يُونُسَ 4
4
ڢُشِنْ يُونُسَ عَكَنْ جِنْڧَنْ اللَّهْ
1عَمَّا أَبِنْ يَٻَاتَوَ يُونُسَ رَيْ ڨُورَيْ حَرْ يَيِ ڢُشِے؞ 2سَيْ يَيِ أَدُّعَ غَ يَهْوٜىٰهْ يَثٜىٰ «يَا يَهْوٜىٰهْ، أَشٜىٰ، بَا أَبِنْدَ نَڢَطَا تُنْ إِنَ ڧَسَاتَبَ كٜىٰنَنْ؟ شِيَسَا نَغُدُ ذَنْ تَڢِے سِڢٜىٰنْ! غَمَا نَا سَنِ كَيْ اللَّهْ مَيْ أَلْحٜىٰرِنٜىٰ مَيْ جِنْڧَيْ كُمَ، مَرَرْ سَوْرِنْ ڢُشِے، ثِكٜىٰ دَ يَوَنْ ڧَوْنَ مَرَرْ ثَنْجَاوَا، كُلُّمْ كَنَ أَشِرْيٜىٰ كَثَنْجَ نِيَّ كَكُمَ جَنْيٜىٰ حُكُنْثِنْكَ؞#ڢِتْ 34.6 3دُواْمِنْ حَكَ ڢَا، يَا يَهْوٜىٰهْ، إِنَ ضُواْڧُوانْكَ كَطَوْكِ رَيْنَ؞ غَمَا ڠُومَّ إِنْ مُتُ دَ إِنْ رَايُ؞»#1 سَرْ 19.4
4سَيْ يَهْوٜىٰهْ يَتَمْبَيِ يُونُسَ يَثٜىٰ «كَيِ دَيْدَيْنٜىٰ دَ كَكٜىٰ ڢُشِے؟»
5يُونُسَ كُوَ يَڢِتَ دَغَ بِرْنِنْ يَيِ وَجٜىٰنْ غَبَسْ، يَذَوْنَ؞ أَوُرِنْ يَغِنَ یَرْ رُمْڢَ دُواْمِنْ تَبَا شِ إِنُوَ، سَيْ يَذَوْنَ يَنَ جِرَا يَغَ أَبِنْدَ ذَيْ ڢَرُ دَ بِرْنِنْ؞ 6سَيْ يَهْوٜىٰهْ اللَّهْ يَسَا وَنِ طَنْ ڟِرُواْ يَڢِتُواْ يَيِ غِرْمَ يَبَا يُونُسَ إِنُوَ دُواْمِنْ يَكُٻُتَرْ دَشِ دَغَ ذَاڢِنْ رَانَ؞ يُونُسَ يَيِ مُرْنَ سُواْسَيْ سَبُواْدَ وَنَّنْ طَنْ ڟِرُواْ؞ 7عَمَّا وَشٜىٰغَرِ دَ سَسَّڢٜىٰ اللَّهْ يَسَا وَتَ ڟُڟَ تَثِنْيٜىٰ طَنْ ڟِرُوانْ حَرْ يَبُوشٜىٰ؞ 8أَنَانً دَ رَانَ تَهَوْ سُواْسَيْ، سَيْ اللَّهْ يَسَا إِسْكَ مَيْ ذَاڢِ تَهُورَ دَغَ غَبَسْ، رَانَرْ كُمَ تَبُغِ يُونُسَ عَكَيْ سُواْسَيْ حَرْ يَسُمٜىٰ؞ سَيْ يَضُواْڧَا دُواْمِنْ يَمُتُ، يَثٜىٰ أَ رَنْسَ «ڠُومَّ إِنْ مُتُ دَ إِنْ رَايُ؞»
9عَمَّا اللَّهْ يَثٜىٰ وَ يُونُسَ «كَيِ دَيْدَيْنٜىٰ دَ كَكٜىٰ ڢُشِے عَكَنْ أَبِنْدَ يَڢَرُ دَ طَنْ ڟِرُواْنَّنْ؟»
يُونُسَ يَأَمْسَ «عِ، حَڧِيڧَ دَيْدَيْنٜىٰ إِنْيِ ڢُشِے، حَرْ مَا إِنْيِ ڢُشِنْدَ يَ إِسَ إِنْ مُتُ؞»
10سَعَنً يَهْوٜىٰهْ يَا ثٜىٰ مَسَ «دَيْدَيْ نٜىٰ كَجِ تَوْسَيِنْ وَنَّنْ طَنْ ڟِرُواْ وَنْدَ بَكَيْ كَشُوكَبَ؟ وَنْدَ بَ كَيْ كُمَ كَسَا يَيِ غِرْمَبَ؟ طَنْ ڟِرُوانْدَ يَڟِيرَا أَدَرٜىٰ طَيَ يَكُمَ ٻَثٜىٰ كَاڢِنْ دَرٜىٰ نَبِيُنْ؟ 11أَشٜىٰ، نِے كُوَ بَذَنْجِ تَوْسَيِنْ نِنٜىٰبَ بَبَّنْ بِرْنِنَّنْ بَ؟ بِرْنِنْ دَ يَكٜىٰدَ یَنْ يَارَا مَرَسَ أَلْحَكِ#4.11 یَنْ يَارَا مَرَسَ أَلْحَكِ: دَ إِبْرَانِيَنْثِ أَنْرُبُوتَ مُتَنٜىٰ وَطَنْدَ بَسُ سَنْ دَامَ دَ هَغُنْسُ بَنٜىٰ أَنَنْ؞ ڢِيٜىٰدَ دُبُو طَرِے دَ دُبُو عَشِرِنْ عَثِكِنْسَ؟ كَيْ! بَنْدَ مَا دَبُّواْبِنْ دَسُكٜىٰ عَثِكِ؞»
Currently Selected:
يُونُسَ 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
