1 سَمَٰعِيلَ 17
17
جَالُوتَ يَا ڟُواْكَنِ إِسْرَٰٓءِيلَاوَا
1أَنَانً سَيْ ڢِلِسْتِيَاوَا سُكَ تَتَّارَ سُواْجُواْجِنْسُ دُواْمِنْ يَاڧِ أَغَرِنْ سُواْكُواْ ثِكِنْ يَنْكِنْ يَهُودَ؞ سُكَ كَڢَ سَنْسَنِنْ يَاڧِ أَ عٜىٰڢٜىٰسْ دَمِّمْ دَيَكٜىٰ ڟَكَانِنْ غَرِنْ سُواْكُواْ دَ نَ أَظٜىٰكَ؞ 2طَالُوتَ دَ سُواْجُواْجِنْ إِسْرَٰٓءِيلَ كُوَ سُكَ تَتَّارُ سُكَ كَڢَ سَنْسَنِنْ يَاڧِنْسُ أَ ݣُورِنْ عٜىٰلَ، سُكَيِ شِرِ دُواْمِنْ سُيِ يَاڧِ دَ ڢِلِسْتِيَاوَا؞ 3ڢِلِسْتِيَاوَا سُكَ ڟَيَ لَيِ لَيِ عَتُدُ طَيَ، سَيْ إِسْرَٰٓءِيلَاوَا سُكَ ڟَيَ لَيِ لَيِ أَطَيَنْ تُدُنْ، سُنَ ڢُسْكَنْتَرْ جُونَ، ݣُورِ كُمَ يَنَ ڟَكَانِنْسُ؞
4سَيْ وَنِ سُواْجَنْ ڢِلِسْتِيَ مَيْ سُونَ جَالُوتَ#17.4 جَالُوتَ: سُونَنَّنْ دَ إِبْرَانِيَنْثِ كُمَ دَ هَوْسَ أَنْرُبُوتَ غُوالْيَتْ، دَ لَرَبْثِ جَالُوتْ؞ دَغَ بِرْنِنْ غَتْ، يَڢِتَ دَغَ لَيِنْ ڢِلِسْتِيَاوَا يَڟَيَ ڟَكَانِنْ ڢِلِسْتِيَاوَا دَ إِسْرَٰٓءِيلَاوَا؞ ڟَيِنْسَ كُوَ يَڢِ ڧَڢَا تَرَ؞ 5يَسَا هُولَرْ ݣُونُوانْ دَ عَكَيِ دَ تَغُلَّ دَ رِغَرْ ڧَرْڢٜىٰ مَيْ سُلْكٜىٰ وَنْدَ نَوْيِنْسَ يَكَيْ وَجٜىٰنْ كِلُواْ حَمْسِنْ دَ بَݣَويْ؞ 6يَسَا كَايَنْ ڟَرُوانْ ڧَڢَاڢُنْسَ نَتَغُلَّ، يَكُمَ رَاتَيَ ڧَتُوانْ وُڧَرْ تَغُلَّ عَكَڢَطَرْسَ؞ 7سَنْدَنْ مَاشِنْسَ كَمَرْ تَٻَرْيَ نٜىٰ، كَنْ مَاشِنْسَ كُوَ نَوْيِنْسَ يَيِ كِلُواْ بَݣَويْ نَبَڧِنْ ڧَرْڢٜىٰ؞ مَيْ طَوْكَرْ مَسَ غَرْكُوَ يَنَ تَڢٜىٰ أَغَبَنْسَ؞ 8جَالُوتَ يَمِيڧٜىٰ ڟَيٜىٰ أَغَبَنْ لَيِ لَيِ نَسُواْجُواْجِنْ إِسْرَٰٓءِيلَ يَطَغَ مُرْيَ يَثٜىٰ «مٜىٰكُكٜىٰ لَيِ كُنَ جِرَا؟ إِنَ ثٜىٰ كُواْ يَاڧِ نٜىٰ كُكَ ڢِتُواْ يِ؟ نِے مُتُمِنْ ڢِلِسْتِيَ نٜىٰ، كُو كُوَ مُتَنٜىٰنْ طَالُوتَ نٜىٰ؞ كُذَاٻِ طَيَ دَغَ ثِكِنْكُ يَذُواْ مُيِ ڢَطَ؞ 9عِدَنْ يَا عِيَ كَشٜىٰنِ، ذَامُ ذَمَ بَايِنْكُ؞ عَمَّا عِدَنْ نَيِ نَصَرَا نَكَشٜىٰشِ، ذَاكُ ذَمَ بَايِنْمُ كُبَوْتَا مَنَ؞ 10يَوْ نَا رٜىٰنَ دُكَنْ سُواْجُواْجِنْ إِسْرَٰٓءِيلَ، عِدَنْ كُنْ إِسَ كُبَا نِے مُتُمْ غُدَا مُيِ ڢَطَ؞» 11سَعَدَّ طَالُوتَ تَرٜىٰدَ سُواْجُواْجِنْسَ سُكَجِ مَغَنْغَنُنْ مُتُمِنْ ڢِلِسْتِيَ، سَيْ سُكَ دَامُ سُكَ كُمَجِڟُواْرُواْ سُواْسَيْ؞
دَاوُدَ أَ سَنْسَنِنْ يَاڧِنْ إِسْرَٰٓءِيلَ
12دَاوُدَ كُوَ طَنْ يٜىٰسّٜىٰ نٜىٰ، مُتُمِنْ عٜىٰڢْرَتَ دَغَ بَيْتَلَحْمِ تَيَنْكِنْ يَهُودَ؞ يٜىٰسّٜىٰ كُوَ يَنَدَ یَیَ مَظَا تَݣُوسْ؞ أَ لُواْكَثِنْ دَ طَالُوتَ يَكٜىٰ مُلْكِ، يٜىٰسّٜىٰ يَا رِغَا يَا ڟُوڢَ، شٜىٰكَرُنْسَ كُمَ سُنْيِيَوَ؞ 13مَنْيَنْ یَیَنْسَ مَظَا عُكُ سُنْبِے طَالُوتَ ذُوَا يَاڧِ؞ نَڢَارِ سُونَنْسَ عٜىٰلِيَبْ، نَبِيُنْ أَبِينَدَبْ، نَعُكُنْ كُمَ شَمَّ؞ 14دَاوُدَ نٜىٰ أَوْتَنْسُ؞ مَنْيَنْ یَیَ مَظَا عُكُنَّنْ نَ يٜىٰسّٜىٰ سُنَانَنْ تَرٜىٰدَ طَالُوتَ، 15تَهَكَ دَاوُدَ يَكَنْ تَڢِے وُرِنْ سَنْسَنِنْ طَالُوتَ أَ لُواْكَثِ لُواْكَثِ يَكُواْمَ بَيْتَلَحْمِ دُواْمِنْ يَيِ كِيوُانْ تُمَكِنْ بَابَنْسَ؞
