2 سَمَٰعِيلَ 13
13
أَمْنُوانْ يَݣُونَ دَ یَرْعُوَرْ أَبْسَلُوامْ
1أَبْسَلُوامْ طَنْ دَاوُدَ يَنَدَ یَرْعُوَ مَيْݣَوْ سُواْسَيْ مَيْ سُونَ تَمَرْ؞ أَنَانً سَيْ أَمْنُوانْ طَيَ دَغَ ثِكِنْ یَیَنْ دَاوُدَ يَڢَارَ سُوانْ تَمَرْ؞ 2أَبِنْ يَڟَنَنْتَاوَ أَمْنُوانْ، حَرْ يَجَٰوُاْ وَكَنْسَ ثِيوُاْ سَبُواْدَ یَرْعُوَرْسَ تَمَرْ؞ يَغَانٜىٰ ذَيْ ذَمَ دَ وُيَ يَسَدُ دَ تَمَرْ عِتَ كَطَيْ، غَمَا عِتَ بُدُرْوَثٜىٰ؞ 3عَمَّا أَمْنُوانْ يَنَدَ أَبُواْكِ مَيْ سُونَ يُواْنَدَبْ طَنْ شِمٜىٰيَ طَنْعُوَنْ دَاوُدَ؞ يُواْنَدَبْ يَنَدَ وَيُواْ سُواْسَيْ؞ 4يَتَمْبَيِ أَمْنُوانْ يَثٜىٰ «دُوانْمٜىٰنٜىٰ نٜىٰ كُواْوَثٜىٰ سَاڢِيَ ڢُسْكَرْكَ عَٻَثٜىٰ تَكٜىٰ؟ كَيْ بَا يَرُوانْ سَرْكِے بَنٜىٰ؟ ڢَطَا مِنِ، مٜىٰنٜىٰنٜىٰ يَكٜىٰ ڢَرُوَ؟»
أَمْنُوانْ يَأَمْسَ يَثٜىٰ «إِنَ سُوانْ تَمَرْ یَرْعُوَرْ طَنْعُوَنَ أَبْسَلُوامْ؞»
5يُواْنَدَبْ يَثٜىٰ مَسَ «كَݣُونْتَ أَغَدُوانْكَ، كَيِ كَمَرْ كَنَ ثِيوُاْ؞ عِدَنْ بَابَنْكَ يَذُواْ غَنِنْكَ، سَيْ كَثٜىٰ مَسَ كَنَ ضُواْڧُوانْسَ يَبَرْ یَرْعُوَرْكَ تَمَرْ تَذُواْ تَبَاكَ عَبِنْثِ؞ كَثٜىٰ، ‹إِنَ سُواْ تَذُواْ نَنْ تَدَڢَ مِنِ عَبِنْثِنْ أَعِدُواْنَ، تَكُمَسَا مِنِ دَ حَنُّنْتَ إِنْثِ؞› »
6سَيْ أَمْنُوانْ يَݣُونْتَ كَمَرْ يَنَ ثِيوُاْ؞ دَ سَرْكِے دَاوُدَ يَذُواْ غَنِنْسَ، سَيْ أَمْنُوانْ يَثٜىٰ مَسَ «إِنَ ضُواْڧُوانْكَ أَ عَيْكَ یَرْعُوَتَ تَمَرْ تَذُواْ نَنْ؞ إِنَ سُواْ تَيِمِنِ وَيْنَ أَعِدُواْنَ إِنْثِ دَغَ حَنُّنْتَ؞»
7دَاوُدَ يَعَيْكَ ذُوَا وُرِنْ تَمَرْ عَثِكِنْ غِدَا يَثٜىٰ «كِتَڢِے غِدَنْ طَنْعُوَنْكِ أَمْنُوانْ، كِشِرْيَ مَسَ عَبِنْثِ؞» 8سَيْ تَمَرْ تَتَڢِے غِدَنْ طَنْعُوَنْتَ، أَ عِنْدَ يَكٜىٰ ݣُونْثٜىٰ؞ تَا طٜىٰبِے غَارِ، تَݣُوٻَ، تَيِوَيْنَ أَعِدُوانْسَ؞ 9سَيْ تَطَوْكِ ݣُونُواْ تَجُويٜىٰ مَسَ، عَمَّا يَڧِثِ؞ أَمْنُوانْ كُوَ يَثٜىٰ وَمَاسُ حِدِمَرْسَ سُڢِتَ دُكَنْسُ؞ سَيْ دُكَ سُكَ ڢِتَ؞ 10سَعَنً أَمْنُوانْ يَثٜىٰ وَ تَمَرْ «كِكَٰوُاْ مِنِ عَبِنْثِنْ عَثِكِنْ طَاكِنْ ݣُونْثِيَتَ؞ كِسَا مِنِ دَ حَنُّنْكِ إِنْثِ؞»
