1 سَمَٰعِيلَ 20
20
يُواْنَتَنْ يَا تَيْمَكِ دَاوُدَ
1أَنَانً سَيْ دَاوُدَ يَغُدُ دَغَ وُرِنْ ذَمَنْ أَنَّبَاوَا أَ رَمَ ذُوَا وُرِنْ يُواْنَتَنْ؞ يَتَمْبَيٜىٰشِ يَثٜىٰ «مٜىٰنٜىٰنٜىٰ نَيِ؟ وَنٜىٰ لَيْڢِے نَيِ؟ وَنٜىٰ ذُنُوبِ نَعَيْكَتَ وَ بَابَنْكَ دَيَكٜىٰ نٜىٰمَ يَطَوْكِ رَيْنَ؟»
2يُواْنَتَنْ يَأَمْسَ مَسَ يَثٜىٰ «كُواْ كَطَنْ! بَذَاكَ مُتُبَ! أَيْ، بَابُ أَبِنْدَ بَابَنَ يَكٜىٰيِ دَ بَاتَرٜىٰدَ يَڢَارَ غَيَ مِنِ بَ، كُواْ بَبَّ كُواْ ڧَرَمِ؞ دُوانْمٜىٰ ذَيْ ٻُواْيٜىٰ مِنِ وَنَّنْ يَنْذُ؟ كَيْ! وَنَّنْ مَغَنَ بَ غَسْكِيَ بَثٜىٰ!»
3دَاوُدَ يَرَنْڟٜىٰ مَسَ يَثٜىٰ «بَابَنْكَ يَسَنِ ثٜىٰوَ كَيَرْدَ دَنِے سُواْسَيْ، شِے يَسَا بَيْ ڢَطَا مَكَبَ؞ دُواْمِنْ يَنَ غَنِ إِنْ يَڢَطَا مَكَ ذَاكَ دَامُ سُواْسَيْ؞ عَمَّا نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْكَ ثٜىٰوَ إِنَ غَبْ دَ مُتُوَ؞» 4يُواْنَتَنْ يَثٜىٰ وَ دَاوُدَ «كَڢَطَا مِنِ دُكْ أَبِنْدَ كَكٜىٰسُواْ إِنْيِ مَكَ، ذَنْكُوَيِ؞»
5دَاوُدَ يَثٜىٰ «غَاشِ، غُواْبٜىٰ نٜىٰ بِكٍ سَابُوانْ وَتَ؞#20.5 بِكٍ سَابُوانْ وَتَ: رَانَ ثٜىٰ دَ عَكَ كٜىٰٻٜىٰ غَ يَهْوٜىٰهْ تَوُرِنْ بِكِ دَ هَدَايَ دَ هُوتُ دَغَ دُكَنْ أَيُّكَ؞ يَا كَمَاتَ إِنْثِ عَبِنْثِ تَرٜىٰدَ سَرْكِے عَتٜىٰبُرِنْسَ، عَمَّا إِنَ سُواْ كَبَرْنِ إِنْ غُدُ إِنْ ٻُيَ أَدَاجِ حَرْ جِيبِے دَ يَمَّ؞#لِـ ڧِدْ 28.11 6عِدَنْ بَابَنْكَ يَتَمْبَيٜىٰكَ غَمٜىٰدَنِ، كَڢَطَا مَسَ ثٜىٰوَ نَا ضُواْڧٜىٰكَ سُواْسَيْ كَبَرْنِ إِنْيِ سَوْرِ إِنْتَڢِے غِدَانَ أَ بَيْتَلَحْمِ، دُواْمِنْ إِنْكَسَنْثٜىٰ أَ هَدَايَ تَشٜىٰكَرَا شٜىٰكَرَا دَ عَكَنْيِ نَدُكَنْ عِيَلِ؞ 7عِدَنْ بَابَنْكَ يَثٜىٰ، ‹بَاكُواْمٜىٰ›، تُواْ يَنُونَ لَاڢِيَ كٜىٰنَنْ؞ عَمَّا عِدَنْ يَا جِڢُشِے، تُواْ سَيْكَسَنِ يَنَ شِرِنْيِ مِنِ مُغُنْتَا؞ 8كَيْ كُمَ، نُونَاوَ بَاوَنْكَ ڧَوْنَ مَرَرْ ثَنْجَاوَا سَبُواْدَ كَسَا نَيِكُسَ دَكَيْ تَوُرِنْ يَرْجٜىٰجٜىٰنِيَ، يَهْوٜىٰهْ كُوَ شَيْدَرْكَ؞ عِدَنْ نَيِ لَيْڢِے سَيْ كَكَشٜىٰنِ دَ كَنْكَ؞ دُوانْمٜىٰ ذَاكَ طَوْكٜىٰنِ كَبَا بَابَنْكَ يَكَشٜىٰنِ؟»
9يُواْنَتَنْ يَأَمْسَ مَسَ يَثٜىٰ «كُواْ كَطَنْ! كَدَ كَيِ مَغَنَ حَكَ! عِدَنْ حَرْ نَسَنِ ثٜىٰوَ بَابَنَ يَنَ شِرِ يَكَشٜىٰكَ، بَاشَكَّ ذَنْ ڢَطَا مَكَ؞»
10دَاوُدَ يَثٜىٰ وَ يُواْنَتَنْ «تُواْ وَنٜىٰنٜىٰ ذَيْ ڢَطَا مِنِ عِدَنْ بَابَنْكَ يَبَادَ أَمْسَ مَرَرْ ݣَوْ؟»
11سَيْ يُواْنَتَنْ يَثٜىٰ وَ دَاوُدَ «مُڢِتَ ذُوَا دَاجِ بَايَنْ غَرِ؞» سَيْ سُكَ تَڢِے وُرِنْ؞
12يُواْنَتَنْ يَثٜىٰ «نَا ضَنْڟٜىٰ مَكَ دَ يَهْوٜىٰهْ اللَّهْ نَ إِسْرَٰٓءِيلَ؞ جِيبِے دَيْدَيْ وَنَّنْ لُواْكَثِ ذَنْيِ ڧُواْڧَرِ إِنْسَنْ كُواْ مٜىٰنٜىٰنٜىٰ تُنَانِنْ بَابَنَ غَمٜىٰدَ كَيْ؞ عِدَنْ بَاشِ دَمُوغُنْ نُڢِ غَمٜىٰدَ كَيْ ذَنْعَيْكَ مَكَ كَجِ؞ 13عَمَّا عِدَنْ يَنَ شِرِنْ مُغُنْتَا عَكَنْكَ، ذَنْعَيْكَ مَكَ كَغُدُ؞ بَرِ يَهْوٜىٰهْ يَيِ مِنِ حُكُنْثِ مَيْ ڟَنَنِ عِدَنْ بَنْيِ حَكَبَ؞ بَرِ يَهْوٜىٰهْ يَكَسَنْثٜىٰ دَكَيْ كَمَرْ يَدَّ دَا يَكَسَنْثٜىٰ دَ بَابَنَ؞ 14سَعَدَّ نَكٜىٰ دَ رَيْ، بَرِ كَڧَوْنَثٜىٰنِ دَ ڧَوْنَ مَرَرْ ثَنْجَاوَا تَ يَهْوٜىٰهْ؞ 15عَمَّا سَعَدَّ نَمُتُ، كَثِيغَبَدَ نُونَاوَ عِيَلِنَ ڧَوْنَرْكَ مَرَرْ ثَنْجَاوَا حَرْ أَبَدَا؞ بَرِ يَهْوٜىٰهْ يَهَلَّكَ أَبُواْكَنْ غَابَنْكَ دَغَ ڢُسْكَرْ دُونِيَا؞»#2 سَمْ 9.1 16سَيْ يُواْنَتَنْ يَيِ يَرْجٜىٰجٜىٰنِيَ دَ غِدَنْ دَاوُدَ ثٜىٰوَ بَرِ يَهْوٜىٰهْ يَحُكُنْتَ أَبُواْكَنْ غَابَنْ دَاوُدَ؞
