أَيُّكَنْ مَنْذَنِّے 18
18
بُلُسْ أَ كُواْرِنْتِ
1بَايَنْ حَكَ بُلُسْ يَبَرْ أَتِنَ يَتَڢِے كُواْرِنْتِ؞ 2عَثَنْ يَتَرَرْ دَ وَنِ بَيَهُودٜىٰ مَيْ سُونَ عَكِيلَ، طَنْ غَرِنْ ڢُوانْتُسْ؞ عَكِيلَ دَ مَاتَرْسَ بِرِسْكِلَ بَسُ دَطٜىٰ دَ ذُوَا دَغَ ڧَسَرْ إِتَالِيَ بَ، دُوانْ كَلَوْدِيُسْ يَيِ دُواْكَا ثٜىٰوَ دُكَنْ يَهُودَاوَا سُبَرْ رُواْمَ؞ سَيْ بُلُسْ يَجٜىٰ وُرِنْسُ؞ 3دَيَكٜىٰ سَنَعَرْسُ إِرِ طَيَثٜىٰ دَ تَاسَ، وَتُواْ، تَطِنْكِنْ تٜىٰنْتِ، سَيْ يَيِ ذَمَ تَرٜىٰدَسُو؞ سُكَيِ تَ عَيْكِ تَرٜىٰ؞ 4كُواْوَثٜىٰ رَانَرْ هُوتُ تَمَكُواْ كُوَ بُلُسْ يَدِنْغَ مُهَوَرَ أَ مَجَمِعَ، يَنَ ڧُواْڧَرِ يَرِنْجَيٜىٰ يَهُودَاوَا دَ وَطَنْدَ بَا يَهُودَاوَا بَ؞
5سَعَدَّ سِيلَ دَ تِمُواْتِ سُكَذُواْ دَغَ مَكِدُواْنِيَ، بُلُسْ يَبَادَ دُكَنْ لُواْكَثِنْسَ عَكَنْ يِنْ وَعَظِ، يَنَ تَبَّتَرْ وَ يَهُودَاوَا ثٜىٰوَ عِيسَىٰ شِينٜىٰ أَلْمَسِيحُ؞ 6عَمَّا سُكَيِ مَسَ مُسُو، سُنَ ذَاغِنْسَ؞ دُواْمِنْ حَكَ سَيْ يَكَكَّٻٜىٰ تُڢَاڢِنْسَ يَثٜىٰ مُسُ «أَلْحَكِنْ جِنِنْكُ أَوُيَنْكُ! نِے دَيْ بَانِدَ لَيْڢِے؞ دَغَ يَوْ وُرِنْ وَطَنْدَ بَا يَهُودَاوَا بَ ذَانِ؞»
7سَيْ يَتَاشِ دَغَ وُرِنْ يَتَڢِے غِدَنْ وَنِ مُتُمْ مَيْ سُونَ تِتِيُسْ يُسْتُسْ، مَيْ بَوْتَرْ اللَّهْ، غِدَنْسَ كُوَ يَنَ كُسَدَ مَجَمِعَ سُواْسَيْ؞ 8سَيْ كِرِسْبُسْ، شُوغَبَنْ مَجَمِعَ يَبَادَ غَسْكِيَ غَ عُبَنْغِجِ، شِے دَ مُتَنٜىٰنْ غِدَنْسَ دُكَ؞ وَطَنْسُ كُواْرِنْتِيَاوَا كُمَ دَيَوَ دَ سُكَجِ مَغَنَرْ بُلُسْ، سُكَ بَادَ غَسْكِيَ، عَكَ كُوَ يِمُسُ بَڢْتِسْمَ؞
9وَتَرَانَ دَ دَرٜىٰ، عُبَنْغِجِ يَنُونَاوَ بُلُسْ رُعُيَ، يَثٜىٰمَسَ «كَدَ كَجِڟُواْرُواْ؞ كَيِتَيِنْ وَعَظِ، كَدَ كَيِ شِضُ، 10غَمَا إِنَ تَرٜىٰدَكَيْ؞ بَاوَنْدَ ذَيْسَا حَنُّ يَيِ مَكَ وَنِ أَبُ، دُوانْ إِنَدَ مُتَنٜىٰ دَيَوَ أَوَنَّنْ بِرْنِ؞» 11بُلُسْ يَذَوْنَ أَوُرِنْ حَرْ شٜىٰكَرَا طَيَ دَ وَتَا شِدَ، يَنَ تَكُواْيَرْ مُسُ كَلْمَرْ اللَّهْ؞