16جَالُوتَ مُتُمِنْ ڢِلِسْتِيَ، يَيِ تَڟُواْكَنَرْ سُواْجُواْجِنْ إِسْرَٰٓءِيلَ سَڢٜىٰ دَ يَمَّ حَرْ ݣُونَ أَرْبَعِنْ؞
17وَتَرَانَ سَيْ يٜىٰسّٜىٰ يَثٜىٰ وَ دَاوُدَ «تَاشِ كَطَوْكِ وَطَنَّنْ مُودُ عَشِرِنْ نَغَسَشّٜىٰنْ حَڟِ دَ دُنْڧُلٜىٰنْ غُرَاسَ غُواْمَ، كَيِ سَوْرِ كَكَيْ وَیَنْعُوَنْكَ أَ سَنْسَنِنْ يَاڧِ؞ 18كَكُمَ طَوْكِ دُنْڧُلٜىٰنْ أَوَرَ#17.18 أَوَرَ: وَنِ إِرِنْ عَبِنْثِنٜىٰ دَ عَكٜىٰيِ دَ مَدَرَرْ شَانُو؞ غُواْمَ كَكَيْ وَشُوغَبَنْ سَاشٜىٰنْسُ؞ كَدُوبِے لَاڢِيَرْسُ، كَكُمَ دَاوُاْ مِنِ دَ أَبِنْ شَيْدَ ثٜىٰوَ سُنَانَنْ لَاڢِيَ؞ 19غَاشِ، یَنْعُوَنْكَ سُنَ تَرٜىٰدَ طَالُوتَ دَ دُكَنْ سُواْجُواْجِنْ إِسْرَٰٓءِيلَ أَ ݣُورِنْ عٜىٰلَ سُنَ يَاڧِ دَ ڢِلِسْتِيَاوَا؞»
20وَشٜىٰغَرِ دَ سَسَّڢٜىٰ دَاوُدَ يَتَاشِ، يَبَرْ تُمَكِنْسَ أَ حَنُّنْ وَنِ يَلُورَ دَسُو، سَيْ يَطَوْكِ كَايَنْسَ، يَكَامَ حَنْيَ كَمَرْ يَدَّ يٜىٰسّٜىٰ يَعُمَرْثٜىٰشِ؞ دَاوُدَ يَ إِسَ سَنْسَنِنْ يَاڧِنْ دَيْدَيْ لُواْكَثِنْ دَ سُواْجُواْجِنْ سُنَ ڢِتُواْوَ ذُوَا وُرِنْ دَ ذَاسُ ڟَيَ دُواْمِنْ يَاڧِ، سُنَ ڢِتُواْوَ سُنَ إِيهُ سُنَ كِرَرِ نَيَاڧِ؞ 21سُواْجُواْجِنْ ڢِلِسْتِيَاوَا دَ نَ إِسْرَٰٓءِيلَاوَا سُكَيِ لَيِ لَيِ دُواْمِنْ يَاڧِ، سُنَ ڢُسْكَنْتَرْ جُونَ؞ 22دَاوُدَ يَبَرْ كَايَنْسَ أَ حَنُّنْ سُواْجَنْ دَيَكٜىٰ لُورَ دَ كَايَ، سَيْ يَيِ غُدُ ذُوَا عِنْدَ سُواْجُواْجِ سُكَيِ لَيِ دُواْمِنْ يَاڧِ؞ يَسَامِ یَنْعُوَنْسَ يَغَيْ دَسُو؞ 23سَعَدَّ يَكٜىٰ مَغَنَ دَسُو، سَيْغَا جَالُوتَ مُتُمِنْ ڢِلِسْتِيَ يَڢِتُواْ دَغَ سَنْسَنِنْ ڢِلِسْتِيَاوَا يَيِ مَغَنْغَنُنْسَ نَرٜىٰنِ إِرِنْ نَدَا؞ دَاوُدَ كُوَ يَجِ شِ؞ 24دَ إِسْرَٰٓءِيلَاوَا سُكَغَ جَالُوتَ سَيْ سُكَ جَا بَايَ سَبُواْدَ ڟُواْرُواْ؞ 25سُنَ ثٜىٰوَ «دُوبِے وَنْثَنْ مُتُمِنْدَ يَڢِتُواْ! يَنَ ڢِتُواْوَ نٜىٰ دُواْمِنْ يَذَاغِ إِسْرَٰٓءِيلَ! سَرْكِے يَثٜىٰ دُكْ وَنْدَ يَكَشٜىٰشِ ذَاعَ بَاشِ دُوكِيَ مَيْ يَوَ، كُمَ ذَاعَ بَاشِ یَرْ سَرْكِے يَ عَوْرَ، غِدَنْ بَابَنْسَ كُمَ بَذَيْبِيَ هَرَاجِبَ؞»
26دَاوُدَ يَتَمْبَيِ سُواْجُواْجِنْ دَسُكٜىٰ كُسَدَشِ يَثٜىٰ «مٜىٰنٜىٰنٜىٰ ذَاعَيِ وَوَنْدَ يَكَشٜىٰ وَنَّنْ مُتُمِنْ ڢِلِسْتِيَ دُواْمِنْ عَثٜىٰثِ إِسْرَٰٓءِيلَ دَغَ وَنَّنْ أَبِنْ كُنْيَا؟ شِنْ! وَنٜىٰنٜىٰ مُتُمِنْ ڢِلِسْتِيَ، ڧَظَامِنْ أَرْنٜىٰ مَرَرْ كَاثِيَ؟ أَيْ، بَذَاعَ بَرْشِ يَذَاغِ سُواْجُواْجِنْ اللَّهْ مَيْ رَيْ بَ!» 27عَكَ ڢَطَا مَسَ أَبِنْدَ ذَاعَيِ وَمُتُمِنْدَ يَكَشٜىٰ جَالُوتَ؞
28عَمَّا عٜىٰلِيَبْ وَنْدَ شِينٜىٰ بَبَّ دَغَ ثِكِنْ یَنْعُوَنْ دَاوُدَ يَجِ دَاوُدَ يَنَ مَغَنَ دَ سُواْجُواْجِنْ، سَيْ يَيِ ڢُشِے يَثٜىٰمَسَ «مٜىٰ يَكَٰوُاْكَ نَنْ؟ وَنٜىٰنٜىٰ كَبَرْ مَسَ یَنْ تُمَكِنْكَ أَدَاجِنْدَ بَا كُواْوَ؟ نَا سَنْ ضِغِمَرْكَ دَ تَوْرِنْ كَنْكَ! كَا ذُواْ نٜىٰ كَوَيْ دُواْمِنْ كَيِ كَلُّوانْ يَاڧِ!»
