Matewu 2
2
Akwamaana
1Henohu havwalikiliyi Yesu #Luk 2:4-7kuBetelemi wamuYudeya, hanyaka yadiŋiyi mwanta Herodi, kwenjili akwamaana afumini kumusela, hiyakushika kuYerusalema.
2Nawu, Owu #Yer 23:5; Zek 9:9; Mak 15:2; Yow 1:49Mwanta wawaYudeya navwaliki, wudi kudihi? Muloŋa twamweni #Kuch 24:17; Chim 22:16katumbwa kindi kumusela, tunenzi nakudifukula kudi yena.
3Mwanta Herodi chanachitiyiyi, hakwakama hamu nawakwaYerusalema ejima.
4Hakupompesha akulumpi jawatupristu niansoneki ejima awaIsarela, hakuyihula kwamba kavwalikilayi Kristu.
5Hiyakumwila nawu, #Yow 7:42KuBetelemi wamuYudeya; muloŋa dichi chasonekeliyi kaprofwetu
6nindi,
#
Mika 5:2
Eyi Betelemi wamwituŋa daYuda,
Hiwakehela mukachi kawatulamba amuYudaku;
Muloŋa mudeyi dimu mwakafuma nyuuli,
Wakela kabiŋa kawantu ami aIsarela.
7Henohu Herodi hakutambika akwamaana kwakankawawu, hakuyihula chakashinshi mpnji yamwekkeni katumbwa.
8Hakuyitemesha kuBetelemi nindi, Yenu mukeŋakeŋi chachiwahi owu mwana wanyanya; neyi munamumoni dehi mumfuntishili izu, kulonda ninami nakayi nakudifukula kudi yena.
9Wena chanamutiyuwu mwanta hiyakuya; nawu atali, komana katumbwa kamwenuwu kumusela hikakutwamina kumbidi yawu, nichikayili nakwimana hadiŋi owu mwana wanyanya.
10Chamwenuwu katumbwa, hiyakuzaŋalala muzaŋalu wabadika nankashi.
11Eŋila nimwitalodu, hiyakumona owu mwana wanyanya hamu namama yindi Mariya; hiyakudinata heseki #Mas 72:11; Yow 5:23; Chim 8:3nakudifukula kudi mwana; hiyakujikula mwadiŋi yuma yawu yalema, hiyakumulambula nyilambu yawuru nilibona nimora.
12Chanayilejuwu mukulota nawu bayi afunta kudi Heroduku, hiyakuya kwituŋa dawu njila yacheŋi.
Kutemukila kuEjipitu
13Dichi cheliluwu wena anayi dehi, kaŋelu kaMWANTA hakumwekana kudi Yosefu mukulota nindi, Nyamukaku wutwali iwu mwana wanyanya nimama yindi, wutemukili kuEjipitu, wakashakami kwenoku, kufumaku chiŋa nakuleji; muloŋa Herodi wakakeŋakeŋa iwu mwana wanyanya nindi amukisaŋani.
14Hakunyamuka, hakutwala owu mwana wanyanya nimama yindi nawufuku, hakuya kuEjipitu.
15Hakushakama kwenoku ninichi chafwiliyi Herodi, kulonda mwahosheliyi MWANTA mudi kaprofwetu mwakalumbuluki, mweliliyi nindi,
#
Kwi 4:22-23; Hos 11:1 Natambikili mwanami kufuma muEjipitu mwadiŋiyi.
16Herodi chanamoniyi nindi anamudiwuli kudi akwamaana, hakusweja kuzuwa nankashi, hakutemeshaku njita yakujaha anyana amayala ejima adiŋi muBetelemi, niadiŋi kuŋinza jawu jejima, nianyaka yiyedi niabulili kushika munyaka yiyedi, nakweseka mwatiyililiyi chakashinshi kudi akwamaana.
17Henohu mwahosheliyi kaprofwetu Yeremiya himukulumbuluka,
18mweliliyi nindi,
#
Yer 31:15
KuRama atiyili izu dakutumpa, nimakumbu aweni;
Racheli hakudila anyanindi.
Kumukundeja kwonti kwindi,
Muloŋa anyanindi kwosi.
Kufunta kuNazareta
19Ilaŋa chanafwiyi Herodi, kaŋelu kaMWANTA hakumwekana kudi Yosefu mukulota, omu muEjipitu.
20Nindi, Nyamukaku wutwali iwu mwana wanyanya nimama yindi, wuyi mwituŋa daIsarela; muloŋa antu akeŋeli kujaha iwu mwana wanyanya afwa dehi.
21Hakunyamuka, hakutwala owu mwana wanyanya nimama yindi, hakwinza mwituŋa daIsarela.
22Ilaŋa chanatiyiyi nawu Akelawusi naswani dehi wanta watata yindi Herodi muYudeya, hakutiya woma wakuya kwenoku; chanamulejuwu mukulota, hakutondolwela nakuya kumbadi yaŊaliliya.
23Hakuya nakushakama kumukala ijina dawu #Luk 1:26; 2:4Nazareta; kulonda mwahosheluwu atuprofwetu mulumbuluki, mweliluwu nawu,
#
Isa 11:1; Mak 1:24 Akamutena nawu kaNazareta.
Currently Selected:
Matewu 2: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.