يُواْشُوَ 1
1
اللَّهْ يَ عُمَرْثِ يُواْشُوَ يَثِ ڧَسَرْ كَنْعَنَ
1بَايَنْ مُتُوَرْ مُوسَٰى بَاوَنْ يَهْوٜىٰهْ، سَيْ يَهْوٜىٰهْ يَيِ مَغَنَ دَ يُواْشُوَ طَنْ نُنْ، مَتَيْمَكِنْ مُوسَٰى؞ 2يَهْوٜىٰهْ يَثٜىٰ «بَاوَنَ مُوسَٰى يَمُتُ؞ سَيْ كَشِرْيَ يَنْذُ، كَيْ دَ دُكَنْ جَمَعَرْ إِسْرَٰٓءِيلَ، كُڧٜىٰتَرٜىٰ كُواْغِنْ يُواْدَنْ ذُوَا ثِكِنْ ڧَسَرْدَ نَكٜىٰ بَاكُ؞ 3كَمَرْ يَدَّ نَيِ وَ مُوسَٰى أَلْڧَوَرِ، نَارِغَا نَا بَاكُ دُكْ عِنْدَ تَڢِنْ ڧَڢَرْكُ يَتَاكَ؞#مَيْ شَـ 11.24-25 4إِيَاكَرْ يَنْكِنْكُ ذَاتَ مِيڧٜىٰ دَغَ دَاجِنْ دَيَكٜىٰ كُدُ حَرْ ذُوَا مَنْيَنْ تُدَّنْ لٜىٰبَنُوانْ دَسُكٜىٰ تَأَرٜىٰوَ دَغَ بَبَّنْ كُواْغِنْ يُڢِرٜىٰتِسْ أَغَبَسْ دَ دُكَنْ يَنْكِنْ هِتِّيَاوَا حَرْ ذُوَا تٜىٰكُنْ مٜىٰدِتٜىٰرٜىٰنِيَ وَجٜىٰنْ يَمَّ؞ 5بَابُ مُتُمِنْ دَ ذَيْ عِيَ ڟَيَاوَا أَغَبَنْكَ، يُواْشُوَ، ثِكِنْ دُكَنْ ݣُونَكِنْ رَنْكَ؞ كَمَرْ يَدَّ نَكَسَنْثٜىٰ تَرٜىٰدَ مُوسَٰى، حَكَ ذَنْ كَسَنْثٜىٰ تَرٜىٰدَكَيْ؞ بَذَنْ كُنْيَتَرْ دَكَيْ كُواْ كُوَ إِنْ يَاشٜىٰكَبَ؞#مَيْ شَـ 31.6،8؛ إِبْرَ 13.5 6كَڧَرْڢَڢَ! كَيِ ڧَرْڢِنْ حَلِ! غَمَا كَيْنٜىٰ ذَاكَبِدَ جَمَعَرْ نَنْ سُمَلَّكِ وَنَّنْ ڧَسَرْدَ نَيِ أَلْڧَوَرِ ذَنْبَا كَاكَنِّنْسُ؞#مَيْ شَـ 31.6؛ 7.23 7كَڧَرْڢَڢَ! كَيِ ڧَرْڢِنْ ذُوثِيَا ڨُورَيْ! كَكُمَ تَبَّتَا كَكِيَايٜىٰ دُكَنْ كُواْيَرْوَرْ دَ بَاوَنَ مُوسَٰى يَبَاكَ؞ كَدَ كَكَوْثٜىٰ مَتَ دَامَ كُواْ هَغُ، دُواْمِنْ كَيِ نَصَرَا دُكْ عِنْدَ كَتَڢِے؞ 8كَتَبَّتَا مَغَنَرْ وَنَّنْ لِتَّڢِنْ كُواْيَرْوَا بَتَرَبُ دَ بَاكِنْكَبَ؞ عَمَّا ذَاكَيِ تُنَانِ عَكَنْسَ دَرٜىٰ دَ رَانَ دُواْمِنْ كَتَبَّتَا كَعَيْكَتَ دُكْ أَبِنْدَ عَكَ رُبُوتَ عَثِكِ؞ تَهَكَ ذَاكَ يَلْوَتَ أَ حَنْيَرْكَ، تَهَكَ كُمَ ذَاكَيِ نَصَرَا؞ 9كَتُنَ نَارِغَا نَا عُمَرْثٜىٰكَ كَڧَرْڢَڢَ، كَيِ ڧَرْڢِنْ حَلِ! كَدَ كَڢِرْغِتَ كُواْ كَجِڟُواْرُواْ، غَمَا كَا سَنِ نِے يَهْوٜىٰهْ اللَّهْ نْكَ إِنَ تَرٜىٰ دَكَيْ دُكْ عِنْدَ ذَاكَتَڢِے؞»
