ARoma 2

Kusompesha kwaNzambi kwaloŋa

1Dichi eyi muntu wasompeshaŋa akwenu, hiwukweti mwakuleyelaku; muloŋa #2 Sam 12:5-7; Mat 7:1-2muwasompeshaŋa mukwenu dimu muwaditanyishaŋa eyi aweni, muloŋa eyi wasompeshaŋa welaŋa mwomumu.

2Etu tuneluki chasompeshaŋayi Nzambi mwaya walala, wahishaŋa antu elaŋa yuma yidi neyiyi.

3Indi eyi muntu wasompeshaŋa wena akoŋaŋa yumiyi, iku eyi aweni welaŋa mwomumu, wunatoŋojoki neyi wakapuluka kukuhisha kwamba kahishayi Nzambi, tahindi?

4Eyi wunadiwuli #9:23; 11:33; Efw 1:7, 18; 2:7; 3:8, 16; Kol 1:27; 2:2-3maheta akuwaha kwindi, nichabulaŋayi kuzuwa swayi, nanichi chetejaŋayi #Kwi 34:6; 1 Tim 1:16; 2 Pet 3:9, 15kuduŋumika nansaŋu jeyi, tahindi? Eyi hiwuneluki neyi kuwaha kwaNzambi kudi nakukukoka nindi wubalumuki mumuchimaku, tahindi?

5Ilaŋa chiwachinchikaŋa mumuchima nakubula kubalumuka, eyi wukudilumbikila kuzuwa kuwamba kamona #Mas 110:5; Yuda v6; Chim 6:17hefuku damba kamwekeshayi Nzambi kuzuwa kwindi nikusompesha kwindi kwaloŋa.

6 # Mas 62:12; Mat 16:27; 1 Kor 3:8; 2 Kor 5:10 Wamba kayinka antu ejima mwesekela nyidimu yawu.

7Átatakenaŋa munyidimu yayiwahi, ákabilaŋa lubanji lwakulema nimpuhu nikubula kutoka, wenawa wakayinka wumi wahayanyaka.

8Ilaŋa akwantadi abulaŋa #2 Tes 1:8; 2:12; 1 Pet 4:17kwovwahila walala, ovwahilaŋa yaheŋa hohu, wena akamona nindombu nikuzuwa.

9Kudi antu ejima elaŋa yatama kwakekala lukadi nimakabi, kusambila aYudeya, niaGriki nawa,

10hakwila kudi antu ejima elaŋa yayiwahi, kwakekala lubanji lwakulema nimpuhu nikuwunda, kusambila aYudeya, niaGriki nawa.

11Muloŋa kudi Nzambi hikwekala #Kuhit 10:17; 2 Kush 19:7; Yil 10:34; Ŋal 2:6; Efw 6:9; Kol 3:25; 1 Pet 1:17kwakama antu kumesuku.

12 # 3:19 Antu ejima anaputoli chakadi nshimbi, akanoŋa chakadi nshimbi; antu ejima anaputoli chakwiluka nshimbi, akayisompesha nanshimbi.

13Muloŋa #Yak 1:22-23akwakutiya nshimbi chakutiya hohu, hidiwu aloŋa kumesu aNzambuku, chiŋa akwakukoŋa nshimbi diwu akayiŋishawu nakuyitena aloŋa.

14Hela #Yil 10:35aJentili abula nshimbi, chakwilawu yuma yekala kunshimbi mwaya chisemwa chawu, wenawa ábula nshimbi anadilili dehi nshimbi awenawu;

15amwekeshaŋa nachu nyidimu yanshimbi jakusoneka dehi munyichima yawu, chinleji chawu chamuchima hichikwikala chinsahu, niyitoŋojoka yawu hiyikuya ninimu ninimu, hekwawu kuyitanyisha, hekwawu kuyiyiŋisha;

16hefuku #Yil 10:42; 17:31damba kasompeshayi Nzambi naYesu Kristu yuma yawantu #Mukwa 12:14; 1 Kor 4:5yakujinda, mwaya nsaŋu yayiwahi #16:25; 1 Kor 15:1; 2 Tim 2:8yinashimunaŋami.

AYudeya nawaJentili anatanyi

17Eyi wekala nejina dakaYudeya, #Yer 8:8; Yow 5:45wakuhwelelaŋa nshimbi, #v23; 9:3-4; Mika 3:11wadisamaŋa naNzambi yeyi,

18weluka #Fwi 1:10mwakeŋayi, wetejaŋa yuma yasweja kuwaha, akutaŋishaŋa yuma yekala munshimbi.

19Eyi wadikuhwelelaŋa neyi walombolaŋa mputamesu, neyi wuchejeji chawena ekala mumwidima.

20Eyi neyi wuntaŋishi yawákadi maana, wunkuluŋaŋa yawanyikeki. Kunshimbi wamonaŋa mwekalila maana, niwalala.

21Eyi #Mat 23:3-4wataŋishaŋa mukwenu, hiwaditaŋishaŋa eyi awenuku, tahindi? Eyi washimunaŋa neyi wukombi watama, eyi aweni weyaŋa, tahindi?

22Eyi wahoshaŋa neyi kwila wuvumbi chinjila, eyi welaŋa wuvumbi, tahindi? Eyi wahelaŋa ankishi, wabuwaŋa mumatembeli awu, tahindi?

23Eyi wadisamaŋa nanshimbi, eyi aweni chiwamotokaŋa nshimbi wasawulaŋa Nzambi.

24Muloŋa

# Isa 52:5; Ezek 36:20-23 Ijina daNzambi enda adituka mukachi kawaJentili hansaŋu yenwenu,

mwomwanasonekuwu.

25Chalala kwalama kwakwashaŋa neyi welaŋa nshimbi; hakwila neyi #v13, 27; Yer 4:4; 9:25-26wamotokaŋa nshimbi, kwalama kweyi kuneli dehi kubula kwalama.

26Dichi neyi chidima wukwila mwaya nshimbi, chabulayi #1 Kor 7:19; Yil 10:35kwalama hichikwikala neyi amwadika dehuku?

27Indi neyi chidima wachisemwa wukwila mwaya nshimbi chalala, abuli #Mat 12:41kukusompesha eyi wukweti nyikanda yakusoneka dehi nikwalama, nanochu chiwamotokaŋa nshimbi, tahindi?

28Muloŋa kaYudeya hikaYudeya #Mat 3:9; Yow 8:39; Rom 9:6-7; Ŋal 6:15wakuditena tuhuku, nikwalama kwakumujimba hidiku kwalama kwalalaku.

29KaYudeya walala chiŋa #Fwi 3:3; Kol 2:11wamumuchima, nikwalama kwalala hichuma chakumuchima, #7:6; 2 Kor 3:6; 1 Pet 3:4chamuSpiritu, hichanshimbi yakusonekaku, #Yow 5:44; 12:43; 1 Kor 4:5; 2 Kor 10:18wahamekewa kudi Nzambi, bayi kudi antuku.

Currently Selected:

ARoma 2: MWW04

Highlight

Copy

Compare