ARoma 4

Abarahama amuyiŋishili nakukuhwelela

1Ichi dinu, tukwila netu nkakulula yetu wakuchisemwa Abarahama wamwenidi?

2Muloŋa neyi Abarahama amuyiŋishili nakumutena waloŋa nanyidimu yindi, mutenowu wamweni #1 Kor 1:31hakudisamina, bayi dinu kumesu aNzambuku

3Muloŋa mumukanda wajila nawudi? Nawu,

# Kutach 15:6 Abarahama wamukuhweleleli Nzambi,

Amufuukwililichu nawu #v5, 9, 22; Ŋal 3:6; Yak 2:23hikuloŋa.

4Muntu wakoŋaŋa #11:6; Efw 2:8-9mudimu, wulooku windi hiyawufuukulaŋa nawu waluwuku, wamudimu windi.

5Hakwila muntu wabulaŋa kukoŋa mudimu, ilaŋa wakuminaŋa dakukuhwelela mukwakuyiŋisha nakutena kuloŋa ádiwulaŋa Nzambi; kukuhwelela kwayenowu muntu akachifuukula nawu hikuloŋa.

6Mwomwatenenaŋayi Davidi kukooleka kwamuntu afuukwilaŋayi Nzambi kuloŋa kwakadi nyidimu;

7nindi,

# Mas 32:1-2; 103:12 Anakooleki, antu anaanakenuwu kuluwa kwawu,

Anabutiluwu nshidi jawu.

8Nakooleki, muntu akubula #2 Kor 5:19kufuukwilawu nshidi kudi MWANTA.

9Kukoolekiku anakúteneni #v3; 3:30akwakwalama hohu, tahindi niayidima nawa? Muloŋa netu kukuhwelela kwaAbarahama amufuukwililichu nawu hikuloŋa.

10Akúfuukwili ŋahi? Chadiŋiyi mukwalama, tahindi mukubula kwalama? Himukwalamaku, chiŋa mukubula kwalama.

11Chinjikijilu #Kutach 17:10-11chakwalama chatambwiliyi, hiwunsahu wakuloŋa kwatambwiliyi #3:21-26nakukuhwelela kwakuhweleleliyi hadiŋiyi chidima; kulonda akekali nkakulula yawakwakukuhwelela ejima, hela ayidima, kulonda akayifuukwili kuloŋa.

12Akekali nkakulula yawakwakwalama; hiyakwakwalama hohuku, ninawa endaŋa mwaya kukuhwelela kwankakulula yetu Abarahama nawa, kwadiŋiyi naku hadiŋiyi chidima.

13Muloŋa ichi #Kutach 17:4-6; 22:17-18; Yil 13:32; Ŋal 3:29chikaninu chamukaninuwu Abarahama nianyanindi, nawu akaswani mpata yamunu mwishina, hiyachikanini chakunshimbuku, ilaŋa chakukuloŋa kwakukuhwelela.

14Neyi akwanshimbi aneli answana, komana kukuhwelela kuneli dehi kwamukunkulwayi, nichikaninu chineli dehi chamukunkulwayi.

15Muloŋa nshimbi yaletaŋa kuzuwa, ilaŋa #3:20; 5:13; 7:7kwabula nshimbi hikwekala kuputolaku.

16Dichi chineli chakukuhwelela, kulonda chili chaluwi, kulonda chikaninu #15:8chakakoli nawanyanindi ejima; bayi nawanyana akunshimbi hohuku, ninawa akweti kukuhwelela kwaAbarahama, diyi nkakulula yetu wejima wetu;

17kumesu aNzambi akuhweleleliyi, #Yow 5:21wahandishaŋa afu, #Isa 48:13; 1 Kor 1:28watenaŋa yuma yabulaŋa kwikala kwoku nindi yidi kwoku. Mwomwanasonekuwu nawu,

# Kutach 17:5 Ami nakwilishi kwikala nkakulula yanyunza yayivulu.

18Wakuminini dakuchiŋeja chakadi hakuchiŋejela, kulonda akekali nkakulula yanyunza yayivulu; mwomwahosheluwu dehi nawu,

# Kutach 15:5 Dichi chakekala anyaneyi.

19Hela watoŋojokeli mujimba windi nindi #Heb 11:11-12wafwa dehi, muloŋa nyaka yindi yashikili kafwampi neyi #Kutach 17:17nkulakaji (100), hela welukili nindi Sara #Kutach 18:11wachinyika dehi, hazeyeli mukukuhwelela kwinduku.

20Eŋaŋi, wadiŋi nakutalila mwakaniniyi Nzambi; halabili nantaduku, ilaŋa watambwili ŋovu nakukuhwelela hadiŋiyi nakumulemesha Nzambi.

21Welukili chikupu nindi Nzambi wukutwesha kukoŋa mwakaniniyi.

22Dichi

Amufuukwililichu nawu #v3hikuloŋa.

23Chamufuukwililuwu ochu hiyachisonekeli hansaŋu yayena hohuku,

24 # 15:4; 1 Kor 9:10; 10:11 nihansaŋu yetwetu nawa, etu akukeŋa kufuukwilawu, etu tunakuhweleli Nzambi wasaŋwili Yesu, Mwanta wetu, mudi afu;

25yena amulubwili #5:6-8; 8:32; Isa 53:5-6; 2 Kor 5:21; Ŋal 2:20; Efw 5:2akooli nyiloŋa yetu, amusaŋwili kulonda #3:24; 5:1, 9, 16, 18; 8:30; Isa 53:11; 1 Kor 6:11atuyiŋishi nakututena aloŋa.

Currently Selected:

ARoma 4: MWW04

Highlight

Copy

Compare