سَيْ تَمَرْ تَطَوْكِ وَيْنَرْ دَ تَتُواْيَ تَكَٰوُاْوَ طَنْعُوَنْتَ أَمْنُوانْ ثِكِنْ طَاكِنْ ݣُونْثِيَرْسَ؞ 11عَمَّا دَ تَجٜىٰ كُسَدَشِ دُواْمِنْ يَثِ، سَيْ يَثَڢْكٜىٰتَ يَثٜىٰمَتَ «یَرْعُوَتَ، ذُواْ كِݣُونَ دَنِے؞»
12عَمَّا تَمَرْ تَثٜىٰمَسَ «حَبَ طَنْعُوَنَ! كَدَ كَتِلَسْتَنِ؞ غَمَا بَيْ كَمَاتَ عَيِ إِرِنْ وَنَّنْ أَبُ عَثِكِنْ إِسْرَٰٓءِيلَ بَ! كَدَ كَعَيْكَتَ وَنَّنْ مُوغُنْ أَبِنْ كُنْيَا؞ 13نِے كُمَ، إِنَا ذَنْسَا كَيْنَ سَبُواْدَ كُنْيَا؟ سَعَنً كَيْ كُمَ ڢَا؟ أَيْ، ذَاعَ مَيْدَكَيْ كَمَرْ طَيَ دَغَ ثِكِنْ یَنْ إِسْكَ نَ إِسْرَٰٓءِيلَ! يَنْذُ إِنَ ضُواْڧُوانْكَ كَيِ مَغَنَ دَ سَرْكِے، بَذَيْ هَنَكَ كَأَوْرٜىٰنِبَ؞» 14عَمَّا أَمْنُوانْ يَڧِ يَسَوْرَرٜىٰتَ؞ تُنْدَيَكٜىٰ يَڢِيتَ ڧَرْڢِے، سَيْ يَدَنّٜىٰتَ يَݣُونَ دَ عِتَ؞
15بَايَنْ حَكَ أَمْنُوانْ يَڧِتَ دَ مُومُّنَرْ ڧِيَيَّ، حَرْ مَا يَدَّ يَڧِتَ يَڢِ يَدَّ يَسُواْتَ دَڢَرْكُواْ؞ سَيْ يَثٜىٰ مَتَ «كِتَاشِ كِڢِتَ؞»
16تَمَرْ تَثٜىٰ «أَعَ طَنْعُوَنَ! أَيْ، وَنَّنْ لَيْڢِے نَكُواْرِنَ ذَيْ يِمُونِ ڢِيٜىٰدَ وَنْدَ كَارِغَا كَا عَيْكَتَ!»
عَمَّا أَمْنُوانْ يَڧِ يَسَوْرَرٜىٰتَ؞ 17يَكِرَا سَوْرَيِ مَيْ حِدِمَرْسَ يَثٜىٰ مَسَ «ڢِتَرْ دَ مَثٜىٰنَّنْ وَجٜىٰ، كَكُلّٜىٰ ڧُواْڢَرْ!» 18سَيْ مَيْيِ مَسَ حِدِمَرْ نَنْ يَڢِتَرْدَ عِتَ وَجٜىٰ، سَعَنً يَكُلّٜىٰ ڧُواْڢَرْ؞
تَمَرْ كُوَ تَنَ سَنْيٜىٰ دَ دُواْغُوَرْ رِغَا مَيْ دُواْغَيٜىٰنْ حَنُّ، غَمَا حَكَ بُدُرْوَيْ نَغِدَنْ سَرْكِے سُكٜىٰ أَدُواْ؞ 19سَيْ تَمَرْ تَظُبَ تُواْكَ عَكَنْتَ سَبُواْدَ كُنْيَا، تَكَامَ رِغَرْتَ تَيَاغٜىٰ؞ تَا سَا حَنُّوَنْتَ عَكَيْ تَنَ تَڢِيَ تَنَ كُوكَا تَنَ إِيهُ سُواْسَيْ؞ 20دَ أَبْسَلُوامْ طَنْعُوَنْتَ يَغَنْتَ سَيْ يَتَمْبَيٜىٰتَ يَثٜىٰ «أَمْنُوانْ نٜىٰ يَݣُونَ دَكٜىٰ؟ يَنْذُ سَيْ كِيِ شِضُ، یَرْعُوَتَ؞ أَيْ، شِے طَنْعُوَنْكِ نٜىٰ؞ كَدَ كِيَرْدَ وَنَّنْ يَٻَاتَ مِكِ ذُوثِيَا سُواْسَيْ؞» تَمَرْ كُوَ تَذَوْنَ أَغِدَنْ طَنْعُوَنْتَ أَبْسَلُوامْ، تَنَ ڢِدَّ ذُوثِيَا غَمٜىٰدَ رَايُوَا؞
21دَ سَرْكِے دَاوُدَ يَجِ أَبِنْدَ يَڢَرُ، سَيْ يَيِ ڢُشِے سُواْسَيْ؞ 22أَبْسَلُوامْ كُمَ بَيْثٜىٰ وَ أَمْنُوانْ كُواْمٜىٰبَ، غَمَا يَاڧِ أَمْنُوانْ سَبُواْدَ يَٻَاتَ یَرْعُوَرْسَ تَمَرْ؞
أَبْسَلُوامْ يَكَشٜىٰ أَمْنُوانْ
23بَايَنْ شٜىٰكَرَا بِيُ، سَيْ أَبْسَلُوامْ يَسَا عَ أَسْكٜىٰ غَاشِنْ تُمَكِنْسَ أَ بَعَلْ حَزُوارْ دَيَكٜىٰ كُسَدَ يَنْكِنْ ذُرِيَرْ إِڢْرَيِمْ؞ يَكُمَ غَيَّثِ دُكَنْ یَیَ مَظَا نَسَرْكِے؞ 24أَبْسَلُوامْ يَجٜىٰ وُرِنْ سَرْكِے يَثٜىٰ مَسَ «رَنْكَيَدَطٜىٰ! مَاسُ أَسْكِنْ غَاشِنْ تُمَكِ سُنْ ذُواْ مِنِ عَيْكِ؞ كُواْ ذَاكَذُواْ دَ دَتَّاوَنْكَ مُيِ بِكٍ تَرٜىٰ؟»
25سَيْ سَرْكِے يَأَمْسَ مَسَ يَثٜىٰ «أَعَ طَانَ، بَذَامُ تَڢِے دُكَ بَ دُواْمِنْ ذَامُيِ مَكَ يَوَ؞» أَبْسَلُوامْ يَنَاثٜىٰ مَسَ، عَمَّا دَاوُدَ يَڧِ؞ سَيْ دَيْ يَسَا مَسَ أَلْبَرْكَ؞
26أَبْسَلُوامْ يَثٜىٰ «تُواْ، عِدَنْ بَذَاكَ ذُوابَ، سَيْ كَسَا طَنْعُوَنَ أَمْنُوانْ يَذُواْ تَرٜىٰدَمُو؞»
دَاوُدَ يَتَمْبَيٜىٰشِ يَثٜىٰ «دُوانْمٜىٰ أَمْنُوانْ ذَيْ تَڢِے تَرٜىٰدَكَيْ؟» 27عَمَّا أَبْسَلُوامْ يَنَاثٜىٰ مَسَ حَرْ دَاوُدَ يَيَرْدَ أَمْنُوانْ دَ سَوْرَنْ یَیَ مَذَنْ سَرْكِے سُتَڢِے تَرٜىٰ دَشِ؞
28سَيْ أَبْسَلُوامْ يَعُمَرْثِ مَاسُ يِمَسَ حِدِمَ يَثٜىٰ «كُلُورَ، أَ لُواْكَثِنْ دَ أَمْنُوانْ يَكٜىٰ جِنْ دَاطِنْ ضُوً إِنَبِے، سَعَدَّ نَثٜىٰ مُكُ كُبُغِ أَمْنُوانْ، سَيْ كُكَشٜىٰشِ؞ كَدَ كُجِڟُواْرُواْ غَمَا نِنٜىٰ نَا عُمَرْثٜىٰكُ؞ كُيِ ڧَرْڢِنْ ذُوثِيَا بَابُوَسَ؞» 29سَيْ مَاسُيِ وَ أَبْسَلُوامْ حِدِمَ سُكَ كَشٜىٰ أَمْنُوانْ كَمَرْ يَدَّ أَبْسَلُوامْ يَعُمَرْثٜىٰسُ؞ سَوْرَنْ یَیَ مَذَنْ سَرْكِے كُوَ سُكَتَاشِ دَ غُدُ، كُواْوَ عَكَنْ جَاكِنْ دُواْكِنْسَ؞
