1 سَمَٰعِيلَ 11
11
طَالُوتَ يَا ثِ أَمُّواْنَاوَا دَ يَاڧِ
1بَايَنْ وَنَّنْ نَهَشْ سَرْكِنْ أَمُّوانْ يَكٜىٰوَيٜىٰ بِرْنِنْ يَبٜىٰشْ أَ غِلٜىٰيَدْ دُواْمِنْ يَڢَاطَ مُسُ دَ يَاڧِ؞ سَيْ دُكَنْ مَذَنْ يَبٜىٰشْ أَ غِلٜىٰيَدْ سُكَثٜىٰ مَسَ «كَيِ يَرْجٜىٰجٜىٰنِيَ دَمُو، مُو كُوَ ذَامُ بَوْتَا مَكَ؞»
2نَهَشْ كُوَ يَأَمْسَ مُسُ يَثٜىٰ «ذَنْيِ يَرْجٜىٰجٜىٰنِيَ دَكُو عَكَنْ أَبُ غُدَا، ثٜىٰوَ كُواْوَنٜىٰ مُتُمْ ذَاعَ ثِرٜىٰ عِدُوانْسَ نَدَمَ؞#11.2 ثِرٜىٰ عِدُوانْسَ نَدَمَ...كُنْيَا: إِسْرَٰٓءِيلَاوَا سُنَ أَمْڢَانِ دَ عِدُواْ نَدَمَ وَجٜىٰنْ هَرْبِنْ كِبِيَ؞ ثِرٜىٰ عِدُواْ نَدَمَ يَنَ نُونَ ثٜىٰوَ بَذَاسُ عِيَ يَاڧِ دَ بَكَ دَ كِبِيَبَ؞ وَنَّنْ يَذَمَ أَبِنْ كُنْيَا كٜىٰنَنْ؞ تَهَكَ ذَنْسَا دُكَنْ إِسْرَٰٓءِيلَ سُجِ كُنْيَا؞»
3دَتَّاوَنْ بِرْنِنْ يَبٜىٰشْ أَ غِلٜىٰيَدْ سُكَثٜىٰ مَسَ «تُواْ، كَبَامُ ݣُونَ بَݣَويْ مُعَيْكَ دَ یَنْ عَيْكَ ذُوَاغَ دُكَنْ يَنْكِنْ إِسْرَٰٓءِيلَ؞ عِدَنْ بَاوَنْدَ يَذُواْ يَثٜىٰثٜىٰمُ، تُواْ، سَيْ مُڢِتَ مُمِيڧَ كَنْمُ غَرٜىٰكَ؞»
4دَ یَنْ عَيْكَ سُكَ إِسُواْ غِبٜىٰيَ عِنْدَ طَالُوتَ يَكٜىٰ، سَيْ سُكَ بَادَ لَابَرِنْ أَبِنْدَ يَڢَرُ، دُكَنْ جَمَعَ سُكَ ڢَشٜىٰ دَ كُوكَا؞
5دَيْدَيْ لُواْكَثِنْ كُوَ طَالُوتَ يَنَ دَاوُاْوَ دَغَ غُواْنَ دَ شَانُنْ نُواْمَنْسَ؞ سَيْ يَتَمْبَيَ يَثٜىٰ «مٜىٰيَڢَرُ دَ جَمَعَ سُكٜىٰ كُوكَا حَكَ؟» سَيْ عَكَ ڢَطَا مَسَ لَابَرِنْ مُتَنٜىٰنْ بِرْنِنْ يَبٜىٰشْ؞ 6دَ يَجِ وَنَّنْ سَيْ رُوحٌ اللَّهْ يَيِ إِيكُواْ عَكَنْسَ، سَيْ يَيِ ڢُشِے سُواْسَيْ؞ 7سَيْ طَالُوتَ يَكَشٜىٰ شَانُنْسَ بِيُ، يَرَرَّبَ نَامَنْسُ ڟُواْكَ ڟُواْكَ، يَبَا یَنْ عَيْكَ سُكَيْسُ كُواْعِنَ عَيَنْكِنْ إِسْرَٰٓءِيلَ؞ يَثٜىٰ دُكْ عِنْدَ سُكَ تَڢِے سُنُونَ نَامَنْ سُثٜىٰ «دُكْ وَنْدَ بَيْ ڢِتَ يَغُواْيِ بَايَنْ طَالُوتَ دَ سَمَٰعِيلَ عَيَاڧِ بَ، حَكَ ذَاعَيِ دَ شَانُنْسَ؞» دَجِنْ وَنَّنْ، ڟُواْرُواْ دَغَ وُرِنْ يَهْوٜىٰهْ يَاكَامَ جَمَعَرْ إِسْرَٰٓءِيلَ سُواْسَيْ؞ سَيْ دُكَنْ مَظَا سُكَ ڢِتُواْ غَبَاطَيَ؞
