مَيْ وَعَظِ 2
2
جِنْ دَاطِے مَا بَنْظَنٜىٰ
1نَثٜىٰ وَكَيْنَ «بَرِ إِنْسَا رَيْنَ ثِكِنْ جِنْ دَاطِے إِنْ سَنْ يَدَّ جِنْ دَاطِے يَكٜىٰ!» عَمَّا نَتَرَرْ وَنَّنْ مَا دُكْ بَنْظَنٜىٰ؞ 2نَكُمَ غَانٜىٰ يِنْ دَارِيَا وَوَنْثِنٜىٰ، رَايُوَرْ جِنْ دَاطِے مَا، بَابُ أَمْڢَانِ؞ 3نَيِ بِنْثِكٜىٰ عَثِكِنْ رَيْنَ، يَدَّ ذَنْبَا جِكِينَ جِنْ دَاطِے دَ ضُوً إِنَبِے، سَعَدَّ حِكِمَ تَكٜىٰبِدَ تُنَانِنَ؞ نَاكُوَ ضُنْغُمِ وَوَنْثِ دُواْمِنْ إِنْ غَا أَبِنْدَ يَكٜىٰ دَݣَوْ وَنْدَ یَنْ أَدَمْ ذَاسُيِ عَڧَرْڧَشِنْ سَمَ ثِكِنْ دُكَنْ یَنْ ݣُونَكِنْ رَايُوَرْسُ؞ 4نَيِ مَنْيَنْ أَبُبُوَ؞ نَغِنَ وَكَيْنَ غِدَاجٜىٰ، نَكُمَ شُوكَ وَكَيْنَ غُواْنَكِنْ إِنَبِے؞#1 سَرْ 10.23-27؛ 2 تَارْ 9.22-27 5نَيِ وَكَيْنَ غُواْنَكِ دَ وُرَارٜىٰنْ شَنْ إِسْكَ، نَشُوكَ كُواْوَنٜىٰ إِرِنْ إِتَاثٜىٰ مَيْبَادَ یَیَ عَثِكِ؞ 6نَيِ وَكَيْنَ تَڢْكُنَ دُواْمِنْ عَيِ وَ عِتَتُوَنْ دَ سُكَ ڟِيرَا بَنْ ضُوَ؞ 7نَسَيُواْ وَكَيْنَ بَايِ مَظَا دَ مَاتَا، أَنْكُمَ حَيْڢَ مِنِ یَیَ نَبَيِ عَثِكِنْ غِدَانَ؞ نَكُمَ ذَمَ مَيْ يَوَنْ غَرْكُنَ نَشَانُو دَ نَتُمَكِ دَ أَوَكِ ڢِيٜىٰدَ دُكَنْ وَطَنْدَ سُكَ رِغَانِ ذَمَ عَثِكِنْ عُرُوشَلِيمَ؞#1 سَرْ 4.23 8نَكُمَ تَارَ وَكَيْنَ أَظُرْڢَا دَ ظِينَارِيَ دَ كُمَ كَايَ مَاسُ دَرَجَ إِرِنْ نَسَرَاكُنَ دَ نَيَنْكُنَنْ دَ نَكٜىٰ مُلْكِنْسُ؞ نَسَامِ مَوَاڧَ مَظَا دَ مَاتَا دُواْمِنْ سُرٜىٰرَ مِنِ وَاڧَا دَ أَبُبُوَ نَجِنْ دَاطِنْ جِكِے دَ مَاتَادَيَوَ وَطَنْدَ نَأَجِيٜىٰ؞#1 سَرْ 10.10،14-22 9عِ، غِرْمَنَ يَڧَارُ، نَاكُوَڢِ دُكَنْ وَطَنْدَ سُنْ رِغَانِ ذَمَ عَثِكِنْ عُرُوشَلِيمَ؞ دُكْدَهَكَ حِكِمَتَ بَتَرَبُ دَنِے بَ؞#1 تَارْ 29.25
