هِظْڧِيَالْ 39
39
أَنْثِ شُوغَبَنْ مَغُواغْ دَ يَاڧِ
1«يَا كَيْ، طَنْ مُتُمْ، يِ أَنَّبْثِ غَابَادَ غُواغْ، كَثٜىٰ، ‹إِنْجِنِ عُبَنْغِجِ يَهْوٜىٰهْ، إِنَ غَابَادَكَيْ، يَا غُواغْ، بَبَّنْ شُوغَبَنْ مٜىٰشٜىٰكْ دَ تُبَلْ! 2ذَنْ جُويَاكَ إِنْتُورَكَ غَبَ، إِنْهَوْرُواْ دَكَيْ دَغَ إِيَاكَرْ أَرٜىٰوَثِ، إِنْجَغُواْرَنْثٜىٰكَ حَرْ كَنْ مَنْيَنْ تُدَّنْ إِسْرَٰٓءِيلَ؞ 3عَثَنْ ذَنْ بُغَ بَكَنْكَ دَغَ حَنُّنْ هَغُنْكَ، إِنْسَا كِبِيُواْيِنْكَ سُڢَاطِ دَغَ حَنُّنْ دَامَنْكَ؞ 4ذَاكَ ڢَاطِ عَكَنْ مَنْيَنْ تُدَّنْ إِسْرَٰٓءِيلَ، كَيْ دَ دُكَنْ سُواْجُواْجِنْكَ مَاسُيَوَ دَ سُواْجُواْجِنْ ڧَبِيلُنْ دَسُكٜىٰ تَرٜىٰدَكَيْ؞ ذَنْ بَادَكَيْ كَذَمَ عَبِنْثِ غَ كُواْوَنٜىٰ إِرِنْ ڟُنْڟُ مَيْثِنْ نَامَ، إِنْكُمَ بَادَكَيْ غَ نَمُواْمِنْ دَاجِ،#رُعُيَ 19.17،18،21 5يَايِنْ دَ غَاوَرْكَ تَكٜىٰ ݣُونْثٜىٰ أَ ڢِيلِ، غَمَا نَا يِمَغَنَ؞ نِے عُبَنْغِجِ يَهْوٜىٰهْ نَا ڢَطَا؞ 6ذَنْ عَيْكُواْ دَ وُتَا عَكَنْ ڧَسَرْ مَغُواغْ دَ كُمَ عَكَنْ وَطَنْدَ سُكٜىٰ ذَمَنْ لَاڢِيَ عَيَنْكُنَنْ بَاكِنْ تٜىٰكُ؞ ذَاسُ كُوَ سَنِ ثٜىٰوَ نِنٜىٰ يَهْوٜىٰهْ؞
7« ‹ذَنْ سَنَرْدَ سُونَنَ مَيْ ڟَرْكِے أَڟَكِيَرْ جَمَعَتَ إِسْرَٰٓءِيلَ؞ بَكُوَ ذَنْ ڧَارَ بَرِ أَ سَاكٜىٰيِنْ بَنْظَ دَ سُونَنَ مَيْ ڟَرْكِے بَ؞ أَلْعُمَّيْ ذَاسُ سَنِ ثٜىٰوَ نِنٜىٰ يَهْوٜىٰهْ، مَيْ ڟَرْكِے نَ إِسْرَٰٓءِيلَ؞ 8غَاشِ، رَانَرْ تَنَ ذُوَا! حَڧِيڧَ، تأَنَانً ذُوَا، إِنْجِنِ عُبَنْغِجِ يَهْوٜىٰهْ؞ وَنَّنْ عِتَثٜىٰ رَانَرْدَ نَيِ مَغَنَ عَكَنْتَ؞
