مَيْمَيْتَاوَرْ شَرِيعَ 10
10
مُوسَٰى يَا سَاكٜىٰ كَرْٻَرْ دُواْكُواْكِ
﴿ڢِتْ 34.1-10﴾
1«أَ لُواْكَثِنَّنْ كُوَ يَهْوٜىٰهْ يَثٜىٰ مِنِ، ‹كَسَسَّڧَ أَلُّنَنْ دُوڟٜىٰ بِيُ كَمَرْ نَڢَرْكُوانْ، كَهَوْرُواْ دَسُو ذُوَا وُرِينَ عَكَنْ تُدُنْ؞ كَكُمَيِ عَݣُوتِ نَ إِتَاثٜىٰ؞ 2نِے كُوَ ذَنْ رُبُوتَ عَكَنْ أَلُّنَنَّنْ كَلْمُواْمِنْ دَسُكٜىٰ ثِكِنْ أَلُّنَ نَدَا، وَطَنْدَ كَڢَرْڢَشٜىٰ؞ ذَاكَسَاسُ عَثِكِنْ عَݣُوتِنْ؞›
3«سَيْ نَيِ عَݣُوتِ دَ إِتَاثٜىٰنْ عَكَشِيَ، نَكُمَ سَسَّڧَ أَلُّنَنْ دُوڟٜىٰ كَمَرْ نَڢَرْكُوانْ، نَكُمَ هَوْرَ بَبَّنْ تُدُنْ دَ أَلُّنَنَّنْ بِيُ أَ حَنُّوَنَ؞ 4سَعَنً يَهْوٜىٰهْ يَسَاكٜىٰ رُبُوتُو عَكَنْ أَلُّنَنَّنْ كَمَرْ يَدَّ يَيِ دَ نَڢَرْكُوانْ، وَتُواْ دُواْكُواْكِ غُواْمَنَّنْ وَطَنْدَ دَا يَهْوٜىٰهْ يَڢَطَا مُكُ عَكَنْ تُدُ دَغَ ڟَكِيَرْ وُتَا أَ رَانَرْ تَارُوانْ جَمَعَ؞ سَيْ يَهْوٜىٰهْ يَبَانِسُ؞ 5سَيْ نَجُويَا نَسَوْكُواْ دَغَ تُدُنْ، نَكُمَ أَجِيٜىٰ أَلُّنَنْ ثِكِنْ عَݣُوتِنْدَ نَيِ؞ أَلُّنَنْ سُنَانَنْ ثِكِنْ عَݣُوتِنْ، كَمَرْ يَدَّ يَهْوٜىٰهْ يَعُمَرْثٜىٰنِ؞
6«إِسْرَٰٓءِيلَاوَا كُوَ سُكَ كَامَ حَنْيَ دَغَ رِجِيُواْيِنْ مُتَنٜىٰنْ يَعَكَنْ ذُوَا مُواْسٜىٰرَ؞ عَثَنْ هَٰرُونَ يَمُتُ، عَكَ بِنّٜىٰشِ؞ سَيْ طَنْسَ عٜىٰلٜىٰيَظَرْ يَغَاجٜىٰشِ أَمَڟَيِنْسَ نَڢِرِسْتِ؞#لِـ ڧِدْ 20.28؛ 33.38 7دَغَ نَنْ سُكَ تَڢِے غُدْغُواْدَ دَغَ غُدْغُواْدَ كُمَ سُكَ تَڢِے يُواتْبَتَ، ڧَسَرْدَ تَكٜىٰدَ رَاڢُڢُّكَنْ ضُوَ؞ 8أَ لُواْكَثِنْ، يَهْوٜىٰهْ يَكٜىٰٻٜىٰ ذُرِيَرْ لَوِ دُواْمِنْ سُذَمَ مَاسُ طَوْكَرْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ، سُڟَيَ أَغَبَنْ يَهْوٜىٰهْ سُيِ مَسَ حِدِمَ، سُكُمَسَا أَلْبَرْكَ دَ سُونَنْسَ، كَمَرْ يَدَّ يَكٜىٰ هَرْوَيَوْ؞#لِـ ڧِدْ 3.5-8 9سَبُواْدَ حَكَ، ذُرِيَرْ لَوِ بَاتَدَ رَبُواْ كُواْ غَادُواْ نَڧَسَا تَرٜىٰدَ یَنْعُوَنْتَ؞ يَهْوٜىٰهْ نٜىٰ نَاسُ غَادُوانْ، كَمَرْ يَدَّ يَهْوٜىٰهْ اللَّهْ نْكُ يَڢَطَا مُسُ؞
10«نَا ذَوْنَ عَكَنْ بَبَّنْ تُدُ دَرٜىٰ أَرْبَعِنْ دَ يِنِ أَرْبَعِنْ كَمَرْ يَدَّ نَيِ دَ ڢَرْكُواْ؞ يَهْوٜىٰهْ كُوَ يَأَمْسَ أَدُّعَتَ أَوَنَّنْ لُواْكَثِ كُمَ؞ يَهْوٜىٰهْ كُوَ بَيْسُواْ يَهَلَكَاكُبَ؞#ڢِتْ 34.28 11يَهْوٜىٰهْ يَثٜىٰ مِنِ، ‹تَاشِ، كَكَامَ حَنْيَ، كَشَا غَبَنْ جَمَعَرْ، دُواْمِنْ سُشِغَ سُثِ غَادُوانْ ڧَسَرْدَ نَرَنْڟٜىٰوَ كَاكَنِّنْسُ ذَنْبَاسُ؞› »
