يُوشَعُ 12
12
إِنْجِ يَهْوٜىٰهْ، 1«أَبِنْ دَ مُتَنٜىٰنْ إِسْرَٰٓءِيلَ عَ أَرٜىٰوَ سُكٜىٰيِ
يَذَمَ بَنْظَ كَمَرْ كِيوُانْ إِسْكَ،
سُنَ تَبِنْ إِسْكَرْ غَبَسْ دُكَنْ يِنِ؞
سُنَ تَڧَارَ يِنْ ڧَضْيَا دَ تَاشِنْ حَنْكَلِ،
سُنَ طَوْرَ يَرْجٜىٰجٜىٰنِيَ دَ ڧَسَرْ أَسُّرِيَ،
سُنَ كُمَ كَيْ مَنْ ظَيْتُنْ أَ مَصَرْ؞»
2 يَهْوٜىٰهْ يَا كَٰوُاْ ڧَارَ عَكَنْ يَهُودَ
أَشِرْيٜىٰ يَكٜىٰ يَحُكُنْتَ إِسْرَٰٓءِيلَ
بِسَغَ هَنْيُواْيِنْسُ؞
ڠُورْڠُودُوانْ أَيُّكَنْسُ نٜىٰ
ذَاعَ سَاكَ مُسُ؞
3كَاڢِنْ أَحَيْڢِ كَكَنْسُ يَعْڧُوبَ
يَكَامَ تَڢِنْ ڧَڢَرْ طَنْعُوَنْسَ؞#ڢَارْ 25.26
دَ يَيِ غِرْمَ
سَيْ يَيِ كُواْكَوَ دَ اللَّهْ؞#ڢَارْ 32.24-26
4يَعْڧُوبَ يَيِ كُواْكَوَ دَ مَلاَىِٕكَ
يَكُوَ يِنَصَرَا؞
يَيِ كُوكَنْ نٜىٰمَنْ أَلْبَرْكَ
دَغَ وُرِنْ مَلاَىِٕكَنْ؞
يَهْوٜىٰهْ يَا سَامٜىٰشِ أَ بٜىٰتٜىٰلْ،
أَوُرِنْ يَيِ مَغَنَ دَشِ؞#ڢَارْ 28.10-22
5 يَهْوٜىٰهْ اللَّهْ مَيْ ضُنْدُنَا،
يَهْوٜىٰهْ نٜىٰ سُونَنْسَ!
6دُواْمِنْ حَكَ، سَيْ كُكُواْمَ غَ اللَّهْ نْكُ؞
كُڧَوْنَثٜىٰشِ، كُيِ شَرِيعَرْ غَسْكِيَ،
كُكَڢَ سَا ذُوثِيَا غَ اللَّهْ نْكُ كُلُّمْ؞
7إِنْجِ يَهْوٜىٰهْ،
«یَنْ كَاسُوَ سُنَ أَمْڢَانِ
دَ مَعَوْنِنْ ڧَضْيَا،
سُنَ كُمَ سُوانْ يِنْ ثُوتَا؞
8مُتَنٜىٰنْ إِسْرَٰٓءِيلَ عَ أَرٜىٰوَ سُنْ ثٜىٰ،
‹يَنْذُ مُنْيِ أَرْزِڧِ،
مُنْ سَامُواْ وَكَنْمُ دُوكِيَ؞
عَثِكِنْ دُكَنْ أَرْزِڧِنْمُ،
بَذَاعَ سَامٜىٰمُ دَوَتَ مُغُنْتَارْ
دَ ذَاعَ ثٜىٰ مُنْيِ ذُنُوبِبَ؞›
9نِے يَهْوٜىٰهْ نِنٜىٰ اللَّهْ نْكُ،
تُنْدَغَ ڧَسَرْ مَصَرْ؞
ذَنْ سَاكٜىٰ سَاكُ ذَوْنَ عَثِكِنْ تٜىٰنْتُنَ
كَمَرْ يَدَّ كُكَنْيِ
أَ لُواْكَثِنْ بِكٍ دَ عَكَ ڟَارَا مُكُ؞#لِـ ڢِرْ 23.42-43
10نَيِ مَغَنَ تَبَاكِنْ أَنَّبَاوَا،
نِنٜىٰ نَاسَا أَنَ تَغَنِنْ رُعُيُواْيِ،
تَوُرِنْ أَنَّبَاوَا كُمَ
نَغَرْغَطٜىٰكُ دَ مِصَلَيْ؞
11دُكْدَهَكَ أَ غِلٜىٰيَدْ أَݣَويْ غُمَكَ،
عَمَّا سُجَّدَرْكُ بَنْظَنٜىٰ؞
أَ غِلْغَلْ كُنَ هَدَايَرْ بِجِمَيْ،
عَمَّا دُووَڟُنْ بَغَدَنْكُ،
ذَاعَ وَرْوَاڟَرْ دَسُو ثِكِنْ ڢِيلَيٜىٰنْ غُواْنَ؞»
12كَكَنْمُ يَعْڧُوبَ يَغُدُ
ذُوَا ڧَسَرْ سُورِيَ،
عَثَنْ إِسْرَٰٓءِيلَ يَيِ بَوْتَرْ نٜىٰمَنْ مَاتَرْ عَوْرٜىٰ،
دُواْمِنْ يَسَامِ مَتَ، يَيِ كِيوُانْ تُمَكِ؞#ڢَارْ 29.1-20
13تَهَنُّنْ أَنَّبِے،
يَهْوٜىٰهْ يَڢِتَرْدَ إِسْرَٰٓءِيلَاوَا دَغَ مَصَرْ،
تَهَنُّنْ أَنَّبِے كُمَ عَكَ كِيَايٜىٰسُ؞#ڢِتْ 12.50-51
14مُتَنٜىٰنْ إِسْرَٰٓءِيلَ سُكَسَا اللَّهْ يَيِ ڢُشِے سُواْسَيْ،
عُبَنْغِجِنْسُ ذَيْسَاكَ مُسُ عَكَنْ لَيْڢُواْڢِنْسُ،
دَ كُنْيَرْ دَسُكَ جَٰوُاْ مَسَ؞
Currently Selected:
يُوشَعُ 12: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
