أَيُّكَنْ مَنْذَنِّے 26
26
بُلُسْ يَكَارٜىٰ كَنْسَ أَغَبَنْ أَغِرِڢَّ
1دَغَ نَنْ سَيْ أَغِرِڢَّ يَثٜىٰ وَ بُلُسْ «أَنْ بَاكَ إِظْنِ كَكَارٜىٰ كَنْكَ؞» سَعَنً بُلُسْ يَطَغَ حَنُّ، يَڢَارَ مَغَنَ يَثٜىٰ،
2«لَلَّيْ نَيِ سَعَ، سَرْكِے أَغِرِڢَّ، تُنْدَ أَغَبَنْكَ نٜىٰ ذَنْ كَارٜىٰ كَيْنَ يَوْ غَمٜىٰدَ دُكْ مَغَنْغَنُنْ دَ يَهُودَاوَا سُكَ ڢَطَا عَكَيْنَ، 3مُسَمَّنْ دَيَكٜىٰ كَيْ ڠُونِ نٜىٰ ثِكِنْ سَنِنْ أَلْعَادُنْ يَهُودَاوَا دَ أَبُبُوَنْ دَسُكٜىٰ غَرْدَمَ عَكَيْ؞ سَبُواْدَ حَكَ إِنَ ضُواْڧُوانْكَ كَسَوْرَرَتَ دَ حَڧُرِ؞
4«دُكَنْ يَهُودَاوَا سُنْ سَنْ إِرِنْ ذَمَنْدَ نَيِ تُنْ إِنَ سَوْرَيِ، وَتُواْ تُنْدَ ڢَرْكُواْ عَڧَسَاتَ دَ كُمَ أَ عُرُوشَلِيمَ حَرْ ذُوَا يَوْ؞ 5سُنْ سَنِّ تُنْ تُنِ، حَرْ مَا عِدَنْ سُنَ سُواْ ذَاسُ عِيَ بَادَ شَيْدَ ثٜىٰوَ بِسَغَ ڧُنْغِيَرْ نَنْ دَ تَڢِے ڟَنَنِ ثِكِنْ أَدِّينِنَّنْ نَامُ، نَيِ رَايُوَتَا أَمَڟَيِنْ بَڢَرِسِيٜىٰ؞ #أَيُّكَنْ 23.6؛ ڢِلِبْ 3.5 6يَنْذُ إِنَ ڟَيٜىٰ أَغَبَنْكُ دُواْمِنْ عَيِ مِنِ شَرِيعَ سَبُواْدَ نَسَا ذُوثِيَا عَكَنْ ثِكَرْ أَلْڧَوَرِنْ دَ اللَّهْ يَيِ وَكَاكَنِّنْمُ؞ 7أَلْڧَوَرِنَّنْ نٜىٰ ذُرِيَرْمُ غُواْمَشَا بِيُ سُكَسَا رَيْ ذَاسُ غَ ثِكَرْسَ، حَرْ سُنَ ڧُواْڧَرِ سُنَ بَوْتَاوَ اللَّهْ دَرٜىٰ دَ رَانَ؞ يَا سَرْكِے، سَبُواْدَ نَسَا ذُوثِيَا غَ ثِكَرْ أَلْڧَوَرِنَّنْ نٜىٰ يَهُودَاوَا سُكٜىٰ غَنِنْ لَيْڢِينَ ڢَا! 8مٜىٰيَسَا أَغَنِنْكُ بَايَ يِوُوَ اللَّهْ يَتَادَ مَتَتُّو؟
9«تُواْ، نِے دَكَيْنَ مَا أَدَا نَغَ كَمَرْ دَيْدَيْنٜىٰ إِنْيِ أَبُبُوَ دَيَوَ إِنْحَنَ ثِيغَبَنْ مَغَنَرْ عِيسَىٰ بَنَظَرٜىٰتْ؞ 10أَبِنْدَ نَيِ كٜىٰنَنْ أَ عُرُوشَلِيمَ، حَرْ نَسَامِ إِظْنِ دَغَ وُرِنْ مَنْيَنْ ڢِرِسْتُواْثِے دُواْمِنْ إِنْ كُلّٜىٰ ڟَرْكَكَا دَيَوَ عَكُرْكُكُ؞ حَرْ مَا لُواْكَثِنْ دَ عَكٜىٰ كَشٜىٰسُ إِنَ غُواْيُوانْ بَايَنْ حَكَ؞ 11نَكُمَبِے دُكَنْ مَجَمِعُ إِنَ حُكُنْتَسُ إِنَ ڧُواْڧَرِنْ سَاسُ سُيِ مَغَنْغَنُنْ صَاٻُواْ غَ سُونَنْعِيسَىٰ؞ غَمَا كُمَ إِنَ ڢُشِے دَسُو سُواْسَيْ، سَيْ إِنَ تَبِنْسُ حَرْ ذُوَا غَرُرُوَ نَوَطَنْسُ ڧَسَاشٜىٰ إِنْڟَنَنْتَ مُسُ؞» #أَيُّكَنْ 8.3؛ 22.4-5
