1 سَرَاكُنَ 21
21
أَهَبْ يَڨُوثٜىٰ غُواْنَرْ نَبُواتْ
1أَنَانً بَايَنْ حَكَ سَيْ وَطَنَّنْ أَبُبُوَ سُكَ ڢَرُ؞ نَبُواتْ مُتُمِنْ يٜىٰظِرٜىٰيٜىٰلْ يَنَدَ غُواْنَرْ إِنَبِے أَ يٜىٰظِرٜىٰيٜىٰلْ عَيَنْكِنْ سَمَرِيَ كُسَدَ غِدَنْ سَرْكِے أَهَبْ؞ 2وَتَرَانَ أَهَبْ يَثٜىٰ وَ نَبُواتْ «تُنْدَيَكٜىٰ غُواْنَرْ إِنَبِنْكَ تَنَ كُسَدَ غِدَانَ، سَيْ كَبَانِ عِتَ دُواْمِنْ إِنْيِ نُواْمَنْ كَايَنْ لَمْبُو عَثِكِ؞ ذَنْ بَاكَ وَتَ غُواْنَرْ إِنَبِے وَدَّ تَڢِے وَنَّنْ؞ عِدَنْ كُوَ كَڢِسُواْ كَسَيَرْ مِنِ، ذَنْبَاكَ كُطِنْ دَ يَيِ دَيْدَيْ دَ دَرَجَرْتَ؞»
3نَبُواتْ يَثٜىٰ وَ أَهَبْ «يَهْوٜىٰهْ يَسَوَّڧٜىٰ! بَذَنْ عِيَ طَوْكَرْ غُواْنَرْدَ نَغَادَ دَغَ كَاكَنِّنَ إِنْ بَاكَبَ؞»#لِـ ڧِدْ 36.7؛ هِظْ 46.18
4أَهَبْ يَكُواْمَ غِدَا دَ ٻَثِنْ رَيْ دَ بَڧِنْ ثِكِ، سَبُواْدَ نَبُواتْ مُتُمِنْ يٜىٰظِرٜىٰيٜىٰلْ يَثٜىٰ مَسَ بَذَيْبَاشِ غُواْنَرْدَ يَغَادَ دَغَ كَاكَنِّنْسَبَ؞ أَهَبْ يَݣُونْتَ أَغَدُواْ يَسَا ڢُسْكَرْسَ تَبَنْغُواْ، يَڧِ ثِنْ عَبِنْثِ؞ 5سَيْ مَاتَرْسَ يٜىٰظٜىٰبٜىٰلْ تَذُواْ وُرِنْسَ تَثٜىٰ مَسَ «دُوانْمٜىٰ كَكٜىٰ بَڧِنْ ثِكِ حَرْ بَكَ عِيَ ثِنْ عَبِنْثِبَ؟»
6يَأَمْسَ مَتَ يَثٜىٰ «سَبُواْدَ مَغَنَرْ دَ نَبُواتْ يَيِمِنِ نٜىٰ؞ نَا سُواْ إِنْ سَيِ غُواْنَرْسَ، كُواْ كُوَ إِنْ بَاشِ وَتَ غُواْنَ أَمَيْمَكُوانْ تَاسَ غُواْنَرْ، عَمَّا سَيْيَثٜىٰ مِنِ بَذَيْبَانِ غُواْنَرْ إِنَبِنْسَبَ؞»
7يٜىٰظٜىٰبٜىٰلْ تَثٜىٰمَسَ «بَ كَيْنٜىٰ سَرْكِنْ إِسْرَٰٓءِيلَ بَ؟ تَاشِ كَثِ عَبِنْثِ، كَجِوَ رَنْكَ دَاطِے؞ ذَنْبَاكَ غُواْنَرْ إِنَبِنْ نَبُواتْ مُتُمِنْ يٜىٰظِرٜىٰيٜىٰلْ؞»
8سَيْ تَرُبُوتَ وَسِيڧُ دَ سُونَنْ سَرْكِے أَهَبْ تَبُغَ هَاتِمِنْسَ عَكَيْ؞ تَا رَرَّبَ وَسِيڧُنْ ذُوَا وُرِنْ دَتَّاوَا دَ مَنْيَنْ مُتَنٜىٰ نَبِرْنِنْ دَ نَبُواتْ يَكٜىٰ ذَمَ؞ 9وَسِيڧُنْ سُنْثٜىٰ،