29سَيْ دَاوُدَ يَأَمْسَ مَسَ يَثٜىٰ «تُواْ، وَنٜىٰ لَيْڢِے نَيِ؟ بَ دَامَ إِنْيِ مَغَنَ؟» 30سَيْ يَبَرْ شِ يَجُويَ وُرِنْ وَنِ سُواْجَ، يَسَاكٜىٰ تَمْبَيَ إِرِنْ تَدَا؞ عَكَ بَاشِ أَمْسَ دَيْدَيْ كَمَرْ تَڢَرْكُواْ؞ 31وَطَنْسُ سُواْجُواْجِ سُكَجِ أَبِنْدَ دَاوُدَ يَڢَطَا سُكَ غَيَوَ طَالُوتَ؞ سَيْ طَالُوتَ نَنْ تَكٜىٰ يَعَيْكَ عَكَٰوُاْ دَاوُدَ؞
32دَ طَالُوتَ يَتَمْبَيِ دَاوُدَ، سَيْ دَاوُدَ يَثٜىٰ وَ طَالُوتَ «رَنْكَيَدَطٜىٰ! كَدَ كُواْوَ يَجِڟُواْرُوانْ مُتُمِنْ ڢِلِسْتِيَ، غَمَا نِے بَاوَنْكَ ذَنْجٜىٰ إِنْيِ ڢَطَ دَشِ؞» 33طَالُوتَ يَثٜىٰ «أَعَ؞ بَذَاكَ عِيَ ڢَطَ دَ وَنَّنْ مُتُمِنْ ڢِلِسْتِيَ بَ، دُواْمِنْ كَيْ طَنْ سَوْرَيِ نٜىٰ، شِيكُوَ يَسَابَادَ يَاڧِ تُنْ يَنَ يَرُواْ؞» 34عَمَّا دَاوُدَ يَثٜىٰ وَ طَالُوتَ «رَنْكَيَدَطٜىٰ! إِنَ لُورَ دَ تُمَكِنْ بَابَنَ؞ دُكْ سَعَدَّ ذَاكِ كُواْ بٜىٰيَرْ#17.34 بٜىٰيَرْ: وَنِ إِرِنْ نَامَنْ دَاجِ نٜىٰ دَ عَكٜىٰ سَامُنْسَ عَڧَسَرْسُ؞ يَكَامَ تُنْكِيَ دَغَ غَرْكٜىٰ، 35نَكَنْبِے شِ إِنْ ڢَاطَ مَسَ إِنْ ڨُوثٜىٰ تُنْكِيَرْ دَغَ بَاكِنْسَ؞ عِدَنْ كُمَ ذَاكِنْ كُواْ بٜىٰيَرْ طِنْ يَجُويُواْ عَكَيْنَ، نَكَنْ كَامَ شِ تَغَاشِنْسَ إِنْ ڢَاطَ مَسَ إِنْ كَشٜىٰشِ؞ 36نِے بَاوَنْكَ نَشَا كَشٜىٰ ذَاكُواْكِ دَ بٜىٰيَرْ، حَكَكُمَ ذَنْيِ دَ مُتُمِنْ ڢِلِسْتِيَ، ڧَظَامِنْ أَرْنٜىٰ مَرَرْ كَاثِيَ، تُنْدَيَكٜىٰ يَذَاغِ سُواْجُواْجِنْ اللَّهْ مَيْ رَيْ؞
37«يَهْوٜىٰهْ وَنْدَ يَثٜىٰثٜىٰنِ دَغَ حَنُّنْ ذَاكِ دَ نَبٜىٰيَرْ ذَيْثٜىٰثٜىٰنِ دَغَ حَنُّنْ مُتُمِنْ ڢِلِسْتِيَ؞»
طَالُوتَ يَثٜىٰ وَ دَاوُدَ «تُواْ، كَتَڢِے، يَهْوٜىٰهْ يَكَسَنْثٜىٰ تَرٜىٰدَكَيْ؞» 38سَيْ طَالُوتَ يَكَٰوُاْ كَايَنْ يَاڧِنْسَ يَسَا وَ دَاوُدَ؞ يَسَا مَسَ هُولَرْ ݣُونُوانْ دَ عَكَيِ دَ تَغُلَّ، يَكُمَسَا مَسَ رِغَرْ ڧَرْڢٜىٰنْسَ؞ 39دَاوُدَ يَرَاتَيَ تَكُواْبِنْ طَالُوتَ عَكَنْ رِغَرْ ڧَرْڢٜىٰنْدَ يَسَا، سَعَنً يَيِ ڧُواْڧَرِ يَيِ تَڢِيَ عَمَّا يَكَاسَ، غَمَا بَيْسَابَادَ سَا وَطَنَّنْ كَايَنْبَ؞ سَيْ دَاوُدَ يَثٜىٰ «بَذَنْ عِيَ تَڢِيَ دَ وَطَنَّنْبَ، غَمَا بَنْ سَابَادَسُوبَ؞» سَيْ دَاوُدَ يَتُوٻٜىٰسُ؞ 40سَعَنً يَطَوْكِ سَنْدَنْ كِيوُانْسَ، يَكُمَ ذَاٻِ دُوَڟُو مَاسُ سَنْڟِ غُدَا بِيَرْ دَغَ ثِكِنْ رَاڢِ يَسَا أَ جَكَرْسَ نَكِيوُاْ؞ يَطَوْكِ مَجَجَّوَرْسَ يَمَڟُواْ كُسَدَ مُتُمِنْ ڢِلِسْتِيَ؞
دَاوُدَ يَكَشٜىٰ جَالُوتَ
41مُتُمِنْ ڢِلِسْتِيَ شِے مَا يَڢِتُواْ يَنَ غُسُواْوَ ذُوَا وُرِنْ دَاوُدَ؞ مَيْ رِڧٜىٰ مَسَ غَرْكُوَرْ يَاڧِ كُوَ يَنَ تَڢِيَ أَغَبَنْسَ؞ 42دَ جَالُوتَ يَدُوبِے دَاوُدَ يَغَ شِے سَوْرَيِنٜىٰ، ݣَكْݣَوَانٜىٰ كُمَ مَيْ ڧُواْشِنْ لَاڢِيَ، سَيْ يَرٜىٰنَ شِ؞ 43يَثٜىٰ مَسَ «كَنَ ڟَمَّنِ نِے كَرٜىٰنٜىٰ دَ ذَاكَذُواْ مِنِ دَ سَنْدَا؟» سَيْ يَلَعَنْثِ دَاوُدَ دَ سُونَيٜىٰنْ أَلُّواْلِنْ ڢِلِسْتِيَاوَا؞ 44سَيْ يَثٜىٰ وَ دَاوُدَ «ذُواْ مَنَ! يَوْ ذَنْبَادَ جِكِنْكَ غَ نَمُواْمِنْ دَاجِ دَ ڟُنْڟَيٜىٰ سُثِ!»
