أَلْڧَلَيْ 8
8
نَصَرَا تَڧَرْشٜىٰ عَكَنْ مِدِيَنَاوَا
1مُتَنٜىٰنْ إِڢْرَيِمْ سُكَثٜىٰ وَ جِدْعَوْنَ «دُوانْمٜىٰ بَكَ كِرَامُ لُواْكَثِنْدَ كَتَڢِے يَاڧِ دَ مِدِيَنَاوَا بَ؟ مٜىٰيَسَا كَيِ مَنَ حَكَ؟» سُكَ ڟَاوَتَا مَسَ سُواْسَيْ؞
2عَمَّا يَثٜىٰ مُسُ «يَنْذُ، مٜىٰ نَايِ ڢِيٜىٰ دَكُو؟ أَيْ، يَنَ كَامَ دَ غِرْبِنْ یَیَنْ إِنَبِے؞ أَبِنْدَ كُو مُتَنٜىٰنْ إِڢْرَيِمْ كُكَ بَرِ دُواْمِنْ كَالَ يَڢِ دُكَنْ غِرْبِنْ یَیَنْ إِنَبِنْ دَنْغِنْمُ أَبِيٜىٰظٜىٰرْ! 3غَاشِ، اللَّهْ يَبَادَ عُواْرٜىٰبْ دَ ظٜىٰيٜىٰبْ سَرَاكُنَنْ مَدْيَنَ أَ حَنُّنْكُ؞ مٜىٰنَيِ وَنْدَ يَڢِ نَاكُ؟» دَ يَيِ وَنَّنْ مَغَنَ، سَيْ سُكَ دَيْنَ ڢُشِے؞#زَبُو 83.11
4أَوَنَّنْ لُواْكَثِ، جِدْعَوْنَ تَرٜىٰدَ مُتَنٜىٰنْسَ طَرِے عُكُ، كُواْدَيَكٜىٰ سُنْ غَجِ، دُكْدَهَكَ سُكَيِ تَبِنْ أَبُواْكَنْ غَابَنْسُ حَرْ سُكَ إِسُواْ كُواْغِنْ يُواْدَنْ سُكَ ڧٜىٰتَرٜىٰشِ؞ 5سَعَدَّ سُكَ كَيْ سُكُّواتْ، جِدْعَوْنَ يَثٜىٰ وَمُتَنٜىٰنْ غَرِنْ «إِنَ ضُواْڧُوانْكُ كُبَا مُتَنٜىٰنَ عَبِنْثِ، غَمَا سُنْ غَجِ؞ غَاشِ كُوَ حَرْ يَنْذُ إِنَ بِنْ ظٜىٰبَ دَ ظَلْمُنَّ، سَرَاكُنَنْ مَدْيَنَ؞»
6عَمَّا شُوغَبَنِّنْ سُكُّواتْ سُكَثٜىٰ «يَيَ ذَامُبَا سُواْجُواْجِنْكَ عَبِنْثِ؟ بَ كَارِغَا كَا كَامَ ظٜىٰبَ دَ ظَلْمُنَّ بَ تُكُنَ؞»
7سَيْ جِدْعَوْنَ يَثٜىٰ «تُواْ! سَعَدَّ يَهْوٜىٰهْ يَبَادَ ظٜىٰبَ دَ ظَلْمُنَّ أَ هَنُّونَ، ذَنْذُواْ إِنْيِ مُكُ دُوكَ دَ ڧَيُواْيِنْ دَاجِ؞» 8دَغَ ثَنْ جِدْعَوْنَ يَوُثٜىٰ ذُوَا ڢٜىٰنُوٜىٰلْ، يَضُواْڧِ مُتَنٜىٰنَّنْ كَمَرْ يَدَّ يَضُواْڧِ مُتَنٜىٰنْ سُكُّواتْ؞ مُتَنٜىٰنْ ڢٜىٰنُوٜىٰلْ سُكَ أَمْسَ مَسَ دَيْدَيْ يَدَّ مُتَنٜىٰنْ سُكُّواتْ سُكَ أَمْسَ مَسَ؞ 9سَيْ يَثٜىٰ وَمُتَنٜىٰنْ ڢٜىٰنُوٜىٰلْ «سَعَدَّ نَدَاوُاْ ثِكِنْ نَصَرَا، ذَنْ رُشٜىٰ غِنِنَّنْ نَاكُ مَيْ ڟَيِ؞»