17يُواْنَتَنْ كُوَ سَبُواْدَ ڧَوْنَرْ دَ يَكٜىٰيِ وَ دَاوُدَ، يَسَا دَاوُدَ يَسَاكٜىٰيِنْ ضَنْڟُوَا، سَبُواْدَ يُواْنَتَنْ يَنَ ڧَوْنَرْ دَاوُدَ كَمَرْ رَنْسَ؞ 18سَيْ يُواْنَتَنْ يَثٜىٰمَسَ «غُواْبٜىٰ نٜىٰ ڢَا بِكٍ سَابُوانْ وَتَ، ذَاعَ نٜىٰمٜىٰكَ عِدَنْ بَاكَ نَنْ لُواْكَثِنْ ثِنْ عَبِنْثِ؞ 19جِيبِے كَتَڢِے كَٻُواْيٜىٰ كَنْكَ دَ يَمَّ عِنْدَ كَتَٻَ ٻُيَ عَبَايَنْ دُوڟٜىٰنْ كَنْ إِيَاكَ؞ 20ذَنْهَرْبَ كِبِيُواْيِ عُكُ تَوَجٜىٰنْ دُوڟٜىٰنْ، ذَنْيِ كَمَرْ وَنِ أَبُ نٜىٰ نَكٜىٰ هَرْبِے؞ 21سَعَنً ذَنْعَيْكِ يَرُواْ يَنٜىٰمُواْ مِنِسُ؞ عِدَنْ كَاجِ نَثٜىٰمَسَ، ‹دُوبَ، غَ كِبِيُواْيِنْ سُنَ كُسَدَكَيْ، كَكَٰوُاْسُ،› سَيْ كَڢِتُواْ، دُواْمِنْ نَا ضَنْڟٜىٰ دَ سُونَنْ يَهْوٜىٰهْ، وَنَّنْ يَنُونَ لَاڢِيَ كٜىٰنَنْ؞ 22عَمَّا عِدَنْ نَثٜىٰ وَيَرُوانْ، ‹دُوبَ! غَا كِبِيُواْيِنْ سُنَ ثَنْ غَبَنْكَ،› تُواْ، دُواْلٜىٰنٜىٰ كَيِغَبَ غَمَا يَهْوٜىٰهْ يَا سَلَّمٜىٰكَ كٜىٰنَنْ؞ 23غَمٜىٰ دَ ذَنْثٜىٰنْ دَ مُكَيِ دَجُونَ، كَتُنَ ڢَا، يَهْوٜىٰهْ نٜىٰ شَيْدَ ڟَكَانِينَ دَكَيْ حَرْ أَبَدَا؞»
24دَاوُدَ كُوَ يَٻُيَ أَدَاجِنْ؞ دَ بِكٍ سَابُوانْ وَتَ يَڢَارَ، سَيْ سَرْكِے يَذَوْنَ دُواْمِنْ يَثِ عَبِنْثِ؞ 25يَذَوْنَ عِنْدَ يَسَابَا ذَمَ كُسَدَ بَنْغُواْ، يَنَ ڢُسْكَنْتَرْ يُواْنَتَنْ؞ أَبْنٜىٰرْ كُمَ يَذَوْنَ كُسَدَ طَالُوتَ، عَمَّا أَوُرِنْ ذَمَنْ دَاوُدَ بَا