1 سَرَاكُنَ 13
13
أَنْ يِ أَنَّبْثِنْ غَابَادَ بَغَدٜىٰنْ دَ يٜىٰرُواْبُواْوَمْ يَيِ
1سَعَدَّ يٜىٰرُواْبُواْوَمْ يَنَ ڟَيٜىٰ كُسَدَ بَغَدٜىٰ ذَيْ ڧُواْنَ تُرَارٜىٰ، سَيْغَاشِ، وَنِ مُتُمِنْ اللَّهْ دَغَ يَهُودَ يَذُواْ بٜىٰتٜىٰلْ بِسَغَ عُمَرْنِنْ يَهْوٜىٰهْ؞ 2سَيْ يَطَغَ مُرْيَ يَيِ أَنَّبْثِنْ غَابَادَ بَغَدٜىٰ بِسَغَ مَغَنَرْ يَهْوٜىٰهْ يَثٜىٰ «كَيْ بَغَدٜىٰ، كَيْ بَغَدٜىٰ، إِنْجِ يَهْوٜىٰهْ، ‹ذَاعَ حَيْڢِ طَا أَ ذُرِيَرْ دَاوُدَ، مَيْ سُونَ يُواْسِيَا؞ ذَيْ مِيڧَ هَدَايَ عَكَنْكَ؞ سُو ڢِرِسْتُواْثِے نَوَطَنْسُ وُرَارٜىٰنْ سُجَّدَ، وَطَنْدَ سُكَ ڧُواْنَ تُرَارٜىٰ عَكَنْكَ، سُونٜىٰ ذَاعَ مِيڧَسُ هَدَايَ؞ ذَاعَكُمَ ڧُواْنٜىٰ ڧَسُسُوَنْ یَنْ أَدَمْ عَكَنْكَ؞› »#2 سَرْ 23.15-16 3أَ رَانَرْ نَنْ سَيْ يَبَادَ عَلَمَ يَثٜىٰ «غَا عَلَمَرْ دَ يَهْوٜىٰهْ يَبَايَرْ؞ وَنَّنْ بَغَدٜىٰ ذَيْ ڟَٰغٜىٰ يَرُشٜىٰ، تُواْكَرْ دَتَكٜىٰ عَكَنْسَ ذَاتَ ظُبَ ڧَسَا؞»
4سَعَدَّ سَرْكِے يَجِ أَنَّبْثِنْ مُتُمِنْ اللَّهْ نَّنْ نَغَابَادَ بَغَدٜىٰنْ بٜىٰتٜىٰلْ، سَيْ سَرْكِے يٜىٰرُواْبُواْوَمْ يَمِيڧَ حَنُّ يَنَ ثٜىٰوَ «كُكَامَشِ!» عَمَّا حَنُّنْدَ يَمِيڧَ مَسَ يَشَنْيٜىٰ، بَيْ عِيَ جَنْيٜىٰشِيبَ؞ 5بَا لَابَرِ سَيْ بَغَدٜىٰنْ كُمَ يَڟَٰغٜىٰ، تُواْكَرْ كُمَ تَظُبَ عَڧَسَا بِسَغَ عَلَمَرْ دَ مُتُمِنْ اللَّهْ نَّنْ يَبَايَرْ تَوُرِنْ مَغَنَرْ يَهْوٜىٰهْ؞ 6سَيْ سَرْكِے يٜىٰرُواْبُواْوَمْ يَثٜىٰ وَمُتُمِنْ اللَّهْ نَّنْ «كَضُواْڧَا مِنِ يَهْوٜىٰهْ اللَّهْ نْكَ، كَيِ مِنِ أَدُّعَ دُواْمِنْ هَنُّونَ يَدَاوُاْ دَيْدَيْ؞» مُتُمِنْ اللَّهْ كُوَ يَضُواْڧِ يَهْوٜىٰهْ، سَيْ حَنُّنْ سَرْكِے يَوَرْكٜىٰ، يَكُواْمَ كَمَرْ يَدَّ دَا يَكٜىٰ؞ 7سَعَنً سَرْكِے يَثٜىٰ وَمُتُمِنْ اللَّهْ «كَذُواْ غِدَا تَرٜىٰدَنِ، كَثِ عَبِنْثِ؞ نِے كُمَ ذَنْبَاكَ ݣَوْتَا سَبُواْدَ أَبِنْدَ كَيِ؞»