45دَاوُدَ يَأَمْسَ يَثٜىٰ «كَنَ ذُوَا وُرِينَ دَ تَكُواْبِے دَ مَاشِ دَ ڧَتُوانْ وُڧَ، عَمَّا نِے نَا ذُواْ غَرٜىٰكَ عَثِكِنْ سُونَنْ يَهْوٜىٰهْ مَڢِے غِرْمَ، اللَّهْ نَسُواْجُواْجِنْ إِسْرَٰٓءِيلَ وَنْدَ كَذَغٜىٰشِ؞ 46يَوْ طِنَّنْ يَهْوٜىٰهْ ذَيْبَادَكَيْ أَ هَنُّونَ؞ ذَنْ كَشٜىٰكَ إِنْ يَنْكٜىٰ كَنْكَ؞ يَوْ طِنَّنْ كُمَ ذَنْبَا ڟُنْڟَيٜىٰ دَ نَمُواْمِنْ دَاجِ جِكُنَنْ سُواْجُواْجِنْ ڢِلِسْتِيَاوَا سُثِ؞ تَهَكَ دُونِيَا دُكَ ذَاتَ سَنْ ثٜىٰوَ لَلَّيْ أَݣَويْ اللَّهْ عَ إِسْرَٰٓءِيلَ؞ 47كُمَ دُكَنْ تَارُوانْ جَمَعَرْ نَنْ ذَاسُ سَنِ ثٜىٰوَ يَهْوٜىٰهْ بَايَ بُڧَاتَ تَكُواْبِے كُواْ مَاشِ دُواْمِنْ يَثٜىٰثِ مُتَنٜىٰنْسَ؞ يَاڧِ نَ يَهْوٜىٰهْ نٜىٰ، كُمَ ذَيْبَادَكُو ڢِلِسْتِيَاوَا أَ حَنُّنْمُ؞»
48دَ جَالُوتَ مُتُمِنْ ڢِلِسْتِيَ يَڧَارَ مَڟُواْوَ كُسَ دُواْمِنْ يَغَمُ دَ دَاوُدَ، سَيْ دَاوُدَ يَرُوغَ دَ غُدُ ذُوَا وُرِنْ لَيِنْ يَاڧِ دُواْمِنْ يَغَمُ دَشِ؞ 49سَيْ يَسَا حَنُّ أَ جَكَرْسَ يَڢِتَرْدَ دُوڟٜىٰ، يَسَا أَ مَجَجَّوَرْسَ يَجٜىٰڢِ جَالُوتَ دَشِ؞ دُوڟٜىٰنْ يَهَرْبِے جَالُوتَ مُتُمِنْ ڢِلِسْتِيَ أَغُواْشِنْسَ حَرْ يَشِغَ ثِكِنْ غُواْشِنْسَ؞ مُتُمِنْ كُوَ يَڢَاطِ دَ ڢُسْكَرْسَ حَرْ ڧَسَا؞ 50تَهَكَ دَ مَجَجَّوَ دَ دُوڟٜىٰ كَوَيْ دَاوُدَ يَثِ نَصَرَا عَكَنْ مُتُمِنْ ڢِلِسْتِيَ؞ يَجٜىٰڢٜىٰشِ يَكَشٜىٰ بَاتَرٜىٰدَ تَكُواْبِے أَ حَنُّنْسَبَ؞#2 سَمْ 21.19 51سَيْ يَرُوغَ دَ غُدُ ذُوَا وُرِنْ مُتُمِنْ ڢِلِسْتِيَ يَظَرُواْ تَكُواْبِنْ مُتُمِنْ ڢِلِسْتِ دَغَ غِدَنْ تَكُواْبِنْ يَثِرٜىٰ كَنْسَ دَشِ؞#1 سَمْ 21.9
دَ ڢِلِسْتِيَاوَا سُكَغَ سَرْكِنْ يَاڧِنْسُ يَمُتُ سَيْ ڟُواْرُواْ يَكَامَسُ سُكَ وَڟٜىٰ دَ غُدُ؞ 52سُواْجُواْجِنْ إِسْرَٰٓءِيلَ دَ نَ يَهُودَ سُكَتَاشِ أَغُجٜىٰ سُكَيِ إِيهُ سُكَ كُواْرِ ڢِلِسْتِيَاوَنْ حَرْ ڧُواْڢَرْ بِرْنِنْ غَتْ دَ تَ عٜىٰكْرُوانْ؞ ڢِلِسْتِيَاوَنْ دَ عَكَيِ مُسُ رَوْنِ سُكَيِ تَڢَاطُوَ أَ حَنْيَرْ شَعَرَيِمْ حَرْ ذُوَا غَتْ دَ عٜىٰكْرُوانْ؞ 53دَ إِسْرَٰٓءِيلَاوَا سُكَ كُواْمَ دَغَ كُواْرَرْ ڢِلِسْتِيَاوَا، سَيْ سُكَ ڨُوثٜىٰ دُكْ أَبِنْدَ سُكَ عِيَ سَامُ دَغَ ثِكِنْ سَنْسَنِنْ يَاڧِنْ ڢِلِسْتِيَاوَنْ؞ 54دَاوُدَ يَطَوْكِ كَنْ جَالُوتَ يَكَيْ عُرُوشَلِيمَ، سَعَنً يَأَجِيٜىٰ كَايَنْ يَاڧِنْ جَالُوتَ عَتٜىٰنْتِ#17.54 تٜىٰنْتِ: وَنِ طَنْ بُكَّ نٜىٰ دَ عَكَنْيِ دَ يَدِ كُواْ دَ ڢَتُنْ دَبُّواْبِے وَنْدَ سُواْجُواْجِ كُواْ مَكِيَايَ سُكَنْيِ أَمْڢَانِ دَشِ دُواْمِنْ سُݣُونْتَ عَثِكِ؞ نَشِے دَاوُدَ؞
أَنْ كَيْ دَاوُدَ وُرِنْ طَالُوتَ
55كَاڢِنْ وَنَّنْ يَاڧِ، سَعَدَّ طَالُوتَ يَغَ دَاوُدَ يَڢِتَ ذَيْ يَاڧِ جَالُوتَ سَيْ يَتَمْبَيِ شُوغَبَنْ سُواْجُواْجِنْسَ أَبْنٜىٰرْ يَثٜىٰ «أَبْنٜىٰرْ، وَنٜىٰنٜىٰ بَابَنْ طَنْ سَوْرَيِنَّنْ؟» سَيْ أَبْنٜىٰرْ يَأَمْسَ يَثٜىٰ «رَنْكَيَدَطٜىٰ، سَرْكِے، بَنْ سَنِبَ!» 56سَرْكِے يَعُمَرْثٜىٰشِ يَثٜىٰ «كَتَمْبَيَ كَجِ كُواْ سَوْرَيِنَّنْ طَنْ وَنٜىٰنٜىٰ؞» 57دَ دَاوُدَ يَدَاوُاْ دَغَ كِسَنْ جَالُوتَ، سَيْ أَبْنٜىٰرْ يَكَيْشِ وُرِنْ طَالُوتَ؞ دَاوُدَ كُوَ يَنَ رِڧٜىٰ دَ كَنْ جَالُوتَ؞ 58طَالُوتَ يَتَمْبَيِ دَاوُدَ يَثٜىٰ «يَرُواْ، كَيْ طَنْ وَنٜىٰنٜىٰ؟»