30سَعَدَّ سُكٜىٰ كَنْ حَنْيَرْ كُواْمَاوَا، سَيْ لَابَرِ يَكَيْ كُنّٜىٰنْ دَاوُدَ ثٜىٰوَ أَبْسَلُوامْ يَكَشٜىٰ دُكَنْ یَیَ مَذَنْ سَرْكِے، كُواْ طَيَ بَيْ ڟِيرَبَ؞ 31سَرْكِے دَاوُدَ يَتَاشِ يَيَاغٜىٰ رِغَرْسَ يَݣُونْتَ عَڧَسَا سَبُواْدَ بَڧِنْ ثِكِ؞ حَكَ مَاسُ يِمَسَ حِدِمَ وَطَنْدَ سُكٜىٰ تَرٜىٰ دَشِ سُو مَا سُكَ يَيَّاغٜىٰ رِيغُنَنْسُ؞
32عَمَّا يُواْنَدَبْ طَنْ شِمٜىٰيَ طَنْعُوَنْ دَاوُدَ يَثٜىٰ وَ دَاوُدَ «رَنْكَيَدَطٜىٰ! كَدَ كَطَوْكَ أَنْكَشٜىٰ دُكَنْ یَیَ مَذَنْكَ؞ أَمْنُوانْ نٜىٰ كَطَيْ عَكَ كَشٜىٰ؞ أَبْسَلُوامْ يَشِرْيَ حَكَ تُنْ رَانَرْ دَ أَمْنُوانْ يَتِلَسْتَ یَرْعُوَرْسَ تَمَرْ تَݣُونَ دَشِ؞ 33سَبُواْدَ حَكَ، رَنْكَيَدَطٜىٰ، كَدَ كَيِ تُنَانِ ثٜىٰوَ دُكَنْ یَیَنْكَ نٜىٰ عَكَ كَشٜىٰ؞ أَمْنُوانْ نٜىٰ كَطَيْ يَمُتُ؞»
34أَنَ ثِكِنْ حَكَ سَيْ أَبْسَلُوامْ يَغُدُ؞
سَيْ سَوْرَيِنْ دَيَكٜىٰ غَادِنْ يَدُوبَ يَهَنْغِ مُتَنٜىٰ دَيَوَ سُنَ ذُوَا عَكَنْ حَنْيَ عَبَايَنْسَ تَوَجٜىٰنْ غٜىٰڢٜىٰنْ تُدُنْ؞ 35يُواْنَدَبْ يَثٜىٰ وَسَرْكِے «رَنْكَيَدَطٜىٰ! غَا یَیَنْكَ سُنْ ذُواْ كَمَرْ يَدَّ نَڢَطَا؞» 36يَنَ ڧَارٜىٰ مَغَنَ كٜىٰنَنْ، سَيْغَا یَیَنْ سَرْكِے سُكَ إِسُواْ، سُكَ ڢَشٜىٰ دَ كُوكَا؞ سَيْ دَاوُدَ دَ مَاسُ حِدِمَرْسَ سُو مَا سُكَيِ كُوكَا مَيْ ذَاڢِ؞
37أَبْسَلُوامْ يَغُدُ ذُوَا وُرِنْ تَلْمَيْ طَنْ أَمِّهُدْ، سَرْكِنْ غٜىٰشُرْ؞ سَرْكِے دَاوُدَ كُوَ يَيِ كُوكَنْ طَنْسَ أَمْنُوانْ ݣُونَ دَ ݣُونَكِے؞#2 سَمْ 3.3 38بَايَنْدَ أَبْسَلُوامْ يَغُدُ ذُوَا غٜىٰشُرْ يَذَوْنَ عَثَنْ حَرْ شٜىٰكَرَا عُكُ؞ 39دَ سَرْكِے دَاوُدَ يَدَيْنَ دَامُوَ غَمٜىٰدَ مُتُوَرْ أَمْنُوانْ، سَيْ يَكُواْمَ يَنَ مَرْمَرِنْ غَنِنْ أَبْسَلُوامْ؞
Currently Selected:
2 سَمَٰعِيلَ 13: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
