دَانِيٜىٰلْ 3
3
غُنْكِنْ ظِينَارِيَ نَ نٜىٰبُكَدْنٜىٰزَّرْ
1سَرْكِے نٜىٰبُكَدْنٜىٰزَّرْ يَيِ غُنْكِ نَظِينَارِيَ وَنْدَ ڟَيِنْسَ يَكَيْ ڧَڢَا ثَسَعِنْ، ڢَاطِنْسَ كُمَ ڧَڢَا تَرَ؞ يَكَڢَ شِ أَ ڢِيلِنْ دُرَ وَنْدَ يَكٜىٰ عَيَنْكِنْ بَابِيلَ؞ 2سَعَنً يَعَيْكَ عَكِرَوُاْ هَكِمَنْ يَنْكُنَ دَ مَاسُ مَڟَيِ دَ ڠُومْنُواْنِ دَسُو مَاسُ بَادَ شَوَرَا دَسُو مَعَجِ دَ أَلْڧَلَيْ دَ مَاسُ شَرِيعَ دَ دُكَنْ دَتَّاوَنْ يَنْكُنَ سُذُواْ، دُواْمِنْ سُكَسَنْثٜىٰ عَبِكٍ كٜىٰٻٜىٰوَرْ غُنْكِنْ ظِينَارِيَ وَنْدَ شِ سَرْكِے نٜىٰبُكَدْنٜىٰزَّرْ يَكَڢَ؞ 3سَيْ هَكِمَنْ يَنْكُنَ دَ مَاسُ مَڟَيِ دَ ڠُومْنُواْنِ دَ مَاسُ بَادَ شَوَرَا دَسُو مَعَجِ دَ أَلْڧَلَيْ دَ مَاسُ شَرِيعَ دَ دُكَنْ دَتَّاوَنْ يَنْكُنَ سُكَذُواْ دُواْمِنْ بِكٍ كٜىٰٻٜىٰوَرْ غُنْكِنْ دَ سَرْكِے نٜىٰبُكَدْنٜىٰزَّرْ يَكَڢَ، سُكَ ڟَيَ أَغَبَنْسَ؞ 4سَيْ مَيْ شٜىٰلَ يَتَادَ مُرْيَ دَ ڧَرْڢِے، يَثٜىٰ،
«يَا كُو ڧَبِيلُ دَ أَلْعُمَّيْ دَ مَاسُ يَرٜىٰ دَبَمْ دَبَمْ! 5أَنَ عُمَرْتَرْكُ ثٜىٰوَ سَعَدَّ كُكَجِ ڧَارَرْ ڧَهُواْ دَ سَرٜىٰوَ دَ غَرَايَ دَ مُواْلُواْ دَ كَثَوْ كَثَوْ دَ كُواْوَنٜىٰ إِرِنْ أَبِنْ كَطٜىٰ كَطٜىٰ دَ بُوشٜىٰ بُوشٜىٰ، سَيْ كُڢَاطِ ڧَسَا، كُيِ سُجَّدَ غَ غُنْكِنْ ظِينَارِيَرْ نَنْ وَنْدَ سَرْكِے نٜىٰبُكَدْنٜىٰزَّرْ يَكَڢَ؞ 6دُكْ وَنْدَ بَيْ ڢَاطِ ڧَسَا يَيِ سُجَّدَبَ، نَنْ دَنَنْ ذَاعَ جٜىٰڢَرْ دَشِ عَثِكِنْ غِدَنْ وُتَا مَيْ ذَاڢِ؞»
7دُواْمِنْ حَكَ، سَعَدَّ دُكَنْ ڧَبِيلُ دَ أَلْعُمَّيْ دَ مَاسُ يَرٜىٰ دَبَمْ دَبَمْ سُكَجِ ڧَارَرْ ڧَهُواْ دَ سَرٜىٰوَ دَ غَرَايَ دَ مُواْلُواْ دَ كَثَوْ كَثَوْ دَ كُواْوَنٜىٰ إِرِنْ أَبِنْ كَطٜىٰ كَطٜىٰ دَ بُوشٜىٰ بُوشٜىٰ، سَيْ سُكَ ڢَاطِ ڧَسَا، سُكَيِ سُجَّدَ غَ غُنْكِنْ ظِينَارِيَرْ نَنْ وَنْدَ سَرْكِے نٜىٰبُكَدْنٜىٰزَّرْ يَكَڢَ؞