دَاوُدَ يَأَمْسَ «نِے طَنْ يٜىٰسّٜىٰ، مَيْيِ مَكَ حِدِمَ، مُتُمِنْ بَيْتَلَحْمِ نٜىٰ؞»
Currently Selected:
1 سَمَٰعِيلَ 17: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
1 سَمَٰعِيلَ 17
17
جَالُوتَ يَا ڟُواْكَنِ إِسْرَٰٓءِيلَاوَا
1أَنَانً سَيْ ڢِلِسْتِيَاوَا سُكَ تَتَّارَ سُواْجُواْجِنْسُ دُواْمِنْ يَاڧِ أَغَرِنْ سُواْكُواْ ثِكِنْ يَنْكِنْ يَهُودَ؞ سُكَ كَڢَ سَنْسَنِنْ يَاڧِ أَ عٜىٰڢٜىٰسْ دَمِّمْ دَيَكٜىٰ ڟَكَانِنْ غَرِنْ سُواْكُواْ دَ نَ أَظٜىٰكَ؞ 2طَالُوتَ دَ سُواْجُواْجِنْ إِسْرَٰٓءِيلَ كُوَ سُكَ تَتَّارُ سُكَ كَڢَ سَنْسَنِنْ يَاڧِنْسُ أَ ݣُورِنْ عٜىٰلَ، سُكَيِ شِرِ دُواْمِنْ سُيِ يَاڧِ دَ ڢِلِسْتِيَاوَا؞ 3ڢِلِسْتِيَاوَا سُكَ ڟَيَ لَيِ لَيِ عَتُدُ طَيَ، سَيْ إِسْرَٰٓءِيلَاوَا سُكَ ڟَيَ لَيِ لَيِ أَطَيَنْ تُدُنْ، سُنَ ڢُسْكَنْتَرْ جُونَ، ݣُورِ كُمَ يَنَ ڟَكَانِنْسُ؞
4سَيْ وَنِ سُواْجَنْ ڢِلِسْتِيَ مَيْ سُونَ جَالُوتَ#17.4 جَالُوتَ: سُونَنَّنْ دَ إِبْرَانِيَنْثِ كُمَ دَ هَوْسَ أَنْرُبُوتَ غُوالْيَتْ، دَ لَرَبْثِ جَالُوتْ؞ دَغَ بِرْنِنْ غَتْ، يَڢِتَ دَغَ لَيِنْ ڢِلِسْتِيَاوَا يَڟَيَ ڟَكَانِنْ ڢِلِسْتِيَاوَا دَ إِسْرَٰٓءِيلَاوَا؞ ڟَيِنْسَ كُوَ يَڢِ ڧَڢَا تَرَ؞ 5يَسَا هُولَرْ ݣُونُوانْ دَ عَكَيِ دَ تَغُلَّ دَ رِغَرْ ڧَرْڢٜىٰ مَيْ سُلْكٜىٰ وَنْدَ نَوْيِنْسَ يَكَيْ وَجٜىٰنْ كِلُواْ حَمْسِنْ دَ بَݣَويْ؞ 6يَسَا كَايَنْ ڟَرُوانْ ڧَڢَاڢُنْسَ نَتَغُلَّ، يَكُمَ رَاتَيَ ڧَتُوانْ وُڧَرْ تَغُلَّ عَكَڢَطَرْسَ؞ 7سَنْدَنْ مَاشِنْسَ كَمَرْ تَٻَرْيَ نٜىٰ، كَنْ مَاشِنْسَ كُوَ نَوْيِنْسَ يَيِ كِلُواْ بَݣَويْ نَبَڧِنْ ڧَرْڢٜىٰ؞ مَيْ طَوْكَرْ مَسَ غَرْكُوَ يَنَ تَڢٜىٰ أَغَبَنْسَ؞ 8جَالُوتَ يَمِيڧٜىٰ ڟَيٜىٰ أَغَبَنْ لَيِ لَيِ نَسُواْجُواْجِنْ إِسْرَٰٓءِيلَ يَطَغَ مُرْيَ يَثٜىٰ «مٜىٰكُكٜىٰ لَيِ كُنَ جِرَا؟ إِنَ ثٜىٰ كُواْ يَاڧِ نٜىٰ كُكَ ڢِتُواْ يِ؟ نِے مُتُمِنْ ڢِلِسْتِيَ نٜىٰ، كُو كُوَ مُتَنٜىٰنْ طَالُوتَ نٜىٰ؞ كُذَاٻِ طَيَ دَغَ ثِكِنْكُ يَذُواْ مُيِ ڢَطَ؞ 9عِدَنْ يَا عِيَ كَشٜىٰنِ، ذَامُ ذَمَ بَايِنْكُ؞ عَمَّا عِدَنْ نَيِ نَصَرَا نَكَشٜىٰشِ، ذَاكُ ذَمَ بَايِنْمُ كُبَوْتَا مَنَ؞ 10يَوْ نَا رٜىٰنَ دُكَنْ سُواْجُواْجِنْ إِسْرَٰٓءِيلَ، عِدَنْ كُنْ إِسَ كُبَا نِے مُتُمْ غُدَا مُيِ ڢَطَ؞» 11سَعَدَّ طَالُوتَ تَرٜىٰدَ سُواْجُواْجِنْسَ سُكَجِ مَغَنْغَنُنْ مُتُمِنْ ڢِلِسْتِيَ، سَيْ سُكَ دَامُ سُكَ كُمَجِڟُواْرُواْ سُواْسَيْ؞
دَاوُدَ أَ سَنْسَنِنْ يَاڧِنْ إِسْرَٰٓءِيلَ
12دَاوُدَ كُوَ طَنْ يٜىٰسّٜىٰ نٜىٰ، مُتُمِنْ عٜىٰڢْرَتَ دَغَ بَيْتَلَحْمِ تَيَنْكِنْ يَهُودَ؞ يٜىٰسّٜىٰ كُوَ يَنَدَ یَیَ مَظَا تَݣُوسْ؞ أَ لُواْكَثِنْ دَ طَالُوتَ يَكٜىٰ مُلْكِ، يٜىٰسّٜىٰ يَا رِغَا يَا ڟُوڢَ، شٜىٰكَرُنْسَ كُمَ سُنْيِيَوَ؞ 13مَنْيَنْ یَیَنْسَ مَظَا عُكُ سُنْبِے طَالُوتَ ذُوَا يَاڧِ؞ نَڢَارِ سُونَنْسَ عٜىٰلِيَبْ، نَبِيُنْ أَبِينَدَبْ، نَعُكُنْ كُمَ شَمَّ؞ 14دَاوُدَ نٜىٰ أَوْتَنْسُ؞ مَنْيَنْ یَیَ مَظَا عُكُنَّنْ نَ يٜىٰسّٜىٰ سُنَانَنْ تَرٜىٰدَ طَالُوتَ، 15تَهَكَ دَاوُدَ يَكَنْ تَڢِے وُرِنْ سَنْسَنِنْ طَالُوتَ أَ لُواْكَثِ لُواْكَثِ يَكُواْمَ بَيْتَلَحْمِ دُواْمِنْ يَيِ كِيوُانْ تُمَكِنْ بَابَنْسَ؞