9« ‹وَطَنْدَ سُكٜىٰ ذَمَ عَثِكِنْ غَرُضُوً إِسْرَٰٓءِيلَ، ذَاسُ ڢِتُواْ سُتَتَّارَ كَايَنْ يَاڧِنْ، وَتُواْ غَرْكُوَ دَ رِيغُنَنْ ڧَرْڢٜىٰ نَيَاڧِ دَ بَكَ دَ كِبِيُواْيِ دَ سَنْدُنَ دَ مَاسُ؞ كَايَنَّنْ ذَاسُيِيَوَ، حَرْ ذَاعَيِ تَهُورَ وُتَادَسُو حَرْ شٜىٰكَرَا بَݣَويْ؞ 10بَذَاسُ شَا وَهَلَرْ نٜىٰمَنْ إِتَاثٜىٰ هُورَ وُتَادَغَ دَاجِ بَ، كُواْ سُسَارٜىٰ إِتَاثٜىٰ دَغَ كُرْمِبَ، غَمَا ذَاسُيِ تَهُورَ وُتَادَ كَايَنْ يَاڧِنْ؞ ذَاسُ ݣُوشِ كَايَ دَغَ وُرِنْ وَطَنْدَ دَا سُكَ ݣُوشٜىٰ دَغَ وُرِنْسُ، سُݣُوشِ رَبُوانْ يَاڧِ دَغَ وُرِنْ وَطَنْدَ دَا سُكَ ݣُوشٜىٰ دَغَ وُرِنْسُ؞ نِے عُبَنْغِجِ يَهْوٜىٰهْ نَا ڢَطَا؞
بِنّٜىٰوَرْ غُواغْ
11« ‹أَ رَانَرْ نَنْ ذَنْ كٜىٰٻٜىٰ ڢِيلِ عِنْدَ ذَاعَ بِنّٜىٰ غُواغْ عَ إِسْرَٰٓءِيلَ، ڢِيلِ أَ حَنْيَرْ دَ مَاسُ تَڢِيَ سُكَنْبِے عَݣُورِنْ غَبَشِنْ تٜىٰكُ؞ وُرِنَّنْ ذَيْ تُواْشٜىٰ حَنْيَرْ دَ مَاسُ تَڢِيَ سُكَنْبِے، غَمَا أَوُرِنْ نٜىٰ ذَاعَ بِنّٜىٰ غُواغْ دَ دُكَنْ سُواْجُواْجِنْسَ مَاسُيَوَ؞ ذَاعَكِرَا وُرِنْ ݣُورِنْ هَمُوانْ غُواغْ، وَتُواْ ݣُورِنْ ضُنْدُنَارْ غُواغْ؞ 12غِدَنْ إِسْرَٰٓءِيلَ ذَاسُيِ وَتَنِّ بَݣَويْ سُنَ بِنّٜىٰ غَوَوَّكِنْ سُواْجُواْجِنْ غُواغْ، دُواْمِنْ سُڟَبْتَثٜىٰ ڧَسَرْ؞ 13دُكَنْ مُتَنٜىٰنْ ڧَسَرْ ذَاسُيِ عَيْكِنْ بِنّٜىٰوَرْ غَوَوَّكِنْ؞ رَانَرْ نَنْ ذَاتَ كَٰوُاْوَ جَمَعَتَ إِسْرَٰٓءِيلَ طَوْكَكَ، رَانَرْدَ نَنُونَ طَوْكَكَتَ أَغَرٜىٰسُ؞ نِے عُبَنْغِجِ يَهْوٜىٰهْ نَا ڢَطَا؞ 14عَڧَرْشٜىٰنْ وَتَنِّ بَݣَويْ طِنْ، ذَاعَ كٜىٰٻٜىٰ مَظَا وَطَنْدَ ذَاسُيِ وَتَنِّ بَݣَويْ سُنَ تَبِنْ كُواْعِنَ عَڧَسَرْ سُنَ بِنْثِكَ، دُواْمِنْ سُبِنّٜىٰ دُكَنْ غَوَوَّكِنْ سُواْجُواْجِنْ دَ سُكَذُواْ يَاڧِ سُكَ مُتُ عَڧَسَرْ؞ تَهَكَ ذَاعَ ڟَبْتَثٜىٰ ڧَسَرْ؞ 15سَعَدَّ مَاسُ بِنْثِكَ سُكَبِے تَثِكِنْ ڧَسَرْ، دُكْ وَنْدَ يَغَ ڧَسُسُوَنْ مُتُمْ، سَيْ يَكَڢَ عَلَمَ أَوُرِنْ، دُواْمِنْ مَاسُ بِنّٜىٰوَ سُغَنِ سُطَوْكَ سُبِنّٜىٰ أَ ݣُورِنْ ضُنْدُنَارْ غُواغْ؞ 16أَوُرِنْ مَا، أَݣَويْ غَرِ، وَنْدَ عَكٜىٰ كِرَنْسَ دَ سُونَ هَمُواْنَ، وَتُواْ ضُنْدُنَا؞ تَهَكَ ذَاعَ ڟَبْتَثٜىٰ ڧَسَرْ؞›
17«يَا كَيْ طَنْ مُتُمْ، كَيِ مَغَنَ دَ كُواْوَنٜىٰ إِرِنْ ڟُنْڟُ دَ دُكَنْ نَمُواْمِنْ دَاجِ كَثٜىٰ، ‹إِنْجِنِ عُبَنْغِجِ يَهْوٜىٰهْ، كُتَتَّارُ دَغَ كُواْعِنَ كُذُواْ وُرِنْ بِكٍ هَدَايَ وَنْدَ نَكٜىٰ شِرْيَ دُواْمِنْكُ، بَبَّرْ هَدَايَ ثٜىٰ أَ مَنْيَنْ تُدَّنْ إِسْرَٰٓءِيلَ، عِنْدَ ذَاكُثِ نَامَ كُكُمَ شَا جِنِ؞ 18ذَاكُثِ نَامَنْ مُتَنٜىٰ مَاسُ إِيكُواْ، كُشَا جِنِنْ سَرَاكُنَنْ دُونِيَا وَطَنْدَ عَكَ كَشٜىٰ كَمَرْ يَدَّ عَكٜىٰ يَنْكَ دَبُّواْبِنْ هَدَايَ، كَمَرْ رَغُنَ دَ یَنْ تُمَكِ دَ أَوَكِ دَ یَنْ بِجِمَيْ مَاسُ ڧِبَ إِرِنَّ بَشَنْ؞ 19ذَاكُثِ كِڟٜىٰ، حَرْ سَيْ يَڢِتَ مُكُ عَكَيْ، كُشَا جِنِ كُمَ حَرْ سَيْ كُنْ بُغُ عَبِكٍ هَدَايَرْدَ نَكٜىٰ شِرْيَ مُكُ؞ 20ذَاكُ ڧُواْشِ عَتٜىٰبُرِنَ دَ نَامَنْ دَوَكِ دَ نَمَاسُ هَوَنْسُ دَ نَامَنْ ڠُونَيٜىٰنْ يَاڧِ دَ نَكُواْوَنٜىٰ إِرِنْ سُواْجَ؞ نِے عُبَنْغِجِ يَهْوٜىٰهْ نَا ڢَطَا؞›
21«تَهَكَ ذَنْ نُونَ طَوْكَكَتَ عَثِكِنْ أَلْعُمَّيْ؞ دُكَنْ أَلْعُمَّيْ كُوَ ذَاسُ غَ حُكُنْثِنْدَ نَعَيْكَتَ دَ كُمَ إِيكُواْنَ وَنْدَ نَنُونَ عَكَنْسُ؞ 22دَغَ رَانَرْ نَنْ ذُوَا غَبَ غِدَنْ إِسْرَٰٓءِيلَ ذَاسُ سَنِ ثٜىٰوَ نِنٜىٰ يَهْوٜىٰهْ اللَّهْ نْسُ؞ 23أَلْعُمَّيْ ذَاسُسَنِ مُتَنٜىٰنْ غِدَنْ إِسْرَٰٓءِيلَ سُنْ تَڢِے بَوْتَا سَبُواْدَ لَيْڢِنْسُنٜىٰ، غَمَا سُنْثِ أَمَانَتَ؞ شِيَسَا نَٻُواْيٜىٰ ڢُسْكَتَ دَغَ غَرٜىٰسُ، نَكُمَ بَادَسُو أَ حَنُّنْ أَبُواْكَنْ غَابَنْسُ، دُكَنْسُ كُوَ عَكَ كَشٜىٰسُ دَ تَكُواْبِے؞ 24نِے نَسَاكَ مُسُ ڠُورْڠُودُوانْ رَايُوَرْ ڧَظَنْتَرْسُ دَ ذُنُوبِنْسُ نَغَنْغَنْثِ، نَاكُوَ ٻُواْيٜىٰ ڢُسْكَتَ دَغَ غَرٜىٰسُ؞»
ذَاعَ سَابُنْتَا غِدَنْ يَعْڧُوبَ
25«حَڧِيڧَ، إِنْجِنِ عُبَنْغِجِ يَهْوٜىٰهْ، يَنْذُ ذَنْ مَيَرْوَ يَعْڧُوبَ دَ أَلْبَرْكُنْسَ، إِنُّونَ جِنْڧَيْنَ غَ دُكَنْ غِدَنْ إِسْرَٰٓءِيلَ، غَمَا إِنَدَ كِيشِ إِنْغِرْمَمَ سُونَنَ مَيْ ڟَرْكِے؞ 26ذَاسُجِ كُنْيَرْ كَنْسُ سَبُواْدَ دُكَنْ مُوغَيٜىٰنْ أَبُبُوَنْ دَ سُكَ عَيْكَتَ أَغَرٜىٰنِ، سَعَدَّ سُكَيِ ذَمَنْسُ لَاڢِيَ عَثِكِنْ ڧَسَرْسُ، بَاتَرٜىٰدَ وَنِ يَبَاسُ ڟُواْرُواْبَ؞#39.26 جِ كُنْيَرْ كَنْسُ: وَطَنْسُ جُويِ سُنَدَ «مَنْتَادَ كُنْيَرْسُ» نٜىٰ أَوُرِنْ؞ 27سَعَدَّ نَكُواْمُواْ دَسُو دَغَ ثِكِنْ ڧَبِيلُ، نَكُمَ تَتَّارُواْسُ دَغَ ڧَسَاشٜىٰنْ أَبُواْكَنْ غَابَنْسُ، تَوُرِنْسُ ذَنْ نُونَ وَ سَوْرَنْ أَلْعُمَّيْ نِے مَيْ ڟَرْكِے نٜىٰ؞ 28سَعَنً ذَاسُ سَنِ ثٜىٰوَ نِے يَهْوٜىٰهْ نِے اللَّهْ نْسُ نٜىٰ وَنْدَ نَكُواْرٜىٰسُ ذُوَا بَوْتَا عَثِكِنْ أَلْعُمَّيْ، نَكُمَ سَاكٜىٰ تَتَّارُواْسُ ذُوَا ڧَسَرْسُ؞ بَ كُوَ ذَنْبَرْ كُواْ طَيَ دَغَ ثِكِنْسُ عَثِكِنْ أَلْعُمَّيْبَ؞ 29بَذَنْ ڧَارَ ٻُواْيٜىٰ ڢُسْكَتَ دَغَ غَرٜىٰسُبَ، غَمَا ذَنْ ظُبَ رُوحُنَ عَكَنْ غِدَنْ إِسْرَٰٓءِيلَ؞ نِے عُبَنْغِجِ يَهْوٜىٰهْ نَا ڢَطَا؞»
Currently Selected:
هِظْڧِيَالْ 39: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
