَاوَا؞ يُواْشُوَ كُوَ يَثِتَ دَيَاڧِ أَ رَانَ تَبِيُ؞ سُكَ كَشٜىٰ كُواْوَنٜىٰ مُتُمِنْ دَيَكٜىٰ ثِكِنْتَ دَ تَكُواْبِے، بَسُ ضَغٜىٰ كُواْ طَيَبَ؞ يُواْشُوَ كُوَ يَيِ كَمَرْ يَدَّ يَيِ وَ لِبْنَ؞ 33أَوَنَّنْ لُواْكَثِ، سَرْكِے هُواْرَمْ نَ غٜىٰظٜىٰرْ يَهَوْرُواْ دُواْمِنْ يَتَيْمَكِ لَكِشْ، عَمَّا يُواْشُوَ يَكَشٜىٰ سَرْكِنْ تَرٜىٰدَ سُواْجُواْجِنْسَ، بَسُ ضَغٜىٰ كُواْ طَيَبَ؞
34سَعَنً يُواْشُوَ تَرٜىٰدَ دُكَنْ سُواْجُواْجِنْ إِسْرَٰٓءِيلَ وَطَنْدَ سُكٜىٰ تَرٜىٰدَشِ سُكَ وُثٜىٰ دَغَ لَكِشْ ذُوَا عٜىٰغْلُوانْ، سُكَ كٜىٰوَيٜىٰتَ دَ يَاڧِ؞ 35سُكَ كُوَثِتَ دَ يَاڧِ أَ رَانَرْ نَنْ، سُكَ هَلَّكَ كُواْوَنٜىٰ مُتُمِنْ دَيَكٜىٰ ثِكِنْتَ، بَسُ ضَغٜىٰ كُواْ طَيَبَ، كَمَرْ يَدَّ سُكَيِ أَ لَكِشْ؞
36بَايَنْ وَنَّنْ يُواْشُوَ دَ سُواْجُواْجِنْسَ سُكَ هَوْرَ دَغَ عٜىٰغْلُوانْ ذُوَا هٜىٰبْرُوانْ، سُكَ يَاڧٜىٰتَ؞ 37سُكَ كُوَثِتَ دَ يَاڧِ، سُكَ كَشٜىٰ سَرْكِنْ دَ كُواْوَنٜىٰ مُتُمِنْ دَيَكٜىٰ ثِكِنْتَ دَ كُمَ ڧَوْيُكَنْ دَسُكٜىٰ كٜىٰوَيٜىٰ دَ عِتَ؞ يُواْشُوَ كُوَ يَهَلَّكَرْ دَ بِرْنِنْ، بَسُ ضَغٜىٰ كُواْ مُتُمْ طَيَبَ، كَمَرْ يَدَّ سُكَيِ وَ عٜىٰغْلُوانْ؞
38سَيْ يُواْشُوَ تَرٜىٰدَ دُكَنْ سُواْجُواْجِنْ إِسْرَٰٓءِيلَ سُكَ جُويَا سُكَ تَڢِے دٜىٰبِرْ، سُكَ يَاڧٜىٰتَ؞ 39سُكَثِتَ دَ يَاڧِ دَ سَرْكِنْتَ دَ كُمَ دُكَنْ ڧَوْيُكَنْ دَسُكٜىٰ كٜىٰوَيٜىٰ دَ عِتَ؞ سُكَ كَشٜىٰ كُواْوَنٜىٰ مُتُمِنْ دَيَكٜىٰ ثِكِنْتَ دَ تَكُواْبِے، بَسُ ضَغٜىٰ كُواْ طَيَبَ؞ كَمَرْ يَدَّ سُكَيِ وَ هٜىٰبْرُوانْ دَ كُمَ لِبْنَ دَ سَرْكِنْتَ، حَكَ يُواْشُوَ يَيِ وَ دٜىٰبِرْ دَ سَرْكِنْتَ؞
40تَهَكَ يُواْشُوَ يَثِ نَصَرَا عَكَنْ دُكَنْ يَنْكُنَنْ ڧَسَرْدَ يَنْكِنْ تُدَّيْ دَ نٜىٰغٜىٰبْ دَ يَنْكِنْ ڧأَنَانً تُدَّيْ دَ نَݣُورِ تَرٜىٰدَ دُكَنْ سَرَاكُنَنْسُ، بَسُ ضَغٜىٰ كُواْ مُتُمْ طَيَبَ؞ يَهَلَّكَرْ دَ دُكَنْ مَاسُ رَيْ كَمَرْ يَدَّ يَهْوٜىٰهْ اللَّهْ نَ إِسْرَٰٓءِيلَ يَعُمَرْتَ؞ 41يُواْشُوَ كُمَ يَثِسُ دَ يَاڧِ دَغَ كَدٜىٰشْ بَرْنٜىٰيَ وَدَّ تَكٜىٰ عَكُدُ، حَرْ ذُوَا غَاظَ وَدَّ تَكٜىٰ كُسَدَ بَاكِنْ تٜىٰكُ، تَرٜىٰدَ دُكَنْ يَنْكِنْ غُواْشٜىٰنْ ذُوَا غِبٜىٰيُوانْ عَ أَرٜىٰوَ؞ 42أَ لُواْكَثِنَّنْ يُواْشُوَ يَثِ نَصَرَا عَكَنْ دُكَنْ وَطَنَّنْ سَرَاكُنَ دَ يَنْكُنَنْسُ عَثِكِنْ يَاڧِنْسَ، غَمَا يَهْوٜىٰهْ اللَّهْ نَ إِسْرَٰٓءِيلَ يَيِ يَاڧِ دُواْمِنْ مُتَنٜىٰنْسَ؞ 43بَايَنْ وَنَّنْ يُواْشُوَ دَ سُواْجُواْجِنْسَ سُكَ كُواْمَ وُرِنْ سَنْسَنِنْسُ أَ غِلْغَلْ؞
Currently Selected:
يُواْشُوَ 10: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
