دَانِيٜىٰلْ 1
1
لَابَرِنْ دَانِيٜىٰلْ دَ أَبُواْكَنْسَ عَبَڧُوَرْ ڧَسَا
﴿دَانِيٜىٰلْ 1.1—6.28﴾
سَمَارِ أَغِدَنْ سَرْكِے نٜىٰبُكَدْنٜىٰزَّرْ
1أَ شٜىٰكَرَا تَ عُكُ تَمُلْكٍ سَرْكِے يٜىٰهُواْيَكِمْ نَ يَهُودَ، سَرْكِے نٜىٰبُكَدْنٜىٰزَّرْ نَ بَابِيلَ يَذُواْ يَكٜىٰوَيٜىٰ عُرُوشَلِيمَ دَ يَاڧِ؞#2 سَرْ 24.1؛ 2 تَارْ 36.5-7 2عُبَنْغِجِ كُوَ يَبَا سَرْكِے نٜىٰبُكَدْنٜىٰزَّرْ نَ بَابِيلَ نَصَرَا عَكَنْ سَرْكِے يٜىٰهُواْيَكِمْ نَ يَهُودَ؞ سَرْكِے نٜىٰبُكَدْنٜىٰزَّرْ كُوَ يَݣُوشٜىٰ وَطَنْسُ كَايَ دَغَ ثِكِنْ غِدَنْ اللَّهْ أَ عُرُوشَلِيمَ؞ كَايَنَّنْ يَكَٰوُاْسُ أَغِدَنْ اللَّهْنْسَ عَڧَسَرْ شِنَرْ، يَأَجِيٜىٰسُ أَطَاكِنْ أَجِيَ نَ اللَّهْ نْسَ؞
3سَعَنً سَرْكِے نٜىٰبُكَدْنٜىٰزَّرْ يَعُمَرْثِ أَشْڢٜىٰنَظْ، شُوغَبَنْ مَعَيْكَتَنْ غِدَنْ سَرْكِے، يَتَڢِے يَذَاٻُواْ مَسَ وَطَنْسُ سَمَارِ دَغَ ثِكِنْ مُتَنٜىٰنْ إِسْرَٰٓءِيلَ وَطَنْدَ سُكٜىٰ دَغَ غِدَنْ سَرَوْتَ دَ كُمَ دَغَ غِدَنْ مَنْيَنْ مُتَنٜىٰ؞ 4وَطَنَّنْ سَمَارِ ذَاسُ كَسَنْثٜىٰ مَاسُ ݣَنْ غَنِ، مَرَرْ تَبُواْ، مَاسُثِكٜىٰ دَ ڢَهِمْتَ دَ كُواْوَنٜىٰ ڢَنِّنْ حِكِمَ دَ سَنِ، مَاسُ عِيَيِنْ حِدِمَ أَغِدَنْ سَرْكِے؞ ذَاعَكُواْيَ مُسُ يَرٜىٰنْ مُتَنٜىٰنْ بَابِيلَ دَ أَبُبُوَنْ دَسُكٜىٰ ثِكِنْ لِتَّتَّڢَنْسُ؞ 5سَرْكِے يَكُمَسَا أَدِنْغَبَاسُ عَبِنْثِ دَ ضُوً إِنَبِے دَغَ ثِكِنْ وَنْدَ شِ سَرْكِے كَنْسَ يَكٜىٰثِ كُواْوَثٜىٰ رَانَ؞ يَسَ عَكُواْيَرْ دَسُو حَرْ شٜىٰكَرَا عُكُ، بَايَنْ كُواْيَرْوَرْ نَنْ ذَاسُ شِغَيِ وَسَرْكِے حِدِمَ؞
6عَثِكِنْ وَطَنْدَ عَكَ ذَاٻَا دَغَ ذُرِيَرْ يَهُودَ سُونٜىٰ دَانِيٜىٰلْ دَ هَنَنِيَ دَ مِشَيٜىٰلْ دَ أَظَرِيَ؞ 7سَيْ أَشْڢٜىٰنَظْ، شُوغَبَنْ مَعَيْكَتَنْ غِدَنْ سَرْكِے يَبَاسُ سَابَبِّنْ سُونَيٜىٰ؞ يَسَ وَ دَانِيٜىٰلْ سَابُوانْ سُنَ بٜىٰلْتٜىٰشَظَّرْ، يَسَاوَ هَنَنِيَ سَابُوانْ سُنَ شَدْرَكْ، يَسَاوَ مِشَيٜىٰلْ سَابُوانْ سُنَ مٜىٰشَكْ، سَعَنً يَسَاوَ أَظَرِيَ سَابُوانْ سُنَ أَبٜىٰدْنٜىٰغُواْ؞
8دَانِيٜىٰلْ كُوَ يَطَوْكِ رَعَيِ أَ ذُوثِيَارْسَ ثٜىٰوَ بَذَيْ ڧَظَنْتَرْدَ كَنْسَ تَوُرِنْ ثِنْ عَبِنْثِ دَ شَنْ ضُوً إِنَبِے نَسَرْكِبَ؞ سَيْ يَضُواْڧِ شُوغَبَنْ مَعَيْكَتَنْ غِدَنْ سَرْكِے ثٜىٰوَ كَدَ يَبَا شِ وَنَّنْ عَبِنْثِ دُواْمِنْ ذَيْ ڧَظَنْتَرْ دَشِ؞ 9اللَّهْ كُوَ يَسَا دَانِيٜىٰلْ يَسَامِ ڢَضٍ جِنِ دَ جِنْڧَيْ أَوُرِنْ أَشْڢٜىٰنَظْ شُوغَبَنْ مَعَيْكَتَنْ غِدَنْ سَرْكِے؞ 10عَمَّا أَشْڢٜىٰنَظْ يَثٜىٰ وَ دَانِيٜىٰلْ «إِنَ جِنْ ڟُواْرُوانْ مَيْغِدَانَ سَرْكِے وَنْدَ يَعُمَرْتَ أَدِنْغَ بَاكُ وَنَّنْ عَبِنْثِ دَ ضُوً إِنَبِے؞ إِنْ حَرْ يَغَ ڢُسْكَرْكُ بَ سُيِ ݣَوْ كَمَرْ نَسَوْرَنْ سَمَارِنْ ڟَارَرْكُبَ، تُواْ، ذَاكَسَا إِنْ شِغَ عُكُ أَوُرِنْ سَرْكِے؞»
11سَيْ دَانِيٜىٰلْ يَثٜىٰ وَمُتُمِنْ دَ أَشْڢٜىٰنَظْ يَسَا يَلُورَ دَ دَانِيٜىٰلْ دَ هَنَنِيَ دَ مِشَيٜىٰلْ دَ أَظَرِيَ، 12«إِنَ ضُواْڧُوانْكَ كَطَنْ ڠُودَمُ نَݣُونَ غُواْمَ؞ بَرِ أَدِنْغَ بَامُ كَايَنْ لَمْبُو مُثِ، عَكُمَ دِنْغَ بَامُ ضُوَ كَوَيْ مُشَا؞ 13بَايَنْ وَنَّنْ، كَدُوبِے ڢُسْكُواْكِنْمُ كَاعَوْنَ دَ نَسَوْرَنْ سَمَارِ وَطَنْدَ سُكٜىٰ ثِنْ عَبِنْثِ نَسَرْكِے؞ دَغَ نَنْ سَيْكَيِ دُكْ أَبِنْدَ كَغَ دَامَ كَيِ دَمُو بِسَغَ أَبِنْدَ كَلُورَ دَشِ عَكَنْمُ؞»
14سَيْ يَيَرْدَ دَ رَعَيِنْ دَ دَانِيٜىٰلْ يَبَاشِ، يَكُوَ ڠُودَاسُ نَݣُونَ غُواْمَ؞ 15عَڧَرْشٜىٰنْ ݣُونَ غُواْمَ طِنْ، سَيْ عَكَ غَ ڢُسْكُواْكِنْسُ سُنْڢِے حَصْكٜىٰ، كُمَ سُنْيِ ڧِبَ ڢِيٜىٰدَ سَوْرَنْ سَمَارِنْ دَسُكٜىٰ ثِنْ عَبِنْثِ نَسَرْكِے؞ 16دَغَ نَنْ سَيْ مُتُمِنْ دَ أَشْڢٜىٰنَظْ يَسَا يَلُورَ دَسُو يَثِيغَبَدَ جَنْيٜىٰ عَبِنْثِ دَ ضُوً إِنَبِے نَسَرْكِے، يَيِ تَبَاسُ كَايَنْ لَمْبُو؞
17غَ وَطَنَّنْ سَمَارِ حُطُ كُوَ، اللَّهْ يَبَاسُ سَنِ دَ ڢَهِمْتَرْ كُواْوَنٜىٰ إِرِنْ لِتَّتَّڢَيْ دَ حِكِمَ؞ اللَّهْ يَكُمَ بَا دَانِيٜىٰلْ غَانٜىٰوَرْ رُعُيَ دَ بَيَانِنْ مَڢَرْكَيْ؞
18عَڧَرْشٜىٰنْ شٜىٰكَرَا عُكُ وَطَنْدَ سَرْكِے نٜىٰبُكَدْنٜىٰزَّرْ يَبَايَرْ دُواْمِنْ أَ لُورَ دَسُو، سَيْ أَشْڢٜىٰنَظْ شُوغَبَنْ مَعَيْكَتَنْ غِدَنْ سَرْكِے يَكَٰوُاْسُ أَغَبَنْ نٜىٰبُكَدْنٜىٰزَّرْ؞ 19دَ سَرْكِے يَيِ مَغَنَ دَسُو دُكَ، سَيْ يَتَرَرْ عَثِكِنْ سَمَارِنْ دَ عَكَ ذَاٻَا، بَابُوَنْدَ ذَاعَ ݣُوتَنْتَا شِ دَ دَانِيٜىٰلْ دَ هَنَنِيَ دَ مِشَيٜىٰلْ دَ أَظَرِيَ؞ سَبُواْدَ حَكَ عَكَ مَيْشٜىٰسُ مَاسُ حِدِمَ أَغَبَنْ سَرْكِے؞ 20عَثِكِنْ دُكَنْ أَبِنْدَ يَشَاڢِ حِكِمَ دَ غَانٜىٰوَ وَنْدَ سَرْكِے يَنٜىٰمِ شَوَرَرْسُ، سَيْ يَتَرَرْ وَطَنَّنْ سَمَارِ حُطُ سُنْڢِے دُكَنْ مَاسُ دَبُواْ دَ مَاسُ سِحِرِ وَطَنْدَ سُكٜىٰ ثِكِنْ مُلْكِنْسَ حَرْ سَوْ غُواْمَ؞ 21دَانِيٜىٰلْ كُوَ يَثِيغَبَ أَوُرِنْ حَرْ شٜىٰكَرَا تَڢَرْكُواْ تَمُلْكٍ سَرْكِے سَيِرُسْ؞
Currently Selected:
دَانِيٜىٰلْ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
