2 سَمَٰعِيلَ 7
7
غِدَنْ دَاوُدَ كُواْ غِدَنْ اللَّهْ
﴿1 تَارْ 17.1-15﴾
1أَنَانً دَ سَرْكِے دَاوُدَ يَكَامَ ذَمَ أَغِدَنْسَ، يَهْوٜىٰهْ يَكَٰوُاْ ذَمَنْ لَاڢِيَ ڟَكَانِنْسَ دَ أَبُواْكَنْ غَابَنْسَ وَطَنْدَ سُكٜىٰ كٜىٰوَيٜىٰ دَشِ، 2سَيْ دَاوُدَ يَكِرَا أَنَّبِے نَتَنْ يَثٜىٰ مَسَ «دُوبَ، غَ نِے إِنَ ذَمَ أَغِدَا نَكَتَكَنْ سٜىٰدَ، عَمَّا عَݣُوتِنْ يَرْجٜىٰجٜىٰنِيَ نَ اللَّهْ يَنَ ذَمَ عَثِكِنْ تٜىٰنْتِ؞»
3نَتَنْ يَأَمْسَ مَسَ يَثٜىٰ «سَيْ كَيِ أَبِنْدَ يَكٜىٰ أَ ذُوثِيَارْكَ، غَمَا يَهْوٜىٰهْ يَنَ تَرٜىٰدَكَيْ؞»
4عَمَّا أَدَرٜىٰنَّنْ يَهْوٜىٰهْ يَيِ مَغَنَ دَ نَتَنْ ثٜىٰوَ 5«كَتَڢِے وُرِنْ مَيْ حِدِمَتَ دَاوُدَ كَثٜىٰ، ‹إِنْجِ يَهْوٜىٰهْ، كَيْنٜىٰ ذَاكَ غِنَا مِنِ غِدَنْ دَ ذَنْ ذَوْنَ؟ 6تُنْ لُواْكَثِنْدَ نَڢِتَرْدَ إِسْرَٰٓءِيلَاوَا دَغَ ڧَسَرْ مَصَرْ حَرْ ذُوَا يَوْ، بَنْ تَٻَ ذَمَ عَثِكِنْ غِدَا بَ؞ إِنَ تَيَٰوُاْ كُلُّمْ عَتٜىٰنْتِ وَنْدَ يَكَسَنْثٜىٰ وُرِنْ ذَمَنَ؞ 7دُكَنْ وُرَارٜىٰنْدَ نَيِ تَيَٰوُاْ تَرٜىٰدَ إِسْرَٰٓءِيلَاوَا، كَڢَطَا مِنِ، كُواْ نَا تَٻَيِنْ مَغَنَ دَ وَنِ دَغَ ثِكِنْ شُوغَبَنِّنْسُ دَ نَسَا مَكِيَايِنْ جَمَعَتَ إِسْرَٰٓءِيلَ ثٜىٰوَ «دُوانْمٜىٰ بَكَ غِنَا مِنِ غِدَا نَكَتَكَنْ سٜىٰدَ بَ؟» › »
8«سَيْ كَكُمَ ثٜىٰ وَمَيْ حِدِمَتَ دَاوُدَ، ‹إِنْجِ يَهْوٜىٰهْ مَڢِے غِرْمَ، نَطَوْكٜىٰكَ دَغَ عَيْكِنْ كِيوُاْ تُنْ كَنَ طَنْ يَرُواْ كَنَ كِيوُانْ تُمَكِ؞ نَا سَاكَ كَذَمَ شُوغَبَنْ جَمَعَتَ إِسْرَٰٓءِيلَ؞ 9نَا كَسَنْثٜىٰ تَرٜىٰدَكَيْ كُواْعِنَ دَ كَتَڢِے، نَا كُمَ كَوَرْدَ أَبُواْكَنْ غَابَنْكَ دُكَ؞ بَنْدَ حَكَمَا، نَا سَا كَيِ بَبَّنْ سُنَ كَمَرْ سُونَيٜىٰنْ مَنْيَنْ مُتَنٜىٰ عَدُونِيَا؞ 10نَا بَا جَمَعَتَ إِسْرَٰٓءِيلَ وُرِے نَكَنْسُ؞ نَا كَڢَسُ، نَا سَا وُرِنْ يَذَمَ نَاسُ؞ بَذَاعَ سَاكٜىٰ دَامُنْسُبَ؞ مُوغَيٜىٰ بَذَاسُ مَاڟَ مُسُ كَمَرْ يَدَّ سُنْ سَابَايِ مُسُ أَدَابَ، 11وَتُواْ، تُنْ لُواْكَثِنْدَ نَسَا وَجَمَعَتَ إِسْرَٰٓءِيلَ شُوغَبَنِّ؞ نَا سَا كَهُوتَ دَغَ ڢِتِنَرْ أَبُواْكَنْ غَابَنْكَ؞ بَنْدَ حَكَمَا نِے يَهْوٜىٰهْ ذَنْ كَڢَ ذُرِيَرْكَ تَذَمَ غِدَنْ مُلْكِ؞ 12بَايَنْدَ ݣُونَكِنْكَ سُكَ ڧَارٜىٰ، كَمُتُ، ذَنْ تَادَ طَيَ دَغَ ثِكِنْ یَیَنْكَ وَطَنْدَ كَحَيْڢَ يَذَمَ سَرْكِے؞ ذَنْ كُمَ كَڢَ مُلْكِنْسَ يَيِ ڧَرْڢِے سُواْسَيْ؞#زَبُو 89.3-4؛ 132.11؛ يَحـ 7.42؛ أَيُّكَنْ 2.30 13شِينٜىٰ ذَيْ غِنَا غِدَا دُواْمِنْ سُونَنَ؞ نِے كُوَ ذَنْكَڢَ كُجٜىٰرَرْ مُلْكِنْسَ حَرْ أَبَدَا؞ 14ذَنْ ذَمَ بَابَ أَغَرٜىٰشِ، شِيكُمَ ذَيْ ذَمَ طَا أَغَرٜىٰنِ؞ عِدَنْ يَا يِ لَيْڢِے، ذَنْيِ أَمْڢَانِ دَ مُتَنٜىٰ إِنْ حُكُنْتَ شِ؞ مُتَنٜىٰنٜىٰ ذَاسُ ذَمَ بُلَلَتَ؞#زَبُو 89.26-27؛ 2 تَارْ 6.18؛ إِبْرَ 1.5 15عَمَّا ڧَوْنَتَ مَرَرْ ثَنْجَاوَا بَذَاتَ جَنْيٜىٰ دَغَ غَرٜىٰشِ بَ كَمَرْ يَدَّ نَجَنْيٜىٰتَ دَغَ طَالُوتَ، وَنْدَ نَثِرٜىٰ دُواْمِنْ إِنْ مَيْدَكَيْ سَرْكِے؞ 16غِدَنْكَ دَ مُلْكِنْكَ ذَاسُ تَبَّتَا أَغَبَنَ حَرْ أَبَدَا، كُجٜىٰرَرْ مُلْكِنْكَ كُمَ ذَاتَكَڢُ حَرْ أَبَدَا؞› »#زَبُو 89.36-37
17حَكَ نَتَنْ يَڢَطَا وَ دَاوُدَ دُكَنْ كَلْمُواْمِنَّنْ دَ دُكَنْ رُعُيَرْ نَنْ؞
دَاوُدَ يَايِ أَدُّعَرْ غُواْدِيَ
﴿1 تَارْ 17.16-27﴾
18سَيْ سَرْكِے دَاوُدَ يَشِغَ ثِكِنْ تٜىٰنْتِ عِنْدَ عَكَ أَجِيٜىٰ عَݣُوتِنْ يَرْجٜىٰجٜىٰنِيَ نَ يَهْوٜىٰهْ يَذَوْنَ أَغَبَنْ يَهْوٜىٰهْ يَيِ أَدُّعَ يَثٜىٰ،
«وَنٜىٰنٜىٰنِے، يَا عُبَنْغِجِ يَهْوٜىٰهْ، كُواْ غِدَانَ حَرْ دَ كَدَغَمُ ذُوَا وَنَّنْ مَڟَيِ؟ 19كَمَرْ وَنَّنْ مَا بَيْ عِسَابَ، يَا عُبَنْغِجِ يَهْوٜىٰهْ، غَا شِے كُمَ كَيِ ذَنْثٜىٰ غَمٜىٰدَ غِدَنْ بَاوَنْكَ ثٜىٰوَ ذَيْكَيْ ݣُونَكِے مَاسُ ڟَوُاْ؞ حَكَ كَكَنْيِ دَ یَنْ أَدَمْ، يَا عُبَنْغِجِ يَهْوٜىٰهْ؟ 20يَا عُبَنْغِجِ يَهْوٜىٰهْ، مٜىٰنٜىٰنٜىٰ كُمَ ذَنْثٜىٰ مَكَ، تُنْدَيَكٜىٰ كَارِغَا كَاسَنْ بَاوَنْكَ سَرَيْ؟ 