1 سَمَٰعِيلَ 9
9
أَنْ ذَاٻِ طَالُوتَ يَذَمَ سَرْكِے
1أَݣَويْ وَنِ مُتُمْ مَيْ أَرْزِڧِ دَغَ ذُرِيَرْ بِلِيَامِنُ، مَيْ سُونَ كِشْ طَنْ أَبِيٜىٰلْ دَغَ غِدَنْ ظٜىٰرُوارْ طَنْ بٜىٰكُواْرَ طَنْ أَڢِيَ مُتُمِنْ ذُرِيَرْ بِلِيَامِنُ؞ 2كِشْ يَنَدَ وَنِ طَا مَيْ سُونَ طَالُوتَ،#9.2 طَالُوتَ: سُونَنَّنْ طَيَ نٜىٰ دَ سَولْ؞ سَوْرَيِ نٜىٰ مَيْ ݣَنْ غَنِ كُمَ بَابُوَنِ عَثِكِنْ مُتَنٜىٰنْ إِسْرَٰٓءِيلَ دَ يَڢِيشِ حَكَ؞ يَنَ دَ ڟَيِ كُمَ حَرْ يَڢِ كُواْوَ؞
3أَنَانً وَتَرَانَ جَاكُنَنْ كِشْ بَابَنْ طَالُوتَ سُكَ ٻَثٜىٰ؞ سَيْيَثٜىٰ وَ طَنْسَ طَالُوتَ «كَطَوْكِ طَيَ دَغَ ثِكِنْ مَعَيْكَتَ، كُجٜىٰ كُنٜىٰمِ جَاكُنَنْ دَ سُكَ ٻَتَ؞» 4طَالُوتَ يَتَاشِ يَكَامَ حَنْيَ، سُكَبِے دُكَنْ تُدَّنْ يَنْكِنْ إِڢْرَيِمْ دَ يَنْكِنْ سْحَلِشَ، عَمَّا بَسُسَامِ جَاكُنَنَبَ؞ سُكَ رَڟٜىٰ تَيَنْكِنْ شَعَلِمْ، عَمَّا بَاسَ أَوُرِنْ؞ سُكَ شِشِغَ كُواْعِنَ عَيَنْكِنْ بِلِيَامِنُ، عَمَّا دُكْ بَسُ سَامٜىٰسُبَ؞ 5دَسُكَ كَيْ يَنْكِنْ ظُڢْ سَيْ طَالُوتَ يَثٜىٰ وَمَعَيْكَتَنْ دَسُكٜىٰ تَرٜىٰ «مُكُواْمَ غِدَا ڢَا! إِنْ بَهَكَبَ بَابَنَ ذَيْ بَرْ دَامُوَ عَكَنْ جَاكُنَنَّنْ يَڢَارَ دَامُوَ عَكَنْمُ؞»
6عَمَّا سَيْ مَعَيْكَثِنْ يَأَمْسَ مَسَ يَثٜىٰ «أَيْ، أَݣَويْ وَنِ مُتُمِنْ اللَّهْ أَغَرِنَّنْ وَنْدَ عَكٜىٰ بَاشِ غِرْمَ سُواْسَيْ، غَمَا دُكْ أَبِنْدَ يَڢَطَا يَكَنْ ثِكَ؞ مُتَڢِے وُرِنْسَ، وَتَڧِيلَ ذَيْ عِيَ ڢَطَا مَنَ عِنْدَ ذَامُبِے؞»
7طَالُوتَ يَتَمْبَيِ مَعَيْكَثِنْسَ يَثٜىٰ «تُواْ، عِدَنْ مُكَ تَڢِے وُرِنْ مُتُمِنْ اللَّهْ، مٜىٰ ذَامُ بَاشِ؟ عَبِنْثِنْ دَيَكٜىٰ أَ جَكَرْمُ يَڧَارٜىٰ، كُمَ بَامُ دَ وَنِ أَبِنْدَ ذَامُ بَاشِ؞ كُواْ أَݣَويْ وَنِ أَبُ؟»
8سَيْ مَعَيْكَثِنْ يَسَاكٜىٰ أَمْسَوَ يَثٜىٰ «غَاشِ، إِنَدَ یَرْ ڟَابَرْ أَظُرْڢَا، ذَنْبَا مُتُمِنْ اللَّهْ دُواْمِنْ يَڢَطَا مَنَ عِنْدَ ذَامُبِے؞»
9أَ دَا ثَنْ عَڧَسَرْ إِسْرَٰٓءِيلَ عِدَنْ مُتُمْ ذَيْ نٜىٰمِ نُڢِنْ اللَّهْ، يَكَنْثٜىٰ «ذُواْ مُجٜىٰ وُرِنْ مَيْ غَنِ؞» غَمَا وَنْدَ عَكٜىٰثٜىٰدَشِ أَنَّبِے يَنْذُ أَدَا أَنَثٜىٰدَشِ مَيْ غَنِ؞ 10سَيْ طَالُوتَ يَثٜىٰ وَمَعَيْكَثِنْسَ «حَكَ يَيِݣَوْ، ذُواْ مُتَڢِے»؞ سَيْ سُكَ كَامَ حَنْيَ ذُوَا غَرِنْ دَ مُتُمِنْ اللَّهْ يَكٜىٰ؞ 11سَعَدَّ سُكٜىٰ هَوْرَاوَا ذُوَا غَرِنْ، سَيْ سُكَ غَمُ دَ وَطَنْسُ یَنْ مَاتَا سُنَ ڢِتُواْوَ ذَاسُ طِبَ ضُوَ، سُكَ تَمْبَيٜىٰسُ سُكَثٜىٰ «مَيْ غَنِ يأَنَانً؟»
