مَيْ وَعَظِ 1
1
كُواْمٜىٰ بَنْظَ نٜىٰ
1كَلْمُواْمِنْ مَيْ وَعَظِ طَنْ دَاوُدَ، سَرْكِنْ عُرُوشَلِيمَ؞
2بَنْظَ، دُكَنْ كُواْمٜىٰ بَنْظَنٜىٰ،
إِنْجِ مَيْ وَعَظِ،
غَبَاطَيَ كُواْمٜىٰ بَنْظَنٜىٰ!
3وَنٜىٰ أَمْڢَانِ نٜىٰ مُتُمْ ذَيْسَامُ
دَغَ ثِكِنْ دُكَنْ عَيْكِنْسَ،
وَنْدَ يَكٜىٰيِ أَ رَايُوَرْ دُونِيَرْ نَنْ؟
4وَنِ ڟَارَا يَكَنْ وُثٜىٰ،
وَنِ ڟَارَا كُمَ يَذُواْ،
عَمَّا دُونِيَا تأَنَانً دَرَمْ حَرْ أَبَدَا؞
5رَانَ تَكَنْ ڢِتُواْ، تَكَنْ كُمَ ڢَاطِ،
تَكَنْيِ سَوْرِ تَكُواْمَ وُرِنْ ڢِتُواْوَرْتَ؞
6إِسْكَ تَكَنْ هُورَ ذُوَا كُدُ،
تَكَنْ كُمَ هُورَ تَكُواْمَ أَرٜىٰوَ،
تَكَنْيِ تَكٜىٰوَيٜىٰوَ،
تَسَاكٜىٰ كُواْمَاوَا عِنْدَ تَڢِتُواْ؞
7دُكَنْ كُواْغُنَ سُكَنْ غُدُ ذُوَا تٜىٰكُ،
عَمَّا تٜىٰكُنْ بَتَتَٻَ ثِكَبَ؞
وُرِنْ دَ ضُوَيٜىٰنْ سُكَنْ ڢِتُواْ،
ثَنْ ذَاسُ سَاكٜىٰ كُواْمَاوَا؞
8دُكَنْ كُواْمٜىٰ يَكَنْ كَٰوُاْ غَاجِيَ،
ڢِيٜىٰدَ أَبِنْدَ ذَاعَيِ مِصَالِ؞
إِدَانُو بَاسَڧُواْشِ دَ غَنِ،
كُنُّوَ مَا بَاسَ ڧُواْشِ دَ جِ؞
9أَبِنْدَ يَڢَرُ دَا،
شِينٜىٰ يَكٜىٰ تَڢَرُوَ
أَبِنْدَ عَكَيِ دَا،
شِينٜىٰ عَكٜىٰ تَيِ؞
بَابُ أَبِنْدَ يَكٜىٰ سَابُواْ أَ رَايُوَرْ دُونِيَرْ نَنْ؞
10كُواْ أَݣَويْ وَنِ أَبِنْدَ ذَاعَ ثٜىٰ،
«دُوبَ، وَنَّنْ سَابُوانْ أَبُ نٜىٰ»؟
أَيْ، أَبِنْ يَارِغَا يَڢَرُ
تُنْ كَاڢِنْ زَامَانِنْمُ؞
11بَاوَنْدَ يَكٜىٰ تُنَاوَا
دَ أَبِنْدَ يَڢَرُ أَدَا؞
بَاوَنْدَ ذَيْ تُنَ
دَ أَبِنْدَ ذَيْ ڢَرُ نَنْ غَبَ؞
بَاوَنْدَ ذَيْ تُنَ
دَ أَبِنْدَ ذَيْ ڢَرُ
أَڟَكَانِنْ وَنَّنْ لُواْكَثِ دَ وَنْثَنْ؞
نٜىٰمَنْ حِكِمَ بَنْظَ نٜىٰ
12نِے مَيْ وَعَظِ سَرْكِے نٜىٰ، نَيِ مُلْكٍ إِسْرَٰٓءِيلَ أَ عُرُوشَلِيمَ؞ 13نَطَوْكِ نِيَّ إِنْسَا كَيْنَ إِنْ نٜىٰمَ إِنْكُمَ بِنْثِكَ تَوُرِنْ حِكِمَ دُكَنْ أَبُبُوَنْ دَ عَكٜىٰيِ عَڧَرْڧَشِنْ سَمَ؞ سَيْ نَغَانٜىٰ ثٜىٰوَ أَبِنْدَ اللَّهْ يَطُواْرَ وَیَنْ أَدَمْ يَنَدَ نَوْيِ! 14نَغَ دُكَنْ أَبِنْدَ عَكٜىٰيِ أَ رَايُوَرْ دُونِيَرْ نَنْ بَنْظَنٜىٰ، كُمَ ڧُواْڧَرِنْ كَامُنْ إِسْكَ نٜىٰ كَوَيْ؞
15دُكْ أَبِنْدَ يَتَنْڨُورٜىٰ
بَعَ عِيَ مِيڧٜىٰوَ،
بَعَ عِيَ ڧِرْغَ
أَبِنْدَ بَايَنَنْ؞
16نَثٜىٰ وَكَيْنَ «غَاشِ، نَسَامِ بَبَّرْ حِكِمَ سُواْسَيْ، حَرْ نَڢِ كُواْوَنٜىٰ مُتُمْ وَنْدَ يَتَٻَ مُلْكِ أَ عُرُوشَلِيمَ، حَڧِيڧَ نَسَامِ حِكِمَ دَ سَنِ عَيَلْوَثٜىٰ؞»#1 سَرْ 4.29-31 17نَطَوْكِ نِيَّ إِنْسَا كَيْنَ إِنْ سَنْ حِكِمَ إِنْكُمَ سَنْ هَوْكَ دَ وَوَنْثِ، عَمَّا نَغَانٜىٰ ثٜىٰوَ وَنَّنْ مَا ڧُواْڧَرِنْ كَامُنْ إِسْكَ نٜىٰ؞
18غَمَا يَوَنْ حِكِمَ تَكَنْ جَٰوُاْ يَوَنْ بَڧِنْ ثِكِ،
ڧَارُوَرْ سَنِ كُمَ تَكَنْ جَٰوُاْ ڧَارُوَرْ دَامُوَ؞
Currently Selected:
مَيْ وَعَظِ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
