يُوشَعُ 13
13
ڢُشِنْ اللَّهْ عَكَنْ إِسْرَٰٓءِيلَ
1أَ دَا، سَعَدَّ ذُرِيَرْ إِڢْرَيِمْ
تَيِ مَغَنَ،
سَوْرَنْ ظُرِيُواْيِ سُكَنْيِ ضَوَرْ جِكِے،
غَمَا أَنْطَوْكَكَتَ عَ إِسْرَٰٓءِيلَ؞
عَمَّا تَايِ ذُنُوبِ تَوُرِنْ سُجَّدَ غَ بَعَلْ،
دُواْلٜىٰ كُوَ تَمُتُ؞
2هَرْوَيَوْ تَنَ تَڧَارَ يِنْ ذُنُوبِ؞
تَايِ وَكَنْتَ غُمَكَ نَظُبِے،
دَ غُمَكَ نَأَظُرْڢَا، بِسَغَ عِيَوَرْتَ؞
دُكَنْ غُمَكَنْتَ عَيْكِنْ حَنُّ نٜىٰ؞
تَكَنْثٜىٰ وَمُتَنٜىٰ سُمِيڧَ مُسُ هَدَايَ،
سُيِ وَصِڢَّرْ بِجِمِ سُمْبَ!
3سَبُواْدَ حَكَ،
ذَاسُ ذَمَ كَمَرْ حَزُواْ نَسَاڢِيَ،
كَمَرْ رَٻَ مَيْ وُثٜىٰوَ دَ سَوْرِ،
كَمَرْ دُوسَرْ دَ إِسْكَ تَهُورَ أَوُرِنْ بُغُنْ حَڟِ،
كَمَرْ هَيَاڧِے دَغَ مُضْهُ؞
4إِنْجِ يَهْوٜىٰهْ،
«نِے يَهْوٜىٰهْ نِنٜىٰ اللَّهْ نْكُ
تُنْدَغَ ڧَسَرْ مَصَرْ؞
بَكُسَنْ وَنِ اللَّهْ بَ سَيْ نِے،
بَنْدَ نِے، بَابُ مَيْ ثٜىٰتُواْ؞
5نِنٜىٰ نَا لُورَ دَكُو أَدَاجِ،
عَڧَسَا مَرَرْ ضُوَ؞#مَيْ شَـ 8.11-17
6عَمَّا دَ كُكَيِ أَرْزِڧِنْ دَبُّواْبِے،
كُكَثِ كُكَ ڧُواْشِ، رَنْكُ يَجِ دَاطِے،
سَيْ كُكَيِ غِرْمَنْ كَيْ،
كُكَ مَنْتَادَنِے؞
7تُواْ، ذَنْ كَٰوُاْ مُكُ هَرِ كَمَرْ ذَاكِ،
إِنْيِ مُكُ ݣُونْتُوانْ ٻَوْنَ كَمَرْ دَامِسَ؞
8ذَنْ ڢَاطَ مُكُ كَمَرْ بٜىٰيَرْ
وَدَّ عَكَ ڨُوثٜىٰ مَتَ یَیَ؞
ذَنْ يَاغٜىٰ ڧِرْجِنْكُ إِنْ ثِنْيٜىٰكُ كَمَرْ ذَاكِ؞
عِ، كَمَرْ نَامَنْ دَاجِ ذَنْ يَيَّاغٜىٰكُ؞
9يَا كُو مُتَنٜىٰنْ إِسْرَٰٓءِيلَ، ذَنْ هَلَكَاكُ!
وَ ذَيْ عِيَ تَيْمَكُوانْكُ؟
10إِنَا نٜىٰ نَاكُ سَرْكِنْ؟
كُكِرَا أَغَرٜىٰشِ دُواْمِنْ يَتَيْمَكٜىٰكُ!
إِنَا نٜىٰ شُوغَبَنِّنْ دُكَنْ بِرَنٜىٰنْكُ؟
كُكَ دَامٜىٰنِ إِنْبَاكُسُ،
بَرِ سُو سُتَيْمَكٜىٰكُ!#1 سَمْ 8.5-6
11نَبَاكُ سَرْكِے ثِكِنْ ڢُشِے،
نَكُمَ كَوَرْ دَشِ ثِكِنْ ٻَثِنْ رَيْ؞#1 سَمْ 10.17-24؛ 15.26
12«أَنْ تَتَّارَ لَيْڢُواْڢِنْ مُتَنٜىٰنْ إِسْرَٰٓءِيلَ،
أَنْ أَجِيٜىٰ ذُنُبَنْسُ أَ ضُمْبُ؞
13عَذَابَرْ حَيْڢُوَرْسَ تَذُواْ
عَمَّا شِ كَمَرْ طَا مَرَرْ حِكِمَ نٜىٰ،
وَنْدَ يَڧِ أَحَيْڢٜىٰشِ أَدَيْدَيْ لُواْكَثِنْسَ؞
14تُواْ، إِنْڢَنْشٜىٰسُ
دَغَ إِيكُوانْ وُرِنْ ذَمَنْ مَتَتُّو نٜىٰ؟
إِنْثٜىٰثٜىٰسُ
دَغَ بَاكِنْ مُتُوَ نٜىٰ؟
كٜىٰ مُتُوَ، إِنَا نٜىٰ بَلَعِنْكِ؟
كَيْ كَبَرِ، إِنَا هَلَّكَرْكَ تَكٜىٰ؟
نِے بَذَنْجِ تَوْسَيِنْسُبَ كُمَ!#1 كُوارْ 15.55
15كُواْدَيَكٜىٰ سُنَ يَطُوَ كَمَرْ ثِيَوَ،
إِسْكَرْ غَبَسْ ذَاتَ بُوسَرْ دَسُو؞
إِسْكَرْ يَهْوٜىٰهْ ثٜىٰ ذَاتَ هُورُواْ دَغَ دَاجِ؞
مَٻُٻُّغَرْسُ ذَاسُ بُوشٜىٰ،
رَاڢُڢُّكَنْسُ ذَاسُ شَنْيٜىٰ؞
إِسْكَرْ ذَاتَ ݣُوشِ
دُكَنْ أَجِيَرْ كَايَنْسُ مَاسُ دَرَجَ،
تَلَلَتَرْدَ كُواْوَنٜىٰ أَبُ مَيْ أَمْڢَانِ؞
16سَمَرِيَ ذَاسُ طَوْكِ أَلْحَكِنْ لَيْڢِنْسُ،
غَمَا سُنْيِ وَ اللَّهْ نْسُ تَاوَيٜىٰ؞
عِ، ذَاسُمُتُ تَوُرِنْ تَكُواْبِنْ يَاڧِ،
ذَاعَ ڢَرْڢَشٜىٰ كَوُنَنْ جَرِرَنْسُ عَڧَسَا،
عَكُمَ ڟَٰغٜىٰ مَاتَنْسُ مَاسُثِكِ؞»
Currently Selected:
يُوشَعُ 13: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