12عَمَّا لُواْكَثِنْ دَ غَلِيُواْ يَكٜىٰ مُلْكٍ ڧَسَرْ عَكَيَ، يَهُودَاوَا سُكَ حَطَكَيْ سُكَ تَاسَرْوَ بُلُسْ، سُكَ كَيْشِ غَبَنْ مَاسُ شَرِيعَ؞ 13سُكَثٜىٰ «وَنَّنْ مُتُمْ يَنَ ڧُواْڧَرِ يَسَا مُتَنٜىٰ سُبَوْتَاوَ اللَّهْ تَهَنْيَرْ دَ كُواْيَرْوَا تَحَنَ؞»
14بُلُسْ يَنَ شِرِنْ يَيِ مَغَنَ كٜىٰنَنْ، سَيْ غَلِيُواْ يَثٜىٰ وَ يَهُودَاوَا «دَمَا وَنِ لَيْڢِے يَيِ، كُواْ مُوغُنْ لَيْڢِے دَ سَيْ إِنْجِيكُ؞ 15عَمَّا تُنْدَيَكٜىٰ غَرْدَمَ ثٜىٰ كَوَيْ عَكَنْ كَلْمُواْمِ دَ سُونَيٜىٰ دَ كُمَ كُواْيَرْوَرْكُ، أَيْ، سَيْ كُجِ دَشِ دَكَنْكُ؞ نِے كَمْ، بَنْيِ نِيَّرْ يِنْ شَرِيعَ كَنْ إِرِنْ وَطَنَّنْ أَبُبُوَبَ؞» 16سَيْ يَكُواْرٜىٰسُ دَغَ طَاكِنْ شَرِيعَرْ؞ 17سَيْ دُكَنْسُ سُكَ كَامَ سَسْتَنِسْ شُوغَبَنْ مَجَمِعَرْ، سُكَيِمَسَ دُوكَ أَغَبَنْ طَاكِنْ شَرِيعَ؞ عَمَّا غَلِيُواْ بَيْ كُواْ كُلَبَ؞
بُلُسْ يَكُواْمَ أَنْتَكِيَ تَ سُورِيَ
18بَايَنْ وَنَّنْ سَيْ بُلُسْ يَڧَارَ یَنْ ݣُونَكِے أَ كُواْرِنْتِ؞ سَعَنً يَيِ وَمَاسُبِے بَنْ ݣُونَ؞ يَشِغَ جِضْغٍ ضُوَ تَرٜىٰدَ بِرِسْكِلَ دَ عَكِيلَ سُكَ كَامَ حَنْيَ ذُوَا سُورِيَ؞ عَمَّا كَاڢِنْ سُتَاشِ بُلُسْ يَ أَسْكٜىٰ كَنْسَ#18.18 أَسْكٜىٰ كَنْسَ: وَنَّنْ أَلْعَادَرْ يَهُودَاوَا ثٜىٰ تَنُونَ ثٜىٰوَ مُتُمْ يَثِكَ ضَنْڟُوَارْ دَ يَيِ؞ أَ كَنْكِرِيَ غَمَا يَا طَوْكِ وَتَ ضَنْڟُوَا؞#لِـ ڧِدْ 6.18 19دَ سُكَ كَيْ أَڢِسَ، عَثَنْ نٜىٰ بُلُسْ يَبَرْ بِرِسْكِلَ دَ عَكِيلَ، شِيكُوَ يَشِغَ مَجَمِعَ يَيِ مُهَوَرَ دَ يَهُودَاوَا؞ 20سَيْ سُكَ ضُواْڧٜىٰشِ يَطَنْ ڧَارَ ذَمَ أَوُرِنْسُ، عَمَّا بَيْ يَرْدَبَ؞ 21عَمَّا دَ ذَيْبَرْسُ، يَثٜىٰ «ذَنْ دَاوُاْ وُرِنْكُ عِدَنْ اللَّهْ يَيَرْدَ؞» سَعَنً يَتَاشِ دَغَ أَڢِسَ أَجِضْغٍ ضُوَ؞
