1 سَرَاكُنَ غَبَاتَرْوَ
غَبَاتَرْوَ
بَعَسَنْ وَنْدَ يَرُبُوتَ لِتَّڢِ نَڢَرْكُواْ دَ نَبِيُ نَ سَرَاكُنَ بَ؞ عَمَّا لِتَّڢِنْ يَثِيغَبَدَ تَارِيحِنْ دَيَكٜىٰ ثِكِنْ لِتَّڢِ نَڢَرْكُواْ دَ نَبِيُ نَ سَمَٰعِيلَ؞
لِتَّڢِ نَڢَرْكُواْ نَسَرَاكُنَ، يَبَادَ تَارِيحِنْ إِسْرَٰٓءِيلَ بَايَنْ كَڢَاوَرْ مُلْكٍ سَرَاكُنَ، وَجٜىٰنْ شٜىٰكَرَا 970 كَاڢِنْ حَيْڢُوَرْ أَنَّبِے عِيسَىٰ، ذُوَا زَامَانِنْ سَرْكِے أَهَظِيَ وَجٜىٰنْ شٜىٰكَرَا 841 كَاڢِنْ حَيْڢُوَرْ أَنَّبِے عِيسَىٰ؞ أَنَ عِيَ رَبَ وَنَّنْ لِتَّڢِ كَشِ عُكُ كَمَرْ حَكَ:
1﴾ هَوَنْ سُلَيْمَٰنُ عَكَنْ كُجٜىٰرَرْ مُلْكٍ إِسْرَٰٓءِيلَ دَ يَهُودَ بَايَنْ مُتُوَرْ بَابَنْسَ دَاوُدَ؞
2﴾ مُلْكٍ سُلَيْمَٰنُ دَ نَصَرُواْرِنْدَ يَسَامُ دَ أَيُّكَنْسَ، مُسَمَّنْ غِنَا هَيْكَلِ أَ عُرُوشَلِيمَ؞
3﴾ رَبُوَرْ ڧَسَا ذُوَا يَنْكِنْ مُلْكٍ أَرٜىٰوَ دَ كُدُ دَ كُمَ لَابَرُنْ سَرَاكُنَنْ دَ سُكَيِ مُلْكِنْسُ؞
مَنُڢَرْ لِتَّڢِنْ عِتَثٜىٰ تَنُونَ رَايُوَرْ سَرَاكُنَ مَاسُ ڟُواْرُوانْ اللَّهْ دَ نَمَرَسَ ڟُواْرُوانْ اللَّهْ ثِكِنْ دُكَنْ تَارِيحِنْ إِسْرَٰٓءِيلَ دَ نَ يَهُودَ؞ لِتَّڢِنْ يَبَيَّنَ سَكَمَكُوانْ بِنْ غُمَكَ دَ عَيْكَتَ مُغُنْتَا أَغَبَنْ يَهْوٜىٰهْ؞ يَنُونَ يَدَّ سَرَاكُنَنْ يَنْكِنْ أَرٜىٰوَ سُنْ نُونَ رَشِنْ ڟُواْرُوانْ اللَّهْ ڢِيٜىٰدَ سَرَاكُنَنْ يَنْكِنْ كُدُ؞
مُهِمَّنْ مُتَنٜىٰ أَ لِتَّڢِنْ سُونٜىٰ أَنَّبَاوَنْ يَهْوٜىٰهْ، مُسَمَّنْ إِلْيَاسُ؞ سُونٜىٰ سُكَيِ ڧَرْڢِنْ حَلِ سُنَ ڟَاوَتَا وَمُتَنٜىٰ كَدَ سُيِ وَغُمَكَ سُجَّدَ كُواْ سُيِ رَشِنْ بِيَيَّ غَ اللَّهْ؞
لِتَّڢِ يَنُونَ ثٜىٰوَ دُكْ دَ كَاسَوَرْ سَرَاكُنَ دَ مُتَنٜىٰنْ إِسْرَٰٓءِيلَ، اللَّهْ نٜىٰ مَيْ بِيدَ تَارِيحِ دُواْمِنْ يَثِكَ يَرْجٜىٰجٜىٰنِيَرْسَ؞
أَبُبُوَنْ دَ سُكٜىٰ ثِكِ
ڧَرْشٜىٰنْ مُلْكٍ سَرْكِے دَاوُدَ 1.1—2.12
سُلَيْمَٰنُ يَذَمَ سَرْكِے 2.13-46
مُلْكٍ سُلَيْمَٰنُ 3.1—11.43
1؞ شٜىٰكَرُ نَڢَرْكُواْ 3.1—4.34
2؞ أَنْ غِنَا هَيْكَلِ 5.1—8.66
3؞ شٜىٰكَرُ نَڧَرْشٜىٰ 9.1—11.43
أَنْ رَبَ مُلْكٍ 12.1—22.53
1؞ تَاوَيٜىٰنْ ڧَبِيلُنْ أَرٜىٰوَ 12.1—14.20
2؞ سَرَاكُنَنْ يَهُودَ دَ نَ إِسْرَٰٓءِيلَ 14.21—16.34
3؞ أَنَّبِے إِلْيَاسُ 17.1—19.21
4؞ أَهَبْ سَرْكِنْ إِسْرَٰٓءِيلَ 20.1—22.40
5؞ يٜىٰهُواْشَڢَتْ سَرْكِنْ يَهُودَ دَ أَهَظِيَ سَرْكِنْ إِسْرَٰٓءِيلَ 22.41-53
لِتَّڢِ نَڢَرْكُواْ نَ سَرَاكُنَ
Currently Selected:
1 سَرَاكُنَ غَبَاتَرْوَ: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020