هِظْڧِيَالْ 38
38
أَنَّبْثِ غَابَادَ غُواغْ، شُوغَبَنْ مٜىٰشٜىٰكْ دَ تُبَلْ
1 يَهْوٜىٰهْ يَايِ مَغَنَ دَنِے ثٜىٰوَ 2«يَا كَيْ طَنْ مُتُمْ، سَيْ كَڢُسْكَنْثِ غُواغْ، بَبَّنْ شُوغَبَنْ أَلْعُمَّنْ مٜىٰشٜىٰكْ دَ تُبَلْ عَيَنْكِنْ مَغُواغْ؞ يِ أَنَّبْثِ عَكَنْسَ،#رُعُيَ 20.8 3كَثٜىٰ، ‹إِنْجِنِ عُبَنْغِجِ يَهْوٜىٰهْ، غَاشِ، إِنَ غَابَادَكَيْ، يَا غُواغْ، بَبَّنْ شُوغَبَنْ مٜىٰشٜىٰكْ دَ تُبَلْ؞ 4ذَنْ جُويَرْ دَكَيْ، إِنْسَا ڧُوغِيُواْيِ عَبَاكِنْكَ، إِنْڢِتُواْ دَكَيْ، تَرٜىٰدَ دُكَنْ سُواْجُواْجِنْكَ مَاسُيَوَ دَ دَوَكِ دَ مَاسُ هَوَنْسُ، وَطَنْدَ سُكٜىٰ سَنْيٜىٰ دَ كَايَنْ يَاڧِ دَ غَرْكُوُاْيِ دَ رِيغُنَنْ ڧَرْڢٜىٰ نَيَاڧِ، دُكَنْسُ ڠُونَيٜىٰنْ يَاڧِ دَ تَكُبَنٜىٰ؞ 5سُواْجُواْجِنْ ڢَٰشِيَ دَ نَ إِتِيُواْڢِيَ دَ نَ ڢُتْ سُنَ تَرٜىٰدَسُو، دُكَنْسُ سُنَدَ غَرْكُوُاْيِ دَ هُولُنَنْ يَاڧِ؞ 6غُواْمٜىٰرْ دَ دُكَنْ سُواْجُواْجِنْتَ دَ بٜىٰتْ تُواْغَرْمَ دَغَ إِيَاكَرْ ڧَسَرْ أَرٜىٰوَثِ دَ دُكَنْ سُواْجُواْجِنْسَ، مُتَنٜىٰنْ ڧَبِيلُ مَاسُيَوَ سُنَ تَرٜىٰدَكَيْ؞
7« ‹يَا كَيْ غُواغْ، يِشِرِ! عِ، كَيِ طَمَرَ، كَيْ دَ دُكَنْ ضُنْدُنَارْ دَسُكَ تَتَّارُ كٜىٰوَيٜىٰ دَكَيْ، سَيْ كَذَمَ شُوغَبَنْسُ؞ 8بَايَنْ ݣُونَكِے، وَتُواْ، نَنْ دَ شٜىٰكَرُ مَاسُيَوَ، ذَاعَ تَتَّارَ سُواْجُواْجِنْكَ كَكُمَ كَيْوَ وَتَ ڧَسَا يَاڧِ، وَتَ ڧَسَرْدَ عَكَ سَاكٜىٰ غِنَتَ بَايَنْدَ عَكَ رُشٜىٰتَ عَيَاڧِ؞ ڧَسَرْ نَنْ تَادَطٜىٰ دَ ذَمَنْ كُڢَيْ، ڧَسَا مَرَرْ أَمْڢَانِ، عَمَّا غَاشِ أَنْتَتَّارَ مُتَنٜىٰنْتَ دَغَ أَلْعُمَّيْ مَاسُيَوَ، أَنْكَٰوُاْسُ سُنْيِ ذَمَنْسُ عَكَنْ مَنْيَنْ تُدَّنْ إِسْرَٰٓءِيلَ، دُكَنْسُ كُوَ سُنَ ذَمَنْ لَاڢِيَ؞ 9كَيْ دَ دُكَنْ سُواْجُواْجِنْكَ دَ سُواْجُواْجِنْ ڧَبِيلُ مَاسُيَوَ تَرٜىٰدَكَيْ، ذَاكَ هَوْرَ كَڢَاطُواْ عَكَنْسُ كَمَرْ إِسْكَ مَيْ ٻَرْنَ، كَذَمَ كَمَرْ غِرْغِجٜىٰ وَنْدَ يَدُهُنْتَ ڧَسَرْ؞