16جَالُوتَ مُتُمِنْ ڢِلِسْتِيَ، يَيِ تَڟُواْكَنَرْ سُواْجُواْجِنْ إِسْرَٰٓءِيلَ سَڢٜىٰ دَ يَمَّ حَرْ ݣُونَ أَرْبَعِنْ؞
17وَتَرَانَ سَيْ يٜىٰسّٜىٰ يَثٜىٰ وَ دَاوُدَ «تَاشِ كَطَوْكِ وَطَنَّنْ مُودُ عَشِرِنْ نَغَسَشّٜىٰنْ حَڟِ دَ دُنْڧُلٜىٰنْ غُرَاسَ غُواْمَ، كَيِ سَوْرِ كَكَيْ وَیَنْعُوَنْكَ أَ سَنْسَنِنْ يَاڧِ؞ 18كَكُمَ طَوْكِ دُنْڧُلٜىٰنْ أَوَرَ#17.18 أَوَرَ: وَنِ إِرِنْ عَبِنْثِنٜىٰ دَ عَكٜىٰيِ دَ مَدَرَرْ شَانُو؞ غُواْمَ كَكَيْ وَشُوغَبَنْ سَاشٜىٰنْسُ؞ كَدُوبِے لَاڢِيَرْسُ، كَكُمَ دَاوُاْ مِنِ دَ أَبِنْ شَيْدَ ثٜىٰوَ سُنَانَنْ لَاڢِيَ؞ 19غَاشِ، یَنْعُوَنْكَ سُنَ تَرٜىٰدَ طَالُوتَ دَ دُكَنْ سُواْجُواْجِنْ إِسْرَٰٓءِيلَ أَ ݣُورِنْ عٜىٰلَ سُنَ يَاڧِ دَ ڢِلِسْتِيَاوَا؞»
20وَشٜىٰغَرِ دَ سَسَّڢٜىٰ دَاوُدَ يَتَاشِ، يَبَرْ تُمَكِنْسَ أَ حَنُّنْ وَنِ يَلُورَ دَسُو، سَيْ يَطَوْكِ كَايَنْسَ، يَكَامَ حَنْيَ كَمَرْ يَدَّ يٜىٰسّٜىٰ يَعُمَرْثٜىٰشِ؞ دَاوُدَ يَ إِسَ سَنْسَنِنْ يَاڧِنْ دَيْدَيْ لُواْكَثِنْ دَ سُواْجُواْجِنْ سُنَ ڢِتُواْوَ ذُوَا وُرِنْ دَ ذَاسُ ڟَيَ دُواْمِنْ يَاڧِ، سُنَ ڢِتُواْوَ سُنَ إِيهُ سُنَ كِرَرِ نَيَاڧِ؞ 21سُواْجُواْجِنْ ڢِلِسْتِيَاوَا دَ نَ إِسْرَٰٓءِيلَاوَا سُكَيِ لَيِ لَيِ دُواْمِنْ يَاڧِ، سُنَ ڢُسْكَنْتَرْ جُونَ؞ 22دَاوُدَ يَبَرْ كَايَنْسَ أَ حَنُّنْ سُواْجَنْ دَيَكٜىٰ لُورَ دَ كَايَ، سَيْ يَيِ غُدُ ذُوَا عِنْدَ سُواْجُواْجِ سُكَيِ لَيِ دُواْمِنْ يَاڧِ؞ يَسَامِ یَنْعُوَنْسَ يَغَيْ دَسُو؞ 23سَعَدَّ يَكٜىٰ مَغَنَ دَسُو، سَيْغَا جَالُوتَ مُتُمِنْ ڢِلِسْتِيَ يَڢِتُواْ دَغَ سَنْسَنِنْ ڢِلِسْتِيَاوَا يَيِ مَغَنْغَنُنْسَ نَرٜىٰنِ إِرِنْ نَدَا؞ دَاوُدَ كُوَ يَجِ شِ؞ 24دَ إِسْرَٰٓءِيلَاوَا سُكَغَ جَالُوتَ سَيْ سُكَ جَا بَايَ سَبُواْدَ ڟُواْرُواْ؞ 25سُنَ ثٜىٰوَ «دُوبِے وَنْثَنْ مُتُمِنْدَ يَڢِتُواْ! يَنَ ڢِتُواْوَ نٜىٰ دُواْمِنْ يَذَاغِ إِسْرَٰٓءِيلَ! سَرْكِے يَثٜىٰ دُكْ وَنْدَ يَكَشٜىٰشِ ذَاعَ بَاشِ دُوكِيَ مَيْ يَوَ، كُمَ ذَاعَ بَاشِ یَرْ سَرْكِے يَ عَوْرَ، غِدَنْ بَابَنْسَ كُمَ بَذَيْبِيَ هَرَاجِبَ؞»
26دَاوُدَ يَتَمْبَيِ سُواْجُواْجِنْ دَسُكٜىٰ كُسَدَشِ يَثٜىٰ «مٜىٰنٜىٰنٜىٰ ذَاعَيِ وَوَنْدَ يَكَشٜىٰ وَنَّنْ مُتُمِنْ ڢِلِسْتِيَ دُواْمِنْ عَثٜىٰثِ إِسْرَٰٓءِيلَ دَغَ وَنَّنْ أَبِنْ كُنْيَا؟ شِنْ! وَنٜىٰنٜىٰ مُتُمِنْ ڢِلِسْتِيَ، ڧَظَامِنْ أَرْنٜىٰ مَرَرْ كَاثِيَ؟ أَيْ، بَذَاعَ بَرْشِ يَذَاغِ سُواْجُواْجِنْ اللَّهْ مَيْ رَيْ بَ!» 27عَكَ ڢَطَا مَسَ أَبِنْدَ ذَاعَيِ وَمُتُمِنْدَ يَكَشٜىٰ جَالُوتَ؞
28عَمَّا عٜىٰلِيَبْ وَنْدَ شِينٜىٰ بَبَّ دَغَ ثِكِنْ یَنْعُوَنْ دَاوُدَ يَجِ دَاوُدَ يَنَ مَغَنَ دَ سُواْجُواْجِنْ، سَيْ يَيِ ڢُشِے يَثٜىٰمَسَ «مٜىٰ يَكَٰوُاْكَ نَنْ؟ وَنٜىٰنٜىٰ كَبَرْ مَسَ یَنْ تُمَكِنْكَ أَدَاجِنْدَ بَا كُواْوَ؟ نَا سَنْ ضِغِمَرْكَ دَ تَوْرِنْ كَنْكَ! كَا ذُواْ نٜىٰ كَوَيْ دُواْمِنْ كَيِ كَلُّوانْ يَاڧِ!»
