2 سَمَٰعِيلَ 15
15
أَبْسَلُوامْ يَشِرْيَ تَاوَيٜىٰ
1بَايَنْ وَنَّنْ، أَبْسَلُوامْ يَسَامُواْ وَكَنْسَ كٜىٰكٜىٰنْ دُواْكِ دَ دَوَكِ دَ مُتَنٜىٰ حَمْسِنْ دَ ذَاسُ وُثٜىٰ غَبَنْسَ؞
2أَبْسَلُوامْ يَكَنْ تَاشِ دَ سَسَّڢٜىٰ يَڟَيَ عَكَنْ حَنْيَ ذُوَا ڧُواْڢَرْ غَرِ؞ سَعَدَّ وَنِ يَذُواْ وُثٜىٰوَ وَنْدَ كُمَ يَنَدَ دَامُوَرْ دَ ذَاتَ كَيْ غَبَنْ سَرْكِے دُوانْ شَرِيعَ، أَبْسَلُوامْ يَكَنْ كِرَشِ يَثٜىٰوَ مُتُمِنْ «دَغَ وَنٜىٰ غَرِ كَڢِتُواْ؟» سَعَدَّ مُتُمِنْ يَأَمْسَ «رَنْكَيَدَطٜىٰ دَغَ غَرِ نَوَتَ ذُرِيَ عَ إِسْرَٰٓءِيلَ،» 3سَيْ أَبْسَلُوامْ يَسَوْرَرِ ڧَارَرْسَ؞ يَكُمَثٜىٰ مَسَ «دُوبَ، ڧَارَرْكَ تَنَ دَݣَوْ دَ كُمَ غَسْكِيَ، عَمَّا سَرْكِے بَاشِدَ وَنْدَ ذَيْ سَوْرَرٜىٰكَ؞» 4أَبْسَلُوامْ يَكَنْ كُمَ ڧَارَ دَ ثٜىٰوَ «دَاعَثٜىٰ أَنَّطَ نِے مَيْ شَرِيعَ أَوَنَّنْ ڧَسَا دَ كُواْوَنٜىٰ مُتُمِنْ دَ يَكٜىٰدَ ڧَارَ كُواْ مَغَنَرْ شَرِيعَ يَذُواْ وُرِينَ دَ ذَنْ يَنْكٜىٰ مَسَ شَرِيعَرْ غَسْكِيَ؞» 5كُمَ دُكْ سَعَدَّ وَنِ يَذُواْ وُرِنْ أَبْسَلُوامْ يَرُسُنَ دُواْمِنْ يَغَيْشٜىٰشِ، سَيْ أَبْسَلُوامْ يَسَا حَنُّنْسَ يَتَادَشِ، يَكُمَ سُمْبَثٜىٰ شِ؞ 6أَبْسَلُوامْ يَيِ تَيِنْ حَكَ غَ كُواْوَنٜىٰ مُتُمِنْ إِسْرَٰٓءِيلَ وَنْدَ يَذُواْ وَجٜىٰنْ سَرْكِے دَاوُدَ دُواْمِنْ شَرِيعَ؞ تَهَكَ يَسَاثِ ظُكَاتَنْ مُتَنٜىٰنْ إِسْرَٰٓءِيلَ؞
7بَايَنْ شٜىٰكَرَا حُطُ، سَيْ أَبْسَلُوامْ يَثٜىٰوَ سَرْكِے «إِنَ ضُواْڧُوانْكَ كَبَرْنِ إِنْ تَڢِے هٜىٰبْرُوانْ إِنْ ثِكَ وَتَ ضَنْڟُوَارْدَ نَيِ وَ يَهْوٜىٰهْ؞ 8غَمَا لُواْكَثِنْ دَ نَكٜىٰ أَ غٜىٰشُرْ عَڧَسَرْ سُورِيَ، نَايِ ضَنْڟُوَا ثٜىٰوَ عِدَنْ دَيْ يَهْوٜىٰهْ يَكُواْمَرْ دَنِے عُرُوشَلِيمَ، ذَنْيِ مَسَ سُجَّدَ؞»
9سَيْ سَرْكِے يَثٜىٰ مَسَ «تُواْ، سَوْكَ لَاڢِيَ؞» سَيْ أَبْسَلُوامْ يَتَاشِ يَتَڢِے هٜىٰبْرُوانْ؞
