مَيْ وَعَظِ 4
4
دَنِّيَ دَ ڢَامَرْ عَيْكِ
1نَا كُمَ دُوبَ نَا غَا دُكَنْ دَنِّيَرْ دَ عَكٜىٰيِ أَ رَايُوَرْ دُونِيَرْ نَنْ؞
نَا غَا هَوَيٜىٰنْ وَطَنْدَ عَكٜىٰيِ مُسُ دَنِّيَ،
بَابُ مَيْيِ مُسُ تَعَظِيَّ؞
مَاسُيِنْ دَنِّيَرْ سُونٜىٰ سُكٜىٰ دَ إِيكُواْ؞
وَطَنْدَ عَكٜىٰ دَنّٜىٰسُ،
بَابُ مَيْيِ مُسُ تَعَظِيَّ؞
2نَثٜىٰ ڠُومَّ وَطَنْدَ سُكَ مُتُ؞
سُنْڢِے وَطَنْدَ سُكٜىٰ دَ رَيْ يَنْذُ جِنْ دَاطِے؞
3عَمَّا وَنْدَ يَڢِسُ جِنْ دَاطِے دُكَ،
شِينٜىٰ وَنْدَ بَعَ حَيْڢٜىٰشِيبَ،
وَنْدَ بَيْ غَ مُوغَيٜىٰنْ أَيُّكَنْ
دَ عَكٜىٰيِ أَ رَايُوَرْ دُونِيَرْ نَنْبَ؞
4نَغَانٜىٰ دَلِيلِنْدَ يَسَا مُتَنٜىٰ سُكَ ڠُونِنْتَ ثِكِنْ دُكَنْ عَيْكِ؞ دَلِيلِ شِينٜىٰ كُواْوَ يَنَ سُواْ يَڢِ مَڨُوبْثِنْسَ سَامُ؞ وَنَّنْ مَا بَنْظَنٜىٰ، كُمَ ڧُواْڧَرِنْ كَامُنْ إِسْكَنٜىٰ؞
5وَاوَا يَكَنْ نَطَ حَنُّوَنْسَ
يَذَوْنَ حَرْ يُنْوَ تَثِنْيٜىٰشِ؞
6ڠُومَّ كَطَنْ أَ حَنُّ طَيَ ثِكٜىٰ دَ ݣُونْثِيَرْ رَيْ،
دَ مَيْ يَوَ أَ حَنُّ بِيُ ثِكٜىٰ دَ ڢَامَرْ عَيْكِ،
وَنَّنْ مَا ڧُواْڧَرِنْ كَامُنْ إِسْكَنٜىٰ؞
أَمْڢَانِنْ ذَمَنْ تَرٜىٰ
7نَكُمَ غَ وَنِ أَبِنْ بَنْظَ أَ رَايُوَرْ دُونِيَرْ نَنْ،
8سَيْغَا وَنِ شِ كَطَيْ،
بَابُ طَا، بَابُ طَنْعُوَ،
دُكْدَهَكَ يَنَ تَڢَامَرْ عَيْكِ كُلُّمْ؞
بَيْ تَٻَ ڧُواْشِ دَ دُوكِيَرْسَبَ،
سَيْ يَتَمْبَيٜىٰ كَنْسَ يَثٜىٰ،
«غَ وَنٜىٰنٜىٰ نَكٜىٰ ڢَامَرْ عَيْكِ،
حَرْ نَحَنَ وَكَيْنَ جِنْ دَاطِے؟»
وَنَّنْ مَا بَنْظَنٜىٰ،
ذَمَنْ بَڧِنْ ثِكِنٜىٰ!
9ڠُومَّ مُتُمْ بِيُ دَ مُتُمْ طَيَ،
غَمَا أَمْڢَانِنْ عَيْكِنْ مُتَنٜىٰ بِيُ
يَڢِ نَمُتُمْ طَيَ؞
10غَمَا عِدَنْ طَيَ يَڢَاطِ،
طَيَ ذَيْ تَيْمَكَ يَطَغَ طَيَنْ؞
عَمَّا كَيْتُوانْ وَنْدَ يأَنَانً شِے كَطَيْ،
إِنْ يَاڢَاطِ بَاوَنْدَ ذَيْتَيْمَكَ يَطَغَشِ؞
11عِدَنْ كُمَ مُتُمْ بِيُ سُنَ ݣُونْثِيَ تَرٜىٰ،
سُكَنْجِ طُمِ،
عَمَّا يَيَ مُتُمْ طَيَ ذَيْجِے طُمِ
شِے كَطَيْ؟
12مُتُمْ طَيَ ذَيْ عِيَثِنْ نَصَرَا عَكَنْ وَنِ،
عَمَّا لَلَّيْ مُتُمْ بِيُ
ذَاسُثِ نَصَرَا عَكَنْ طَيَ؞
إِغِيَ طَيَ وَنْدَ أَنْسَاڧَ دَ إِغِيُواْيِ عُكُ
تَنَدَ وُيَ عَڟِنْكٜىٰتَ دَ سَوْرِ؞
سَامُنْ إِيكُوانْ مُلْكِ مَا بَنْظَنٜىٰ
13ڠُومَّ سَوْرَيِ مَيْ حِكِمَ وَنْدَ شِے تَلَكَ نٜىٰ دَ ڟُواْهُوانْ سَرْكِے مَيْ وَوَنْثِ وَنْدَ بَايَ كَرْٻَرْ شَوَرَا؞ 14مَيْ يِوُوَ سَوْرَيِنْ ذَيْ عِيَ ڢِتُواْوَ نٜىٰ دَغَ كُرْكُكُ يَهَوْ كُجٜىٰرَرْ مُلْكِ، كُواْ كُوَ أَنْحَيْڢٜىٰشِ ثِكِنْ تَلَوْثِ؞ ڠُومَّ تَلَكَنْ سَوْرَيِنَّنْ يَيِ مُلْكِ دَ ڟُواْهُوانْ سَرْكِے مَيْ وَوَنْثِ؞ 15نَيِ تُنَانِ عَكَنْ دُكَنْ مُتَنٜىٰنْ دَسُكٜىٰ رَايٜىٰ عَثِكِنْ دُونِيَرْ نَنْ، سَيْ نَغَانٜىٰ عَثِكِنْسُ أَݣَويْ سَوْرَيِنْ دَ ذَيْ عِيَ غَاجِ كُجٜىٰرَرْ سَرْكِے؞ 16كُواْدَيَكٜىٰ مُتَنٜىٰنْ دَ سَرْكِے يَكٜىٰ مُلْكِ عَكَنْسُ سُكَيِيَوَ بَابُ إِيَاكَ، عَمَّا بَايَنْدَ بَايَ نَنْ، بَاوَنْدَ ذَيْ نُونَ غُواْدِيَ عَكَنْ أَبِنْدَ يَيِ؞ حَڧِيڧَ وَنَّنْ مَا بَنْظَنٜىٰ، كُمَ ڧُواْڧَرِنْ كَامُنْ إِسْكَنٜىٰ؞
Currently Selected:
مَيْ وَعَظِ 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