10« ‹إِنْجِنِ عُبَنْغِجِ يَهْوٜىٰهْ، أَ رَانَرْ نَنْ، تُنَانِ ذَيْذُواْ مَكَ ثِكِنْ ذُوثِيَارْكَ، ذَاكَ ڧِرْڧِرُواْ مُوغُنْ شِرِ؞ 11ذَاكَثٜىٰ «ذَنْ هَوْرَ إِنْ يَاڧِ ڧَسَرْدَ غَرُرُوَنْتَ بَاسُدَ كَتَنْغَ؞ ذَنْ كُوَ يَاڧِ مُتَنٜىٰنْ دَسُكٜىٰ ذَمَ ثِكِنْ سَلَمَ، رَيْ أَ سَكٜىٰ، دُكَنْسُ سُنَ ذَمَ أَغَرُضُوً دَ بَاسُدَ كَتَنْغَ، بَاسُدَ ڧُواْڢُواْڢِ، بَاسُدَ سَنْدُنَنْ ڧَرْڢٜىٰ نَكُلّٜىٰ ڧُواْڢُواْڢِنْ؞ 12ذَنْ ذُواْ دُواْمِنْ إِنْݣُوشِ رَبُوانْ يَاڧِ، إِنْكُمَ ݣُوشِ أَرْزِڧِ، إِنْيِ يَاڧِ دَ وُرَارٜىٰنْدَ دَا سُكٜىٰ كُڢَيْ، عَمَّا يَنْذُ أَݣَويْ مُتَنٜىٰ عَثِكِ؞ ذَنْيِ يَاڧِ دَ جَمَعَرْ نَنْ دَ عَكَ تَتَّارَ دَغَ أَلْعُمَّيْ، وَطَنْدَ سُكٜىٰ دَ مَلَّكَرْ شَانُو دَ أَرْزِڧِ، وَطَنْدَ سُكٜىٰ ظَوْنٜىٰ أَڟَكِيَرْ دُونِيَا؞» 13شٜىٰبَ دَ دٜىٰدَنْ دَ یَنْ كَاسُوَنْ سِڢٜىٰنْ دَ دُكَنْ غَرُرُوَنْتَ ذَاسُ تَمْبَيٜىٰكَ سُثٜىٰ «ذُوَانْكَ دُواْمِنْ كَڨُوثٜىٰ رَبُوانْ يَاڧِ نٜىٰ؟ دُوانْمٜىٰ كَتَتَّارَ سُواْجُواْجِنْكَ مَاسُيَوَ؟ دُواْمِنْ كَݣُوشِ أَظُرْڢَا دَ ظِينَارِيَ نٜىٰ؟ دُواْمِنْ كَتَڢِے دَ دَبُّواْبِے دَ كَايَيَّكِ نٜىٰ؟ دُواْمِنْ كَݣُوشِ رَبُوانْ يَاڧِ مَيْ يَوَنْ غَسْكٜىٰ نٜىٰ؟» ›
14«سَبُواْدَ حَكَ، يَا كَيْ طَنْ مُتُمْ، يِ أَنَّبْثِ، كَڢَطَا وَ غُواغْ كَثٜىٰ، ‹إِنْجِنِ عُبَنْغِجِ يَهْوٜىٰهْ، أَ رَانَرْ نَنْ، سَعَدَّ جَمَعَتَ إِسْرَٰٓءِيلَ سُكٜىٰ ذَمَنْ لَاڢِيَ، ذَاكَ لُورَ؞ 15ذَاكَ كُوَ تَاشِ كَذُواْ دَغَ عِنْدَ كَكٜىٰ، وَتُواْ دَغَ وُرِنْكَ عَ إِيَاكَرْ ڧَسَرْ أَرٜىٰوَثِ، كَيْ تَرٜىٰدَ سُواْجُواْجِنْ ڧَبِيلُ مَاسُيَوَ، دُكَنْسُ عَكَنْ دَوَكِ، بَبَّرْ ضُنْدُنَارْ يَاڧِنٜىٰ مَيْ ڧَرْڢِے؞ 16ذَاكَ ڢَاطَوَ جَمَعَتَ إِسْرَٰٓءِيلَ دَ يَاڧِ، كَمَرْ يَدَّ غِرْغِجٜىٰ يَكٜىٰ دُهُنْتَ ڢُسْكَرْ ڧَسَا؞ عَكْوَانَكِے نَڧَرْشٜىٰ، ذَنْ كَٰوُاْكَ كَيِ يَاڧِ دَ ڧَسَاتَ أَعِدُوانْ أَلْعُمَّيْ؞ ذَاعَ نُونَ ڟَرْكِنَ تَوُرِنْ أَبِنْدَ ذَيْ ڢَرُ دَكَيْ، يَا غُواغْ؞ تَهَكَ دُكَنْ أَلْعُمَّيْ ذَاسُ سَنِ ثٜىٰوَ نِنٜىٰ يَهْوٜىٰهْ؞
17« ‹إِنْجِنِ عُبَنْغِجِ يَهْوٜىٰهْ، بَكَيْنٜىٰ وَنْدَ نَيِ مَغَنَ عَكَنْكَ أَ زَامَانِنْ دَا تَبَاكِنْ بَايِنَ أَنَّبَاوَنْ إِسْرَٰٓءِيلَ بَ؟ شٜىٰكَرَا دَ شٜىٰكَرُ سُكَنْيِ أَنَّبْثِ ثٜىٰوَ ذَنْ كَٰوُاْكَ، كَيَاڧِ جَمَعَتَ؞ 18عَمَّا أَ رَانَرْ نَنْ، سَعَدَّ كَيْ غُواغْ ذَاكَ كَٰوُاْ يَاڧِ عَكَنْ ڧَسَرْ إِسْرَٰٓءِيلَ، إِنْجِنِ عُبَنْغِجِ يَهْوٜىٰهْ، ڢُشِنَ مَيْ ذَاڢِ ذَيْ تَاشِ؞ 19غَمَا ثِكِنْ ڟَنَنِنْ كِيشِنَ دَ ذَاڢِنْ ڢُشِنَ، نَيِ مَغَنَ ثٜىٰوَ لَلَّيْ أَ رَانَرْ نَنْ ذَاعَيِ بَبَّرْ ضَوَرْ ڧَسَا عَڧَسَرْ إِسْرَٰٓءِيلَ؞ 20كِڢَيٜىٰنْ تٜىٰكُ دَ ڟُنْڟَيٜىٰنْ سَرَرِنْ سَمَ دَ دَبُّواْبِنْ دَاجِ دَ دُكَنْ حَلِتُّو مَاسُ رَرَّڢٜىٰ عَڧَسَا دَ دُكَنْ یَنْ أَدَمْ وَطَنْدَ سُكٜىٰ أَ ڢُسْكَرْ دُونِيَا، دُكَنْسُ ذَاسُيِ ضَوَرْ جِكِے أَغَبَنَ؞ ذَاعَ تُمْٻُكٜىٰ مَنْيَنْ تُدَّيْ ذُوَا ڧَسَا، كُواْوَنٜىٰ غَنْغَرٜىٰنْ تُدُ ذَيْ رُشٜىٰ، كُواْوَثٜىٰ كَتَنْغَ ذَاتَ رُشٜىٰ حَرْ ڧَسَا؞ 21ذَنْ كَٰوُاْ تَكُواْبِنْ يَاڧِ نَغَابَادَكَيْ، يَا غُواغْ، عَكُواْعِنَ أَ مَنْيَنْ تُدَّنْ إِسْرَٰٓءِيلَ؞ كُواْوَنٜىٰ سُواْجَنْكَ ذَيْ جُويَا يَسُواْكِ طَنْعُوَنْسَ دَ تَكُواْبِنْسَ؞ نِے عُبَنْغِجِ يَهْوٜىٰهْ نَا ڢَطَا؞ 22دَ بَلَعِ دَ ظُبْدَ جِنِ ذَنْ حُكُنْتَكَ؞ ذَنْ ظُبَ دَ ضُوَ مَيْ ٻَرْنَ دَ ڧَنْڧَرَ عَكَنْكَ، إِنْ ظُبَ وُتَادَ ڢَرَرْ وُتَا مَيْ وَرِ عَكَنْكَ دَ سُواْجُواْجِنْكَ مَاسُيَوَ دَ عَكَنْ سُواْجُواْجِنْ ڧَبِيلُ مَاسُيَوَ وَطَنْدَ سُكٜىٰ تَرٜىٰدَكَيْ؞#رُعُيَ 8.7؛ 14.10 23تَهَكَ، ذَنْ بَيَّنَ غِرْمَنَ دَ ڟَرْكِنَ إِنْكُمَ سَنَرْ دَكَيْنَ أَ ڢِيلِ غَ أَلْعُمَّيْ دَيَوَ؞ سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ؞› »
Currently Selected:
هِظْڧِيَالْ 38: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