10عَمَّا أَبْسَلُوامْ يَعَيْكَ دَ سَڧُواْ أَ حَنُّنْ یَنْ عَيْكَ ذُوَاغَ دُكَنْ ذُرِيَرْ إِسْرَٰٓءِيلَ عَٻُواْيٜىٰ ثٜىٰوَ «سَعَدَّ كُكَجِ ڧَارَرْ ڧَهُواْ، سَيْكُ أَمْسَ دَ بَبَّرْ مُرْيَ كُثٜىٰ، ‹أَبْسَلُوامْ يَذَمَ سَرْكِے أَ هٜىٰبْرُوانْ!› » 11سَعَدَّ أَبْسَلُوامْ يَڢِتَ دَغَ عُرُوشَلِيمَ ذُوَا هٜىٰبْرُوانْ، مُتَنٜىٰ طَرِے بِيُ سُنْ بِيشِ؞ يَغَيَّثٜىٰسُ سُكَبِيشِ ثِكِنْ رَشِنْ سَنِ، بَسُسَنْ أَبِنْدَ أَبْسَلُوامْ يَكٜىٰ شِرِنْ يِبَ؞ 12أَ لُواْكَثِنْ دَ أَبْسَلُوامْ ذَيْ مِيڧَ هَدَايَ، يَعَيْكَ ذُوَا غَرِنْ غِلُواْ عَكَٰوُاْ مَسَ أَهِتُواْڢٜىٰلْ مُتُمِنْ غِلُواْ، وَنْدَ يَكٜىٰبَا سَرْكِے دَاوُدَ شَوَرَا؞ تَهَكَ وَنَّنْ شِرِنْ تَاوَيٜىٰ يَيِ ڧَرْڢِے، مَاسُ غُواْيُوانْ بَايَنْ أَبْسَلُوامْ سُكَيِ تَڧَارَ يَوَ؞
دَاوُدَ يَا غُدُ دَغَ عُرُوشَلِيمَ
13سَيْ وَنِ طَنْ عَيْكَ يَذُواْ وُرِنْ دَاوُدَ يَثٜىٰ مَسَ «ذُوثِيَارْ كُواْوَنٜىٰ مُتُمِنْ إِسْرَٰٓءِيلَ تَكُواْمَ وَجٜىٰنْ أَبْسَلُوامْ؞»
14سَيْ دَاوُدَ يَثٜىٰ وَمَاسُ يِمَسَ حِدِمَ وَطَنْدَ سُكٜىٰ تَرٜىٰدَشِ أَ عُرُوشَلِيمَ «كُتَاشِ مُغُدُ! عِدَنْ بَهَكَبَ بَابُوَنْدَ ذَيْ ڟِيرَا دَغَ حَنُّنْ أَبْسَلُوامْ! مُغُدُ دَ سَوْرِ! كَدَ أَبْسَلُوامْ يَسَامٜىٰمُ يَيِ مَنَ ٻَرْنَ يَكَكَّشٜىٰ مُتَنٜىٰنْ بِرْنِنْ دَ تَكُواْبِے!»
15مَاسُيِ مَسَ حِدِمَ سُكَ أَمْسَ سُكَثٜىٰ «رَنْكَيَدَطٜىٰ، دُكْ أَبِنْدَ سَرْكِے يَغَ يَيِݣَوْ ذَامُيِ؞» 16سَيْ سَرْكِے يَڢِتَ دَ عِيَلِنْسَ دُكَ دَ مَاسُ يِمَسَ حِدِمَ؞ عَمَّا يَبَرْ مَتَ غُواْمَ وَطَنْدَ سَرْكِے يَأَجِيٜىٰ دُواْمِنْ سُلُورَ دَ غِدَنْ؞
17دَ سَرْكِے دَ دُكَنْ مُتَنٜىٰنْسَ سُكَ كَامَ حَنْيَ ذَاسُبَرْ بِرْنِنْ، سَيْ سُكَ ڟَيَ أَغِدَا نَڧَرْشٜىٰ؞ 18دُكَنْ مُتَنٜىٰنْسَ كُوَ سُكَ وُثٜىٰ غَبَنْسَ؞ عَثِكِنْ وَطَنَّنْ مُتَنٜىٰ أَݣَويْ سُواْجُواْجِ مَاسُ غَادِنْ#15.18 مَاسُ غَادِنْ: دَ إِبْرَانِيَنْثِ أَنْرُبُوتَ «كٜىٰرٜىٰتِيَاوَا دَ ڢٜىٰلٜىٰتِيَاوَا» نٜىٰ أَنَنْ؞ سَرْكِے دَ كُمَ دُكَنْ سُواْجُواْجِ طَرِے شِدَ وَطَنْدَ سُكَبِيشِ دَغَ غَتْ؞ دُكَنْسُ سُكَ وُثٜىٰ أَغَبَنْ سَرْكِے؞
