يُونُسَ 3
3
يُونُسَ يَيِ بِيَيَّ دَ عُمَرْنِنْ يَهْوٜىٰهْ
1أَنَانً سَيْ يَهْوٜىٰهْ يَيِ مَغَنَ دَ يُونُسَ سَوْ نَبِيُ ثٜىٰوَ 2«تَاشِ، كَتَڢِے بَبَّنْ بِرْنِنَّنْ نِنٜىٰبَ، كَڟَاوَتَا مَتَ كَمَرْ يَدَّ نَڢَطَا مَكَ؞» 3سَيْ يُونُسَ يَتَاشِ يَتَڢِے بِرْنِنْ نِنٜىٰبَ؞ بِرْنِنْ كُوَ يَنَدَ غِرْمَ سُواْسَيْ يَدَّ سَيْ مُتُمْ يَطَوْكِ ݣُونَ عُكُ كَاڢِنْ يَڧٜىٰتَرٜىٰ شِ؞
4دَ يُونُسَ يَشِغَ بِرْنِنْ، سَيْ يَيِ تَڢِيَ يِنِ طَيَ عَثِكِنْسَ؞ سَعَنً يَڢَارَيِ مُسُ شٜىٰلَ دَ بَبَّرْ مُرْيَ ثٜىٰوَ «سَوْرَنْ ݣُونَ أَرْبَعِنْ ذَاعَ هَلَّكَ نِنٜىٰبَ!»#مَتْ 12.41؛ لُكْ 11.32
5سَيْ مُتَنٜىٰنْ نِنٜىٰبَ سُكَ غَسْكَتَ سَڧُوانْ اللَّهْ؞ سُكَسَا كُواْوَ يَيِ أَظُمِ؞ سَيْ دُكَنْ مُتَنٜىٰ دَغَ بَبَّ حَرْ ذُوَا ڧَرَمِ سُكَسَا رِيغُنَنْ نُونَ بَڧِنْ ثِكِ دَ تُوبَ؞
6دَ مَغَنَرْ تَكَيْ كُنّٜىٰنْ سَرْكِنْ نِنٜىٰبَ، سَيْ يَتَاشِ دَغَ كُجٜىٰرَرْ مُلْكِنْسَ، يَتُوٻٜىٰ رِغَرْ مُلْكِنْسَ يَ أَجِيٜىٰ، يَطَوْكِ رِغَا تَنُونَ بَڧِنْ ثِكِ دَ تُوبَ يَسَا، يَذَوْنَ عَتُواْكَ؞ 7سَرْكِے يَسَا عَكَيِ شٜىٰلَ أَ نِنٜىٰبَ ثٜىٰوَ
«عُمَرْنِ نٜىٰ دَغَ وُرِنْ سَرْكِے دَ مَنْيَنْ مُتَنٜىٰنْ بِرْنِ؞ كَدَ مُتُمْ، كُواْ دَبَّ، كُواْ غَرْكٜىٰنْ شَانُو، كُواْ نَتُمَكِ يَطَنْطَنَ وَنِ أَبُ؞ كَدَ مَا سُثِ كُواْ سُشَا ضُوَ؞ 8بَرِ أَسَا وَكُواْوَنٜىٰ مُتُمْ دَ دَبَّ رِغَا تَنُونَ بَڧِنْ ثِكِ دَ تُوبَ؞ بَرِ كُمَ سُيِكِرَا غَ اللَّهْ دَ دُكَنْ ڧَرْڢِنْسُ؞ سَعَنً كُواْوَ يَجُويَ دَغَ مُوغَيٜىٰنْ هَنْيُواْيِنْسَ دَ كُمَ حَلِنْسَ نَتَادَ حَنْكَلِ؞ 9وَ يَسَنِ؟ وَتَڧِيلَ اللَّهْ ذَيْ ثَنْجَ نِيَّرْسَ يَدَيْنَ ڢُشِنْسَ، دُواْمِنْ كَدَ مُهَلَّكَ؞»
10دَ اللَّهْ يَغَ ثٜىٰوَ سُنْ تُوبَ دَغَ مُوغَيٜىٰنْ هَنْيُواْيِنْسُ، سَيْ يَثَنْجَ نِيَّرْسَ، بَيْ هَلَكَاسُ كَمَرْ يَدَّ يَشِرْيَ ذَيْ يِبَ؞
Currently Selected:
يُونُسَ 3: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