لَابَرِنْ جُويُواْوَرْ بُلُسْ
﴿أَيُّكَنْ 9.1-19؛ 22.6-16﴾
12«أَنَ ثِكِنْ حَكَنٜىٰ، وَتَرَانَ إِنَ تَڢِيَ ذُوَا دِمَشْڧُ دَ إِظْنِنْ مَنْيَنْ ڢِرِسْتُواْثِے دَ كُمَ تَكَرْدَرْ إِيكُوانْ دَ سُكَ بَا نِے؞ 13دَ ڟَكَرْ رَانَ أَ حَنْيَ، رَنْكَيَدَطٜىٰ، نَغَ وَنِ حَصْكٜىٰ ڢِيٜىٰدَ حَصْكٜىٰنْ رَانَ يَحَصْكَكَا دَغَ سَمَ، يَكٜىٰوَيٜىٰنِ دَ أَبُواْكَنْ تَڢِيَاتَ؞ 14دَ دُكَنْمُ مُكَ ڢَاطِ عَڧَسَا، سَيْنَجِ وَتَ مُرْيَ تَنَ ثٜىٰ مِنِ دَ يَرٜىٰنْ إِبْرَانِيَاوَا، ‹شَوُلُ، شَوُلُ، دُوانْمٜىٰ كَكٜىٰ ڟَنَنْتَ مِنِ؟ كَنَبَا كَنْكَ وَهَلَنٜىٰ دَ كَكٜىٰ غَابَادَنِے؞›
15«سَيْ نَثٜىٰ، ‹وَنٜىٰنٜىٰ كَيْ مَيْغِرْمَ؟›
«سَيْ عُبَنْغِجِ يَثٜىٰ مِنِ، ‹نِنٜىٰ عِيسَىٰ وَنْدَ كَكٜىٰ ڟَنَنْتَاوَ؞ 16عَمَّا تَاشِ كَمِيڧٜىٰ أَڟَيٜىٰ؞ نَبَيَّنَ أَغَرٜىٰكَنٜىٰ إِنْسَا كَذَمَ مَيْ حِدِمَتَ، كَكُمَيِ شَيْدَرْ أَبُبُوَنْدَ كَغَنِ غَمٜىٰدَنِ دَ كُمَ أَبُبُوَنْ دَ ذَنْ بَيَّنَ مَكَ نَنْ غَبَ؞ 17ذَنْثٜىٰثٜىٰكَ دَغَ مُتَنٜىٰنْكَ دَ كُمَ وَطَنْدَ بَا يَهُودَاوَا بَ؞ ذَنْ عَيْكٜىٰكَ ذُوَا وُرِنْسُ، 18دُواْمِنْ كَبُوطٜىٰ مُسُ إِدَانُو، سُجُويُواْ دَغَ دُهُ ذُوَا حَصْكٜىٰ دَغَ كُمَ إِيكُوانْ شَيْطَنْ ذُوَا إِيكُوانْ اللَّهْ؞ تَهَكَ ذَاسُ سَامِ غَاڢَرَرْ ذُنُبَيْ دَ كُمَ غَادُواْ تَرٜىٰدَ دُكَنْ وَطَنْدَ سُكَ ذَمَ مَاسُ ڟَرْكِے سَبُواْدَ سُنْ بَادَ غَسْكِيَ غَرٜىٰنِ؞› » #أَيُّكَنْ 9.1-19؛ 22.6-16
بُلُسْ يَشَيْدَ أَيُّكَنْسَ
19«سَبُواْدَ حَكَ، يَا سَرْكِے أَغِرِڢَّ، بَنْڧِ يِنْ بِيَيَّ دَ رُعُيَرْ نَنْ دَ تَذُواْ مِنِ دَغَ سَمَبَ؞ 20نَڢَارَيِ وَمُتَنٜىٰنْ دِمَشْڧُ وَعَظِ، سَعَنً نَيِ وَمُتَنٜىٰنْ عُرُوشَلِيمَ دَ كُواْعِنَ عَيَنْكِنْ يَهُودِيَ، سَعَنً كُمَ نَيِ وَ وَطَنْدَ بَا يَهُودَاوَا بَ ثٜىٰوَ سُتُوبَ سُجُويُواْ غَ اللَّهْ، سُكُمَيِ أَبُبُوَنْ دَ ذَاسُ نُونَ سُنْ تُوبَ؞ #أَيُّكَنْ 9.20،28-29 21شِينٜىٰ يَسَا يَهُودَاوَا سُكَ كَمَنِ عَثِكِنْ هَيْكَلِ سُنَ ڧُواْڧَرِ سُكَشٜىٰنِ؞ 22عَمَّا اللَّهْ يَتَيْمَكٜىٰنِ حَرْ ذُوَا يَنْذُ، شِے يَسَا إِنَانَنْ إِنَ يِنْ شَيْدَ غَ مَنْيَ دَ ڧَنَانَا؞ بَا وَنِ أَبُ دَبَمْ دَ نَكٜىٰ ڢَطَا، سَيْدَيْ أَبِنْدَ أَنَّبَاوَا دَ مُوسَٰى سُكَثٜىٰ ذَيْ ڢَرُ، 23وَتُواْ، لَلَّيْ نٜىٰ أَلْمَسِيحُ يَشَا وَهَلَ، يَذَمَ نَڢَرْكُوانْ دَ ذَيْ تَاشِ دَغَ مَتَتُّو دُواْمِنْ يَكَٰوُاْ حَصْكٜىٰ غَ دُكَنْ مُتَنٜىٰ، يَهُودَاوَا دَ وَطَنْدَ بَا يَهُودَاوَا بَ دُكَ؞» #عِشـ 42.6؛ 49.6؛ 1 كُوارْ 15.20
24بُلُسْ يَنَ ثِكِنْ كَارٜىٰ كَنْسَ كٜىٰنَنْ، سَيْ ڢٜىٰسْتُسْ يَطَغَ مُرْيَ دَ ڧَرْڢِے يَثٜىٰ «بُلُسْ، كَنَ هَوْكَ! يَوَنْ كَرَاتُنْكَ يَجُويَ مَكَ كَيْ!»
25عَمَّا بُلُسْ يَثٜىٰ «مَيْغِرْمَ ڢٜىٰسْتُسْ، بَانَ هَوْكَ؞ غَسْكِيَ نَكٜىٰ ڢَطَا ثِكِنْ نَڟُوَ؞ 26أَيْ، سَرْكِے يَسَنْ أَلْعَمُرَنَّنْ، إِنَ كُمَيِ مَسَ مَغَنَ بَا ڟُواْرُواْ؞ نَتَبَّتَا يَلُورَ دَ وَطَنَّنْ أَلْعَمُرَ دُكَ، غَمَا وَنَّنْ أَبُ بَعَٻُواْيٜىٰ عَكَ يِشِيبَ؞ 27سَرْكِے أَغِرِڢَّ، كَا غَسْكَتَادَ أَنَّبَاوَا؟ نَسَنِ كَا غَسْكَتَ؞»
28سَيْ أَغِرِڢَّ يَثٜىٰ وَ بُلُسْ «وَتُواْ، أَطَنْ غَجٜىٰرٜىٰنْ لُواْكَثِنَّنْ كَكٜىٰسُواْ كَرِنْجَيٜىٰنِ إِنْ ذَمَ كِرِسْتَ؟»
29بُلُسْ كُوَ يَثٜىٰ «كُواْ أَطَنْ غَجٜىٰرٜىٰنْ لُواْكَثِ، كُواْ أَدُواْغُواْ، إِنَ أَدُّعَ ثٜىٰوَ اللَّهْ يَسَا بَا كَيْ كَطَيْبَ، حَرْ مَا دُكَنْ وَطَنْدَ سُكٜىٰ سَوْرَرُواْنَ عَيَوْ، سُذَمَ كَمَرْ يَدَّ نَكٜىٰ، سَيْدَيْ بَنْدَ سَرْڧَرْ نَنْ؞»
30سَيْ سَرْكِے يَتَاشِ، حَكَمَا ڠُومْنَ دَ بَنِسْ دَ وَطَنْدَ سُكٜىٰ ظَوْنٜىٰ تَرٜىٰدَسُو؞ 31دَسُنْ ڢِتَ دَغَ وُرِنْ شَرِيعَ سُكَثٜىٰ وَجُونَ «أَيْ، مُتُمِنَّنْ بَيْيِ وَنِ أَبِنْدَ يَ إِسَ عَكُلّٜىٰشِ، كُواْ عَكَشٜىٰشِيبَ؞»
32سَيْ أَغِرِڢَّ يَثٜىٰ وَ ڢٜىٰسْتُسْ «دَبَا دُوانْ دَيْ مُتُمِنَّنْ يَطَوْكَكَ ڧَارَرْسَ ذُوَا غَبَنْ كَيْسَرْ بَ دَ سَيْ أَ سَكٜىٰشِ؞»
Currently Selected:
أَيُّكَنْ مَنْذَنِّے 26: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