8مُتُمِنْ اللَّهْ يَأَمْسَ مَسَ يَثٜىٰ «كُواْ دَمَا ذَاكَبَانِ رَبِنْ دُكْ أَبِنْدَ كَكٜىٰ دَشِ، بَذَنْ بِيكَبَ؞ بَذَنْ شَا ضُوَ كُواْ إِنْثِ عَبِنْثِ أَوُرِنَّنْ بَ؞ 9غَمَا حَكَنٜىٰ يَهْوٜىٰهْ يَعُمَرْثٜىٰنِ، يَثٜىٰ مِنِ، ‹بَذَاكَثِ عَبِنْثِ، كُواْ كَشَا ضُوَ، كُواْ كَكُواْمَ تَهَنْيَرْدَ كَتَڢِبَ؞› » 10دُواْمِنْ حَكَ بَيْ كُواْمَ تَهَنْيَرْدَ يَبِے ذُوَا بٜىٰتٜىٰلْ بَ، يَبِے تَوَتَ حَنْيَ دَبَمْ؞
مُتُمِنْ اللَّهْ دَ ڟُواْهُوانْ أَنَّبِنْ بٜىٰتٜىٰلْ
11أَ لُواْكَثِنْ أَݣَويْ وَنِ ڟُواْهُوانْ أَنَّبِے أَ بٜىٰتٜىٰلْ؞ یَیَنْسَ سُكَ تَڢِے سُكَ ڢَطَا مَسَ دُكْ أَبِنْدَ مُتُمِنْ اللَّهْ نَنْ يَيِ أَ رَانَرْ نَنْ أَ بٜىٰتٜىٰلْ؞ سُكَ كُمَ ڢَطَا مَسَ مَغَنَرْ دَ يَيِ وَسَرْكِے؞ 12سَيْ بَابَنْسُ يَثٜىٰ مُسُ «إِنَا نٜىٰ يَبِے؟» یَیَنْ كُوَ سُكَ نُونَ مَسَ عِنْدَ مُتُمِنْ اللَّهْ يَبِے؞ 13يَثٜىٰ وَیَیَنْسَ «كُطَوْرَ وَجَاكِنَ أَبِنْ ذَمَ؞» سَيْ سُكَ طَوْرَ وَجَاكِنْ أَبِنْ ذَمَ، شِيكُوَ يَهَوْ؞ 14سَيْ يَبِے بَايَنْ مُتُمِنْ اللَّهْ، يَسَامٜىٰشِ يَنَ ذَمَ ڧَرْڧَشِنْ إِتَاثٜىٰ مَرَرْ بُوشٜىٰوَ؞ سَعَنً يَثٜىٰ مَسَ «كَيْ نٜىٰ مُتُمِنْ اللَّهْ وَنْدَ يَڢِتُواْ دَغَ يَهُودَ؟»
سَيْ مُتُمِنْ يَأَمْسَ «عِ، نِنٜىٰ؞»
15سَيْ ڟُواْهُوانْ أَنَّبِنْ يَثٜىٰ «كَذُواْ غِدَانَ كَثِ عَبِنْثِ؞»
16عَمَّا مُتُمِنْ اللَّهْ دَغَ يَهُودَ يَأَمْسَ مَسَ يَثٜىٰ «بَذَنْ عِيَ إِنْ كُواْمَ غِدَا دَكَيْبَ، كُواْ كُوَ إِنْ شِغَ غِدَنْكَ؞ بَذَنْ كُمَثِ عَبِنْثِ كُواْ كُوَ إِنْشَا ضُوَ دَكَيْ أَوَنَّنْ وُرِے بَ، 17غَمَا يَهْوٜىٰهْ يَثٜىٰ مِنِ، ‹بَذَاكَثِ عَبِنْثِ كُواْ كَشَا ضُوَ أَوُرِنْبَ؞ بَذَاكَ كُمَ كُواْمَ تَهَنْيَرْدَ كَبِبَ؞› »