10دُكَنْ أَبِنْدَ عِدُواْنَ يَيِ شَعَوَ،
بَنْ حَنَ مَسَبَ؞
بَنْ تَٻَ حَنَ وَكَيْنَ
أَبِنْ جِنْ دَاطِبَ؞
رَيْنَ يَجِ دَاطِنْ دُكَنْ عَيْكِنَ،
وَنَّنْ نٜىٰ لَادَنْ دُكَنْ عَيْكِنَ؞
11نَيِ تُنَانِ عَكَنْ دُكَنْ عَيْكِنْ حَنُّوَنَ،
دَ دُكَنْ عَيْكِنْدَ نَيِ إِنْ سَامِ أَمْڢَانِ،
نَغَ وَنَّنْ مَا دُكَ بَنْظَنٜىٰ
كُمَ ڧُواْڧَرِنْ كَامُنْ إِسْكَ نٜىٰ؞
بَابُ أَبِنْدَ يَكٜىٰدَ أَمْڢَانِ أَ رَايُوَرْ دُونِيَرْ نَنْ؞
حِكِمَ دَ وَوَنْثِ مَا بَنْظَ نٜىٰ
12سَيْ نَجُويَا تُنَانِنَ غَ حِكِمَ،
دَ كُمَ هَوْكَ دَ وَوَنْثِ؞
غَمَا وَنْدَ يَغَاجِ سَرْكِے، مٜىٰ ذَيْ يِ؟
بَا وَنِ أَبُ،
سَيْدَيْ أَبِنْدَ سَرَاكُنَنْ دَا سُكَيِ؞
13نَغَ أَمْڢَانِنْ حِكِمَ يَڢِ نَوَاوَنْثِ،
كَمَرْ يَدَّ حَصْكٜىٰ يَڢِ دُهُ؞
14مَيْ حِكِمَ يَنَدَ عِدُوانْ ذُوثِيَا،
عَمَّا وَاوَا يَنَ تَڢِيَ عَثِكِنْ دُهُ؞
دُكْدَهَكَ، نَغَانٜىٰ ڧَرْشٜىٰنْسُ
دُكَ أَبُ طَيَنٜىٰ؞
15سَيْنَثٜىٰ وَكَيْنَ،
«أَبِنْدَ يَڢَرُ دَ وَاوَا، ذَيْ ڢَرُ دَ نِے مَا؞
تُواْ، وَنٜىٰ أَمْڢَانِ نٜىٰ نَسَامُ نَذَمَنْ مَيْ حِكِمَ؟»
سَيْنَثٜىٰ وَكَيْنَ
«وَنَّنْ مَا دُكْ بَنْظَنٜىٰ؞»
16غَمَا مَيْ حِكِمَ دَ وَاوَا دُكَ
بَذَاعَتُنَ دَسُو نَنْ غَبَبَ؞
عَكْوَانَكِے مَاسُ ذُوَا ذَاعَ مَنْتَادَسُو دُكَ؞
يَدَّ مَيْ حِكِمَ يَكٜىٰ مُتُوَ،
حَكَمَا وَاوَا يَكٜىٰ مُتُوَ!