10ظٜىٰبَ دَ ظَلْمُنَّ كُوَ سُنَ غَرِنْ كَرْكُوارْ تَرٜىٰدَ سُواْجُواْجِنْسُ؞ دُكَنْ سُواْجُواْجِ نَڧَبِيلُنْ غَبَسْ، مُتُمْ وَجٜىٰنْ دُبُو غُواْمَشَا بِيَرْ كَوَيْ سُكَ رَغُ؞ سُواْجُواْجِ مَاسُ تَكُبَنْدَ عَكَ كَكَّشٜىٰ كُمَ دُبُو طَرِے طَيَ دَ عَشِرِنْ؞ 11سَيْ جِدْعَوْنَ يَذَاغَيَ تَهَنْيَرْ دَ تَبِے تَغٜىٰڢٜىٰنْ دَاجِ، وَدَّ تَكٜىٰ غَبَسْ دَ نُواْبَ دَ يُواغْبٜىٰهَ، يَڢَاطَوَ سُواْجُواْجِنْ مَدْيَنَ دَ يَاڧِ تَيَدَّ بَسُيِ ڟَمَّنِبَ؞ 12سَيْ سَرَاكُنَنَّنْ بِيُ ظٜىٰبَ دَ ظَلْمُنَّ نَ مَدْيَنَ سُكَ غُدُ، عَمَّا يَبِيسُ حَرْ يَكَامَسُ؞ وَنَّنْ يَسَا دُكَنْ سُواْجُواْجِنْ مَدْيَنَ سُكَ ضِكِثِے؞
13سَيْ جِدْعَوْنَ طَنْ يُواْوَشْ يَكُواْمَ دَغَ يَاڧِنْ عَتَهَنْيَرْ مَشِغِنْ هٜىٰرٜىٰسْ؞ 14يَكَامَ وَنِ طَنْ سَوْرَيِ دَغَ سُكُّواتْ، يَيِ مَسَ تَمْبَيُواْيِ؞ طَنْ سَوْرَيِنْ كُوَ يَرُبُوتَ وَ جِدْعَوْنَ سُونَيٜىٰنْ شُوغَبَنِّنْ سُكُّواتْ، وَتُواْ دَتَّاوَنْ غَرِنْ؞ دُكَنْسُ مُتُمْ سَبَعِنْ دَ بَݣَويْ نٜىٰ؞ 15سَيْ جِدْعَوْنَ يَتَڢِے وُرِنْ مُتَنٜىٰنْ سُكُّواتْ يَثٜىٰ مُسُ «تُواْ، غَ ظٜىٰبَ دَ ظَلْمُنَّ وَطَنْدَ كُكَيِ مِنِ بَعَ سَبُواْدَسُو، كُنَ ثٜىٰوَ ‹يَيَ ذَامُ بَ سُواْجُواْجِنْكَ مَاسُ غَاجِيَ عَبِنْثِ؟ بَكَارِغَا كَا كَامَ ظٜىٰبَ دَ ظَلْمُنَّ بَ؞› تُواْ؞ غَا سُو نَنْ!» 16سَيْ يَكَكَّامَ دَتَّاوَنْ غَرِنْ سُكُّواتْ، يَيِ مُسُ حُواْرُواْ دَ ڧَيُواْيِنْ دَاجِ؞ 17جِدْعَوْنَ يَكُمَ رُشٜىٰ حَصُومِيَا تَاڢٜىٰنُوٜىٰلْ، يَكَكَّشٜىٰ مَذَنْ بِرْنِنْ؞
18سَيْ جِدْعَوْنَ يَتَمْبَيِ ظٜىٰبَ دَ ظَلْمُنَّ «وَنٜىٰ إِرِنْ مُتَنٜىٰنٜىٰ كُكَ كَشٜىٰ أَ تَبُوارْ؟»