«كُيِ شٜىٰلَرْ رَانَرْ أَظُمِ، كُكِرَا مُتَنٜىٰ كُسَا نَبُواتْ أَغَبَنْ جَمَعَ؞ 10أَسَا یَنْ إِسْكَ غُدَا بِيُ سُڢُسْكَنْثٜىٰشِ، سُيِ تَكَٰوُاْ هُجُّواْجِ عَكَنْسَ سُنَ ثٜىٰوَ ‹كَيْ كَلَعَنْثِ اللَّهْ دَ سَرْكِے؞› سَعَنً كُطَوْكٜىٰشِ كُجٜىٰجّٜىٰڢٜىٰشِ دَ دُوَڟُو حَرْ سَيْ يَمُتُ؞»
11سَيْ مُتَنٜىٰنْ بِرْنِنْسَ دَ دَتَّاوَنْ تَرٜىٰدَ مَنْيَنْ مُتَنٜىٰنْ بِرْنِنْ سُكَيِ دَيْدَيْ كَمَرْ يَدَّ يٜىٰظٜىٰبٜىٰلْ تَرُبُوتَ عَيِ؞ 12سُكَيِ شٜىٰلَرْ رَانَرْ أَظُمِ، سُكَ كَٰوُاْ نَبُواتْ سُكَسَاشِ أَغَبَنْ جَمَعَرْ؞ 13سَيْ یَنْ إِسْكَرْ نَنْ غُدَا بِيُ سُكَذُواْ سُكَ ذَوْنَ سُكَ ڢُسْكَنْثٜىٰشِ؞ یَنْ إِسْكَرْ نَنْ سُكَ كَٰوُاْ هُجُّواْجِ عَكَنْ نَبُواتْ أَغَبَنْ جَمَعَرْ سُنَ ثٜىٰوَ «كَيْ كَلَعَنْثِ اللَّهْ دَ سَرْكِے؞» سَبُواْدَ حَكَ سُكَ طَوْكٜىٰشِ ذُوَا بَايَنْ غَرِ سُكَ جٜىٰجّٜىٰڢٜىٰشِ دَ دُوَڟُو حَرْ يَمُتُ؞ 14سَيْ سُكَ عَيْكَ وَ يٜىٰظٜىٰبٜىٰلْ سَڧُواْ ثٜىٰوَ «أَنْ رِغَا أَنْجٜىٰجّٜىٰڢِ نَبُواتْ دَ دُوَڟُو يَمُتُ؞»
15دَظَرَرْ يٜىٰظٜىٰبٜىٰلْ تَكَرْٻِ سَڧُوانْ ثٜىٰوَ أَنْرِغَا أَنْجٜىٰجّٜىٰڢِ نَبُواتْ حَرْ يَمُتُ، تَثٜىٰ وَ أَهَبْ «تَاشِ! تَڢِے كَمَلَّكِ غُواْنَرْ دَ نَبُواتْ مُتُمِنْ يٜىٰظِرٜىٰيٜىٰلْ يَڧِ يَسَيَرْ مَكَ، غَمَا نَبُواتْ بَاشِ دَ رَيْ، يَمُتُ؞» 16حَكَ كُوَ يَكَسَنْثٜىٰ دَ أَهَبْ يَجِ ثٜىٰوَ نَبُواتْ يَمُتُ، سَيْ يَتَاشِ نَنْ دَنَنْ يَغَنْغَرَ ذُوَا غُواْنَرْ إِنَبِنْ نَبُواتْ دُواْمِنْ يَمَلَّكٜىٰتَ؞
إِلْيَاسُ يَڟَاوَتَاوَ أَهَبْ
17سَعَنً مَغَنَرْ يَهْوٜىٰهْ تَذُواْ وَ إِلْيَاسُ مُتُمِنْ تِشْبٜىٰ ثٜىٰوَ 18«تَاشِ! كَغَنْغَرَ وُرِنْ سَرْكِے أَهَبْ نَ إِسْرَٰٓءِيلَ وَنْدَ يَكٜىٰ ذَمَ أَ سَمَرِيَ؞ ذَاكَ سَامٜىٰشِ أَغُواْنَرْ إِنَبِنْ نَبُواتْ، عِنْدَ يَتَڢِے دُواْمِنْ يَمَلَّكٜىٰتَ؞ 19ڢَطَا مَسَ ثٜىٰوَ ‹إِنْجِ يَهْوٜىٰهْ «بَايَنْدَ كَكَشٜىٰ مُتُمِنْ، كَنَ سُواْ كَمَلَّكِ غُواْنَرْسَ كُمَ؟» كَڧَارَ ثٜىٰمَسَ «وُرِنْ دَ كَرْنُكَ سُكَ لَشٜىٰ جِنِنْ نَبُواتْ أَوُرِنْ نٜىٰ ذَاسُ لَشٜىٰ نَاكَ!» › »
20دَ أَهَبْ يَغَ إِلْيَاسُ سَيْيَثٜىٰ «أَهَ! كَيْ أَبُواْكِنْ غَابَنَ كَا سَامٜىٰنِ؟»