8أَ لُواْكَثِنَّنْ نٜىٰ وَطَنْسُ مُتَنٜىٰنْ بَابِيلَ سُكَيِ أَمْڢَانِ دَ ظَرَڢِنَّنْ سُكَ زَرْغِ يَهُودَاوَا؞ 9سُكَثٜىٰ وَ سَرْكِے نٜىٰبُكَدْنٜىٰزَّرْ «يَا سَرْكِے، رَنْكَيَدَطٜىٰ! 10يَا سَرْكِے، كَيْنٜىٰ كَا كَڢَ عُمَرْنِ ثٜىٰوَ دُكْ مُتُمِنْدَ يَجِ ڧَارَرْ ڧَهُواْ دَ سَرٜىٰوَ دَ غَرَايَ دَ مُواْلُواْ دَ كَثَوْ كَثَوْ دَ كُواْوَنٜىٰ إِرِنْ أَبِنْ كَطٜىٰ كَطٜىٰ دَ بُوشٜىٰ بُوشٜىٰ، سَيْ يَڢَاطِ ڧَسَا، يَيِ سُجَّدَ غَ غُنْكِنْ ظِينَارِيَرْ نَنْ؞ 11كَيْ كُمَ كَا عُمَرْتَ ثٜىٰوَ دُكْ وَنْدَ بَيْ ڢَاطِ ڧَسَا يَيِ سُجَّدَبَ، ذَاعَ جٜىٰڢَشِ أَغِدَنْ وُتَا مَيْ ذَاڢِ؞ 12رَنْكَيَدَطٜىٰ، أَݣَويْ وَطَنْسُ يَهُودَاوَا وَطَنْدَ كَيْ دَ كَنْكَ كَنَطَسُ سُلُورَ دَ أَلْعَمُرَنْ يَنْكِنْ بَابِيلَ، وَتُواْ شَدْرَكْ دَ مٜىٰشَكْ دَ أَبٜىٰدْنٜىٰغُواْ؞ تُواْ، وَطَنَّنْ مُتَنٜىٰ ڢَا، يَا سَرْكِے، بَسُ دَامُ دَكَيْبَ، بَسُ بَوْتَاوَ أَلُّواْلِنْكَبَ، بَسُ كُمَيِ سُجَّدَ غَ غُنْكِنْ ظِينَارِيَرْ نَنْ وَنْدَ كَكَڢَبَ؞»
13دَجِنْ وَنَّنْ، سَيْ سَرْكِے نٜىٰبُكَدْنٜىٰزَّرْ يَٻَرْكٜىٰ دَ ڢُشِے مَيْ ذَاڢِ يَعُمَرْتَ عَكَٰوُاْ شَدْرَكْ دَ مٜىٰشَكْ دَ أَبٜىٰدْنٜىٰغُواْ؞ سَيْ عَكَ كَٰوُاْسُ غَبَنْسَ؞ 14سَيْ يَثٜىٰ مُسُ «كُواْ غَسْكِيَ نٜىٰ وَيْ كَيْ شَدْرَكْ دَ مٜىٰشَكْ دَ أَبٜىٰدْنٜىٰغُواْ بَكُ بَوْتَاوَ أَلُّواْلِنَ بَ، بَكُ كُمَيِ سُجَّدَ غَ غُنْكِنْ ظِينَارِيَرْ نَنْ وَنْدَ نَكَڢَبَ؟ 15يَنْذُ، عِدَنْ كُنَ أَشِرْيٜىٰ، سَعَدَّ كُكَجِ ڧَارَرْ ڧَهُواْ دَ سَرٜىٰوَ دَ غَرَايَ دَ مُواْلُواْ دَ كَثَوْ كَثَوْ دَ كُواْوَنٜىٰ إِرِنْ أَبِنْ كَطٜىٰ كَطٜىٰ دَ بُوشٜىٰ بُوشٜىٰ، سَيْ كُڢَاطِ ڧَسَا كُيِ سُجَّدَ غَ غُنْكِنْ ظِينَارِيَرْ نَنْ وَنْدَ نَكَڢَ؞ عِدَنْ كُنْيِ حَكَ، تُواْ، بَابُ دَامُوَ؞ عَمَّا عِدَنْ بَكُيِ سُجَّدَرْبَ، نَنْ دَنَنْ ذَاعَ جٜىٰڢَكُ أَغِدَنْ وُتَا مَيْ ذَاڢِنَّنْ، كُمَ ذَنْغَ كُواْ وَنٜىٰ اللَّهْ نٜىٰ ذَيْ كُٻُتَرْ دَكُو دَغَ هَنُّونَ؞»
