هِظْڧِيَالْ 42
42
غِنِ بِيُ كُسَ دَ هَيْكَلِنْ
1سَعَنً مُتُمِنْ يَڢِتَرْ دَنِے وَجٜىٰ تَڧُواْڢَرْ ثِكِ تَأَرٜىٰوَ؞ مُنْ جُويَا هَغُ سَيْ مُكَغَ وَطَنْسُ طَكُنَ أَ جٜىٰرٜىٰ لَيِ بِيُ؞ لَيِ طَيَ، أَنْغِنَ شِ أَجِكِنْ كَتَنْغَرْ ڢِيلِ نَثِكِ، لَيِ نَبِيُ كُمَ، أَنْغِنَ شِ يَدَّ بَايَنْسَ يَنَ أَجِكِنْ كَتَنْغَرْ دَتَكٜىٰ غٜىٰڢٜىٰنْ أَرٜىٰوَ؞ 2ڟَوُانْ غِنِ مَيْ طَكُنَنَّنْ، كَمُ طَرِے طَيَ نٜىٰ، ڢَاطِنْسَ كُمَ كَمُ حَمْسِنْ نٜىٰ؞ بَبَّرْ ڧُواْڢَرْسَ تَنَ ڢُسْكَنْتَرْ أَرٜىٰوَ؞ 3جٜىٰرٜىٰنْ غِنِ طَيَ نَطَكُنَ يَنَ ڢُسْكَنْتَرْ كَتَنْغَرْ هَيْكَلِ تَڢِيلِنْ دَيَكٜىٰ ثِكِ؞ طَيَنْ جٜىٰرٜىٰنْ غِنِ نَطَكُنَ كُمَ يَنَ ڢُسْكَنْتَرْ ڢِيلِ نَوَجٜىٰ؞ جٜىٰرٜىٰنْ غِنِنَّنْ كُواْوَنّٜىٰنْسُ هَوَ عُكُنٜىٰ سُنَ بَا وَ جُونَ بَايَ؞ ڢِيلِنْ دَيَكٜىٰ ڟَكَانِنْ غِنِ طَيَ دَ هَيْكَلِ، كَمُ عَشِرِنْ نٜىٰ؞ 4أَغَبَنْ طَكُنَنَّنْ أَݣَويْ حَنْيَرْ دَ عَكٜىٰبِے، ڢَاطِنْتَ كَمُ غُواْمَ نٜىٰ، ڟَوُانْتَ كُمَ كَمُ طَرِے طَيَ نٜىٰ؞ ڧُواْڢُواْڢِنْ طَكُنَنْ سُنَ أَغٜىٰڢٜىٰنْ أَرٜىٰوَ؞ 5عَكُواْوَثٜىٰ هَوَ تَغِنِنْ، ڢَاطِنْ طَكُنَنْ بَيْ كَيْ نَطَكُنَنْ ڧَسَابَ، غَمَا هَنْيُواْيِنْ دَ ذَاعَ بِے أَ هَوَ تَسَمَ سُنْثِنْيٜىٰ ڢِيلِ؞ 6طَكُنَنْ أَ هَوَ تَ عُكُ كُوَ سُنْ ڟَيَ عَكَنْ هَوَ تَبِيُ دَ تَطَيَ؞ سَبُواْدَ حَكَ وَطَنَّنْ طَكُنَ بَاسُ دَ غِنْشِڧَيْ كَمَرْ سَوْرَنْ غِنٜىٰ غِنٜىٰ أَ ڢِيلِ نَثِكِيبَ؞ 7أَݣَويْ كَتَنْغَ أَوَجٜىٰ وَدَّ تَرَبَ طَكُنَنْ دَغَ ڢِيلِ نَوَجٜىٰ؞ ڟَوُانْ كَتَنْغَرْ، كَمُ حَمْسِنّٜىٰ؞ 8جٜىٰرٜىٰنْ طَكُنَنْ أَطَيَنْ غٜىٰڢٜىٰ كُسَدَ ڢِيلِ نَوَجٜىٰ كُوَ، ڟَوُانْسَ كَمُ حَمْسِنْ نٜىٰ؞ جٜىٰرٜىٰنْ طَكُنَنْ دَيَكٜىٰ مَڢِے كُسَدَ هَيْكَلِ، ڟَوُانْسَ كَمُ طَرِے طَيَنٜىٰ؞ 9عَڧَسَا دَ وَطَنَّنْ طَكُنَ، أَݣَويْ حَنْيَرْ دَتَبِے دَغَ غَبَسْ دُواْمِنْ أَ شِغَ طَكُنَنْ دَغَ ڢِيلِ نَوَجٜىٰ؞