18ڟُواْهُوانْ أَنَّبِنْ يَأَمْسَ يَثٜىٰ «أَيْ، نِے مَا أَنَّبِے نٜىٰ كَمَرْ كَيْ؞ وَنِ مَلاَىِٕكَ يَذُواْ وُرِينَ دَ مَغَنَرْ يَهْوٜىٰهْ، يَثٜىٰ إِنْذُواْ إِنْكَٰوُاْكَ أَغِدَانَ كَثِ عَبِنْثِ كَكُمَشَا ضُوَ؞» عَمَّا ڧَضْيَا ثٜىٰ يَكٜىٰ مَسَ؞
19دُواْمِنْ حَكَ مُتُمِنْ اللَّهْ دَغَ يَهُودَ يَبِے ڟُواْهُوانْ أَنَّبِنْ ذُوَا غِدَنْسَ يَثِ عَبِنْثِ يَكُمَ شَا ضُوَ؞ 20يَايِنْ دَسُكٜىٰ ثِنْ عَبِنْثِ سَيْ مَغَنَرْ يَهْوٜىٰهْ تَذُواْ وَڟُواْهُوانْ أَنَّبِنْدَ يَكُواْمَرْدَ مُتُمِنْ اللَّهْ نَّنْ؞ 21سَيْيَطَغَ مُرْيَرْسَ يَثٜىٰ وَمُتُمِنْ اللَّهْ دَغَ يَهُودَ «إِنْجِ يَهْوٜىٰهْ، كَيِ مَسَ رَشِنْ بِيَيَّ، بَكَيِ أَبِنْدَ يَڢَطَا مَكَبَ؞ 22كَكُواْمَ وُرِنَّنْ حَرْ كَثِ عَبِنْثِ كَكُمَ شَا ضُوَ عِنْدَ عَكَثٜىٰ مَكَ، ‹كَدَ كَثِ عَبِنْثِ كُواْ كَشَا ضُوَ؞› سَبُواْدَ حَكَ بَذَاعَ بِنّٜىٰكَ عَكَبَرِنْ دَ عَكَ بِنّٜىٰ كَاكَنِّنْكَبَ؞»
23بَايَنْدَ مُتُمِنْ اللَّهْ دَغَ يَهُودَ يَثِ يَشَا، سَيْ ڟُواْهُوانْ أَنَّبِنَّنْ يَطَوْرَا وَ جَاكِنْسَ أَبِنْ ذَمَ دُواْمِنْ مُتُمِنْ اللَّهْ؞ 24سَعَدَّ مُتُمِنْ اللَّهْ يَكٜىٰ تَڢِيَ سَيْ وَنِ ذَاكِ يَغَمُ دَشِ عَكَنْ حَنْيَ يَكَشٜىٰشِ؞ جِكِنْسَ كُوَ يَنَ ݣُونْثٜىٰ عَڧَسَا، جَاكِنْ يَنَ ڟَيٜىٰ كُسَدَشِ أَوُرِنْ؞ ذَاكِنْ شِے مَا يَنَ ڟَيٜىٰ كُسَدَ جِكِنْ مُتُمِنْ اللَّهْ؞ 25وَطَنْسُ مَذَنْ دَسُكٜىٰ وُثٜىٰوَ تَهَنْيَرْ سُنْ غَ جِكِنْ مُتُمِنْ اللَّهْ يَنَ ݣُونْثٜىٰ عَكَنْ حَنْيَ، ذَاكِ يَنَ ڟَيٜىٰ كُسَدَشِ؞ دَ سُكَ إِسَ غَرِ عِنْدَ ڟُواْهُوانْ أَنَّبِنْ يَكٜىٰدَ ذَمَ، سُكَ بَادَ لَابَرِنْ؞