16شَدْرَكْ دَ مٜىٰشَكْ دَ أَبٜىٰدْنٜىٰغُواْ كُوَ سُكَ أَمْسَ وَسَرْكِے سُكَثٜىٰ «رَنْكَيَدَطٜىٰ، يَا سَرْكِے نٜىٰبُكَدْنٜىٰزَّرْ! بَمُ بُڧَاتَ مُكَارٜىٰ كَنْمُ عَكَنْ وَنَّنْ ذَنْثٜىٰبَ؞ 17يَا سَرْكِے، عِدَنْ كَجٜىٰڢَرْ دَمُو أَوُتَرْ نَنْ، اللَّهْ نْمُ وَنْدَ مُكٜىٰ بَوْتَاوَ يَنَدَ إِيكُوانْ كُٻُتَرْ دَمُو دَغَ غِدَنْ وُتَا مَيْ ذَاڢِنَّنْ يَكُمَ ثٜىٰثٜىٰمُ دَغَ حَنُّنْكَ؞ 18يَا سَرْكِے، كُواْ مَا بَيْ كُٻُتَرْ دَمُوبَ، مُنَسُواْ كَسَنِ ڢَا، بَذَامُ بَوْتَاوَ أَلُّواْلِنْكَبَ، كُواْ مُيِ وَغُنْكِنْ ظِينَارِيَرْ نَنْ وَنْدَ كَكَڢَ سُجَّدَ؞»
أَنْ جٜىٰڢَ سَمَارِ أَ غِدَنْ وُتَرْ مَڧٜىٰرَ
19سَيْ نٜىٰبُكَدْنٜىٰزَّرْ يَٻَرْكٜىٰ دَ ڢُشِے مَيْ ذَاڢِ عَكَنْ شَدْرَكْ دَ مٜىٰشَكْ دَ أَبٜىٰدْنٜىٰغُواْ حَرْ ڢُسْكَرْسَ تَثَنْجَ؞ سَيْ يَعُمَرْتَ عَڧَارَ ذُغَ وُتَا أَغِدَنْ وُتَا حَرْ تَيِ ذَاڢِ سَوْ بَݣَويْ ڢِيٜىٰدَ يَدَّ عَكَيِ أَدَا؞ 20سَعَنً يَعُمَرْثِ وَطَنْسُ مَڢِے ڧَرْڢِے دَغَ ثِكِنْ سُواْجُواْجِنْسَ سُطَوْرٜىٰ شَدْرَكْ دَ مٜىٰشَكْ دَ أَبٜىٰدْنٜىٰغُواْ، سُجٜىٰڢَسُ عَثِكِنْ وُتَرْ؞ 21سَيْ عَكَ طَطَّوْرَسُ تُنْ مَا بَسُ تُوٻٜىٰ رِيغُنَنْسُ دَ وَنْدُنَنْسُ دَ هُولُنَنْسُ دَ سَوْرَنْ كَايَنْ جِكِنْسُبَ؞ سَيْ عَكَ جٜىٰڢَسُ عَثِكِنْ غِدَنْ وُتَا مَيْ ذَاڢِ؞ 22ڟَنَنِنْ عُمَرْنِنْ سَرْكِے يَسَا عَكَ ذُغَ وُتَرْ تَڧَارَ ذَاڢِ مَيْ ڟَنَنِ؞ سَبُواْدَ ذَاڢِنْ وُتَرْ، سُواْجُواْجِنْ دَ سُكَجٜىٰڢَ شَدْرَكْ دَ مٜىٰشَكْ دَ أَبٜىٰدْنٜىٰغُواْ أَوُتَرْ، سُو مَا هَرْشٜىٰنْ وُتَا سُنْ لَشٜىٰسُ؞ 23سَيْ سُو عُكُنَّنْ، وَتُواْ شَدْرَكْ دَ مٜىٰشَكْ دَ أَبٜىٰدْنٜىٰغُواْ سُكَ ڢَاطَ عَثِكِنْ ڟَكِيَرْ وُتَرْ أَطَوْرٜىٰ؞
24سَيْ سَرْكِے نٜىٰبُكَدْنٜىٰزَّرْ يَتَاشِ وُڢْ سَبُواْدَ أَبِنْ مَامَاكِنْ دَيَكٜىٰ غَنِ، سَيْيَثٜىٰ وَمَاسُ بَاشِ شَوَرَا «كَيْ! بَمُتَنٜىٰ عُكُ أَطَوْرٜىٰ نٜىٰ مُكَجٜىٰڢَ أَوُتَابَ؟»