29سَيْ دَاوُدَ يَأَمْسَ مَسَ يَثٜىٰ «تُواْ، وَنٜىٰ لَيْڢِے نَيِ؟ بَ دَامَ إِنْيِ مَغَنَ؟» 30سَيْ يَبَرْ شِ يَجُويَ وُرِنْ وَنِ سُواْجَ، يَسَاكٜىٰ تَمْبَيَ إِرِنْ تَدَا؞ عَكَ بَاشِ أَمْسَ دَيْدَيْ كَمَرْ تَڢَرْكُواْ؞ 31وَطَنْسُ سُواْجُواْجِ سُكَجِ أَبِنْدَ دَاوُدَ يَڢَطَا سُكَ غَيَوَ طَالُوتَ؞ سَيْ طَالُوتَ نَنْ تَكٜىٰ يَعَيْكَ عَكَٰوُاْ دَاوُدَ؞
32دَ طَالُوتَ يَتَمْبَيِ دَاوُدَ، سَيْ دَاوُدَ يَثٜىٰ وَ طَالُوتَ «رَنْكَيَدَطٜىٰ! كَدَ كُواْوَ يَجِڟُواْرُوانْ مُتُمِنْ ڢِلِسْتِيَ، غَمَا نِے بَاوَنْكَ ذَنْجٜىٰ إِنْيِ ڢَطَ دَشِ؞» 33طَالُوتَ يَثٜىٰ «أَعَ؞ بَذَاكَ عِيَ ڢَطَ دَ وَنَّنْ مُتُمِنْ ڢِلِسْتِيَ بَ، دُواْمِنْ كَيْ طَنْ سَوْرَيِ نٜىٰ، شِيكُوَ يَسَابَادَ يَاڧِ تُنْ يَنَ يَرُواْ؞» 34عَمَّا دَاوُدَ يَثٜىٰ وَ طَالُوتَ «رَنْكَيَدَطٜىٰ! إِنَ لُورَ دَ تُمَكِنْ بَابَنَ؞ دُكْ سَعَدَّ ذَاكِ كُواْ بٜىٰيَرْ#17.34 بٜىٰيَرْ: وَنِ إِرِنْ نَامَنْ دَاجِ نٜىٰ دَ عَكٜىٰ سَامُنْسَ عَڧَسَرْسُ؞ يَكَامَ تُنْكِيَ دَغَ غَرْكٜىٰ، 35نَكَنْبِے شِ إِنْ ڢَاطَ مَسَ إِنْ ڨُوثٜىٰ تُنْكِيَرْ دَغَ بَاكِنْسَ؞ عِدَنْ كُمَ ذَاكِنْ كُواْ بٜىٰيَرْ طِنْ يَجُويُواْ عَكَيْنَ، نَكَنْ كَامَ شِ تَغَاشِنْسَ إِنْ ڢَاطَ مَسَ إِنْ كَشٜىٰشِ؞ 36نِے بَاوَنْكَ نَشَا كَشٜىٰ ذَاكُواْكِ دَ بٜىٰيَرْ، حَكَكُمَ ذَنْيِ دَ مُتُمِنْ ڢِلِسْتِيَ، ڧَظَامِنْ أَرْنٜىٰ مَرَرْ كَاثِيَ، تُنْدَيَكٜىٰ يَذَاغِ سُواْجُواْجِنْ اللَّهْ مَيْ رَيْ؞
37«يَهْوٜىٰهْ وَنْدَ يَثٜىٰثٜىٰنِ دَغَ حَنُّنْ ذَاكِ دَ نَبٜىٰيَرْ ذَيْثٜىٰثٜىٰنِ دَغَ حَنُّنْ مُتُمِنْ ڢِلِسْتِيَ؞»
طَالُوتَ يَثٜىٰ وَ دَاوُدَ «تُواْ، كَتَڢِے، يَهْوٜىٰهْ يَكَسَنْثٜىٰ تَرٜىٰدَكَيْ؞» 38سَيْ طَالُوتَ يَكَٰوُاْ كَايَنْ يَاڧِنْسَ يَسَا وَ دَاوُدَ؞ يَسَا مَسَ هُولَرْ ݣُونُوانْ دَ عَكَيِ دَ تَغُلَّ، يَكُمَسَا مَسَ رِغَرْ ڧَرْڢٜىٰنْسَ؞ 39دَاوُدَ يَرَاتَيَ تَكُواْبِنْ طَالُوتَ عَكَنْ رِغَرْ ڧَرْڢٜىٰنْدَ يَسَا، سَعَنً يَيِ ڧُواْڧَرِ يَيِ تَڢِيَ عَمَّا يَكَاسَ، غَمَا بَيْسَابَادَ سَا وَطَنَّنْ كَايَنْبَ؞ سَيْ دَاوُدَ يَثٜىٰ «بَذَنْ عِيَ تَڢِيَ دَ وَطَنَّنْبَ، غَمَا بَنْ سَابَادَسُوبَ؞» سَيْ دَاوُدَ يَتُوٻٜىٰسُ؞ 40سَعَنً يَطَوْكِ سَنْدَنْ كِيوُانْسَ، يَكُمَ ذَاٻِ دُوَڟُو مَاسُ سَنْڟِ غُدَا بِيَرْ دَغَ ثِكِنْ رَاڢِ يَسَا أَ جَكَرْسَ نَكِيوُاْ؞ يَطَوْكِ مَجَجَّوَرْسَ يَمَڟُواْ كُسَدَ مُتُمِنْ ڢِلِسْتِيَ؞
دَاوُدَ يَكَشٜىٰ جَالُوتَ
41مُتُمِنْ ڢِلِسْتِيَ شِے مَا يَڢِتُواْ يَنَ غُسُواْوَ ذُوَا وُرِنْ دَاوُدَ؞ مَيْ رِڧٜىٰ مَسَ غَرْكُوَرْ يَاڧِ كُوَ يَنَ تَڢِيَ أَغَبَنْسَ؞ 42دَ جَالُوتَ يَدُوبِے دَاوُدَ يَغَ شِے سَوْرَيِنٜىٰ، ݣَكْݣَوَانٜىٰ كُمَ مَيْ ڧُواْشِنْ لَاڢِيَ، سَيْ يَرٜىٰنَ شِ؞ 43يَثٜىٰ مَسَ «كَنَ ڟَمَّنِ نِے كَرٜىٰنٜىٰ دَ ذَاكَذُواْ مِنِ دَ سَنْدَا؟» سَيْ يَلَعَنْثِ دَاوُدَ دَ سُونَيٜىٰنْ أَلُّواْلِنْ ڢِلِسْتِيَاوَا؞ 44سَيْ يَثٜىٰ وَ دَاوُدَ «ذُواْ مَنَ! يَوْ ذَنْبَادَ جِكِنْكَ غَ نَمُواْمِنْ دَاجِ دَ ڟُنْڟَيٜىٰ سُثِ!»