22دَ يَسَوْكَ أَ كَيْسَرِيَ، سَيْ يَهَوْرَ يَغَيْ دَ جَمَعَرْ مَاسُبِے، سَعَنً يَتَڢِے أَنْتَكِيَ؞ 23بَايَنْ يَطَنْ دَطٜىٰ كَطَنْ أَوُرِنْ، سَيْ يَتَاشِ يَظَظْذَاغَ ڧَسَرْ غَلَتِيَ دَ ڧَسَرْ ڢِرِجِيَ، يَنَ بِنْ غَرِ غَرِ، يَنَ ڧَرْڢَڢَ دُكَنْ مَاسُبِے؞
أَڢُواْلُّواسْ يَيِ وَعَظِ أَعَڢِسَ
24أَنَانً سَيْ وَنِ بَيَهُودٜىٰ مَيْ سُونَ أَڢُواْلُّواسْ يَذُواْ أَڢِسَ؞ شِے كُوَ طَنْ غَرِنْ إِسْكَنْدَارِيَا نٜىٰ، مَيْ عِيَ مَغَنَ، يَكُمَ سَنْ رُبُوتَثِّيَرْ مَغَنَرْ اللَّهْ سُواْسَيْ سُواْسَيْ؞ 25أَنْكُواْيَرْ دَشِ ثِكِنْ حَنْيَرْ عُبَنْغِجِ؞ يَكَنْ نُونَ ڨُوذُواْ سُواْسَيْ ثِكِنْ مَغَنَ، يَنَ كُمَ كُواْيَرْ دَ عَيْنِحِنْ غَسْكِيَ غَمٜىٰدَ عِيسَىٰ؞ عَمَّا ڢَا بَڢْتِسْمَرْ يَحْيَى كَطَيْ نٜىٰ يَسَنِ؞ 26سَيْ يَڢَارَ وَعَظِ بَابُ ڟُواْرُواْ أَ مَجَمِعَ؞ دَ بِرِسْكِلَ دَ عَكِيلَ سُكَجِ مَغَنَرْسَ، سَيْ سُكَ طَوْكٜىٰشِ سُكَڧَارَ بَيَّنَ مَسَ حَنْيَرْ اللَّهْ سُواْسَيْ سُواْسَيْ؞
27دَ أَڢُواْلُّواسْ يَسُواْ يَڧٜىٰتَرٜىٰ ذُوَا ڧَسَرْ عَكَيَ، مَاسُبِے سُكَ تَيْمَكٜىٰشِ؞ سُكَ رُبُوتَ وَمَاسُبِے نَ عَكَيَ وَسِيڧَ دُواْمِنْ سُكَرْٻٜىٰشِ حَنُّ بِيُ بِيُ؞ دَ يَكَيْ ثَنْ كُوَ يَذَمَ دَ تَيْمَكُواْ سُواْسَيْ غَ وَطَنْدَ سُكَ بَادَ غَسْكِيَ تَوُرِنْ أَلْحٜىٰرِنْ اللَّهْ، 28غَمَا يَيِ نَصَرَا ثِكِنْ مَغَنَ دَ يَهُودَاوَا ڨُورَيْ أَغَبَنْ جَمَعَ، يَنَ تَبَّتَرْ مُسُ دَغَ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ عِيسَىٰ شِينٜىٰ أَلْمَسِيحُ؞
Currently Selected:
أَيُّكَنْ مَنْذَنِّے 18: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