عَيْكِ مَا بَنْظَنٜىٰ
17سَبُواْدَ وَنَّنْ ڢَا، رَيْ بَوَنِ أَبُ نٜىٰ أَغَرٜىٰنِبَ، غَمَا أَغَرٜىٰنِ دُكَنْ أَبِنْدَ عَكٜىٰيِ أَ رَايُوَرْ دُونِيَرْ نَنْ بَا مَعَنَ؞ دُكَنْ كُواْمٜىٰ بَنْظَنٜىٰ كُمَ ڧُواْڧَرِنْ كَامُنْ إِسْكَ نٜىٰ؞ 18عَيْكِنَ كُمَ وَنْدَ نَيِ أَ رَايُوَرْ دُونِيَرْ نَنْ، بَا وَنِ أَبُ نٜىٰ أَغَرٜىٰنِبَ، تُنْدَ نَغَانٜىٰ ذَنْبَرْ وَوَنْدَ ذَيْ غَاجٜىٰنِ؞ 19وَ يَسَنِ كُواْ شِے وَنْدَ ذَيْ غَاجٜىٰنِ مَيْ حِكِمَ نٜىٰ كُواْ كُمَ وَاوَا نٜىٰ؟ دُكْدَهَكَ، ذَيْ غَاجِ دُكَنْ أَمْڢَانِنْ عَيْكِنْدَ نَشَا وَهَلَرْ تَرَوَ أَ رَايُوَرْ دُونِيَرْ نَنْ؞ وَنَّنْ مَا دُكْ بَنْظَنٜىٰ؞ 20نَجُويَا نَدُوبَ، سَيْ نَڢِدَّ ذُوثِيَا عَكَنْ دُكَنْ عَيْكِنْدَ نَيِ أَ رَايُوَرْ دُونِيَرْ نَنْ؞ 21غَمَا وَنْدَ يَيِ عَيْكِنْسَ دَ حِكِمَ دَ سَنِ دَ ڠُونِنْتَ، دُكْدَهَكَ، ذَيْ بَرْ وَ وَنِ وَنْدَ بَيْ شَا وَهَلَرْ كُواْمٜىٰ عَثِكِيبَ؞ وَنَّنْ مَا بَنْظَنٜىٰ، كُمَ مُوغُنْ أَبُ نٜىٰ؞ 22مٜىٰنٜىٰنٜىٰ یَنْ أَدَمْ سُكٜىٰ سَامُوَ دَغَ دُكَنْ عَيْكِنْ دَسُكٜىٰيِ دَ إِرِنْ وَهَلَرْ دَسُكٜىٰ شَا ثِكِنْ عَيْكِنْسُ أَ رَايُوَرْ دُونِيَرْ نَنْ؟ 23غَمَا دُكَنْ ݣُونَكِنْسُ ثِكٜىٰ سُكٜىٰ دَ وَهَلَ، عَيْكِنْسُ كُمَ بَڧِنْ ثِكِ نٜىٰ؞ عِ، حَرْ مَا دَ دَرٜىٰ ذُوثِيَارْسُ بَاتَ هُوتَوَا؞ وَنَّنْ مَا بَنْظَنٜىٰ؞#أَيُو 5.7؛ 14.1 24بَابُ أَبِنْدَ يَڢِ ݣَوْ غَ یَنْ أَدَمْ ڢِيٜىٰدَ سُثِ، سُشَا، سُكُمَجِ دَاطِنْ عَيْكِنْسُ؞ نَغَانٜىٰ، وَنَّنْ مَا دَغَ حَنُّنْ اللَّهْ نٜىٰ؞#مَيْ وَ 3.13؛ 5.18؛ 9.7؛ لُكْ 12.19؛ 1 كُوارْ 15.32 25يَيَ مُتُمْ ذَيْجِے دَاطِنْثِ دَ شَا إِنْ بَ دَغَ وُرِنْ اللَّهْ بَ؟ 26غَ وَنْدَ يَكٜىٰ ڢَرَنْتَاوَا اللَّهْ رَيْ، اللَّهْ يَكٜىٰ بَاشِ حِكِمَ دَ سَنِ دَ ڢَضٍ ثِكِ؞ عَمَّا غَ مَيْ ذُنُوبِ، اللَّهْ يَكَنْ بَاشِ وَهَلَرْ نٜىٰمَ دَ تَرَوَ، عَڧَرْشٜىٰ سَيْ يَكُمَبَا وَنْدَ يَكٜىٰ ڢَرَنْتَ وَ اللَّهْ رَيْ؞ وَنَّنْ مَا بَنْظَنٜىٰ، كُمَ ڧُواْڧَرِنْ كَامُنْ إِسْكَ نٜىٰ؞#أَيُو 32.8؛ كَـ مَغْـ 2.6
Currently Selected:
مَيْ وَعَظِ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