إِلْيَاسُ يَأَمْسَ «عِ، نَا سَامٜىٰكَ؞ كَا بَادَ كَنْكَ طُنْغُمْ غَ عَيْكَتَ مُغُنْتَا أَعِدُوانْ يَهْوٜىٰهْ؞ 21سَبُواْدَ حَكَ يَهْوٜىٰهْ ذَيْ كَٰوُاْ مَسِيڢَ عَكَنْكَ؞ ذَيْ كَوَرْ دَكَيْ دَ كُواْوَنٜىٰ طَنْكَ نَمِجِ، كُواْ شِے بَاوَ نٜىٰ كُواْ شِے بَ بَاوَ بَنٜىٰ عَ إِسْرَٰٓءِيلَ؞ 22يَهْوٜىٰهْ ذَيْسَا غِدَنْكَ يَهَلَّكَ كَمَرْ غِدَنْ يٜىٰرُواْبُواْوَمْ طَنْ نٜىٰبَتْ دَ كُمَ غِدَنْ بَعَشَ طَنْ أَهِيَ، غَمَا كَا سَا يَهْوٜىٰهْ يَيِ ڢُشِے، كَكُمَ سَا مُتَنٜىٰنْ إِسْرَٰٓءِيلَ سُكَيِ ذُنُوبِ؞ 23غَمٜىٰ دَ مَاتَرْكَ يٜىٰظٜىٰبٜىٰلْ، يَهْوٜىٰهْ يَثٜىٰ كَرْنُكَنْ بِرْنِنْ يٜىٰظِرٜىٰيٜىٰلْ ذَاسُ ثِنْيٜىٰ نَامَنْتَ عَثِكِنْ بِرْنِنْ؞#2 سَرْ 9.36 24دُكْ وَنْدَ يَكٜىٰ نَ أَهَبْ دَ ذَيْ مُتُ عَثِكِنْ بِرْنِ، كَرْنُكَ ذَاسُ ثِنْيٜىٰشِ؞ سَعَنً دُكْ وَنْدَ يَمُتُ أَدَاجِ، ڟُنْڟَيٜىٰنْ سَرَرِنْ سَمَ ذَاسُ ثِنْيٜىٰشِ؞»
25حَڧِيڧَ بَعَسَامُ وَنْدَ يَبَادَ كَنْسَ غَ عَيْكَتَ مُغُنْتَا أَعِدُوانْ يَهْوٜىٰهْ كَمَرْ أَهَبْ بَ، سَبُواْدَ مَاتَرْسَ يٜىٰظٜىٰبٜىٰلْ تَظُغَشِ؞ 26يَعَيْكَتَ أَبُبُوَ مَاسُ بَنْ ڨَمَ سُواْسَيْ تَوُرِنْ يِنْ سُجَّدَ غَ غُمَكَ، كَمَرْ يَدَّ أَمُواْرِيَاوَا سُكَيِ، وَطَنْدَ يَهْوٜىٰهْ يَكُواْرَ دَغَ ڧَسَرْ كَاڢِنْ إِسْرَٰٓءِيلَاوَا سُكَ شِغَ؞
27سَعَدَّ أَهَبْ يَجِ حَكَ، سَيْ يَيَيَّاغٜىٰ رِيغُنَنْسَ، يَسَا رِيغُنَنْ نُونَ بَڧِنْ ثِكِ، يَيِ أَظُمِ، يَكُمَ ݣُونْتَ دَ رِيغُنَنْ نُونَ بَڧِنْ ثِكِ؞ دَيَڢِتَ كُمَ سَيْ يَيِ تَڢِيَ سَنُّ سَنُّ؞
28 يَهْوٜىٰهْ يَا يِمَغَنَ دَ أَنَّبِے إِلْيَاسُ مُتُمِنْ غَرِنْ تِشْبٜىٰ، 29«كَغَا يَدَّ أَهَبْ يَڧَسْڧَنْتَرْ دَكَنْسَ أَغَبَنَ؟ تُنْدَيَكٜىٰ يَڧَسْڧَنْتَرْ دَكَنْسَ أَغَبَنَ حَكَ، بَذَنْ كَٰوُاْ مَسِيڢَرْ نَنْ عَݣُونَكِنْسَبَ؞ عَمَّا عَݣُونَكِنْ مُلْكٍ طَنْسَ ذَنْ كَٰوُاْ مَسِيڢَرْ نَنْ عَكَنْ غِدَنْسَ؞»
Currently Selected:
1 سَرَاكُنَ 21: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