21سَبُواْدَ أَلْڧَوَرِنْكَ كُمَ بِسَغَ نُڢِنْكَنٜىٰ كَعَيْكَتَ مَنْيَنْ أَبُبُوَنَّنْ دُواْمِنْ كَسَا إِنْ ڧَارُ دَ سَنِ؞ 22كَيْ مَيْغِرْمَنٜىٰ سُواْسَيْ، يَا يَهْوٜىٰهْ عُبَنْغِجِ! بَابُ وَنِ كَمَرْكَ! بِسَغَ أَبِنْدَ مُكَجِ دَ كُنُّوَنْمُ، بَابُوَنِ اللَّهْ سَيْ كَيْ كَطَيْ! 23وَنٜىٰنٜىٰ كَمَرْ جَمَعَرْكَ إِسْرَٰٓءِيلَ؟ بَابُ أَلْعُمَّ كَمَرْ عِتَ عَدُونِيَا؞ غَمَا بَابُوَنِ اللَّهْ وَنْدَ يَتَٻَ تَڢِيَ دُواْمِنْ يَڢَنْشِ وَكَنْسَ وَتَ جَمَعَ دُواْمِنْ يَسَامُواْ وَكَنْسَ سُونَ تَوُرِنْ يِمُسُ مَنْيَنْ أَبُبُوَنْ بَنْ مَامَاكِ، كُمَ تَوُرِنْ كُواْرَرْ أَلْعُمَّيْ دَ أَلُّواْلِنْسُ أَغَبَنْ جَمَعَرْسَ وَدَّ يَڢَنْسَ وَكَنْسَ دَغَ ڧَسَرْ مَصَرْ؞#مَيْ شَـ 4.34 24كَارِغَا كَا كَڢَ وَكَنْكَ جَمَعَرْ إِسْرَٰٓءِيلَ سُذَمَ جَمَعَرْكَ حَرْ أَبَدَا؞ كَيْ كُوَ يَهْوٜىٰهْ، كَذَمَ اللَّهْ نْسُ؞#مَيْ شَـ 29.13
25«يَنْذُ، يَا يَهْوٜىٰهْ اللَّهْ، بَرِ كَتَبَّتَرْ دَ أَلْڧَوَرِنْدَ كَيِ وَبَاوَنْكَ دَ غِدَنْسَ، كَكُمَ تَبَّتَرْ دَشِ حَرْ أَبَدَا؞ بَرِ كَعَيْكَتَ أَبِنْدَ كَڢَطَا؞ 26بَرِ أَطَوْكَكَ سُونَنْكَ حَرْ أَبَدَا، حَرْ سَيْ كُواْوَ يَثٜىٰ، ‹يَهْوٜىٰهْ مَڢِے غِرْمَ شِينٜىٰ اللَّهْ نَ إِسْرَٰٓءِيلَ؞› كَكُمَسَا غِدَنْ بَاوَنْكَ دَاوُدَ يَكَڢُ أَغَبَنْكَ؞ 27غَمَا كَيْ، يَا يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ، كَيْنٜىٰ كَبَيَّنَوَ نِے بَاوَنْكَ ثٜىٰوَ ذَاكَسَا غِدَنْ بَاوَنْكَ يَكَڢُ؞ شِيَسَا بَاوَنْكَ يَسَامِ ڧَرْڢِنْ حَلِنْ يِنْ وَنَّنْ أَدُّعَ ذُوَا غَرٜىٰكَ؞ 28تُواْ، يَا عُبَنْغِجِ يَهْوٜىٰهْ، كَيْنٜىٰ اللَّهْ! كُلُّمْ كَكَنْ ثِكَ مَغَنَرْكَ، كُمَ كَيْ كَيِ وَبَاوَنْكَ أَلْڧَوَرِنْ وَطَنَّنْ أَبُبُوَ مَاسُ ݣَوْ؞ 29إِنْ يَغَمْشٜىٰكَ، بَرِ كَأَلْبَرْكَثِ غِدَنْ بَاوَنْكَ دُواْمِنْ يَثِيغَبَ أَغَبَنْكَ حَرْ أَبَدَا؞ غَمَا كَيْ، يَا عُبَنْغِجِ يَهْوٜىٰهْ، كَا رِغَا كَايِ مَغَنَ، كُمَ سَبُواْدَكَيْ كَا سَا أَلْبَرْكَ غَ غِدَنْ بَاوَنْكَ، لَلَّيْ ذَيْ كَسَنْثٜىٰ دَ أَلْبَرْكَ حَرْ أَبَدَا؞»
Currently Selected:
2 سَمَٰعِيلَ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