12سُكَ أَمْسَ سُكَثٜىٰ «عِ، يأَنَانً، غَاشِ يَشَا غَبَنْكُ؞ كُيِ سَوْرِ! أَيْ، يَنْذُ يَنْذُ نٜىٰ يَشِغَ غَرِنْ، سَبُواْدَ يَوْ مُتَنٜىٰنْ سُنَدَ هَدَايَ أَوُرِنْ سُجَّدَ عَكَنْ تُدُ؞ 13دَ شِغَرْكُ أَغَرِنْ، ذَاكُ سَامٜىٰشِ كَاڢِنْ يَهَوْرُواْ وُرِنْ سُجَّدَ عَكَنْ تُدُ دُواْمِنْ ثِنْ عَبِنْثِ؞ غَمَا مُتَنٜىٰنْ بَذَاسُثِبَ سَيْ يَ إِسُواْ يَسَا أَلْبَرْكَ عَكَنْ هَدَايَرْ؞ بَايَنْ وَنَّنْ سَيْ مُتَنٜىٰنْ دَ عَكَ غَيَّتَ سُثِ؞ كُيِ سَوْرِ! ذَاكُ سَامٜىٰشِ؞» 14سَيْ سُكَ هَوْرَ ذُوَا غَرِنْ؞ دَيْدَيْ سَعَدَّ سُكٜىٰ شِغَ غَرِنْ، سَيْغَا سَمَٰعِيلَ يَڢِتُواْ يَنَ ذُوَا تَوُرِنْسُ، يَنَ كَنْ حَنْيَرْسَ ذُوَا وُرِنْ سُجَّدَ عَكَنْ تُدُ؞
15ݣُونَ غُدَا كَاڢِنْ ذُوَانْ طَالُوتَ، سَيْ يَهْوٜىٰهْ يَيِ مَغَنَ دَ سَمَٰعِيلَ يَثٜىٰ، 16«وَرْ حَكَ غُواْبٜىٰ، ذَنْعَيْكَ دَ وَنِ مُتُمْ دَغَ يَنْكِنْ بِلِيَامِنُ ذُوَا وُرِنْكَ، كَظُبَ مَسَ مَيْ نَكٜىٰٻٜىٰوَ يَذَمَ مَيْ مُلْكٍ مُتَنٜىٰنَ إِسْرَٰٓءِيلَ؞ شِينٜىٰ ذَيْثٜىٰثِ مُتَنٜىٰنَ دَغَ حَنُّنْ ڢِلِسْتِيَاوَا، غَمَا نَارِغَا نَاغَ وَهَلَرْ مُتَنٜىٰنَ، نَا كُمَجِ كُوكَنْسُ؞»
17دَ سَمَٰعِيلَ يَهَنْغِ طَالُوتَ سَيْ يَهْوٜىٰهْ يَثٜىٰ مَسَ «وَنَّنْ شِينٜىٰ مُتُمِنْدَ نَثٜىٰ ذَيْ يِمُلْكٍ مُتَنٜىٰنَ؞» 18سَيْ طَالُوتَ يَجٜىٰ وَجٜىٰنْ سَمَٰعِيلَ أَوُرِنْ تَارُوَ عَڧُواْڢَرْ غَرِنْ يَتَمْبَيٜىٰشِ يَثٜىٰ «سَلَمَ دَيْ! إِنَ ضُواْڧُوانْكَ كَڢَطَا مِنِ عِنْدَ غِدَنْ مَيْ غَنِ يَكٜىٰ؞»
19سَمَٰعِيلَ يَأَمْسَ مَسَ يَثٜىٰ «نِنٜىٰ مَيْ غَنِنْ؞ كَشَا غَبَنَ ذُوَا وُرِنْ سُجَّدَ عَكَنْ تُدُ، غَمَا يَوْ ذَاكُثِ عَبِنْثِ تَرٜىٰدَنِ؞ ذَاكُ كُمَ ݣُونَ؞ غُواْبٜىٰ دَ سَڢٜىٰ ذَنْ ڢَطَا مَكَ أَمْسُواْشِنْ تَمْبَيُواْيِنْكَ سَعَنً إِنْ سَلَّمٜىٰكَ؞ 20غَمٜىٰ دَ جَاكُنَنْكُ كُمَ دَ سُكَ ٻَثٜىٰ ݣُونَكِے عُكُ دَ سُكَ وُثٜىٰ، كَدَ كُدَامُ غَمَا أَنْسَامٜىٰسُ كُواْ؞ بَنْدَ وَنَّنْ مَا، أَيْ، كُواْمٜىٰ نَ إِسْرَٰٓءِيلَ نَاكَ نٜىٰ دَ دَنْغِنْكَ؞»