10أَغٜىٰڢٜىٰنْ كُدُ نَهَيْكَلِ كُمَ أَݣَويْ جٜىٰرٜىٰنْ غِنِنْ طَكُنَ لَيِ بِيُ أَغٜىٰڢٜىٰنْ كُدُ دَ ڢِيلِ نَثِكِ، ڟَكَانِنْ هَيْكَلِ دَ ڢِيلِ نَوَجٜىٰ؞ وَطَنَّنْ طَكُنَ كُمَ، أَنْجٜىٰرَسُ كَمَرْ طَكُنَنَّنْ دَسُكٜىٰ أَغٜىٰڢٜىٰنْ أَرٜىٰوَ؞ 11أَوُرِنْ كُمَ أَݣَويْ حَنْيَرْ دَ عَكٜىٰبِے أَغَبَنْسُ؞ أَنْ غِنَا طَكُنَنَّنْ كَمَرْ طَكُنَنْ دَسُكٜىٰ أَغٜىٰڢٜىٰنْ أَرٜىٰوَ؞ ڟَوُانْسُ دَ ڢَاطِنْسُ، أَبُ طَيَ نٜىٰ؞ 12أَݣَويْ كَتَنْغَ أَغٜىٰڢٜىٰنْ غَبَسْ نَجٜىٰرٜىٰنْ غِنِنْ طَكُنَنَّنْ، أَݣَويْ كُمَ ڧُواْڢَ عَثِكِنْ كَتَنْغَرْ دُواْمِنْ مُتَنٜىٰ سُشِغَ ثِكِنْ طَكُنَنْ؞
13سَعَنً مُتُمِنْ يَثٜىٰ مِنِ «طَكُنَنْ دَسُكٜىٰ وَجٜىٰنْ أَرٜىٰوَ دَ وَطَنْدَ سُكٜىٰ عَكُدُ سُنَ كُمَ ڢُسْكَنْتَرْ ڢِيلِ نَهَيْكَلِ، أَنْكٜىٰٻٜىٰسُ دُواْمِنْ ڢِرِسْتُواْثِے؞ أَ نَنْ ڢِرِسْتُواْثِنْ دَ ذَاسُيِ كُسَدَ يَهْوٜىٰهْ، ذَاسُثِ هَدَايُ مَڢِے ڟَرْكِے وَطَنْدَ عَكَ مِيڧَ؞ أَوُرِنْ ذَاسُ أَجِيٜىٰ كَايَنْ هَدَايُ مَڢِے ڟَرْكِے، وَتُواْ هَدَايَ تَهَڟِ دَ تَوَنْكٜىٰ ذُنُوبِ دَ تَشَاڢٜىٰ لَيْڢِے، غَمَا وُرِنَّنْ مَيْ ڟَرْكِے نٜىٰ؞ 14سَعَدَّ ڢِرِسْتُواْثِے سُكَ شِغَ وُرِے مَيْ ڟَرْكِے، بَذَاسُ ڢِتَ دَغَ ثِكِنْسَ ذُوَا ڢِيلِنْ دَيَكٜىٰ أَوَجٜىٰ بَ، سَيْ سُنْ تُوٻٜىٰ رِيغُنَنْ حِدِمَرْسُ، غَمَا وَطَنَّنْ رِيغُنَ مَاسُ ڟَرْكِے نٜىٰ؞ ذَاسُ سَا وَطَنْسُ رِيغُنَ كَاڢِنْ سُڢِتَ عِنْدَ سَوْرَنْ مُتَنٜىٰ سُكٜىٰ؞»
15سَعَدَّ يَغَمَ عَوْنَ غِنٜىٰ غِنٜىٰنْ دَسُكٜىٰ أَ ڢِيلِ نَثِكِ نَهَيْكَلِنْ، سَيْ يَڢِتَرْ دَنِے تَڧُواْڢَرْ غَبَسْ؞ سَيْ يَ عَوْنَ دُكَنْ ڢِيلِنْ دَيَكٜىٰ كٜىٰوَيٜىٰ دَ هَيْكَلِنْ؞ 16سَيْ يَ عَوْنَ غٜىٰڢٜىٰنْ غَبَسْ دَ سَنْدَنْ أَوُاْ، كَمُ طَرِے بِيَرْ نٜىٰ بِسَغَ أَوُانْ دَ يَيِ؞ 17يَجُويَ يَكُمَ عَوْنَ غٜىٰڢٜىٰنْ أَرٜىٰوَ دَ سَنْدَنْ أَوُاْ، كَمُ طَرِے بِيَرْ نٜىٰ بِسَغَ أَوُانْ دَ يَيِ؞ 18يَجُويَ يَكُمَ عَوْنَ غٜىٰڢٜىٰنْ كُدُ دَ سَنْدَنْ أَوُاْ، كَمُ طَرِے بِيَرْ نٜىٰ بِسَغَ أَوُانْ دَ يَيِ؞ 19يَجُويَ يَكُمَ عَوْنَ غٜىٰڢٜىٰنْ يَمَّ دَ سَنْدَنْ أَوُاْ، كَمُ طَرِے بِيَرْ نٜىٰ بِسَغَ أَوُانْ دَ يَيِ؞ 20تَهَكَ يَ عَوْنَ وُرِنْ عَكُواْوَنٜىٰ غٜىٰڢٜىٰ حُطُ؞ ڢِيلِنَّنْ يَنَدَ كَتَنْغَ عَكٜىٰوَيٜىٰ، ڟَوُانْتَ كَمُ طَرِے بِيَرْ نٜىٰ، ڢَاطِنْتَ كُمَ كَمُ طَرِے بِيَرْ نٜىٰ، دُواْمِنْ أَ رَبَ أَبِنْدَ عَكَ كٜىٰٻٜىٰ دَ ڟَرْكِے دَ أَبِنْ بَعَكٜىٰٻٜىٰبَ؞
Currently Selected:
هِظْڧِيَالْ 42: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