سُكَ أَمْسَ سُكَثٜىٰ «سُنْيِ كَمَ دَكَيْ، دُواْمِنْ كُواْوَنّٜىٰنْسُ كَمَرْ طَنْ سَرْكِينٜىٰ؞»
19جِدْعَوْنَ يَأَمْسَ يَثٜىٰ «سُو یَنْعُوَنَنٜىٰ، مَامَرْمُ طَيَ؞ نَا ضَنْڟٜىٰ مُكُ دَ سُونَنْ يَهْوٜىٰهْ مَيْ رَيْ دَبَدُواْمِنْ كُنْ كَشٜىٰسُبَ دَ بَذَنْ كَشٜىٰكُبَ؞» 20سَيْ يَثٜىٰ وَ يٜىٰتٜىٰرْ، طَنْسَ نَڢَرْكُواْ «كَتَاشِ كَكَشٜىٰسُ؞» عَمَّا سَوْرَيِنْ بَيْ ذَارٜىٰ تَكُواْبِنْسَبَ، غَمَا يَنَ جِنْ ڟُواْرُواْ دُواْمِنْ شِے يَرُواْ نٜىٰ؞
21سَيْ ظٜىٰبَ دَ ظَلْمُنَّ سُكَثٜىٰ وَ جِدْعَوْنَ «تَاشِ، كَذُواْ دَكَنْكَ كَكَشٜىٰمُ؞ غَمَا سَيْ مُتُمْ يَاكَيْ نَمِجِ سَعَنً ذَيْ يِ عَيْكِنْ نَمِجِ؞» سَيْ جِدْعَوْنَ يَتَاشِ يَكَشٜىٰسُ، يَكُمَ كُنْثٜىٰ كَايَنْ أَدُوانْ دَيَكٜىٰ أَوُيَنْ رَاڧُمَنْسُ؞
22بَايَنْ حَكَ، سَيْ مُتَنٜىٰنْ إِسْرَٰٓءِيلَ سُكَثٜىٰ وَ جِدْعَوْنَ «كَيِ مُلْكِنْمُ، كَيْ دَ یَیَنْكَ دَ جِيكُواْكِنْكَ، غَمَا كَاثٜىٰثٜىٰمُ دَغَ حَنُّنْ مَدْيَنَ؞»
23جِدْعَوْنَ يَأَمْسَ يَثٜىٰ «بَذَنْيِ مُلْكِنْكُبَ، طَانَ مَا بَذَيْ يِمُلْكِنْكُبَ؞ يَهْوٜىٰهْ نٜىٰ ذَيْ يِمُلْكِنْكُ؞» 24سَيْ يَثِيغَبَدَ ڢَطَا مُسُ ثٜىٰوَ «بَرِ إِنْضُواْڧٜىٰكُ أَبُ طَيَ، كُواْوَنّٜىٰنْكُ يَبَانِ یَنْ كُنّٜىٰنْدَ يَݣُوشٜىٰ أَوُرِنْ يَاڧِ؞» غَمَا مِدِيَنَاوَا سُنَسَا یَنْ كُنّٜىٰ نَظِينَارِيَ كَمَرْ يَدَّ سَوْرَنْ مُتَنٜىٰنْ غَبَسْ سُكٜىٰسَاوَ؞
25مُتَنٜىٰنْ سُكَ أَمْسَ سُكَثٜىٰ «ذَامُ بَاكَسُ دَ ڢَضٍ ثِكِ؞» نَنْ دَنَنْ سُكَ شِمْڢِطَا مَيَاڢِ، كُواْوَنّٜىٰنْسُ يَظُبَ یَنْ كُنّٜىٰنْ ظِينَارِيَرْدَ يَݣُوشٜىٰ أَوُرِنْ يَاڧِ؞ 26نَوْيِنْ یَنْ كُنّٜىٰنْ ظِينَارِيَرْ دَ جِدْعَوْنَ يَكَرْٻَ يَكَيْ وَجٜىٰنْ كِلُواْ عَشِرِنْ، بَنْدَ كَايَنْ أَدُواْ دَ نَیَنْ وُيَ دَ رِيغُنَنْ جَرْ غَرُورَا وَطَنْدَ سَرَاكُنَنْ مِدِيَنَاوَا سُكٜىٰسَاوَ، بَنْدَ سَرْڧَرْ دَسُكٜىٰسَا أَوُيَنْ رَاڧُمَنْسُ؞ 27جِدْعَوْنَ كُوَ يَيِ غُنْكِ دَ ظِينَارِيَرْ نَنْ، يَأَجِيٜىٰ أَغَرِنْ دَ عَكَ حَيْڢٜىٰشِ، وَتُواْ عُواڢْرَ؞ دُكَنْ مُتَنٜىٰنْ إِسْرَٰٓءِيلَ كُوَ سُكَيِ وَ يَهْوٜىٰهْ رَشِنْ أَمِنْثِ، سُكَيِ كَارُوَنْثِ تَوُرِنْيِ وَغُنْكِنَّنْ سُجَّدَ؞ وَنَّنْ يَذَمَ تَرْكُواْ غَ جِدْعَوْنَ دَ عِيَلِنْسَ؞
28تَهَكَ مُتَنٜىٰنْ إِسْرَٰٓءِيلَ سُكَثِ نَصَرَا عَكَنْ مِدِيَنَاوَا، بَسُ سَاكٜىٰ ڢَاطَوَ إِسْرَٰٓءِيلَ دَ يَاڧِبَ؞ ڧَسَرْ كُوَ تَسَامِ هُوتُ شٜىٰكَرَا أَرْبَعِنْ عَݣُونَكِنْ جِدْعَوْنَ؞
مُتُوَرْ جِدْعَوْنَ
29جِدْعَوْنَ طَنْ يُواْوَشْ يَكُواْمَ غِدَنْسَ يَذَوْنَ؞ 30يَنَ دَ یَیَ مَظَا سَبَعِنْ غَمَا يَنَدَ مَاتَادَيَوَ؞ 31يَنَ كُمَ دَ مَثٜىٰنْ دَ يَأَجِيٜىٰ أَ شٜىٰكٜىٰمْ، وَدَّ تَحَيْڢَ مَسَ طَا، يَسَا مَسَ سُونَ أَبِمٜىٰلٜىٰكْ؞ 32جِدْعَوْنَ طَنْ يُواْوَشْ يَمُتُ ثِكِنْ ڟُوڢَ سُواْسَيْ؞ عَكَ بِنّٜىٰشِ عَكَبَرِنْ بَابَنْسَ يُواْوَشْ عَ عُواڢْرَ، نَدَنْغِنْ أَبِيٜىٰظٜىٰرْ؞
33بَادَ دَطٜىٰوَبَ بَايَنْ مُتُوَرْ جِدْعَوْنَ، سَيْ مُتَنٜىٰنْ إِسْرَٰٓءِيلَ سُكَسَاكٜىٰ كُواْمَاوَا غَ يِنْ رَشِنْ أَمِنْثِ غَ اللَّهْ، سُكَ شِغَيِ وَ بَعَلْ سُجَّدَ؞ سُكَ مَيْدَ بَعَلْ نَيَرْجٜىٰجٜىٰنِيَ يَذَمَ اللَّهْنْسُ؞ 34سُكَ دَيْنَ بَوْتَاوَ يَهْوٜىٰهْ اللَّهْ نْسُ، وَنْدَ يَثٜىٰثٜىٰسُ دَغَ دُكَنْ أَبُواْكَنْ غَابَنْسُ وَطَنْدَ سُكٜىٰ كٜىٰوَيٜىٰ دَسُو؞ 35بَسُ كُوَ نُونَاوَ عِيَلِنْ يٜىٰرُبَّعَلْ، وَتُواْ جِدْعَوْنَ أَلْحٜىٰرِبَ، سَبُواْدَ دُكَنْ أَلْحٜىٰرِنْدَ دَا يَيِ وَجَمَعَرْ إِسْرَٰٓءِيلَ؞
Currently Selected:
أَلْڧَلَيْ 8: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
