Yowanu 21

Yesu nindi, inzenu mudawuli

1Kulondela hayumiyi, Yesu hakudimwekesha cheŋi kudi atumbanji kwijiya daTiberasi. Tiyenu mwadimwekesheleliyi.

2Adiŋi hamu niShimona Petulu, niTomasi atenaŋawu nawu Mpamba, niNataneli wakuKana wamuŊaliliya, nianyana kaZebedewu, niatumbanji twindi amakwawu ayedi.

3Shimona Petulu hakuyila nindi, Nukuya nakuta anshi. Hiyakumwila nawu, Ninetu tukuya neyi. Hiyakuya hiyakwiŋila muwatu; wena wufuku owu kukwata hela nikanti nehi.

4Hankunku yakucha, Yesu hakwimana hachikumu, ilaŋa atumbanji kwiluka nawu diyi Yesu nehi.

5Dichi Yesu hakuyihula nindi, Anyikenu, mukweti inshi? Hiyakumwakula nawu, Nehi.

6Yena hakuyila nindi, #Luk 5:4-6Lalumwinenu kaleŋi kumbavu yawatu yakuchidiilu, mukujiwana. Dichi hiyakulalumuna. Akaŋanya nikukakoka nawanshi kuvula.

7Dichi #13:23kambanji owu akeŋeluwu kudi Yesu hakumwila Petulu nindi, Diyi Mwanta. Shimona Petulu chanatiyiyi nawu diyi Mwanta, hakudikumbakesha chikowelu chindi, muloŋa wadiŋi nzekesi, hakudumbila mwijiya.

8Ilaŋa atumbanji amakwawu hiyakwinza mukawatu kanyanya nakukoka kaleŋi kanshi; muloŋa hiyadiŋi kwakulehi nachikumuku, adiŋi neyi kwiji nkulakaji (100) yayintampu yanyendu.

9Chanakandukuwu kumpata, hiyakumona kwenoku kesi kamakala, anashuhu inshi, nimankendi.

10Yesu hakuyila nindi, Letenuhu anshi imunakwati.

11Dichi #1:42Shimona Petulu hakuyaku, hakukokela kaleŋi hachikumu, kato-o nanshi jamaneni, nkulakaji namakumi atanu nanshi jisatu (153); hela jadiŋi jajivulu chochochu, kaleŋi kutabuka nehi.

12Yesu hakuyila nindi, Inzenu mudawuli. Atumbanji ejima adiŋi nawoma wakumwihula nawu, Yeyinyi? muloŋa elukili nawu diyi Mwanta.

13Yesu hakwinza, hakunona mankendi, hakuyinka ninshi kumu.

14Didu ipampa damuchisatu dadimwekesheliyi Yesu kudi atumbanji, kufumisha hasaŋukiliyi mudi afu.

Yesu hakumukunjika Petulu kumudimu

15Chanadawuluwu, Yesu hakumwihula Shimona Petulu nindi, Eyi Shimona mwana kaYowanu, wankeŋa chakubadikawa? Yena hakumwakula nindi, Eŋa Mwanta, eyi weluka chinakukunda. Yena hakumwila nindi, #Yil 20:28; 1 Pet 5:2Diishaŋa twanami twanyikoku.

16Hakumwihula cheŋi kamuchiyedi nindi, Eyi Shimona mwana kaYowanu, wankeŋa? Hakumwakula nindi, Eŋa Mwanta, eyi weluka chinakukunda. Hakumwila nindi, Biŋaŋa anyikoku jami.

17Hakumwihula kamuchisatu nindi, Eyi Shimona mwana kaYowanu, wankunda? Petulu hakutiya chikela chanamwihuliyi Mwanta ipampa damuchisatu nindi, Wankunda? Hakumwila nindi, Mwanta, eyi weluka yuma yejima, eyi weluka chinakukunda. Yesu hakumwila nindi, Diishaŋa anyikoku jami.

18Chalala chalala, nukukuleja nami, chiwadiŋi kansi wadivwikilaŋa eyi aweni, wadiŋi nakuya kwonsu kuwunakeŋi kwoku. Ilaŋa chiwamba kekala kashinakaji, wamba kolola makaseyi, amba kakuvwika kudi wacheŋi, amba kakutwala kuwakabula kukeŋa.

19Chahosheliyi mwenomu, walondeli kushimuna nachu #2 Pet 1:14kufwa kwamba kalemeshayi nachu Nzambi. Chanamanishiyi kuhosha mwenimu, hakumwila nindi, #Mat 8:22; 16:24Nlondelaŋa.

20Petulu hakushetumuka, hakumona kambanji ákeŋeluwu kudi Yesu, wudi nakulondela; yowu wákundameneni hebwambu dindi hadiiluwu chawija, wéhwili nindi, Mwanta, wúkukufukeja hinyi?

21Dichi Petulu chanamumoniyi, hakumwihula Yesu nindi, Mwanta, indi yeniwu niyena wukwiladi?

22Yesu hakumwila nindi, Neyi nakeŋi nami yena akashaluhu #1 Kor 11:26; Yak 5:7; Chim 22:20nichinakenza, hinsaŋu yeyi? Eyi kumina dakunlondelami.

23Dihu hafuma anakwawu kuhoshahosha nawu owu kambanji hamba kafwaku. Hakwila Yesu hamwilili nindi, Wakabula kufwaku; wamwilili nindi, Neyi nakeŋi nami yena akashaluhu nichinakenza, hinsaŋu yeyi?

24Diyi iwu kambanji nashimuni wunsahu wayumiyi, nasoneki yumiyi; etu tweluka netu mwanashimuniyi mwalala.

25Kudi niyuma yayivulu yikwawu yeliliyi Yesu, yenoyu nayitoŋojoki nami neyi ayisoneka yejima, mpata yamunu mwishina hiyadi kumona hakutenteka nyikanda yadi kusonekawuku.

Currently Selected:

Yowanu 21: MWW04

Highlight

Copy

Compare