كُواْوَ؞ 26طَالُوتَ كُوَ بَيْثٜىٰ كُواْمٜىٰ أَ رَانَرْ نَنْبَ، غَمَا يَيِ تُنَانِ «وَتَڧِيلَ وَنِ أَبُ يَڢَرُ دَ دَاوُدَ يَمَيْدَشِ مَيْ ڧَظَنْتَا؞#20.26 مَيْ ڧَظَنْتَا: أَ لُواْكَثِنْ بِكٍ سَابُوانْ وَتَ، مُتَنٜىٰنْ دَسُكٜىٰ مَرَسَ ڧَظَنْتَا بِسَغَ كُواْيَرْوَرْ مُوسَٰى سُونٜىٰ كَطَيْ ذَاسُ عِيَ ثِنْ عَبِنْثِنْ بِكٍ؞ دُوبِے لِـ ڢِرْ 7.20-21؛ 15.2،31؛ 22.4-8؛ مَيْ شَـ 23.10-11؞ شِيَسَا بَايَنَنْ؞ بَاشَكَّ حَكَ يَكٜىٰ؞» 27عَمَّا وَشٜىٰغَرِ، رَانَ تَبِيُ تَبِكٍ سَابُوانْ وَتَ، وُرِنْ ذَمَنْ دَاوُدَ يأَنَانً بَا كُواْوَ؞ سَيْ طَالُوتَ يَتَمْبَيِ يُواْنَتَنْ يَثٜىٰ «مٜىٰيَسَا طَنْ يٜىٰسّٜىٰ بَيْ ذُواْ ثِنْ عَبِنْثِ جِيَ دَ يَوْبَ؟»
28يُواْنَتَنْ يَأَمْسَ «دَاوُدَ يَضُواْڧٜىٰنِ سُواْسَيْ إِنْبَرْ شِ يَجٜىٰ بَيْتَلَحْمِ؞ 29يَثٜىٰ مِنِ، ‹كَبَرْنِ إِنْتَڢِے غَمَا عِيَلِنَ سُنَ مِيڧَ هَدَايَ أَغَرِنْمُ؞ كُمَ طَنْعُوَنَ نٜىٰ يَعَيْكَ إِنْجٜىٰ؞ عِدَنْ نَسَامِ ڢَضٍ جِنِ أَغَبَنْكَ، كَبَرْنِ إِنْجٜىٰ إِنْغَا یَنْعُوَنَ؞› وَنَّنْ نٜىٰ يَسَا دَاوُدَ بَيْذُواْ ثِنْ عَبِنْثِنْ سَرْكِے بَ؞»
30سَيْ طَالُوتَ يَيِ ڢُشِے مَيْذَاڢِ سُواْسَيْ عَكَنْ يُواْنَتَنْ يَثٜىٰ مَسَ «كَيْ شٜىٰغٜىٰ نٜىٰ كُمَ حَيْڢُوَرْ بَنْظَنْ مَثٜىٰ! نَسَنِ كَنَ غُواْيُوانْ بَايَنْ دَاوُدَ طَنْ يٜىٰسّٜىٰ دُواْمِنْ تَهَكَ كَكٜىٰسُواْ كَكُنْيَتَرْ دَكَنْكَ دَ كُمَ مَامَرْ دَ تَحَيْڢٜىٰكَ! 31غَمَا مُدِّنْ طَنْ يٜىٰسّٜىٰ يَنَدَ رَيْ عَدُونِيَا بَذَاكَيِ مُلْكِبَ، كُمَ بَذَاكَ عِيَ تَبَّتَرْ دَ لَاڢِيَرْ رَنْكَبَ؞ تُواْ، يَنْذُ كَعَيْكَ عَكَٰوُاْشِ أَنَنْ؞ دُواْلٜىٰنٜىٰ عَكَشٜىٰشِ!»