45دَاوُدَ يَأَمْسَ يَثٜىٰ «كَنَ ذُوَا وُرِينَ دَ تَكُواْبِے دَ مَاشِ دَ ڧَتُوانْ وُڧَ، عَمَّا نِے نَا ذُواْ غَرٜىٰكَ عَثِكِنْ سُونَنْ يَهْوٜىٰهْ مَڢِے غِرْمَ، اللَّهْ نَسُواْجُواْجِنْ إِسْرَٰٓءِيلَ وَنْدَ كَذَغٜىٰشِ؞ 46يَوْ طِنَّنْ يَهْوٜىٰهْ ذَيْبَادَكَيْ أَ هَنُّونَ؞ ذَنْ كَشٜىٰكَ إِنْ يَنْكٜىٰ كَنْكَ؞ يَوْ طِنَّنْ كُمَ ذَنْبَا ڟُنْڟَيٜىٰ دَ نَمُواْمِنْ دَاجِ جِكُنَنْ سُواْجُواْجِنْ ڢِلِسْتِيَاوَا سُثِ؞ تَهَكَ دُونِيَا دُكَ ذَاتَ سَنْ ثٜىٰوَ لَلَّيْ أَݣَويْ اللَّهْ عَ إِسْرَٰٓءِيلَ؞ 47كُمَ دُكَنْ تَارُوانْ جَمَعَرْ نَنْ ذَاسُ سَنِ ثٜىٰوَ يَهْوٜىٰهْ بَايَ بُڧَاتَ تَكُواْبِے كُواْ مَاشِ دُواْمِنْ يَثٜىٰثِ مُتَنٜىٰنْسَ؞ يَاڧِ نَ يَهْوٜىٰهْ نٜىٰ، كُمَ ذَيْبَادَكُو ڢِلِسْتِيَاوَا أَ حَنُّنْمُ؞»
48دَ جَالُوتَ مُتُمِنْ ڢِلِسْتِيَ يَڧَارَ مَڟُواْوَ كُسَ دُواْمِنْ يَغَمُ دَ دَاوُدَ، سَيْ دَاوُدَ يَرُوغَ دَ غُدُ ذُوَا وُرِنْ لَيِنْ يَاڧِ دُواْمِنْ يَغَمُ دَشِ؞ 49سَيْ يَسَا حَنُّ أَ جَكَرْسَ يَڢِتَرْدَ دُوڟٜىٰ، يَسَا أَ مَجَجَّوَرْسَ يَجٜىٰڢِ جَالُوتَ دَشِ؞ دُوڟٜىٰنْ يَهَرْبِے جَالُوتَ مُتُمِنْ ڢِلِسْتِيَ أَغُواْشِنْسَ حَرْ يَشِغَ ثِكِنْ غُواْشِنْسَ؞ مُتُمِنْ كُوَ يَڢَاطِ دَ ڢُسْكَرْسَ حَرْ ڧَسَا؞ 50تَهَكَ دَ مَجَجَّوَ دَ دُوڟٜىٰ كَوَيْ دَاوُدَ يَثِ نَصَرَا عَكَنْ مُتُمِنْ ڢِلِسْتِيَ؞ يَجٜىٰڢٜىٰشِ يَكَشٜىٰ بَاتَرٜىٰدَ تَكُواْبِے أَ حَنُّنْسَبَ؞#2 سَمْ 21.19 51سَيْ يَرُوغَ دَ غُدُ ذُوَا وُرِنْ مُتُمِنْ ڢِلِسْتِيَ يَظَرُواْ تَكُواْبِنْ مُتُمِنْ ڢِلِسْتِ دَغَ غِدَنْ تَكُواْبِنْ يَثِرٜىٰ كَنْسَ دَشِ؞#1 سَمْ 21.9
دَ ڢِلِسْتِيَاوَا سُكَغَ سَرْكِنْ يَاڧِنْسُ يَمُتُ سَيْ ڟُواْرُواْ يَكَامَسُ سُكَ وَڟٜىٰ دَ غُدُ؞ 52سُواْجُواْجِنْ إِسْرَٰٓءِيلَ دَ نَ يَهُودَ سُكَتَاشِ أَغُجٜىٰ سُكَيِ إِيهُ سُكَ كُواْرِ ڢِلِسْتِيَاوَنْ حَرْ ڧُواْڢَرْ بِرْنِنْ غَتْ دَ تَ عٜىٰكْرُوانْ؞ ڢِلِسْتِيَاوَنْ دَ عَكَيِ مُسُ رَوْنِ سُكَيِ تَڢَاطُوَ أَ حَنْيَرْ شَعَرَيِمْ حَرْ ذُوَا غَتْ دَ عٜىٰكْرُوانْ؞ 53دَ إِسْرَٰٓءِيلَاوَا سُكَ كُواْمَ دَغَ كُواْرَرْ ڢِلِسْتِيَاوَا، سَيْ سُكَ ڨُوثٜىٰ دُكْ أَبِنْدَ سُكَ عِيَ سَامُ دَغَ ثِكِنْ سَنْسَنِنْ يَاڧِنْ ڢِلِسْتِيَاوَنْ؞ 54دَاوُدَ يَطَوْكِ كَنْ جَالُوتَ يَكَيْ عُرُوشَلِيمَ، سَعَنً يَأَجِيٜىٰ كَايَنْ يَاڧِنْ جَالُوتَ عَتٜىٰنْتِ#17.54 تٜىٰنْتِ: وَنِ طَنْ بُكَّ نٜىٰ دَ عَكَنْيِ دَ يَدِ كُواْ دَ ڢَتُنْ دَبُّواْبِے وَنْدَ سُواْجُواْجِ كُواْ مَكِيَايَ سُكَنْيِ أَمْڢَانِ دَشِ دُواْمِنْ سُݣُونْتَ عَثِكِ؞ نَشِے دَاوُدَ؞
أَنْ كَيْ دَاوُدَ وُرِنْ طَالُوتَ
55كَاڢِنْ وَنَّنْ يَاڧِ، سَعَدَّ طَالُوتَ يَغَ دَاوُدَ يَڢِتَ ذَيْ يَاڧِ جَالُوتَ سَيْ يَتَمْبَيِ شُوغَبَنْ سُواْجُواْجِنْسَ أَبْنٜىٰرْ يَثٜىٰ «أَبْنٜىٰرْ، وَنٜىٰنٜىٰ بَابَنْ طَنْ سَوْرَيِنَّنْ؟» سَيْ أَبْنٜىٰرْ يَأَمْسَ يَثٜىٰ «رَنْكَيَدَطٜىٰ، سَرْكِے، بَنْ سَنِبَ!» 56سَرْكِے يَعُمَرْثٜىٰشِ يَثٜىٰ «كَتَمْبَيَ كَجِ كُواْ سَوْرَيِنَّنْ طَنْ وَنٜىٰنٜىٰ؞» 57دَ دَاوُدَ يَدَاوُاْ دَغَ كِسَنْ جَالُوتَ، سَيْ أَبْنٜىٰرْ يَكَيْشِ وُرِنْ طَالُوتَ؞ دَاوُدَ كُوَ يَنَ رِڧٜىٰ دَ كَنْ جَالُوتَ؞ 58طَالُوتَ يَتَمْبَيِ دَاوُدَ يَثٜىٰ «يَرُواْ، كَيْ طَنْ وَنٜىٰنٜىٰ؟»
دَاوُدَ يَأَمْسَ «نِے طَنْ يٜىٰسّٜىٰ، مَيْيِ مَكَ حِدِمَ، مُتُمِنْ بَيْتَلَحْمِ نٜىٰ؞»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020