هِظْڧِيَالْ 41
41
1سَيْ مُتُمِنْ يَبِے دَنِے ذُوَا ڧُواْڢَرْ بَبَّنْ طَاكِ أَ هَيْكَلِنْ؞ بَنْغُواْ مَيْ كَوْرِ يَرَبَ ذَوْرٜىٰنْ دَ بَبَّنْ طَاكِنَّنْ؞ سَيْ يَ عَوْنَ كَوْرِنْ بَنْغُوانْ، كَمُ شِدَنٜىٰ؞ 2ڢَاطِنْ حَنْيَرْ ڧُواْڢَ، كَمُ غُواْمَنٜىٰ؞ عَكُواْوَنٜىٰ غٜىٰڢٜىٰ نَڧُواْڢَرْ أَݣَويْ بَنْغُواْ مَيْ ڟَوُاْ كَمُ بِيَرْ؞ سَيْ يَ عَوْنَ ڟَوُانْ بَبَّنْ طَاكِنَّنْ، كَمُ أَرْبَعِنْ نٜىٰ، ڢَاطِنْسَ كُمَ كَمُ عَشِرِنْ؞ 3سَيْ يَوُثٜىٰ تَثِكِنْ بَبَّنْ طَاكِنْ ذُوَا ڧُواْڢَ تَڧَرَمِنْ طَاكِ عَثَنْ ثِكِ؞ يَكُمَ عَوْنَ بَنْغُوانْدَ يَرَبَ بَبَّنْ طَاكِ دَ ڧَرَمِنْ طَاكِ نَثِكِ، كَوْرِنْسَ كَمُ بِيُ نٜىٰ؞ ڢَاطِنْ ڧُواْڢَرْ كُمَ كَمُ شِدَنٜىٰ؞ عَكُواْوَنٜىٰ غٜىٰڢٜىٰ نَڧُواْڢَرْ، أَݣَويْ بَنْغُواْ مَيْ ڟَوُاْ كَمُ بَݣَويْنٜىٰ؞ 4يَكُمَ عَوْنَ ڧَرَمِنْ طَاكِ نَثَنْ ثِكِ، ڟَوُانْسَ كَمُ عَشِرِنْ نٜىٰ، ڢَاطِنْسَ كُمَ كَمُ عَشِرِنْ؞ سَيْ مُتُمِنْ يَثٜىٰ مِنِ «وَنَّنْ شِينٜىٰ وُرِے مَڢِے ڟَرْكِے؞»
طَكُنَ نَثِكِنْ هَيْكَلِنْ
5سَيْ مُكَ ڢِتَ وَجٜىٰ، يَكُمَ عَوْنَ بَنْغُوانْ هَيْكَلِنْ، كَوْرِنْ غِنْدِنْ بَنْغُوانْ كَمُ شِدَنٜىٰ؞ أَݣَويْ كُمَ طَكُنَ كٜىٰوَيٜىٰ دَ هَيْكَلِ عَكُواْوَنٜىٰ غٜىٰڢٜىٰ، ڢَاطِنْ كُواْوَنٜىٰ طَيَنْسُ كَمُ حُطُنٜىٰ؞ 6طَكُنَنْ دَسُكٜىٰ أَغٜىٰڢٜىٰنْ هَيْكَلِنْ، أَنْغِنَسُ هَوَ عُكُنٜىٰ كَمَرْ تَمَتَاكَلَ؞ عَكُواْوَثٜىٰ هَوَ أَݣَويْ طَكُنَ تَلَاتِنْ أَجٜىٰرٜىٰ؞ تُوشٜىٰنْ كُواْوَثٜىٰ هَوَ تَطَكُنَنْ، عَكَ كَڢَ شِ عَكَنْ وَنْدَ يَكٜىٰ ڧَرْڧَشِنْسَ، يَدَّ كَدَ أَ حَطَ طَكُنَنْ دَ جِكِنْ بَنْغُوانْ هَيْكَلِنْ؞ 7ڢَاطِنْ كُواْوَثٜىٰ هَوَ يَڢِ ڢَاطِنْ وَدَّ تَكٜىٰ عَڧَرْڧَشِنْتَ؞ غِنِنَّنْ كٜىٰوَيٜىٰ دَ هَيْكَلِ، أَنْغِنَاشِ هَوَ هَوَ، يَدَّ طَكُنَنْ سُنْيِ تَڧَارَ ڢَاطِ حَرْ ذُوَا سَمَنْ غِنِنْ؞ أَنْ غِنَا وَتَ مَتَاكَلَ، تَمِيڧٜىٰ دَغَ ڧَسَا ذُوَا ڟَكِيَرْ غِنِنْ حَرْ ذُوَا سَمَنْ غِنِنْ؞ 8نَكُمَغَ تُوشٜىٰ عِنْدَ عَكَ غِنَا هَيْكَلِنْ دَ طَكُنَنْ، وَنْدَ يَكُمَ كٜىٰوَيٜىٰسُ، ڟَيِنْسَ دُواْغُوانْ كَمُ شِدَنٜىٰ؞ 9كَوْرِنْ كَتَنْغَ تَوَجٜىٰ تَطَكُنَنْ، كَمُ بِيَرْ نٜىٰ؞ ڢَاطِنْ ڢِيلِنْ دَيَكٜىٰ ڟَكَانِنْ طَكُنَنْ دَسُكٜىٰ أَجِكِنْ بَنْغُوانْ هَيْكَلِنْ 10دَ طَكُنَنْ ڢِرِسْتُواْثِے، كَمُ عَشِرِنْ عَكُواْوَنٜىٰ غٜىٰڢٜىٰ كٜىٰوَيٜىٰ دَ هَيْكَلِنْ؞ 11أَݣَويْ ڧُواْڢَ طَيَ وَدَّ عَكٜىٰبِے تَثِكِ ذُوَا طَكُنَنْ أَجِيَ وَطَنْدَ سُكٜىٰ أَغٜىٰڢٜىٰنْ أَرٜىٰوَ نَهَيْكَلِنْ؞ أَݣَويْ كُمَ وَتَ ڧُواْڢَ وَدَّ عَكٜىٰبِے ذُوَا طَكُنَنْ أَجِيَ وَطَنْدَ سُكٜىٰ أَغٜىٰڢٜىٰنْ كُدُ؞ ڢَاطِنْ تُوشٜىٰنْ دَيَكٜىٰ كٜىٰوَيٜىٰ دَ هَيْكَلِنْ دَ طَكُنَنْ، وَنْدَ كُمَ يَكٜىٰ ڟَكَانِنْ غِنِ دَ ڢِيلِ، كَمُ بِيَرْ نٜىٰ؞
غِنِ عَتَيَمَّ
12نَكُمَ لُورَ أَݣَويْ وَنِ بَبَّنْ غِنِ كُسَدَ هَيْكَلِنْ عَتَيَمَّ، غِنِنْ يَنَ ڢُسْكَنْتَرْ هَيْكَلِنْ عَتَبَايَ؞ ڢَاطِنْسَ كَمُ سَبَعِنْ نٜىٰ، ڟَوُانْسَ كَمُ ثَسَعِنّٜىٰ، كَوْرِنْ بَنْغُوانْ غِنِنْ كُمَ كَمُ بِيَرْ نٜىٰ؞
أَنْ عَوْنَ هَيْكَلِنْ دُكَ
13سَيْ مُتُمِنْ يَ عَوْنَ هَيْكَلِنْ دَغَ وَجٜىٰ، ڟَوُانْسَ كَمُ طَرِے نٜىٰ؞ يَكُمَ عَوْنَ ڢِيلِ دَغَ بَايَنْ هَيْكَلِنْ ذُوَا بَنْغُواْ نَبَايَ نَغِنِنْ دَيَكٜىٰ تَيَمَّ، كَمُ طَرِے طَيَنٜىٰ؞ 14سَيْ مُتُمِنْ يَ عَوْنَ ڢَاطِنْ ڢِيلِنْ دَيَكٜىٰ أَغَبَنْ هَيْكَلِنْ دَغَ كَتَنْغَ تَأَرٜىٰوَ ذُوَا كَتَنْغَ تَكُدُ، كَمُ طَرِے طَيَنٜىٰ؞
15سَيْ مُتُمِنْ يَ عَوْنَ ڟَوُانْ غِنِنْ دَيَكٜىٰ وَجٜىٰنْ يَمَّ تَرٜىٰدَ طَكُنَنْ دَسُكٜىٰ أَغٜىٰڢٜىٰنْسَ، كَمُ طَرِے طَيَنٜىٰ؞
ثِكِنْ هَيْكَلِنْ
بَنْغُوانْ هَيْكَلِنْ تَثِكِ أَنْرُڢٜىٰ دَ أَدُوانْ كَتَكَيْ مَاسُ ݣَوْ، دُكْ دَ ذَوْرٜىٰنْ دَ بَبَّنْ طَاكِنْ دَ ڧَرَمِنْ طَاكِ نَثِكِ، 16تَرٜىٰدَ حَنْيَ ثِكِنْ ڧُواْڢَ دَ غٜىٰڢٜىٰنْ تَغُواْغِ دَ بَنْغُنَنْ طَاكِ دُكَ، عَكَ رُڢٜىٰسُ دَ أَدُوانْ كَتَكُواْ مَيْݣَوْ دَغَ ڧَسَا حَرْ ذُوَا عِنْدَ غِنْدِنْ تَغُواْغِ يَكٜىٰ؞ بَاكِنْ تَغُواْغِنْ، عَكَ رُڢٜىٰ دَ أَدُوانْ كَتَكُواْ مَيْݣَوْ؞ 17عَكَيِ أَدُوانْ ذَانِ ذَانِ عَبَنْغُوانْ دُكَنْ طَكُنَ دَغَ سَمَنْ بَبَّرْ ڧُواْڢَرْ هَيْكَلِ حَرْ ذُوَا ڧَرَمِنْ طَاكِنْ دَيَكٜىٰ ثَنْ ثِكِ دَ كُمَ عَكَنْ دُكَنْ بَنْغُوانْ ثِكِ؞ 18عَكَيِ ذَانِ ذَانِنْ صِڢَّرْ حَلِتَّ مَيْ ڢِكَڢِكِ دَ نَصِڢَّرْ إِتَاثٜىٰنْ دَبِينُواْ؞ أَݣَويْ ذَانِنْ صِڢُّواْڢِنْ حَلِتَّ مَيْ ڢِكَڢِكِ ڟَكَانِنْ كُواْوَنٜىٰ ذَانِنْ إِتَاثٜىٰنْ دَبِينُواْ أَ جٜىٰرٜىٰ عَكُواْوَنٜىٰ بَنْغُواْ؞ كُواْوَثٜىٰ حَلِتَّ مَيْ ڢِكَڢِكِ تَنَدَ ڢُسْكَ بِيُ؞ 19ڢُسْكَ طَيَ تَمُتُمْ تَنَ ڢُسْكَنْتَرْ صِڢَّرْ إِتَاثٜىٰنْ دَبِينُواْ أَطَيَنْ غٜىٰڢٜىٰنْ؞ ڢُسْكَ طَيَ تَذَاكِ كُمَ تَنَ ڢُسْكَنْتَرْ صِڢَّرْ إِتَاثٜىٰنْ دَبِينُواْ أَوَنْثَنْ غٜىٰڢٜىٰنْ؞ حَكَ عَكَيِ ذَانِ ذَانِنْ صِڢُّواْڢِنْسُ أَ جٜىٰرٜىٰ عَكَنْ دُكَنْ بَنْغُوانْ هَيْكَلِنْ؞ 20دَغَ ڧَسَا ذُوَا سَمَ دَ ڧُواْڢَرْ، أَنْظَانَ صِڢَّرْ حَلِتَّ مَيْ ڢِكَڢِكِ دَ صِڢَّرْ إِتَاثٜىٰنْ دَبِينُواْ أَ جٜىٰرٜىٰ عَكَنْ بَنْغُواْ نَوَجٜىٰ؞
21ڢِرَمْ نَڧُواْڢَرْ شِغَ وُرِے مَيْ ڟَرْكِے ڟَوُانْسَ دَ ڢَاطِنْسَ أَبُ طَيَنٜىٰ؞ ڢِرَمْ نَڧُواْڢَرْ شِغَ وُرِے مَڢِے ڟَرْكِے كُمَ دَيْدَيْنٜىٰ دَ وَنْثَنْ؞ 22أَݣَويْ وَنِ أَبُ مَيْ كَمَ دَ بَغَدٜىٰنْ إِتَاثٜىٰ، ڟَيِنْسَ كَمُ عُكُنٜىٰ، ڟَوُانْسَ كَمُ بِيُنٜىٰ، ڢَاطِنْسَ كُمَ كَمُ بِيُنٜىٰ؞ كُواْوَثٜىٰ ݣُونَرْ بَغَدٜىٰنَّنْ دَ تُوشٜىٰنْسَ دَ جِكِنْسَ، دُكَ نَكَتَكُواْنٜىٰ؞ سَيْ مُتُمِنْ يَثٜىٰ مِنِ «وَنَّنْ شِينٜىٰ تٜىٰبُرِنْ دَيَكٜىٰ أَغَبَنْ يَهْوٜىٰهْ؞»#ڢِتْ 25.23-30؛ لِـ ڢِرْ 24.5-9؛ 1 سَرْ 6.20 23دَ وُرِے مَيْ ڟَرْكِے دَ وُرِے مَڢِے ڟَرْكِے، كُواْوَثٜىٰ ڧُواْڢَرْسُ تَنَدَ ڢَلّٜىٰ بِيُ؞ 24كُواْوَثٜىٰ ڧُواْڢَ تَنَدَ ڢَلّٜىٰ بِيُ نَبُوطٜىٰوَ ثِكِ دَ وَجٜىٰ؞ 25عَڧُواْڢُواْڢِنْ وُرِے مَيْ ڟَرْكِے عَكَيِ ذَانِنْ صِڢَّرْ حَلِتَّ مَيْ ڢِكَڢِكِ دَ نَ إِتَاثٜىٰنْ دَبِينُواْ إِرِ وَنْدَ عَكَ ذَانَ عَكَنْ دُكَنْ بَنْغُواْ؞ أَݣَويْ كُمَ رُمْڢَرْ دَ عَكَيِ دَ كَتَكُواْ أَغَبَنْ ذَوْرٜىٰنْ عَتَوَجٜىٰ؞ 26عَبَنْغُوانْ ذَوْرٜىٰ كُمَ أَݣَويْ ڧأَنَانً تَغُواْغِ مَاسُ ذَانِنْ إِتَاثٜىٰنْ دَبِينُواْ عَكُواْوَنٜىٰ غٜىٰڢٜىٰ؞ طَكُنَنْ دَسُكٜىٰ أَغٜىٰڢٜىٰنْ هَيْكَلِنْ كُمَ سُنَدَ رُمْڢُنَنْ؞
Currently Selected:
هِظْڧِيَالْ 41: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