يُواْشُوَ يَبَا مُتَنٜىٰ عُمَرْنِ
10سَيْ يُواْشُوَ يَعُمَرْثِ شُوغَبَنِّنْ جَمَعَرْ ثٜىٰوَ 11سُشِغَ ثِكِنْ مُتَنٜىٰ سُبَاسُ وَطَنَّنْ عُمَرْنَيْ؞ سُثٜىٰ «كُشِرْيَ وَكَنْكُ عَبِنْثِ دُواْمِنْ عَثِكِنْ ݣُونَ عُكُ ذَاكُ ڧٜىٰتَرٜىٰ كُواْغِنْ يُواْدَنْ دُواْمِنْ كُشِغَ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ كُغَاجٜىٰتَ كُكُمَ مَلَّكٜىٰتَ؞»
12يُواْشُوَ كُوَ يَثٜىٰ وَظُرِيَرْ رَعُبَيْنُ دَ ذُرِيَرْ غَدْ دَ كُمَ رَبِنْ ذُرِيَرْ مَنَسّٜىٰ،#لِـ ڧِدْ 32.28-32؛ مَيْ شَـ 3.18-20؛ يُواشْ 22.1-6 13«كُتُنَ دَ مَغَنَرْ دَ مُوسَٰى بَاوَنْ يَهْوٜىٰهْ يَڢَطَا مُكُ ثٜىٰوَ ‹يَهْوٜىٰهْ اللَّهْ نْكُ يَكٜىٰ بَاكُ وُرِنْ هُوتَوَا؞ يَرِغَا يَبَاكُ وَنَّنْ ڧَسَرْدَ تَكٜىٰ أَغَبَسْ دَ يُواْدَنْ تَذَمَ ڧَسَرْكُ؞› 14دَ مَاتَنْكُ دَ یَیَنْكُ دَ كُمَ دَبُّواْبِنْكُ ذَاسُ ذَوْنَ أَنَنْ عَيَنْكِنْ غَبَسْ دَ كُواْغِنْ يُواْدَنْ؞ عَمَّا دُكَنْ سُواْجُواْجِنْكُ ذَاسُ ڧٜىٰتَرٜىٰ تَرٜىٰدَ یَنْعُوَنْكُ دُواْمِنْ سُتَيْمَكٜىٰسُ يَاڧِ؞ 15ذَاكُ تَيْمَكٜىٰسُ حَرْ سَيْ لُواْكَثِنْ دَ يَهْوٜىٰهْ يَبَا یَنْعُوَنْكُ هُوتُ كَمَرْ يَدَّ يَبَاكُ، سُكُمَ مَلَّكِ ڧَسَرْدَ تَكٜىٰ يَمَّ دَ يُواْدَنْ، وَدَّ يَهْوٜىٰهْ اللَّهْ نْكُ يَكٜىٰبَاسُ؞ بَايَنْ وَنَّنْ، ذَاكُ عِيَ كُواْمُواْوَ كُذَوْنَ عَثِكِنْ ڧَسَرْكُ دَتَكٜىٰ غَبَسْ دَ يُواْدَنْ، وَدَّ مُوسَٰى بَاوَنْ يَهْوٜىٰهْ يَبَاكُ؞»
16سُو كُوَ سُكَ أَمْسَوَ يُواْشُوَ سُكَثٜىٰ «ذَامُيِ دُكْ أَبِنْدَ كَاعُمَرْثٜىٰمُ، كُمَ ذَامُ تَڢِے دُكْ عِنْدَ كَاعَيْكٜىٰمُ؞ 17ذَامُيِ بِيَيَّ دَكَيْ، كَمَرْ يَدَّ كُلُّمْ مُكَيِ بِيَيَّ دَ مُوسَٰى ثِكِنْ دُكَنْ أَبُبُوَ؞ عَمَّا دَيْ بَرِ مُغَ ثٜىٰوَ يَهْوٜىٰهْ اللَّهْ نْكَ يَنَ تَرٜىٰدَكَيْ كَمَرْ يَدَّ يَكَسَنْثٜىٰ تَرٜىٰدَ مُوسَٰى؞ 18دُكْ وَنْدَ يَتَيَرْوَ عُمَرْنِنْكَ، بَيْ كُوَيِ بِيَيَّ دَ عُمَرْنِنْكَبَ، ذَاعَ كَشٜىٰشِ؞ كَيْ دَيْ كَڧَرْڢَڢَ! كَيِ ڧَرْڢِنْ حَلِ!»
Currently Selected:
يُواْشُوَ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
