ARoma 8
8
Wumi mudi Spiritu Wajila
1Dichi dinu, antu ekala mudi Kristu Yesu hikwekala #v34; 5:16kuyihisha namuloŋaku.
2Muloŋa chinjililu chaSpiritu #1 Kor 15:45chawumi wekala mudi Kristu Yesu, chinaŋamwini dehi kuchinjililu chanshidi nakufwa.
3Muloŋa nshimbi #Yil 13:39; Heb 7:18; 10:1-4chiyakaŋenyi nanochu chiyazeyeli hansaŋu #7:18, 19; Ŋal 5:24yachisemwa chaheseki, Nzambi hakutemesha Mwanindi yomweni #Fwi 2:7; Heb 2:14-17akadifwani namuntu wachisemwa chanshidi, akekali mulambu wahanshidi, akatanyishi nachu nshidi muchisemwa chaheseki.
4Kulonda #3:31mwaloŋela nshimbi mulumbuluki mudetu twabulaŋa kwenda mwaya chisemwa chaheseki, chiŋa mwaya #Ŋal 5:16-25Spiritu.
5Muloŋa antu endaŋa mwaya chisemwa chaheseki atoŋojokaŋa yuma yachisemwa chaheseki. Antu endaŋa mwaya Spiritu atoŋojokaŋa yuma yaSpiritu.
6Yitoŋojoka yachisemwa chaheseki #6:21, 23hikufwa, ilaŋa yitoŋojoka yaSpiritu #v13; Ŋal 6:8hiwumi nikuwunda.
7Muloŋa yitoŋojoka yachisemwa chaheseki yekala #Yak 4:4nawulumbu naNzambi; hiyovwahilaŋa nshimbi yaNzambuku, hela kutweshamu nehi.
8Antu #7:5achisemwa chaheseki hiyakutwesha kumutiyisha Nzambi kuwahaku.
9Neyi Spiritu waNzambi #v11; 1 Kor 3:16; 6:19; 2 Kor 6:16; 2 Tim 1:14washakama mudenu, komana mudi áSpiritu himudi áchisemwa chahesekuku. Neyi muntu wabula #Yil 16:7; 1 Yow 4:13Spiritu waKristu, himuntu winduku.
10Neyi Kristu wekala #Yow 14:20, 23; Ŋal 2:20; Efw 3:17; Kol 1:27; Chim 3:20mudenu, mujimba wafwa dehi hansaŋu yanshidi; hakwila spiritu nahandi hansaŋu yakuloŋa.
11Neyi Spiritu wayenowu #Yil 2:24; Yow 5:21; Rom 6:5wasaŋwili Yesu mudi afu washakama mudenu, yena wasaŋwili Kristu Yesu mudi afu wukuhandisha nawa ninyijimba yenu yakufwa, naSpiritu windi washakama mudenu.
12Nochu dinu, enu anakwetu, hitukweti mukudi nachisemwa chaheseki mwaka twendi mwaya chisemwa chahesekuku.
13Muloŋa neyi mukwenda mwaya chisemwa chaheseki, mukufwa; ilaŋa neyi #Kol 3:5mukufwisha nyidimu yachisemwa chaheseki naSpiritu, #v6mukuhanda.
14Muloŋa antu ejima alombolaŋawu kudi Spiritu waNzambi, diwu #Yow 1:12; Ŋal 3:26; Efw 1:5; 1 Yow 3:1; Chim 21:7anyana kaNzambi ashinshika.
15Muloŋa himwatambwili spiritu yawuduŋu mwaka mutiyi cheŋi #2 Tim 1:7; Heb 2:15womaku; mwatambwili Spiritu wakwikala #9:4; Ŋal 4:5-7anyana, yowu twatambikaŋa nachu netu, Tata Yami!
16Yomweni Spiritu washimunaŋa #Yil 5:32wunsahu hamu naspiritu yetu, nindi muyanyana kaNzambi.
17Neyi tuyanyana komana tudi #Yil 20:32; Ŋal 3:29; 4:7; Efw 3:6; Tit 3:7; Heb 1:14; Chim 21:7answana; answana aNzambi akuswana chimu naKristu, neyi tukumona nindi #2 Kor 1:5, 7; Fwi 3:10makabi, kulonda #2 Tim 2:12; 1 Pet 4:13akatulemeshi chimu nindi nawa.
Lubanji lwakulema lwamba kenza
18Nafuukuli nami makabi akatataka hiyanateli kweseka #2 Kor 4:17; Kol 3:4; Tit 2:13; 1 Pet 5:1nalubanji lwakulema lwamba kamwekana kudetuku.
19Kuleŋa kwejima kwachiŋililaŋa nakwakama nichamba #1 Pet 1:7, 13; 1 Yow 3:2kamwekanawu anyana kaNzambi.
20Muloŋa kuleŋa kwejima #Kutach 3:17-19; 5:29; Mas 39:5-6; Mukwa 1:2akwilishili kwakudikabisha tuhu, hichakudikeŋelaku, chiŋa mwomwaya muchima wanowu wakwilili chochochu ilaŋa washilumu hakuchiŋejela.
21Kulonda kuleŋa kwakweni #6:22; Yil 3:21; 2 Pet 3:13; Chim 21:1kufumi muwuduŋu wakutoka kwiŋili mukusubuka kwasweja kwalubanji lwakulema kwawanyana kaNzambi.
22Tuneluki netu kuleŋa kwejima #Yer 12:4, 11kwabaŋa nakufunyisha hamu, nikulelu.
23Hidimu hohu bweŋuku, ninetu aweni, túkweti nyikabu yatachi #2 Kor 5:2-5yaSpiritu, twaabaŋa munyichima yetu nawa, #Ŋal 5:5nakuchiŋilila chitwakela anyana chikupu, kwokukuula kwamba kakuulawu nyijimba yetu.
24Tunahandili #2 Kor 5:7; 1 Tes 5:8kuchiŋeja; ilaŋa kuchiŋeja chuma #2 Kor 4:18; Heb 11:1chakumona dehi hikuchiŋejaku. Hinyi wachiŋejaŋa chuma chamonayi dehi?
25Ilaŋa neyi twachiŋejaŋa chuma chakubula kumona, henohu dinu tukutatakena nakuchiŋilila.
26Mwomumu nawa niSpiritu watukwashaŋa hitwazeyazeyaŋa; muloŋa hituneluki mutwadi kulombelaku, ilaŋa Spiritu yomweni watulembelelaŋa nakwaba kwakweni kwakukaŋanya kushimuna.
27Niyena #Mas 139:1-2; Luk 16:15; Chim 2:23wáshinshikaŋa munyichima yawantu, neluki mwatoŋojokaŋayi Spiritu, muloŋa #v34walembelelaŋa akwakujila mwaya muchima waNzambi.
Akwakwimika mushindu chakubadikamu
28Tuneluki netu, kudi antu akeŋa Nzambi, yena #Kutach 50:20; Yer 29:11wakalakelaŋa muyuma yejima nakuyiletela kuwaha, wowu #v30; 11:29; 1 Kor 1:9; Ŋal 1:6, 15; Efw 1:11; 4:1, 4; 2 Tes 2:14; Heb 9:15; 1 Pet 2:9; 3:9; 5:10atambikiliyi #Efw 1:11; 3:11mwafuukwiliyi dehi.
29Muloŋa antu asambililaŋayi dehi #9:23; 1 Pet 1:2, 20kwiluka, #Efw 1:5, 11; 2 Tim 1:9; 1 Kor 2:7wayikunjikilaŋahu dehi nawa, nindi abalumuki kwikala neyi #1 Kor 15:49; Fwi 3:21; Kol 3:10; 1 Yow 3:2chekalayi Mwanindi; kulonda yena akekali #Kol 1:18; Heb 1:6wedi mukachi kawanakwindi amavulu.
30Awa asambililaŋayi dehi kukunjika, wayitambikili nawa; awa atambikiliyi, wayiyiŋishili nakuyitena aloŋa nawa; awa ayiŋishiluwu nakuyitena aloŋa, wayilemesheli nawa.
31Ichi dinu, yumiyi tukwakula netudi? Neyi Nzambi nekali #Kwi 3:12; Isa 41:10; Hag 1:13wetwetu, wukwikala #Mas 118:6; Yer 20:11chilumbu chetu hinyi?
32Yena #4:25; 5:8; Kutach 22:13; Yow 3:16wabulili kwanakena Mwanindi omweni, hakumulubula hadetu ejima wetu, abuli kutulunjikila hadi yena yuma yejima makasa ayedi?
33Antu #Luk 18:7; Isa 50:8-9atondayi Nzambi, akuyiholokela kudinyi? Yomweni Nzambi diyi wayiyiŋishaŋa nakuyitena aloŋa.
34Akuyihisha kudinyi? Yomweni Kristu Yesu diyi #5:6-8wafwili, eŋa chalala, diyi #v11; Yil 2:24asaŋwiluwu mudi afu, diyi wekala #Mak 16:19kuchikasa chaNzambi chachidiilu, diyi #v27; Heb 7:25; 9:24; 1 Yow 2:1watulembelelaŋa nawa.
35Wukutwambula kukukeŋa kwaKristu hinyi? Yihuŋu tahindi? Kumona kukala tahindi? Makabisha tahindi? Nzala tahindi? Wuvu tahindi? Yuma yafwana tahindi? Mpoku yakabali tahindi?
36Chochanasonekuwu nawu,
#
Mas 44:22; 1 Kor 4:9; 15:30-31; 2 Kor 4:10; 11:23 Hansaŋu yeyi atujahaŋa mwaana wejima,
Atufuukulaŋa neyi anyikoku ateji kujahewa.
37Kwakulehi! Muyuma yejimiyi tunekali akwakwimika #1 Kor 15:57mushindu nikubadikamu, naŋovu jayena #5:8; Ŋal 2:20; Efw 5:2; Chim 1:5; 3:9watukeŋeli.
38Muloŋa neluki chikupu nami hela kufwa, hela wumi, hela aŋelu, hela mawanta, hela yuma yakatataka, hela yuma yamba kenza, hela yuma yikweti ŋovu,
39hela kuleha kwakwiwulu, hela kukunama, hela chuma chacheŋi chaleŋeluwu chimu, hiyikutwesha kutwambula kukukeŋa kwaNzambi kwekala mudi Kristu Yesu, Mwanta wetuku.
Currently Selected:
ARoma 8: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
