Matewu 8
8
Mukwambumba
(Mak 1:40-45; Luk 5:12-16)
1Chanakunkumukiyi hampidi oyu, mazaza awantu hiyakumulondela.
2 #
Lev 13:45
Mukwambumba hakwinza nakudifukula kudi yena nindi, Mwanta, neyi wuneteji, wukutwesha kuntookesha.
3Yesu hakwolola chikasa chindi, hakumukunka nindi, Neteji, tookaku. Hohenohu musoŋu windi wambumba wutooka nikutooka.
4Yesu hakumwila nindi, #9:30; 12:16; 17:9; Mak 1:44; 3:12; 5:43; 7:36; 8:30; 9:9; Luk 4:41; 8:56; 9:21Babalaku, bayi wulejamu muntuku; ilaŋa yaŋa kweyi wakadimwekeshi kudi kapristu, wakamwinki mulambu wayilejeluwu kudi #Lev 14:2-32Mosi, kulonda chakayilili antu wunsahu.
Kukuhwelela kwaIshidika
(Luk 7:1-10)
5Chaneŋiliyi #Yow 4:46-53muKaperinamu, kudi yena hikukwinza mukulumpi wamashidika,
6hakumulembelela nindi, Mwanta, ŋamba yami nakami kwaami, wakata musoŋu wakalepa, wudi nakukaba nankashi.
7Yesu hakumwila nindi, Nukwinza nakamuuki.
8Mukulumpi wamashidika hakumwakula nindi, Mwanta, ami hinatela eyi kwiŋila mwitala damuku, kumina dakuhosha #Mas 107:20kwezu hohu, ŋamba yami wukukola.
9Muloŋa ninami nawa nikweti anyanta jami, nikweti mashidika aŋovwahilaŋa, nelaŋa iwu nami, Yaŋa, hakuya; mukwawu nami, Inzaŋa, hakwinza; nduŋu yami hinukumwila nami, Ilaku ichi, hakuchila.
10Yesu chanachitiyiyi hakuhayama, hakuyila ádiŋi nakumulondela nindi, Nukuyileja chalala nami kanda nimonaŋahu dehi kukuhwelela kwatoha chochichuku, hela muIsarela mwamweni.
11Nukuyileja nami #Mas 107:3; Isa 49:12; 59:19; Mal 1:11; Luk 13:28-29amavulu amba kafuma kumusela nikumujika, akashakama naAbarahama naIsaka niYakoba muwanta wamwiwulu;
12hakwila #13:38anyana atela kuswana wanta, akayumbila #22:13; 25:30kumwidima wahanzi, #22:13; 24:51; 25:30; Luk 13:28kwakekala kutumpa nikudisumona kumaji.
13Yesu hakumwila owu mukulumpi wamashidika nindi, Yaŋa kweyi; muwunakuhweleli dimu mwakukwililawu. Owu ŋamba wakoleli mpinji yoyenoyu.
Yesu hakuuka amavulu
(Mak 1:29-34; Luk 4:38-41)
14Chaneŋiliyi Yesu mwitala daPetulu, wamweni mukuwaPetulu wamumbanda nakami, wakata mashika.
15Hakumukunka kuchikasa chindi, mashika amufuma nikumufuma, hakuhinduka nakumukalakela.
16Chikuneli melela, hiyakumuletela amavulu adiŋi nandemoni, hakufumisha aspiritu nezu, hakuuka adiŋi akata ejima;
17kulonda mwahosheliyi kaprofwetu Isaya mwakalumbuluki, mweliliyi nindi,
#
Isa 53:4
Yomweni watambwili kuzeyazeya kwetu,
Wasendeli nyisoŋu yetu.
Kumulondela Yesu
(Luk 9:57-60)
18Nochu Yesu chanamoniyi mazaza awantu amavulu hiyakumuwuŋila, hakwila nindi, #Mak 4:35Tuyenu mwishinadi dejiya.
19Hikukwinza nsoneki wumu, hakumwila nindi, Eyi Nkuluŋaŋa, #Luk 9:57-60nukukulondela kwejima kuwukuya.
20Yesu hakumwila nindi, Anyumbu akweti menawu, niatuda ahaluzwizu akweti yisakala yawu, hakwila Mwana kaMuntu hakweti nihakusachila mutu winduku.
21Kambanji mukwawu hakumwila nindi, Mwanta, nleki nisambili kuya nakajiiki tata yami.
22Ilaŋa Yesu hakumwila nindi, #9:9; Mak 2:14; Luk 9:59; Yow 1:43; 21:19Nlondami; yileki afu ajiiki afu jawu awenawu.
Yesu hakuwundisha mankanda
(Mak 4:35-41; Luk 8:22-25)
23Chaneŋiliyi muwatu atumbanji twindi hiyakumulondela.
24Hikukwinza mpepela yeneni nankashi hamenji, yakwila watu hiwukujimina mumankanda; ilaŋa yena kwindi wadiŋi mutulu.
25Wena hiyakwinza kudi yena, hiyakumuhindwisha nawu, Mwanta twamwini, tunafwi!
26Yena hakuyila nindi, Enu #6:30; 14:31; 16:8mukweti kukuhwelela kwanti, munatiyi woma wanka? Hakuhinduka, hakuhoshola mpepela nimenji, #Mas 65:7; 89:9; 107:29kúwunda ninzo-o nankashi.
27Antu owu hiyakuhayama nawu, Yeniwu muntu wekala ŋahi, chamwovwahilaŋawu kudi mpepela nimenji?
Kuuka antu ayedi akweti andemoni
(Mak 5:1-20; Luk 8:26-39)
28Chanashikiyi mwishinadi mwituŋa dawaGadareni, antu ayedi hiyakumubulakana, akweti andemoni, adi nakufuma kumajamu, asweja kuzuwa nankashi, kuzuwa kwakukaŋesha antu kuhita njiloyu.
29Kutiya wena hiyakubilela nawu, #2 Sam 16:10; 19:22; Mak 1:24; Yow 2:4Tukwiladi naneyi, eyi Mwana kaNzambi? Eyi wunenzi kunu nakutukabisha hachidi mwaka kanda wushiki, tahindi?
30Dichi hahalehi nawena hadiŋi izanvu dawaŋulu amavulu enda adya.
31Owu andemoni hiyakumulembelela nawu, Neyi wukutufumishamu, tutemeshi mwizanvu dawaŋulu.
32Hakuyila nindi, Yenu. Hiyakufumamu, hiyakwiŋila mudi aŋulu; izanvu dejima danduka nikwanduka, hidikuya mwakunkumuka nankashi nimwijiya chu-u, afwa nimumenji.
33Owu ayidiishilaŋa hiyakutemuka, hiyakuya kumukala, hiyakuleja antu yuma yejima, niyamwenuwu owu adiŋi nandemoni.
34Kutala antu ejima amumukalowu hiyakwinza nawu amubulakani Yesu; chanamuwanuwu, hiyakumulembelela nawu afumi mwituŋa dawu.
Currently Selected:
Matewu 8: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.