أَبِنْ دَ يَهْوٜىٰهْ يَكٜىٰسُواْ
12«يَنْذُ ڢَا، يَا كُو إِسْرَٰٓءِيلَاوَا، مٜىٰنٜىٰنٜىٰ يَهْوٜىٰهْ اللَّهْ نْكُ يَكٜىٰسُواْ أَغَرٜىٰكُ؟ سَيْ دَيْ كُجِڟُواْرُوانْ يَهْوٜىٰهْ اللَّهْ نْكُ، كُيِ تَڢِيَ ثِكِنْ حَنْيَرْسَ، كُڧَوْنَثٜىٰشِ، كُكُمَ بَوْتَاوَ يَهْوٜىٰهْ اللَّهْ نْكُ دَ دُكَنْ ذُوثِيَارْكُ دَ دُكَنْ رَنْكُ، 13كُكُمَ كِيَايٜىٰ عُمَرْنَنْ يَهْوٜىٰهْ دَ ڧَٰعِدُواْدِنْسَ وَطَنْدَ نَكٜىٰ عُمَرْثٜىٰكُ يَوْ دُواْمِنْ ذَمَنْ لَاڢِيَرْكُ؞ 14دُوبَ، سَمَنْ سَمَّيْ دَ دُونِيَا دَ دُكَنْ أَبُبُوَنْ دَسُكٜىٰ ثِكِنْتَ نَ يَهْوٜىٰهْ اللَّهْ نْكُ نٜىٰ؞ 15دُكْدَهَكَ، يَهْوٜىٰهْ يَكَڢَ ذُوثِيَارْسَ تَڧَوْنَ عَكَنْ كَاكَنِّنْكُ، يَذَاٻٜىٰكُ، كُو دَ ذُرِيَرْكُ عَبَايَنْسُ دَغَ ثِكِنْ دُكَنْ سَوْرَنْ ڧَبِيلُ، كَمَرْ يَدَّ يَكٜىٰ عَيَوْ؞ 16سَبُواْدَ حَكَ، كُيِ كَاثِيَرْ ذُوثِيَا تَنُونَ كٜىٰٻٜىٰ كَنْكُ غَ كِيَايٜىٰ يَرْجٜىٰجٜىٰنِيَرْسَ، كَدَ كُڧَارَ يِنْ تَوْرِنْ كَيْ؞ 17غَمَا يَهْوٜىٰهْ اللَّهْ نْكُ، اللَّهْ نَ أَلُّواْلِ نٜىٰ دَ عُبَنْغِجِنْ إِيَايٜىٰنْغِجِ؞ شِ اللَّهْ مَيْغِرْمَ نٜىٰ، مَيْ إِيكُواْ مَيْ بَنْ ڟُواْرُواْ، وَنْدَ بَايَ نُونَ بَمْبَنْثِ كُمَ بَايَ كَرْٻَرْ ثِنْ حَنْثِ؞#1 تِمْ 6.15؛ رُعُيَ 17.14؛ أَيُّكَنْ 10.34؛ رُوامْ 2.11؛ غَلْ 2.6؛ أَڢِسْ 6.9 18يَكَنْيِ شَرِيعَرْ غَسْكِيَ وَ مَرَايُ دَ مَاتَانْدَ مَذَنْسُ سُكَ مُتُ؞ يَنَ ڧَوْنَرْ بَڧُواْ، يَكَنْ بَاشِ عَبِنْثِ دَ رِيغُنَ؞ 19سَيْ كُو مَا كُڧَوْنَثِ بَڧُواْ، غَمَا دَا كُو بَڧِينٜىٰ عَڧَسَرْ مَصَرْ؞ 20سَيْ كُجِڟُواْرُوانْ يَهْوٜىٰهْ اللَّهْ نْكُ، شِينٜىٰ ذَاكُيِ مَسَ سُجَّدَ، شِينٜىٰ ذَاكُ مَنّٜىٰ مَسَ؞ دَ سُونَنْسَ نٜىٰ كُمَ ذَاكُيِ ضَنْڟُوَا؞ 21شِينٜىٰ أَبِنْ يَبُوانْكُ، شِينٜىٰ كُمَ اللَّهْ نْكُ، وَنْدَ يَيِ مُكُ وَطَنَّنْ مَنْيَنْ أَبُبُوَ مَاسُ بَنْ مَامَاكِ، وَطَنْدَ كُكَ غَنِ دَ عِدَنُونْكُ؞ 22كَاكَنِّنْكُ سُنْ غَنْغَرَ ذُوَا مَصَرْ، مُتُمْ سَبَعِنْ نٜىٰ كَثَلْ، عَمَّا يَنْذُ يَهْوٜىٰهْ اللَّهْ نْكُ يَسَا كُكَيِيَوَ كَمَرْ تَوْرَرِنْ سَمَ؞»#ڢَارْ 15.5؛ 22.17؛ 46.27
Currently Selected:
مَيْمَيْتَاوَرْ شَرِيعَ 10: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