21طَالُوتَ يَأَمْسَ يَثٜىٰ «أَيْ، نِے مُتُمِنْ بِلِيَامِنُ نٜىٰ كَوَيْ، وَدَّ تَكٜىٰ ذُرِيَ مَڢِے ڧَنْڧَنْتَ عَ إِسْرَٰٓءِيلَ دُكَ دَنْغِنَ نٜىٰ كُمَ مَڢِے ڧَنْڧَنْتَ ثِكِنْ دُكَنْ عِيَلَنْ بِلِيَامِنُ؞ رَنْكَيَدَطٜىٰ! مٜىٰيَسَا كَيِ مِنِ مَغَنَ حَكَ؟»
22سَيْ سَمَٰعِيلَ يَشِغَرْدَ طَالُوتَ دَ مَعَيْكَثِنْسَ أَوُرِنْ ثِنْ عَبِنْثِ، يَسَاسُ سُذَوْنَ أَغَبَنْ دُكَنْ بَڧِنْ دَ عَكَ غَيَّتَ، يَوَنْسُ كُوَ يَكَيْ وَجٜىٰنْ تَلَاتِنْ؞ 23سَعَنً سَمَٰعِيلَ يَثٜىٰ وَمَيْ دَڢَ عَبِنْثِ «كَكَٰوُاْ نَامَنْدَ نَبَاكَ، وَنَّنْ سَاشٜىٰنْدَ نَثٜىٰ كَأَجِيٜىٰ دَبَمْ؞» 24سَيْ مَيْ دَڢَ عَبِنْثِ يَكَٰوُاْ سَاشٜىٰ مَڢِے ݣَوْ نَڧَڢَ يَأَجِيٜىٰوَ طَالُوتَ؞ سَيْ سَمَٰعِيلَ يَثٜىٰ مَسَ «وَنَّنْ نٜىٰ نَامَنْ دَ عَكَ أَجِيٜىٰ دُواْمِنْكَ؞ كَثِ، دُواْمِنْ نَكٜىٰٻٜىٰ مَكَ شِ دُواْمِنْ كَثِ أَوَنَّنْ لُواْكَثِ تَرٜىٰدَ بَڧِنْدَ نَغَيَّتَ؞»
أَ رَانَرْ نَنْ كُوَ طَالُوتَ يَثِ تَرٜىٰدَ سَمَٰعِيلَ؞ 25بَايَنْدَ سُكَ غَنْغَرَ دَغَ وُرِنْ سُجَّدَ عَكَنْ تُدُ ذُوَا ثِكِنْ غَرِ، سَيْ سَمَٰعِيلَ يَتَتَّوْنَ#9.25 تَتَّوْنَ: وَنِ جُويِ يَنَدَ «أَنْشِرْيَ وَ طَالُوتَ غَدُواْ» نٜىٰ أَنَنْ؞ دَ طَالُوتَ عَكَنْ رُڢِنْ غِدَنْسَ؞#9.25 رُڢِنْ غِدَنْسَ: بِسَغَ أَلْعَادَرْسَ أَنَ غِنِنْ غِدَا دَ رُڢِ مَيْ لٜىٰبُرْ كَمَرْ تٜىٰبُرْ؞ أَنَ يِنْ أَمْڢَانِ دَشِ دُواْمِنْ ݣُونْثِيَ، شَنْيَ، هِيرَ، كُواْ أَدُّعَ؞ بَايَنْ حَكَ، سَيْ سَمَٰعِيلَ يَكُواْمَ يَݣُونْتَ؞
سَمَٰعِيلَ يَا نَطَ طَالُوتَ سَرْكِے
26وَشٜىٰغَرِ دَ سَسَّڢٜىٰ، سَيْ سَمَٰعِيلَ يَكِرَا طَالُوتَ عِنْدَ يَكٜىٰ ݣُونْثِيَ عَكَنْ رُڢِنْ غِدَنْ؞ يَثٜىٰ مَسَ «تَاشِ، ذَنْ سَلَّمٜىٰكَ؞» طَالُوتَ يَتَاشِ، سَيْ سُو بِيُنْ سُكَ ڢِتَ وَجٜىٰ؞ 27سَعَدَّ سُكٜىٰ غَنْغَرُواْوَ ذُوَا ڧَرْشٜىٰنْ غَرِنْ، سَيْ سَمَٰعِيلَ يَثٜىٰ وَ طَالُوتَ «كَثٜىٰ وَمَعَيْكَثِ يَيِ غَبَ كَطَنْ يَبَرْمُ؞» دَمَعَيْكَثِنْ يَوُثٜىٰ غَبَ، سَيْ سَمَٰعِيلَ يَثٜىٰ مَسَ «كَاطَنْ دَكَتَ أَنَنْ إِنْبَيَّنَ مَكَ سَڧُوانْ اللَّهْ؞»
Currently Selected:
1 سَمَٰعِيلَ 9: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