دَاوُدَ دَ إِتَّيْ
19سَيْ سَرْكِے يَثٜىٰ وَ إِتَّيْ مُتُمِنْ غَتْ «دُوانْمٜىٰ كَيْ كُمَ كَكٜىٰبِنْمُ؟ كَكُواْمَ كَذَوْنَ دَ سَابُوانْ سَرْكِے؞ غَمَا كَيْ بَڧُواْ نٜىٰ وَنْدَ عَكَ كُواْرَ دَغَ ڧَسَرْكَ؞ 20جِيَ جِيَ كَذُواْ؞ يَيَ ذَاكَ ڢَارَ يَٰوُاْ تَرٜىٰدَمُو يَوْ دَيَكٜىٰ نِے بَنْ سَنْ عِنْدَ ذَنْ تَڢِبَ؞ كَكُواْمَ، كَيْ دَ یَنْعُوَنْكَ؞ بَرِ أَلْحٜىٰرِ دَ أَمِنْثِ سُكَسَنْثٜىٰ تَرٜىٰدَكَيْ؞»
21عَمَّا إِتَّيْ يَأَمْسَ وَسَرْكِے يَثٜىٰ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْ سَرْكِے، دُكْ عِنْدَ ذَاكَ تَڢِے، كُواْ أَ مُتُ كُواْ عَيِ رَيْ، نِے بَاوَنْكَ ذَنْبِيكَ؞»
22سَيْ دَاوُدَ يَثٜىٰ مَسَ «تُواْ، وُثٜىٰ غَبَ؞» إِتَّيْ مُتُمِنْ غَتْ كُوَ يَوُثٜىٰ غَبَ تَرٜىٰدَ دُكَنْ مُتَنٜىٰنْسَ دَ يَارَا ڧأَنَانً دَسُكٜىٰ تَرٜىٰدَسُو؞ 23دُكَنْ مُتَنٜىٰنْ ڧَسَرْ سُكَيِ تَكُوكَا دَ بَبَّرْ مُرْيَ سَعَدَّ دَاوُدَ دَ مُتَنٜىٰنْسَ سُكٜىٰ وُثٜىٰوَ؞ سَرْكِے دَ مُتَنٜىٰنْسَ سُكَ ڧٜىٰتَرٜىٰ رَاڢِنْ كِدْرُوانْ، دُكَنْسُ سُكَ نُڢِ دَاجِنْ دَ بَا كُواْوَ؞
دَاوُدَ دَ ڢِرِسْتُواْثِے
24ظَدُواكْ ڢِرِسْتِ كُوَ يأَنَانً، كُمَ دُكَنْ لَوِيَاوَنْ دَسُكٜىٰ تَرٜىٰدَشِ سُنَ طَوْكٜىٰ دَ عَݣُوتِنْ يَرْجٜىٰجٜىٰنِيَ نَ اللَّهْ؞ سُكَ أَجِيٜىٰ عَݣُوتِنْ عَڧَسَا كُسَدَ أَبِيَتَرْ ڢِرِسْتِ، سَيْ دَ مُتَنٜىٰنْ سُكَ ڧَارٜىٰ ڢِتُواْوَ دَغَ بِرْنِنْ؞ 25عَمَّا سَرْكِے يَثٜىٰ وَ ظَدُواكْ «كَكُواْمَرْدَ عَݣُوتِنْ يَرْجٜىٰجٜىٰنِيَ نَ اللَّهْ ثِكِنْ بِرْنِنْ؞ عِدَنْ نَسَامِ ڢَضٍ جِنِ أَعِدُوانْ يَهْوٜىٰهْ، ذَيْكُواْمُواْ دَنِے إِنْ سَاكٜىٰ غَنِنْ عَݣُوتِنْ يَرْجٜىٰجٜىٰنِيَ دَ كُمَ وُرِنْ ذَمَنْسَ؞ 26عَمَّا عِدَنْ يَا ثٜىٰ، ‹بَنْجِ دَاطِنْكَبَ،› تُواْ، سَيْ يَيِ أَبِنْدَ يَغَمْشٜىٰشِ؞» 27سَرْكِے يَثِيغَبَدَ مَغَنَ دَ ظَدُواكْ ڢِرِسْتِ يَثٜىٰ «بَكَ غَانٜىٰبَ؟ كُواْمَ ثِكِنْ بِرْنِنْ دَ سَلَمَ تَرٜىٰدَ طَنْكَ أَهِمَعَظْ دَ أَبِيَتَرْ دَ طَنْسَ يُواْنَتَنْ؞ 28دُوبَ، نِے ذَنْجِرَا كُسَدَ عِنْدَ عَكٜىٰ ڧٜىٰتَرٜىٰ كُواْغِنْ يُواْدَنْ أَ شِغَ دَاجِ سَيْ نَسَامِ سَڧُواْ دَغَ غَرٜىٰكُ؞» 29سَبُواْدَ حَكَ ظَدُواكْ دَ أَبِيَتَرْ سُكَ كُواْمَرْدَ عَݣُوتِنْ يَرْجٜىٰجٜىٰنِيَ نَ اللَّهْ ثِكِنْ بِرْنِنْ عُرُوشَلِيمَ سُكَ كُمَ ذَوْنَ عَثَنْ؞
دَاوُدَ دَ هُشَيْ
30دَاوُدَ يَهَوْرَ تُدُنْ عِتَتُوَنْ ظَيْتُنْ يَنَ كُوكَا؞ يَيِ تَتَڢِيَ بَابُ تَاكَلْمَ، يَكُمَ رُڢٜىٰ كَنْسَ سَبُواْدَ بَڧِنْ ثِكِ؞ دُكَنْ مُتَنٜىٰنْ دَ سُكَبِيشِ كُمَ سُكَ رُڢٜىٰ كَنْسُ سُنَ كُوكَا سُو مَا؞ 31دَ عَكَ ڢَطَا وَ دَاوُدَ ثٜىٰوَ أَهِتُواْڢٜىٰلْ يَنَ ثِكِنْ یَنْ تَاوَيٜىٰنْ أَبْسَلُوامْ، سَيْ دَاوُدَ يَيِ أَدُّعَ يَثٜىٰ «إِنَ ضُواْڧُوانْكَ، يَا يَهْوٜىٰهْ، مَيْدَ شَوَرَرْ أَهِتُواْڢٜىٰلْ بَنْظَ؞»
32سَعَدَّ دَاوُدَ يَكَيْ سَمَنْ تُدُنْ عِتَتُوَنْ ظَيْتُنْ عِنْدَ مُتَنٜىٰ سُكَنْيِ وَ اللَّهْ سُجَّدَ، سَيْغَا هُشَيْ مُتُمِنْ أَرْكِ يَسَدُ دَشِ؞ هُشَيْ كُوَ يَيَيَّاغٜىٰ رِغَرْسَ يَسَا ڧَسَا عَكَيْ دُواْمِنْ نُونَ بَڧِنْ ثِكِ؞ 33دَاوُدَ يَثٜىٰ مَسَ «عِدَنْ كَبِينِ، ذَاكَ ذَمَ مِنِ كَايَ؞ 34عَمَّا عِدَنْ كَكُواْمَ بِرْنِنْ كَثٜىٰ وَ أَبْسَلُوامْ، ‹ذَنْيِ مَكَ حِدِمَ، يَا سَرْكِے؞ أَ دَا نَيِ وَبَابَنْكَ حِدِمَ، عَمَّا يَنْذُ ذَنْيِ مَكَ؞› عِدَنْ كَيِ حَكَ، ذَاكَ تَيْمَكٜىٰنِ تَوُرِنْ كَرْيٜىٰ شَوَرَرْ أَهِتُواْڢٜىٰلْ؞ 35بَ أَݣَويْ ڢِرِسْتُواْثِنَّنْ ظَدُواكْ دَ أَبِيَتَرْ عَثَنْبَ؟ كَڢَطَا مُسُ دُكْ أَبِنْدَ كَجِ أَغِدَنْ سَابُوانْ سَرْكِے؞ 36غَاشِ یَیَنْسُ بِيُ سُنَ تَرٜىٰدَسُو، وَتُواْ أَهِمَعَظْ طَنْ ظَدُواكْ دَ يُواْنَتَنْ طَنْ أَبِيَتَرْ؞ تَهَنُّنْ وَطَنَّنْ مُتَنٜىٰ كَنَ عِيَ عَيْكَ مِنِ دُكَنْ أَبِنْدَ كَجِ؞» 37تَهَكَ، هُشَيْ أَبُواْكِنْ دَاوُدَ كُوَ يَشِغَ عُرُوشَلِيمَ دَيْدَيْ لُواْكَثِنْ دَ أَبْسَلُوامْ يَكٜىٰ شِغُواْوَ؞
Currently Selected:
2 سَمَٰعِيلَ 15: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