26دَ وَنَّنْ ڟُواْهُوانْ أَنَّبِنَّنْ دَ يَكُواْمَرْ دَشِ دَغَ حَنْيَ يَجِ، سَيْيَثٜىٰ «أَيْ، وَنَّنْ نٜىٰ مُتُمِنْ اللَّهْ وَنْدَ يَڧِيِنْ بِيَيَّ دَ مَغَنَرْ يَهْوٜىٰهْ؞ سَبُواْدَ حَكَ يَهْوٜىٰهْ يَبَادَشِ أَ حَنُّنْ ذَاكِ وَنْدَ يَيَيَّاغٜىٰ شِ يَكَشٜىٰ، بِسَغَ مَغَنَرْ دَ يَهْوٜىٰهْ يَيِ مَسَ؞» 27سَيْيَثٜىٰ وَیَیَنْسَ مَظَا «كُطَوْرَ وَوَنِ جَاكِ أَبِنْ ذَمَ؞» سُكَ كُوَيِ حَكَنَنْ؞ 28ڟُواْهُوانْ أَنَّبِنْ يَتَڢِے يَتَرَرْ دَ جِكِنْ يَنَ ݣُونْثٜىٰ عَكَنْ حَنْيَ، جَاكِنْ دَ ذَاكِنْ سُنَ ڟَيْڟَيٜىٰ كُسَدَ جِكِنْ؞ ذَاكِنْ بَيْثِ جِكِنْ بَ، بَلّٜىٰ يَكَشٜىٰ جَاكِنْ؞ 29ڟُواْهُوانْ أَنَّبِنْ يَطَوْكِ جِكِنْ مُتُمِنْ اللَّهْ نَنْ، يَسَا عَكَنْ جَاكِنْسَ، يَكَيْ شِ ثِكِنْ غَرِنْ بٜىٰتٜىٰلْ، دُواْمِنْ يَيِ مَسَ مَكُواْكِ، يَكُمَ بِنّٜىٰشِ؞ 30سَيْ يَبِنّٜىٰشِ ثِكِنْ كَبَرِنْدَ يَغِنَ وَكَنْسَ؞ شِ دَ یَیَنْسَ مَظَا سُكَيِ كُوكَا دَ بَڧِنْ ثِكِ سُنَ ثٜىٰوَ «أَيَّ، طَنْعُوَنَ!» 31بَايَنْدَ سُكَ بِنّٜىٰشِ، سَيْ ڟُواْهُوانْ أَنَّبِنْ يَثٜىٰ وَیَیَنْسَ مَظَا «عِدَنْ نَا مُتُ، كُبِنّٜىٰنِ ثِكِنْ كَبَرِ طَيَ دَشِ، كُݣُونْتَرْدَ جِكِينَ كُسَدَ ڧَسُسُوَنْسَ؞ 32غَمَا أَنَّبْثِنْ دَ يَيِ تَمَغَنَرْ يَهْوٜىٰهْ نَغَابَادَ بَغَدٜىٰنْ دَيَكٜىٰ ثِكِنْ بٜىٰتٜىٰلْ دَ كُمَ وَطَنْسُ وُرَارٜىٰنْ سُجَّدَ دَسُكٜىٰ عَبِرَنٜىٰنْ سَمَرِيَ، بَاشَكَّ ذَيْثِكَ؞»
مُوغُنْ ذُنُوبِ نَ يٜىٰرُواْبُواْوَمْ
33بَايَنْ وَطَنَّنْ أَبُبُوَ، يٜىٰرُواْبُواْوَمْ بَيْ بَرْ مُوغُوَرْ حَنْيَرْسَبَ؞ يَسَاكٜىٰ نَطَ ڢِرِسْتُواْثِے بَرْكَتَيْ دَغَ ثِكِنْ دُكَنْ مُتَنٜىٰ؞ دُكْ وَنْدَ يَسُواْ ذَمَنْ ڢِرِسْتِ يَكَنْ نَطَشِ دُواْمِنْ سُيِ عَيْكِ أَوَطَنْسُ وُرَارٜىٰنْ سُجَّدَ؞ 34وَنَّنْ يَذَمَ ذُنُوبِنْدَ يَثِ ذُرِيَرْ يٜىٰرُواْبُواْوَمْ، حَرْ يَشَرٜىٰتَ غَبَاطَيَ دَغَ دُونِيَا؞
Currently Selected:
1 سَرَاكُنَ 13: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