32يُواْنَتَنْ يَتَمْبَيِ بَابَنْسَ يَثٜىٰ «دُوانْمٜىٰ ذَاعَ كَشٜىٰشِ؟ مٜىٰنٜىٰنٜىٰ يَيِ؟» 33سَيْ طَالُوتَ يَجٜىٰڢَ مَاشِنْسَ دُواْمِنْ يَكَشٜىٰ يُواْنَتَنْ؞ أَ لُواْكَثِنْ نٜىٰ يُواْنَتَنْ يَغَانٜىٰ لَلَّيْ بَابَنْسَ يَنَ سُواْ يَكَشٜىٰ دَاوُدَ؞ 34يُواْنَتَنْ يَتَاشِ دَغَ تٜىٰبُرِنْ ثِنْ عَبِنْثِنْ دَ ڢُشِے مَيْ ذَاڢِ؞ أَوَنَّنْ رَانَ تَبِيُ تَبِكٍ سَابُوانْ وَتَ، يَڧِ ثِنْ عَبِنْثِ؞ غَمَا يَدَامُ ڨُورَيْ سَبُواْدَ دَاوُدَ، يَكُمَجِ كُنْيَرْ أَبِنْدَ بَابَنْسَ يَيِ؞
35دَ سَڢٜىٰ يُواْنَتَنْ يَطَوْكِ وَنِ طَنْ يَرُواْ سُكَ تَڢِے بَايَنْ غَرِ كَمَرْ يَدَّ سُكَ شِرْيَ ذَاسُهَطُ دَ دَاوُدَ؞ 36يَثٜىٰ وَ يَرُوانْ «كَيِ غُدُ كَنٜىٰمُواْ كِبِيُواْيِنْ دَ ذَنْ هَرْبَ؞» دَ يَرُوانْ يَڢَارَ غُدُ، سَيْ يُواْنَتَنْ يَهَرْبِے كِبِيَ عَثَنْ غَبَنْسَ؞ 37دَ يَرُوانْ يَكَيْ كُسَ عِنْدَ كِبِيَرْ تَڢَاطِ، سَيْ يُواْنَتَنْ يَثٜىٰ مَسَ «دُوبَ، غَا كِبِيَرْ تَنَ ثَنْ غَبَنْكَ!» 38سَيْيَثٜىٰ وَيَرُوانْ «كَيِ سَوْرِ! كَدَ كَڟَيَ، يِغُدُ!» يَرُوانْ يَݣُوشِ كِبِيُواْيِنْ يَكُواْمَ وُرِنْ مَيْغِدَنْسَ؞ 39يَرُوانْ بَيْسَنْ دَلِيلِنْ وَنَّنْبَ؞ دَاوُدَ دَ يُواْنَتَنْ نٜىٰ كَطَيْ سُكَ سَنِ؞ 40سَيْ يُواْنَتَنْ يَبَا يَرُوانْ بَكَنْسَ دَ كِبِيُواْيِنْسَ يَثٜىٰ «كَكُواْمَرْ دَسُو غَرِ؞»
41بَايَنْدَ يَرُوانْ يَتَڢِے سَيْ دَاوُدَ يَڢِتُواْ عِنْدَ يَٻُيَ وُرِنْ دُوڟٜىٰنْ كَنْ إِيَاكَ، يَڢَاطِ دَ ڢُسْكَرْسَ حَرْ ڧَسَا؞ يَرُسُنَ سَوْ عُكُ أَغَبَنْ يُواْنَتَنْ؞ سُكَ سُمْبَثِ جُونَ سُكَيِ كُوكَا؞ دَاوُدَ كُوَ يَيِ كُوكَا سُواْسَيْ؞
42يُواْنَتَنْ يَثٜىٰ وَ دَاوُدَ «كَتَڢِے دَ سَلَمَ، غَمَا مُنْ رِغَا مُنْيِ وَجُونَ ضَنْڟُوَا دَ سُونَنْ يَهْوٜىٰهْ ثٜىٰوَ ‹يَهْوٜىٰهْ نٜىٰ شَيْدَ ڟَكَانِينَ دَكَيْ دَ كُمَ ظُرِيَاتَ دَ ذُرِيَرْكَ حَرْ أَبَدَا؞› » سَعَنً دَاوُدَ يَتَڢِے، يُواْنَتَنْ كُمَ يَكُواْمَ ثِكِنْ غَرِ؞
Currently Selected:
1 سَمَٰعِيلَ 20: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