8طَالُوتَ يَتَتَّارَ يَشِشِرْيَسُ أَ بٜىٰظٜىٰكْ، مُتَنٜىٰ دُبُو طَرِے عُكُ دَغَ إِسْرَٰٓءِيلَ، سَعَنً مُتَنٜىٰ دُبُو تَلَاتِنْ دَغَ يَهُودَ؞ 9سُكَثٜىٰ وَ یَنْ عَيْكَنْ دَ سُكَذُواْ دَغَ بِرْنِنْ يَبٜىٰشْ أَ غِلٜىٰيَدْ «كُغَيَوَ مُتَنٜىٰنْكُ ثٜىٰوَ ذُوَا ڟَكَرْ رَانَ غُواْبٜىٰ ذَاعَ ثٜىٰثٜىٰسُ؞» دَ مُتَنٜىٰنْ يَبٜىٰشْ سُكَ كَرْٻِ سَڧُواْنَّنْ، سَيْ سُكَيِ ڢَضٍ ثِكِ سُواْسَيْ؞ 10عَمَّا سُكَ رُوطِ مُتَنٜىٰنْ أَمُّوانْ سُكَثٜىٰ «غُواْبٜىٰ ذَامُ ڢِتَ مُمِيڧَ كَنْمُ غَرٜىٰكُ كُيِ أَبِنْدَ كُكَغَ دَامَ دَمُو؞»
11وَشٜىٰغَرِ كُوَ دَ سَسَّڢٜىٰ طَالُوتَ يَرَبَ مُتَنٜىٰنْ كَشِ عُكُ؞ سَيْ سُكَ كَيْ هَرِ أَ سَنْسَنِنْ أَمُّواْنَاوَا؞ سُكَيِ تَكَكَّشٜىٰسُ حَرْ ذُوَا ڟَكَرْ رَانَ؞ وَطَنْدَ سُكَ رَغُ عَثِكِنْسُ كُوَ سُكَ وَرْوَڟٜىٰ كُواْوَ يَنَ تَكَنْسَ؞
12سَيْ جَمَعَ سُكَجٜىٰ وُرِنْ سَمَٰعِيلَ سُكَثٜىٰ مَسَ «إِنَا وَطَنْدَ دَا مَا سُكَ ڢَطَا ثٜىٰوَ طَالُوتَ ذَيْ عِيَ ذَمَ سَرْكِنْمُ كُوَ؟ أَ ڢِتَرْ مَنَ دَسُو مُكَشٜىٰ!» 13عَمَّا طَالُوتَ يَأَمْسَ مُسُ يَثٜىٰ «أَعَ! بَذَاعَ كَشٜىٰ مُتُمْ يَوْبَ؞ غَمَا أَوَنَّنْ رَانَ يَهْوٜىٰهْ يَايِ ثٜىٰتُواْ عَ إِسْرَٰٓءِيلَ؞» 14سَيْ سَمَٰعِيلَ يَثٜىٰ وَجَمَعَ «كُذُواْ مُتَڢِے غِلْغَلْ دُواْمِنْ مُسَاكٜىٰ تَبَّتَرْ دَ طَالُوتَ سَرْكِنْمُ؞» 15جَمَعَ غَبَاطَيَ سُكَ تَڢِے غِلْغَلْ؞ عَثَنْ غِلْغَلْ سُكَ تَبَّتَرْ دَ طَالُوتَ سَرْكِے أَغَبَنْ يَهْوٜىٰهْ؞ سُكَ مِيڧَ هَدَايُ نَڠَرَنْ زُمُنْثِ غَ يَهْوٜىٰهْ؞ طَالُوتَ كُوَ دَ دُكَنْ مُتَنٜىٰنْ إِسْرَٰٓءِيلَ سُكَيِ ڢَضٍ ثِكِ سُواْسَيْ؞
Currently Selected:
1 سَمَٰعِيلَ 11: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