سَيْ سُكَ أَمْسَ وَسَرْكِے سُكَثٜىٰ «بَاشَكَّ، حَكَ يَكٜىٰ، رَنْكَيَدَطٜىٰ؞»
25سَرْكِے يَأَمْسَ يَثٜىٰ «عَمَّا إِنَ غَنِنْ مُتُمْ حُطُ أَ سَكٜىٰ سُكٜىٰ تَڢِيَ أَڟَكِيَرْ وُتَا، بَا كُمَ أَبِنْدَ يَسَامٜىٰسُ! كَمَنِّ نَهُطُنْ كُوَ كَمَرْ وَنِ طَنْ أَلُّواْلِنٜىٰ؞»
26نٜىٰبُكَدْنٜىٰزَّرْ ڢَا يَمَڟُواْ كُسَدَ ڧُواْڢَرْ غِدَنْ وُتَا مَيْ ذَاڢِ يَثٜىٰ «شَدْرَكْ! مٜىٰشَكْ! أَبٜىٰدْنٜىٰغُواْ! بَايِنْ اللَّهْ مَڢِے طَوْكَكَ، كُڢِتُواْ! كُذُواْ نَنْ!» سَيْ شَدْرَكْ دَ مٜىٰشَكْ دَ أَبٜىٰدْنٜىٰغُواْ سُكَ ڢِتَ دَغَ ثِكِنْ وُتَرْ؞ 27سَعَنً هَكِمَنْ يَنْكُنَ دَ مَاسُ مَڟَيِ دَ ڠُومْنُواْنِ دَ مَاسُبَا سَرْكِے شَوَرَا، دُكَنْسُ سُكَ تَارُ كٜىٰوَيٜىٰ دَ مُتَنٜىٰنَّنْ؞ سُكَغَ لَلَّيْ وُتَرْ بَتَيِ وَجِكُنَنْ مُتَنٜىٰنَّنْ كُواْمٜىٰبَ؞ غَاشِنْ كَوُنَنْسُ مَا كُواْ طَيَ بَيْ ثِوُتَبَ، كَايَنْ جِكِنْسُ مَا بَسُثِ وُتَابَ، كُواْ وَرِنْ وُتَا مَا بَابُ أَجِكِنْسُ؞
28سَيْ نٜىٰبُكَدْنٜىٰزَّرْ يَثٜىٰ «يَبُواْ يَتَبَّتَا غَ اللَّهْ نَ شَدْرَكْ دَ مٜىٰشَكْ دَ أَبٜىٰدْنٜىٰغُواْ، وَنْدَ يَعَيْكُواْ دَ مَلاَىِٕكَنْسَ يَكُٻُتَرْدَ بَايِنْسَ مَاسُ دُواْغَضَ غَرٜىٰشِ؞ سُنْڧِے بِنْ عُمَرْنِنْ سَرْكِے، سُكَ ڠُومَّثٜىٰ عَڧُواْنٜىٰسُ مَيْمَكُوانْ سُبَوْتَاوَ غُنْكِ كُواْ سُيِ وَوَنِ سُجَّدَ، إِنْ بَ دَيْ اللَّهْ نْسُ كَطَيْبَ؞ 29دُواْمِنْ حَكَ، غَا عُمَرْنِنْدَ نَكَڢَ؞ ‹دُكْ وَتَ ڧَبِيلَ، كُواْ أَلْعُمَّ، كُواْ مَيْ يَرٜىٰنْ دَ ذَيْ يِمَغَنَرْ صَاٻُواْ غَ اللَّهْ نَ شَدْرَكْ دَ مٜىٰشَكْ دَ أَبٜىٰدْنٜىٰغُواْ، ذَاعَ يَيَّنْكَ مُتُمِنْ غَٻَ غَٻَ، عَكُمَ مَيْدَ غِدَنْسَ كُڢَيْ؞ غَمَا بَابُوَنِ اللَّهْ وَنْدَ ذَيْ عِيَيِنْ إِرِنْ وَنَّنْ كُٻُتَرْوَ كَمَرْ حَكَ؞› »
30سَيْ سَرْكِے يَڧَارَ وَ شَدْرَكْ دَ مٜىٰشَكْ دَ أَبٜىٰدْنٜىٰغُواْ مَڟَيِ عَيَنْكِنْ بَابِيلَ؞
Currently Selected:
دَانِيٜىٰلْ 3: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
